Најмалку 52 пожари на отворен простор биле регистрирани во средата, 12 август, низ Македонија, најмногу од почетокот на летото. Пожарникарите изгаснале 46, додека 6 жаришта останале активни, соопшти директорот на Дирекцијата за заштита и спасување, Стојанче Ангелов.

Покрај старите жаришта, денеска избувнале и нови пожари. Најголем предизвик, според Ангелов, остануваат Студеничани и Македонски Брод.

– Вчерашниот ден беше најтежок од почетокот на новата сезона на пожари. Имавме најмалку 52 пожари на отворен простор – изјави Ангелов.

Огнот тешко се скротува во Студеничани

Особено тешка е состојбата кај Рамни Габер, во Општина Студеничани. Огнот се шири низ стрмен и тешко пристапен терен со густо жбуње и со дрвја.

Таму дејствуваат трите ер-трактори на ДЗС. На терен се и специјалните тимови на Дирекцијата и скопските пожарникари.

Пожарникарите дежурале и во текот на ноќта за огнот да не се приближи до населените места.

25 доброволци влегле во карпестиот предел

Трет ден гори и кај Драгов Дол во Општина Македонски Брод. Карпестиот и непристапен терен го отежнува гасењето, а воздушната поддршка не ги дала очекуваните резултати.

ДЗС испратила модул од 25 доброволни пожарникари и петмина оперативци. Тие стигнале до линијата на огнот и успешно дејствувале врз еден од краците.

– Останува оган уште во еден дол. Оптимист сум дека денеска и утре овој пожар ќе биде целосно изгаснат – рече Ангелов.

Кај Прилеп пожарот бил ставен под делумна контрола. Огнот зафатил штала во која имало складирано тутун.

Активни пожари биле регистрирани и кај Старо Балдовци, Маково, Муждивњак и во Лозани. Според Ангелов, пожарот кај Лозани може да прерасне во голем пожар.

„Краста“ продолжува да чади

Дополнителен проблем има во Куманово. Депонијата „Краста“ сè уште не е целосно изгасната по вчерашниот пожар.

Директорот на ЈП „Чистота и Зеленило“, Сашо Томиќ, рече дека екипите интензивно работат на терен.

– Депонијата сè уште чади, работиме интензивно. Тоа е хроничен, познат проблем – изјави Томиќ.

Претпријатието побарало дополнителна механизација од Владата, Општината и од Центарот за управување со кризи.

На депонијата работат една изнајмена машина и една машина на претпријатието. Екипите нанесуваат земја врз критичните места.

Томиќ објасни дека метанот создава нови проблеми. Додека едни места се санираат, чад се појавува на други.

– Потребни ни се градежни машини, булдожери и дополнителна механизација – рече Томиќ.

The post ВО СРЕДАТА ИМАЛО 52 ПОЖАРИ, 6 УШТЕ АКТИВНИ Најтешко е во Студеничани и во Македонски Брод appeared first on plusinfo.mk.

Директорот на Дирекцијата за заштита и спасување Стојанче Ангелов вечерва изјави дека пожарот во атарот на селото Рамни Габер во Општина Студеничани е сè уште активен и оти линијата на огнот е доста долга. Гасењето на пожарот ќе продолжи утре рано наутро.

Директорот на Центарот за управување со кризи (ЦУК) Мухамед Али и додаде дека противпожарните екипи ќе останат на терен во текот на целата ноќ со цел да го заштитат селото и околните населени места.

– За жал, пожарот ќе продолжи да гори и во текот на ноќта. Линијата на огнот е доста долга. Во текот на денот дејствуваа три ер трактори. Значително го успорија но истиот не е изгаснат. Овде на лице место дејствуваа припадници на скопската Бригада за протипожарна заштита, поддржани од тимови на Дирекцијата со четири Пинцгауери – рече Ангелов.

Акцијата на гаснење на овој пожар, како што најави тој, ќе продолжи рано наутро со пешадија, а подоцна ќе се приклучат и трите ер трактори на Дирекцијата за заштита и спасување.

До 17 часот денеска во земјава имаше 21 пожар, што е рекорд за ова лето.

Состојбата со пожарите на отворен простор денеска значително се влоши. Попладнево имавме најмалку 21 пожар на отворен простор од кои поголем дел во моментов се активни, оцени попладнево директорот на Дирекцијата за заштита и спасување (ДЗС) Стојанче Ангелов.

Тој како еден од пожарите кои се тешки за гасење го издвои пожарот на територијата на општината Македонски Брод во местото викано Видуш во близина на село Драгов.

– Утре наутро таму упатуваме модул на ДЗС составен од доброволни пожарникари кои имаат специјална обука за гасење на шумски пожари, изјави Ангелов и додаде дека со пожарот не е зафатена квалитетна шума, туку гори карпест предел со грмушки, трње и сува трева на терен кој е исклучително тежок за движење.

Тешки пожари, како што кажа, има и на територијата на општина Студеничани над село Моране, каде дејствуват три „ер трактори“ кои се уште се на терен. На местото на настанот се и скопските пожарникари со поддршка на четири тимови на ДЗС со пинцгауери.

– Активен пожар има и на територијата на општина Зелениково над село Страхојадица кеде и пред неколку години имаше тежок пожар. Тежок пожар имаме и во општина Кичево над село Манастирско Долненци што се заканува на локалниот манастир. Верувам дека локалните пожарникари ќе успеат да го спречат огнот да го зафати манаситрот. Таму утре изутрина ќе упатиме дополнително заислување – посочи Ангелов.

Нагласи дека е многу лоша и состојбата во Полошкиот Регион каде, како што рече, има информации за намерно подметнати повеќе пожари.

– Еден од пожарите се наоѓа на територијата на општина Јегуновце во атарот на село Копанце каде гори шума и ниска вегетација. Вториот е на територијата на општина Тетово во атарот на село Џепчиште каде гори ниска вегетација. Третиот е на територијата на општина Теарце во атарот на село Пршовце каде гори ниска вегетација. Четвртиот е во општина Желино, село Чифлик каде гори ниска вегетација и мешана шума – прецизира Ангелов.

Активни пожари, додаде, има и на територијата на општина Прилеп кај село Тополчани каде гори ниска и висока вегетација, на тетриторијата на општина Новаци кај село Маково, тетиоријата на општина Штип кај село Врсаково, и на тетиоријата на општина Битола кај село Драгош.

– Има и други активни пожари. Затоа апелирам до граѓаните да бидат исклучително внимателни. Температурите се високи, влажноста на воздухот е ниска со што се исполнети сите услви за појава на пожар. За жал имаме и несовесни граѓани, но и злонамерни граѓани кои во текот на денот се детектирани што значи дека повеќе пожари злонамерно се предизвикани од страна на неколу граѓани – рече Ангелов.

The post УШТЕ ГОРИ КАЈ РАМНИ ГАБЕР ВО СТУДЕНИЧАНИ, ЕКИПИТЕ ЌЕ ОСТАНАТ ЦЕЛА НОЌ Гаснењето ќе продолжи рано наутро appeared first on plusinfo.mk.