Поранешниот градоначалник на Струга Рамиз Мерко од ДУИ ја обвини својата матична партија дека врз него применува двојни стандарди бидејќи не застанала во негова одбрана за кривичните пријави како што сега ги брани ексградоначалниците на Сарај и на Кичево, Блерим Беџети и Фатмир Дехари.

„Како некој што е дел од политичкиот живот повеќе од две децении, кој има институционални одговорности и придонесе за важни изборни победи во Струга и во Изборната единица 5, директно го искусив овој двоен стандард. Во неколку изборни циклуси, токму нашата Изборна единица направи разлика во рамнотежата на мандатите. Но, во моментот кога се соочив со судски постапки, недостасуваше поддршка. Напротив, отворено се дистанциравте. Тука се појавува главниот проблем – двојниот стандард“, напиша Мерко во објава на Фејсбук.

Мерко ѝ замера на ДУИ што застанала во одбрана на високи функционери како поранешниот вицепремиер Артан Груби, кон кого, како што вели, и покрај сериозните обвинувања за корупција, реакциите на партијата биле претпазливи, воздржани, па дури и дефанзивни.

„Сериозните обвинувања за корупција се релативизираат, а се молчи за процесите поврзани со административни одлуки. Обвинувањата против мене не беа за докажана корупција или финансиски криминал, туку за административни прашања и носење одлуки како што се назначување директори или поставување симболи поврзани со албанската историја и идентитет. Сепак, тие беа третирани како проблеми, додека во пракса се дел од институционалниот секојдневен живот во земјата“, додава Мерко.

Не може, вели тој, да има политичка поддршка за едни, а молк за други.

The post МЕРКО Ѝ ЗАМЕРИ НА ДУИ ЗА ДВОЈНИТЕ АРШИНИ Партијата ги брани Беџети и Дехари, но не застанала зад него appeared first on plusinfo.mk.

Општина Струга информира дека на 16 овој месец ќе се одржи аукција за продажба на автомобилот Ауди А6 со почетна цена од 1.344.636 денари или околу 21.800 евра.

Аукцијата, како што соопшти општинската прес-служба, ќе почне во 10 часот на интернет страницата e-stvari.mk.

„Со средствата од продажбата на автомобилот ќе се набави комбе кое ќе служи за потребите на општинската администрација и спортските клубови во градот“, се вели во информацијата.

Оттаму информираат дека огласот бр. 1/2026 за продажба на подвижни предмети – патничко моторно возило, преку електронска аукција е објавен и во Службен весник.

„Ги покануваме сите заинтересирани страни да учествуваат на соодветната аукција. На аукцијата ќе бидат објавени сите информации за возилото, како и потребните упатства за аплицирање“, информира Општина Струга.

Авомобилот, Ауди А6, кој Општина Струга го купи 67.000 евра, во времето кога градоначалник беше Рамиз Мерко крена дебата во јавноста дека е набавен во време кога општината била со блокирана сметка. Против Мерко се водеше судски спор, на кој судот во Струга одлучи дека нема вина за набавката на луксузното возило.

The post „АУДИТО“ НА МЕРКО ЌЕ СЕ ПРОДАВА СО ПОЧЕТНА ЦЕНА ОД 21.800 ЕВРА Еве што ќе купи Општина Струга со парите appeared first on plusinfo.mk.

Советот на Општина Струга донесе одлука да го продаде општинското „ауди А6“ што го купи поранешниот градоначалник Рамиз Мерко. Возилото купено за 67.000 евра сега ќе се продава на јавно наддавање со почетна цена од само 10.000 евра.

– И ние како советничка група и неколку останати советници гласавме за продажба на тоа возило од проста причина што многу добро знаеме во какви околности беше купено тоа возило и во какво време, кога не беа запазени приоритетите на граѓаните. Струга имаше многу посериозни проблеми кои требаше да се решат, а не да се купува едно такво луксузно возило – изјави за Алфа, Коста Хиохи, советник од ВМРО ДПМНЕ.

Согласно важечките прописи, за возилото е пресметувана годишна амортизација од 15 отсто, при што неговата моментална проценета вредност изнесува 618.602 денари или 10.000 евра.

– Почетната цена на продажбата ќе биде еднаква на проценетата вредност, утврдена од овластен проценител. Крајната продажна цена ќе се утврди преку самата постапка на јавно електронско наддавање – велат од Општина Струга.

Аудито кое како службено возило се користело шест години, било поправано два пати, во март 2024 и во јануари 2025 за што биле потрошени 4.000 евра.

Покрај ова „ауди“ Мерко во неговиот мандат купи и три шкоди, а дали и тие ќе се продаваат, ќе се одлучува врз основа на нивната техничка состојба, економска оправданост и реалните потреби на општинската администрација.

Поранешниот градоначалник на Општина Струга Рамиз Мерко беше обвинет и гонет за злоупотреба на службената положба, затоа што набавил четири службени возила меѓу кои и аудито, во услови кога општината имала неподмирени долгови и блокирана жиро-сметка. Сепак, на почетокот на јуни 2025 година Мерко беше ослободен од вина. Судот утврди дека во процесот на јавната набавка нема докази дека сторил кривично дело и дека имал намера да ја злоупотреби својата службена положба.

The post СЕ ПРОДАВА „АУДИТО“ НА МЕРКО ПЛАТЕНО 67.000 ЕВРА Оди на наддавање со почетна цена од 10.000 евра appeared first on plusinfo.mk.

Претседателот на општинската изборна комисија Минир Жута денеска официјално му го врачи уверението на новиот градоначалник на општина Струга Менди Ќура, по што во општинската зграда се изврши примопредавање на функцијата од досегашниот градоначалник Рамиз Мерко.

Ќура на прес-конференција се заблагодари за поддршката и вети дека ќе биде градоначалник за сите граѓани на Струга, без разлика дали го дале својот глас за него и оти веднаш ќе почне со реализација на ветеното. Повтори дека од денеска почнуваат промените во општина Струга.

Тој нагласи дека веднаш потпишал предлог одлука за продажба на службениот автомобил „ауди“ и дека својот приватен автомобил ќе го користи за службени потреби.

– Денеска почнуваме од зборови на дела. Промените почнуват, мојот изборен и среќен број, 133, стои и на таблиците на мојот автомобил, кој од денеска ќе ѝ служи на Општина Струга во наредните 4 години. Исто така, донесовме важна одлука – за сите вработени кои не одат на работа со денови, месеци и со години, а некои од нив работат во странство, од денеска почнува процес на раскинување на решенијата за вработување – рече Ќура.

Како еден од најголемите приоритети го посочи патот Мороишта-Струга, потоа решавањето на проблемот со паркинг местата, комуналните проблеми…

Во врска со проблемот со депонијата во Струга, смета дека ќе се реши со отворањето на регионална депонија што се очекува да се случи во 2026 година. Ќура рече и дека во договор со Владата во наредните денови комуналното претпријатие ќе добие 8.000 канти за смет, како и возила за потребите на претпријатието.

Градоначалникот Ќура најави ревизија за работата на Општината и за сите јавни претпријатија, како и посебни комисии, кои ќе ја евидентираат фактичката состојба на терен.

The post ЌУРА ЌЕ ГО ПРОДАВА СЛУЖБЕНОТО „АУДИ А6“ ШТО ГО КУПИ МЕРКО Отказ на сите што земаат плата, а не одат на работа appeared first on plusinfo.mk.

Две години условна казна за незаконско назначување на директор во училиштето „Зини Хани“ во Велешта и парична казна од 2.500 евра за „Браќа Миладиновци“ во Струга доби струшкиот градоначалник Рамиз Мерко.

Условна казна од две години доби и првообвинетата Егзона Шеи, која ја извршувала функцијата в.д. директор во училиштето со фалсификувани исправи.

Судечкиот судија Јордан Јованов кажа дека доколку го повторат делото во рок од две години, ќе следува една година ефективна затворска казна. Обвинетата Шеи, според него, која засновала работен однос во училиштето како апсолвент, како приправник работела четири години и од условот за поставување директор со пет години стаж, таа четири години била приправник.

– Кај исправите постојат елементи на кривичното дело „употреба на исправа со невистинита содржина“. Тоа подразбира дека изјавата не е лажна, но она што е напишано во неа не е точно. Егзона која засновала работен однос како апсолвент како приправник работела четири години. Истиот месец кога дипломирала била избрана за в.д. директор, а стручен испит за наставник полагала кога го почнала третиот и последен мандат како в.д. директор, истакна судијата Јованов.

Тој појасни, дека таа се товареше дека фалисфикувала три исправи, едната е уверението за приправнички стаж во кое се тврди дека го има завршено приправничкиот испит, втората е потврдата за работно искуство со која се тврди дека има пет години работела како наставник за да може да исполни услови како директор и третата исправа е мислењето на Наставничкиот совет во кое се тврди дека ги совладала предвидените компетенции.

– Со оглед на тоа дека делата се сторени со поврзани дејствија под исти околности, одлучив на сите да им биде изречена иста санкција. Овој пат со оглед на олеснителните околности, ќе биде условна осуда, така што им се утврдува казна во траење од една година, која што нема да се изврши доколку во рок од две години по правосилноста не сторат ново кривично дело – рече Јорданов.

Незадоволни од пресудата изразија и јавниот обвинител Џемал Лога и одбраната на Мерко, Игор Петкоски, кои најавија жалба по приемот на пресудата.

– Не очекував парично, но со оглед дека за првиот предмет беше осуден условно, за вториот требаше ефективна затворска казна – изјави обвинителот Лога.

Струшкиот градоначалник Рамиз Мерко доби ослободителна пресуда за набавката на луксузниот автомобил „Ауди“ во вредност од 67.000 евра и парична казна од 10.000 евра за незаконско поставување директори во неколку основни училишта.

Против него во Судот во Струга се води постапка за незаконско поставување спомен обележје – плоча на влезот на Општинската зграда, а идниот месец треба да почне судскиот процес за склучен договор за осветлување на дел од речното корито на Црн Дрим.

Тој е на „црната листа“ на Соединетите Американски Држави (САД) поради вмешаност во корупција.

The post РАМИЗ МЕРКО КУРТУЛИ ОД ЗАТВОРСКА КАЗНА Поставувањето директорка со лажни документи ќе го чини 2.500 евра appeared first on plusinfo.mk.

Јована Мојсоска, кандидат за градоначалник на Левица за Струга, му постави неколку прашања на премиерот Христијан Мицкоски, за кого вели дека дури и на митинзи за промоција на кандидати за градоначалници не пропушта да ја оцрнува Левица за некаква коалиција со ДУИ.

Како градоначалникот од ДУИ, прочуениот Рамиз Мерко отвори приватна градинка во мандатот на владата на Христијан Мицкоски, прашува таа.

– Дали министерот Фатмир Лимани има издадено дозвола за работа на оваа градинка, или таа работи незаконски – додека оние кои се должни да вршат надзор (Министерство за социјална политика и МОН) молчат? Градоначалникот во заминување, кој не отвори ниту една градинка во Струга, кој ја затвори една од трите градинки во Струга, кој го продлабочи проблемот со листи за чекање за упис во градинки, токму во мандатот на ДПМНЕ отвора приватна градинка на неговиот контроверзен универзитет, каде се тепаа дури и просветни инспектори. Таканаречен универзитет, за кој и министерката Јаневска изјавуваше дека се констатирани неправилности, но наместо санкционирање, на овој се универзитет отвори приватна градинка, додека стружани не можат ни да си дозволат упис и во обична градинка, камоли во приватна – рече Мојсоска.

Оттука, додава таа, се поставува прашањето дали Мицкоски е во коалиција со најкримогените елементи на ДУИ во Струга?

The post КАКО МЕРКО ОТВОРИЛ ПРИВАТНА ГРАДИНКА НА УНИВЕРЗИТЕТОТ? Јована Мојсоска прашува дали добил дозвола од министерот Лимани appeared first on plusinfo.mk.

Уште еден голем раскол во Националната алијанса за интеграција во Струга. Овој пат, актуелниот градоначалник на Струга, Рамиз Мерко, отворено се изјасни за поддршка на независната листа за Советот на Струга, со што му го сврте грбот на лидерот на ДУИ, Али Ахмети.

Целосна објава:

„Цврсто ја поддржувам независната листа за Советот на Струга. Овие поединци покажаа интегритет и подготвеност да работат за доброто на нашиот град. Ги поканувам сите оние кои веруваат во слободниот глас на граѓаните да ми се придружат во поддршката. На гласачкото ливче, гласајте за бројот 120! Ова е избор за граѓаните, од граѓаните“, напиша Рамиз Мерко на социјалните мрежи.

Партијата на Ахмети оваа година одлучи да не го кандидира Мерко за нов мандат, туку кандидатурата за градоначалник да му ја препушти на коалицискиот партнер Зијадин Села.

The post МЕРКО МУ ГО СВРТЕ ГРБОТ НА АХМЕТИ Градоначалникот на Струга ја поддржа независната листа за општинскиот Совет! appeared first on plusinfo.mk.

Поради недомаќинско работење на градоначалникот Рамиз Мерко и целото раководство во Општина Струга не им стасуваат блок дотациите за основните училишта, смета министерката за образование и наука Весна Јаневска.

Прашана за коментар по вчерашната објава на Општина Струга дека ги отстапува надлежностите за основните училишта на нејзина територија на Министерството за образование и наука за учебната 2025/2026 година, Јаневска денеска на прес-конференција подвлече дека државата е во процес на децентрализација и оти постојат закони за тоа.

– Министерството не може и не треба да ги преземе ингеренциите на Општината. Ние сме длабоко во процес на децентрализација и општинските училишта се под ингеренција на Општината. Тоа што Општина Струга се жали дека блок дотациите не ѝ стасуваат, јас сум убедена дека е резултат на недомаќинско работење на градоначалникот, на Општината и на целото раководство – рече Јаневска.

Таа потсети на незаконското поставување директори во неколку училишта на територија на општина Струга, а кажа и дека има сознанија за незаконски вработувања и неодобрени паралелки.

– Таму се случуваа незаконски дејствија, незаконско поставување директори. Моите информации велат дека има незаконско вработување во одредени училишта и неодобрени паралелки. Претпоставувам дека сето е тоа во корист на политички цели, а никако во корист на образованието. Тие што ја водат општината треба да се способни со коректно работење да се справат и со проблемите, доколку не се, идат избори па ќе видиме граѓаните што ќе одлучат – рече Јаневска.

Општина Струга вчера на својот профил на Фејсбук објави дека ги отстапува надлежностите за основните училишта на нејзина територија на Министерството за образование и наука за учебната 2025/2026 година поради немање доволно средства за исполнување нормални услови за одвивање на образовниот процес во 12 основни училишта. Во објавата го известуваат Министерството дека од 1 септември 2025 година нема обврска да им испраќа блок-дотации на жиро-сметката на Општината, бидејќи, додаваат, од тој датум сите надлежности за основните училишта ќе бидат во нивни раце.

„Општина Струга, земајќи го сериозно предвид добиениот одговор од Министерството за образование и наука од почетокот на месец мај 2025 година, одлучи да ги пренесе или трансферира сите свои надлежности за основните училишта на територијата на нашата општина на Министерството за образование и наука, од следните причини:

– до крајот на годината остануваат за трошење само 985.304 денари за материјални трошоци, што е недоволно дури и за финансирање или исполнување на нормални услови за одвивање на образовниот процес во 12 основни училишта,

– поради доспеаните долгови, сите училишта ќе добијат опомени пред тужба,

– општината нема можност, согласно законот, да исплати регрес за годишен одмор и јубилејни награди за 2025 година,

– негрижата и незаинтересираноста на Министерството за 70 паралелки значи дека и наставниот и ненаставниот кадар ќе бидат оставени на милост и немилост, со ризик да бидат затворени паралелките и работниците да останат без работа“, е наведено во објавата на Општина Струга на Фејсбук.

The post НА СТРУГА НЕ Ѝ СТАСУВААТ ПАРИТЕ ЗА ШКОЛИТЕ ПОРАДИ НЕДОМАЌИНСКО РАБОТЕЊЕ Мерко остана без пари и ѝ ја префрли сметката на министерката Јаневска appeared first on plusinfo.mk.

Судиите и обвинителите избрани во Зајас и во Струмица се заштитници на криминалот на СДСМ и на ДУИ, реагираше ВМРО-ДПМНЕ преку соопштение.

„За Мерко само парична казна за незаконско поставување директори во неколку училишта, осуден е само на парична казна од 100 дневни глоби од по 100 евра или вкупно 10.000 евра. Ова доаѓа откако минатата недела истиот судија го прогласил Мерко за невин за набавката на луксузното ауди А6 од 67.000 евра и уште три други автомобили со вкупна вредност од 114.000 евра. Функционерите на СДСМ и ДУИ прекршувале законски прописи, ги урнисаа институциите но и покрај тоа влакно не им фали, и додека расипнички се однесувале кон државата и институциите енормно се обогатија врз грбот на граѓаните. САД го ставија Рамиз Мерко на американската црна листа поради значајна корупција, но и тоа не им е доволно на судиите и обвинителите клиентелисти  на Заев и Ахмети. Олицетворение на правосудниот колапс е Рамиз Мерко, чии судски предмети чудесно застаруваа или беа сторнирани. Пресудите за Рамиз Мерко се доказ за правосудниот колапс на судиите и обвинителите избрани во Зајас и Струмица. Легитимно се поставува прашањето дали постојат институции да го спречат Мерко?“, наведено е во соопштението на ВМРО-ДПМНЕ.

The post ПОСТОИ ЛИ ИНСТИТУЦИЈА КОЈА МОЖЕ ДА ГО СПРЕЧИ МЕРКО? Судиите и обвинителите избрани во Зајас и во Струмица го штитат криминалот на СДСМ и на ДУИ, обвини ВМРО-ДПМНЕ appeared first on plusinfo.mk.

Одбраната на градоначалникот на Струга Рамиз Мерко денеска во Основниот суд во Струга треба да даде завршен збор за четирите споени предмети кои се водат против него за незаконско поставување директори во основните училишта „Гоце Делчев“ во Подгорци (два предмети), „Мурат Лабуништи“ во Лабуништа и „Ашим Агуши“ во Радолишта.

Судијата Јордан Јованов, на минатото рочиште информира дека со оглед на тоа дека се работи за четири предмети споени во еден, одбраната побарала дополнително време за подготовка на завршните зборови.

На претходното рочиште заврши доказната постапка. Во исказот пред Судот, Мерко рече дека не направил ништо погрешно во однос на назначувањето директори на основните училишта, односно дека тој само потпишувал она што ќе го подготвеле службите. Но, нагласи дека доколку го прекршил законот ќе му биле одземени ингеренциите од Министерството за образование и наука, а тоа не се случило.

Тој тврдеше дека поранешниот министер за образование и наука Јетон Шакири бил запознаен со состојбата и му дал појаснување дека постојат законски услови да се постави за в.д. директор лице кое не доаѓа од редот на вработените во институцијата, доколку на конкурост никој од училиштето не поднесе кандидатура за директор и оти за тоа постоел изграден став од Министерството за информатичко општество и администрација.

Посочи дека во повеќе наврати Шакири ги предлагал луѓето кои биле назначени на функцијата, потсетувајќи оти и директорите кажале дека немале средба со градоначалникот, туку биле поставени од министерот.

Тој праша како е можно да е обвинет за наводно сторени кривични дела без да биде обвинет министер за образование во услови кога надлежностите им се определени во ист член на законот. Додавајќи дека на почетокот на учебната 2024/25 година кога министерката за образование и наука Весна Јаневска ги одзела ингеренциите за основните училишта во Драслајца и Подгорци биле назначени в.д. директори, кои не исполнуваат услови.

Нагласи и дека сите поставени директори чесно, одговорно и совесно си ја вршеле функцијата и оти од исказот на инспекторите најмногу што сторил градоначалникот било прекршок, а не кривично дело.

Против Мерко се води уште еден одвоен предмет за училиштето „Браќа Миладиновци“ во Струга.

Пред Судот во Струга против Мерко во тек се судски процеси и за други обвиненија за несовесно работење во службата.  Струшкиот суд на 9 јуни донесе ослободителна пресуда за набавката на луксузниот автомобил „Ауди“ во вредност од 67.000 евра.
Мерко е и на „црната листа“ на Соединетите Американски Држави, поради вмешаност во корупција.

The post МЕРКО ДЕНЕСКА ПОВТОРНО ВО СУДНИЦА Завршни зборови на одбраната за предметот со незаконско поставување директори во училиштата appeared first on plusinfo.mk.