View this post on Instagram

 

A post shared by The Independent (@the.independent)

Иако Силвестер Сталоне немаше ништо против грешката на Доналд Трамп, неколку корисници на социјалните медиуми остро го критикуваа американскиот претседател.

– Трамп е толку луд што не може ниту да го изговори името на Силвестер Сталоне. Го изговори презимето двапати погрешно како „Салоне – напиша едно лице на X, поранешниот Твитер.

– Трамп требаше да вежба – рече друг.

И други беа исто така разочарани.

– Тој ги претставува луѓето како да чита картички на Халмарк честитки напишани во 3 часот наутро – напишал еден.

Силвестер Сталоне, пејачите Глорија Гејнор и Џорџ Стрејт, рок-групата Кис и актерот Мајкл Крофорд се добитниците на почестите на Центарот Кенеди за 2025 година.

Американскиот претседател Доналд Трамп ги опиша како „група легенди чија работа и достигнувања инспирирале, воздигнале и обединиле милиони и милиони Американци“.

– Ова може да биде најуспешната и најславната генерација на лауреати на Центарот Кенеди што некогаш е собрана – рече Трамп.

Откако победи на претседателските избори во САД минатата година, Силвестер Сталоне го нарече „митска фигура“.

– Се наоѓаме во присуство на вистински митски лик. Ја сакам митологијата. Таа личност не постои на оваа планета. Никој на светот не можеше да го направи она што го направи тој, па затоа сум воодушевен – рече тој.

Сталоне отиде чекор понатаму и дури го нарече Трамп „втор Џорџ Вашингтон“, според  The Independent.

The post 🎥 СТАЛОНЕ СТАНА САЛОНЕ Американскиот претседател двапати погрешно го изговори името на Силвестер Сталоне на доделувањето на наградите во Центарот Кенеди appeared first on plusinfo.mk.

Новиот филм за Рамбо, кој првпат се појави пред цели 30 години, би требало да излезе во 2026 година, а ќе го режира Китао Сакураи.
Тој е безвременски акционен филм за љубителите на овој жанр, а освен што го толкуваше главниот лик, Силвестер Сталоне беше и косценарист.

Во новиот филм за Џон Рамбо, ќе го видиме актерот Ноа Сентинео, 29, како ја игра оваа улога, иако тој не бил првиот избор на Сталоне.

Ноа го доби својот прв голем пробив кога ја презеде улогата на Исус Адамс Фостер во „Фостерс“ во 2013 година.
Тој го играше Питер Кавински во сите филмови „To All The Boys“ и ја играше главната машка улога во „Sierra Burgess Is A Loser“.

Инсајдерите велат дека Силвестер е свесен за проектот и е „известен“ за изборот на Ноа.

Ѕвездата на Рамбо, 79-годишниот Сталоне ја изрази својата желба за тоа кој би сакал да ја игра улогата.

Во разговор во емисијата „The Tonight Show“ на Џими Фалон минатата година, Силвестер рече дека би му ја „предал палката“ на Рајан Гослинг.

Тој рече: „Го запознав на вечера и очигледно сме различни. Тој е убав – јас не сум. Така функционира.

Сталоне раскажал дека Гослинг му кажувал дека како дете бил фасциниран од Рамбо и одел на училиште облечен како Рамбо.

– Тој само постојано велеше дека има голема поврзаност со Рамбо, и јас си помислив дека ова е интересно. Ако некогаш ја предадам палката, ќе му ја предадам нему затоа што го сака ликот – рекол Сталоне.

The post КОЈ ЌЕ БИДЕ НОВИОТ РАМБО? Откриен е наследникот на Сталоне, но не е тој што актерот го сакал за оваа улога appeared first on plusinfo.mk.

Албанскиот „Рамбо“ Антонио Лека од градот Лежа беше уапсен од градската полциција откако неговиот брат Ник ја известил дека Антонио се вооружал. Тој го видел брат му во униформа и панцир. Подоцна, полицијата нашла цел арсенал оружја во неговиот автомобил, јаува Ора Њуз. Видеото од апсењето можете да го разгледате овде.

Полицијата го запрела Антониот на патот Милот-Лежа. При апсењето Антонио Лека не им покажал никаков отпор на полицајците, туку им рекол дека се упатува кон Лежа, за да ги убие политичарите.

– Ќе ги убијам политичарите од Лежа, и ќе им го искоренам злобното семе – рекол Лека.

Во моментов тој е во притвор, додека во наредните денови се очекува да се појави пред судот во Лежа, за да се запознае со безбедносната мерка „притвор во затвор“ што ќе ја побара обвинителството.

The post УАПСЕН АЛБАНСКИОТ „РАМБО“ 36-годишникот планирал да убие политичари во градот Лежа appeared first on plusinfo.mk.