Македонскиот ракомет остана без голем работник, затоа што ненадејно во текот на ноќта почина тренерот Александар Јовиќ.

Јовиќ почина на 51-годишна возраст, а последно работеше како тренер на македонскиот суперлигаш Пролет. Низ тренерската кариера беше асистент на Лино Червар во Металург, а самостојно го водеше и Металург 2 и Еурофарм Пелистер со кого стана шампион на Македонија.

Како играч, Јовиќ беше дел од Металург, Вардар, Пелистер, Преспа, Борец од Македонија, како и Болоња од Италија, Сплит од Хрватска, Апатин од Србија, и Слобода Тузла од БиХ.

The post ПОЧИНА АЛЕКСАНДАР ЈОВИЌ Македонскиот ракомет во шок по загубата на легендарниот играч appeared first on plusinfo.mk.

Најверојатно во тимот ќе го нема црногорскиот лев бек, Вуко Борозан, кој викендот бил нападнат од кучиња скитници и добил повеќе повреди.

Покрај Борозан има уште неколку повредени ракометари од редовите на „црвено-црните“.

– Имаме четири-пет повредени ракометари. Вчера Вуко Борозан додека ги шетал своите деца беше нападнат од улични кучиња и заврши во болница на шиење. Не знаеме дали ќе биде подготвен за настап – изјави Недановски.

The post КУЧИЊА-СКИТНИЦИ ГО ИСКАСАЛЕ РАКОМЕТАРОТ НА ВАРДАР Вуко Борозан завршил во болница на шиење appeared first on plusinfo.mk.

Францускиот ракометен репрезентативец Беноа Конку (26) кој во неделата со репрезентацијата на Франција освои златен медал на Европското првенство во Германија, еден ден потоа бил уапсен во Париз поради обид за силување во ноќен клуб.

The post ЕВРОПСКИ ШАМПИОН ОБВИНЕТ ЗА СИЛУВАЊЕ Француски ракометар завршил во затвор ден по освојувањето на златниот медал на ЕП appeared first on plusinfo.mk.

„Апелациониот суд Скопје донесе пресуда со која жалбата на обвинетиот А. Ѓ. е одбиена како неоснована, а жалбите на обвинетите А. К. и К. Л. се делумно уважени на начин што пресудата на Основниот кривичен суд се преиначува и во однос на досудениот износ на име нематеријална штета и обвинетите се задолжени, солидарно, на мајката на починатиот Денис Тот, Т. Т., да ѝ исплатат 4.000.000 денари. Идентичен износ ќе треба да му се исплати и на И. Т., татко на починатиот, а на Б. Т., брат на покојниот, досудена е исплата на име нематеријална штета во висина од 3.000.000 денари. Во согласност со пресудата, при исплатата ќе биде пресметана и законска казнена камата од денот на донесување на првостепената пресуда“, велат од скопска Апелација.

The post АНЏЕЛО И КЛЕМЕНТИНА ПО 18 ГОДИНИ, АНДРЕЈ – 16 ГОДИНИ Апелација ги потврди затворските казни на убијците на Денис Тот appeared first on plusinfo.mk.

Обвинетите треба солидарно на мајката и на таткото на Тот да им исплатат отштета по 9 милиони денари, а на неговиот брат 8 милиони денари, како и да ги платат трошоците на нивниот адвокат. Рокот за исплатата на отштетата е 6 месеци од денот на пресудата.

Судот им дозволи на обвинетите да се изјаснат за предлогот за продолжување на мерката притвор.

Обвинетиот Ѓорѓиевски рече дека никогаш не сакал да бега од полицијата, туку дека тоа го сторил оти бил изгубен од целата ситуација.

– Ако сакав да бегам, сега немаше да бидам овде. Јас самиот се пријавив во полиција откако сфатив дека мене ме бараат – рече Анџело.

И Клементина побара поблага казна, зашто како што рече, била малолетна кога се случил инцидентот и дека вчера во затворот наполнила 19 години. Нејзиниот адвокат и адвокатот на Андреј побараа за нив домашен притвор. Судот се повлече за да ги разгледа овие барања на осудените и најави дека по паузата ќе се произнесе.

Судскиот процес го води судијката Елена Илиевска Јосифови.

Во овој процес, Основното јавно обвинителство – Скопје ги гони обвинетите за кривично дело „убиство” од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Во текот на доказната постапка, обвинетите, најпрво, изјавија дека не се чувствуваат виновни.

Обвинителството потоа изведе докази кои се однесуваа на обвинителниот акт. Се изведоа материјални докази помеѓу кои беа и видео-снимката од конкретниот настан, сведоштва на очевидци на настанот како и вешти лица од областа на судската медицина и психијатријата.

Одбраната во текот на доказната постапка, преку изведените докази и изјави за медиуми, алудираше на преквалификација на делото, бидејќи, според нив, во кривичното дело „убиство” за кое се обвинети обвинетите, недостасува умислата. Тие, исто така, испрашуваа очевидци на настанот, како и вешти лица од областа на психијатријата и психологијата, а на нивен предлог сведочеа и лекарите кои го лекувале оштетениот Денис Тот по приемот на Клиниката за анестезија, реанимација и интензивно лекување.

По завршувањето на доказната постапка, обвинителката Тања Трајчевска побара осудителна, додека, одбраната и обвинетите, ослободителна пресуда.

Пресудата на првостепениот суд не е правосилна и странките имаат право на жалба во рок од 15 дена до Апелацискиот суд Скопје.

The post АНЏЕЛО И КЛЕМЕНТИНА ОСУДЕНИ НА 18 ГОДИНИ ЗАТВОР, АНДРЕЈ ЌЕ ОДЛЕЖИ 16 Обвинетите за убиството на Денис Тот ја слушнаа пресудата appeared first on plusinfo.mk.

Адвокатот посочи дека лицето кај кое постои умисла некој да биде повреден или уште помалку лишен од живот, не би се однесувал како обвинетиот Костовски.

– Андреј во моментот кога констатира дека Денис Тот не е закана кон него и неговото здравје, се повлекува и се оддалечува. Факт кој што јасно укажува дека не постои апсолутно никаква умисла ниту за нанесување на повреда, а уште помалку за ова – рече Миланов.

Според адвокатот, факт е дека ниту едно од овие дејствијата на обвинетиот Андреј ниту довело, ниту можело да доведе до клучните повреди за настанувањето на смртната последица кај сега починатиот Тот.

– Доктор Станков и другите вешти лица од судска медицина, се децидни само во еден дел дека повредата на рбетниот мозок можела да настане од удари во главата. Удари какви со интензитет за нанесување на евентуално таква повреда не постои кај обвинетиот Андреј – рече тој.

Адвокатот побара ослободителна пресуда, каква што претходно побараа и бранителите на обвинетите Анџело Ѓоргиевски и Клементина Левковкса.

Претходно, обвинителката Тања Трајчевска побара осудителна пресуда за обвинетите, бидејќи, според неа, од доказната постапка произлезе дека обвинетите го сториле кривичното дело на начин, време и место како што е опишано во обвинителниот акт и побара од судот да пресуди по нив, имајќи ги предвид сите олеснителни и отежителни околности.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post „НЕ ПОСТОИ УМИСЛА ЗА УБИСТВО“ И за третиот осомничен во случајот со Тот одбраната побара слобода appeared first on plusinfo.mk.

– Неспорно е дека истата презела дејствија против сега починатиот, но со оглед на нејзиниот физички капацитет, јасно е дека таа, без употреба на некакво опасно средство, не е во можност да го стори ова кривично дело, односно не била способна да го убие починатиот Денис Тот, дури и да го посакувала тоа – рече тој.

Според него, за да биде „исполнето битието на ова кривично дело” треба силен и убедлив доказ, кој го сторил делото, но еднакво важно и на кој начин е тоа сторено.

– Ваквиот факт е од основна важност, односно непостоењето на силен доказ дека токму обвинетата Клементина ја нанела смртоносната повреда, ја ослободува од одговорност за кривичното дело кое ѝ се става на товар – рече тој.

Адвокатот Емил Гугутчески, исто така, се приклучи кон завршните зборови и побараа од Судот пресуда со која обвинетата ќе се ослободи од обвинение.

Претходно, ослободителна пресуда за својот клиент побара и бранителот на обвинетиот Анџело Ѓоргиевски, Иле Танев.

Обвинителката Тања Трајчевска, пак, побара осудителна пресуда за обвинетите, бидејќи според неа, од доказната постапка произлегло дека обвинетите го сториле кривичното дело на начин, време и место како што е опишано во обвинителниот акт и побара од Судот да пресуди по однос на нив, имајќи ги предвид сите олеснителни и отежителни околности.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. Процесот продолжи со завршни зборови на одбраната на обвинетиот Андреј Костовски.

The post „НЕ БИЛА ВО МОЖНОСТ ДА ГО УБИЕ, ДУРИ И ДА ПОСАКУВАЛА“ Одбраната побара ослободителна пресуда и за Левковска во случајот со Тот appeared first on plusinfo.mk.

Доказите на Обвинителството се во прилог на одбраната, изјави адвокатот Иле Танев, бранител на обвинетиот Анџело Ѓоргиевски, во денешните завршни зборови за случајот со убиството на хрватскиот ракометар Денис Тот. Според него, во овој случај не постои кривично дело „убиство”.

– Дилемата која се наметнува во Судот и во јавноста, а е поврзана со кривичното дело кое се става на товар, е само правна, а не и фактичка состојба, бидејќи од доказите произлегува сосема друга фактичка состојба, која не дава можност на обвинетиот Анџело да му се суди за делото што му се става на товар – рече Танев.

Тој посочи дека сите дејствија на Ѓоргиевски биле во насока на помагање, односно, како што рече „да му се помогне на оштетениот, а не да се повреди или убие”.

– Како што произлегува од доказите, обвинетиот Анџело дејствувал противправно само десетина секунди, само откако излегол од таксито – рече Танев.

Претходно, обвинителката Тања Трајчевска побара осудителна пресуда за обвинетите, бидејќи, според неа, од доказната постапка произлегло дека обвинетите го сториле кривичното дело на начин, време и место како што е опишано во обвинителниот акт и побара од Судот да пресуди по однос на нив, имајќи ги предвид сите олеснителни и отежителни околности.

Обвинителството ги гони Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. Судењето продолжи со завршни зборови на одбраната на обвинетата Клементина Левковска.

– Барам од судот да ме казни за она што реално сум го направил, а тоа, според мене, мислам дека и според многу други, секако не е убиство со умисла – изјави обвинетиот Анџело Ѓоргиевски, во своите завршни зборови за случајот со убиството на хрватскиот ракометар, Денис Тот.

Обвинетиот Ѓoргиевски рече дека во ниеден момент не сакал да го повреди, или како било да му наштети на сега починатиот Денис Тот.

– Воедно, сакам да кажам дека изразувам искрено жалење и жалам за овој немил настан и за сето тоа што се случи, жалам и за загубениот човечки живот. Сакам уште еднаш да потенцирам дека мојата реакција беше во состојба на афект и од страв. Ниту сакав, ниту би го повредил сега починатиот Денис Тот – рече тој.

Обвинетата Клементина изјави дека останува во целост со завршните зборови на нејзините адвокати и рече дека ѝ е жал за случајот, за кој, како што рече, „во никој случај не сакав да се случи тоа”.

– Многу ми е жал и многу ми е криво за немилиот настан што се случи – рече обвинетиот Андреј Костовски кој како олеснителна околност го посочи фактот што самиот се пријавил во полициската станица за расветлување на случајот.

Ослободителна пресуда денеска побараа и бранителите на обвинетите, додека, јавната обвинителка Тања Трајчевска побара осудителна пресуда.

Процесот го води судијката Елена Илиевска Јосифовиќ. Пресудата ќе биде објавена на 30 ноември.

„НЕ ПОСТОИ УМИСЛА ЗА УБИСТВО“ И за третиот осомничен во случајот со Тот одбраната побара слобода

„НЕ БИЛА ВО МОЖНОСТ ДА ГО УБИЕ, ДУРИ И ДА ПОСАКУВАЛА“ Одбраната побара ослободителна пресуда и за Левковска во случајот со Тот

The post „ТУКА НЕМА УБИСТВО, АНЏЕЛО САКАЛ ДА ПОМОГНЕ“ Одбраната побара ослободителна пресуда во случајот со ракометарот Тот appeared first on plusinfo.mk.

Се изведуваат видео материјали на кои се гледаат случувањата пред дискотеката на кобната ноќ на 7 април во периодот од 3:25 до 3:45 часот.

Претходно, на денешното рочиште, беше сослушан сведокот Здравко Теодоров, кој кобната вечер пуштал музика како ди-џеј, а од дискотеката си заминал околу 2:30 часот.

Тој не го видел конкретниот настан и за него дознал откако објавиле медиумите, а во текот на вечерта, додека пуштал музика, сведокот рече дека не видел никакво нарушување на јавниот ред и мир, иако, како што нагласи, од местото каде што стоел имал целосен поглед на дискотеката.

Прашан дали вечерта имало обезбедување, сведокот рече дека не би можел да каже, повторувајќи дека ако немало луѓе внатре може и обезбедувањето да си замине.

На прашање од обвинетиот Анџело Ѓоргиевски за тоа колку луѓе имало во дискотеката, сведокот рече дека можеби имало помалку од вообичаено, бидејќи било работен ден.

Обвинетите за убиството на хрватскиот ракометар пред Судечкиот совет во Основниот Кривичен суд – Скопје, изјавија дека не се чувствуваат виновни за кривичното дело кое им се става на товар.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

„По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал“, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post ДИСКОТЕКАТА НЕ БЕШЕ ПРЕПОЛНА, АТМОСФЕРАТА БЕШЕ МИРНА Ди-џејот Здравко сведочеше за убиството на ракометарот Денис Тот appeared first on plusinfo.mk.

Вештото лице Александар Станков изјави дека повредите кои ги здобил сега покојниот се класифицирани како тешка телесна повреда со опасност по живот и тие се поврзани со смртниот исход.

– Како причина за смртта наведено е дека смртта настанала поради нагмечување на големиот мозок и нагмечување на ‘рбетниот мозок, меѓутоа критична повреда за настапување на смрт, врз основа на целокупната клиничка слика кај сега починатиот, е повредата на почетен дел од ‘рбетниот мозок – појасни тој.

Прашан дали постои причинско-последична врска помеѓу повредите кои ги здобил ракометарот и смртта, тој даде потврден одговор.

Вештото лице Рената Јанкова рече дека некои повреди може да се квалификуваат изолирано, па потоа да се зборува за севкупно дејство на повредите.

– Меѓутоа, ако ги разгледуваме поединечно, на пример една од повредите, да ја земеме повредата којашто довела до неконкретна скршеница на носната коска, може да биде телесна повреда, меѓутоа, ако истата таа повреда довела до потрес на мозокот во тешка форма, тогаш е тешка телесна повреда – рече таа.

Јанкова дополни дека заради севкупната слика од здобиените повреди не може да ги разгледуваат како посебна повреда секоја за себе, меѓутоа, како што рече, со севкупното дејство се квалификуваат како тешка телесна повреда со конкретна опасност по живот.

Јанкова, исто така, одговори дека постои поврзаност помеѓу здобивањето на повредите и смртниот исход.

Вештите лица беа вкрстено испрашани и од одбраната на обвинетите во однос на подробни прашања во врска со наводите од извештаите за вештачење и обдукција.

Обвинетиот Анџело Ѓоргиевски праша дали е утврдено кој удар довел до ротација на главата и повреда на рбетниот мозок.

– Не можеме да го конкретизираме тоа. Ние можеме да знаеме само тоа што ќе го видиме и да ги знаеме механизмите, тоа е во доменот на нашата струка – одговори вештото лице Јанкова, дополнувајќи дека ако можело да се утврди, вештите лица би се произнеле по тоа.

Одбраната во своите воведни зборови рече дека не смета оти правната квалификација за кривичното дело „убиство”, кое им се става на товар на обвинетите за смртта на хрватскиот ракометар, е одржлива и дека ќе докажува оти не постои умисла за истото.

Обвинителството, пак, на првото рочиште истакна дека располага со две ЦД-а од безбедносни камери од кои јасно може да се види целиот настан кој се случил критичната вечер, а пред сѐ, поединечно, дејствијата на секој од обвинетите кои ги презеле тој ден.

Обвинетите за убиството на хрватскиот ракометар пред Судечкиот совет во Основниот Кривичен суд – Скопје, изјавија дека не се чувствуваат виновни за кривичното дело кое им се става на товар.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство” од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

„По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал“, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post ИМАШЕ НАГМЕЧУВАЊЕ НА ГОЛЕМИОТ МОЗОК И НА ‘РБЕТНИОТ МОЗОК Вешти лица од Судска медицина сведочеа за убиството на Денис Тот appeared first on plusinfo.mk.