Македонската машка ракометна репрезентација ја забележа втората победа на меѓународниот турнир во Швајцарија, откако вечерва со пресврт ја совлада селекцијата на Украина со 31-26 (13-17).

Избраниците на селекторот Кирил Лазаров до триумфот стигнаа благодарение на одличната игра во второто полувреме, откако во првиот дел настапија под своето ниво. Нападот и одбраната не функционираа како што треба, што Украина го искористи и на паузата замина со предност од четири гола – 17-13.

Во второто полувреме на теренот во салата во Винтертур беше видлива сосема поинаква македонска репрезентација. Клучна улога одигра голманот Галевски, кој врза неколку значајни одбрани, по што Македонија направи серија од 6-1 и во 39. минута за првпат поведе со 19-18.

Во продолжението, македонските ракометари ја контролираа играта, постепено ја зголемуваа предноста и без поголеми проблеми го приведоа натпреварот кон крај, запишувајќи убедлива победа.

Македонија турнирот во Швајцарија го отвори со победа над Бахреин од 32-28, а во завршното коло ќе се соочи со домаќинот Швајцарија. Натпреварот е закажан за утревечер со почеток во 18 часот.

За избраниците на Лазаров, дуелот со Швајцарија ќе биде последен контролен натпревар пред настапот на Европското првенство, каде Македонија во воведното коло, на 16 јануари во Хернинг, ќе игра против актуелниот домаќин Данска.

The post ПРЕСВРТ ЗА ВТОРА ПОБЕДА Македонија ја скрши Украина во Швајцарија appeared first on plusinfo.mk.

Македонските ракометари во првото полувреме беа во константно водство кое изнесуваше највисоки четири голови разлика (7-3, 9-5), но Турција со два погодоци во завршницата замина на полувреме со „егал“ (15-15).

Поинаква слика на паркетот во салата „Борис Трајковски“ донесе второто полувреме, кое турските ракометари го отворија со серија од 3-0, одржувајќи ја предноста до 55. минута кога македонските репрезентативци, предводени од одличниот голман Мартин Томовски, првпат се врати во водство (26-25).

Со серија голови на Марко Митев, избраниците на селекторот Кирил Лазаров успеаја до крајот на натпреварот да ја сочуваат предноста, а завршниот гол од седум метри го постигна 36-годишниот Гоце Георгиевски, кому ова му беше последен настап во националниот дрес што го носеше изминатите 16 години.

Томовски на голот запиша 15 одбрани, а најефикасни во македонскиот состав беа Марко Митев и Жарко Пешевски со по пет голови.

Северна Македонија го заврши настапот во квалификациската група 1 на второто место со четири победи и два порази и заедно со првопласираната Португалија обезбеди место на завршниот турнир во Германија.

The post ОБЕЗБЕДЕН ПЛАСМАН ЗА ЕВРОПСКО ВО РАКОМЕТ Македонските ракометари триумфираа над Турција appeared first on plusinfo.mk.