Иран отвори ново поглавје во воената стратегија употребувајќи интерконтинентални ракети со значителен дострел. Земјата лансираше ракети кон американско-британско база во срцето на Индискиот Океан оддалечена 4.000 километри.

Се работи за базата „Диего Гарсија“ на мал остров во архипелагот Чагос. Според „Волстрит џурнал“, биле испукани две балистички ракети, но ниту една од ракетите не ја погодила базата.

Едната ракета откажала во текот на летот, додека другата била соборена од американски воен брод, според извори од американската администрација.

Американските институции засега не даваат официјални реакции на случувањето. Пентагон не одговорил на медиумските прашања, додека Белата куќа и британската амбасада во Вашингтон засега се без коментар.

Островот во архипелагот Чагос е формално британска територија. „Диего Гарсија“ претставува клучна точка за американската воена инфраструктура, со присуство на нуклеарни подморници, стратешки бомбардери и разорувачи.

Локацијата овозможува контрола врз огромен дел од Индискиот Океан и поширокиот регион.

Базата е дел од поширок геополитички договор меѓу Обединетото Кралство и САД, насочен кон операции поврзани со Иран. Во 2025 година, Лондон потпиша договор со Маврициус, со кој Индија го враќа суверенитетот над архипелагот, но задржува закуп за базата за следните 99 години.

Историјата на островите останува контроверзна и чувствителна. Во доцните 60-ти и раните 70-ти години, околу две илјади жители биле присилно протерани за да се изгради воената инфраструктура.

Иранските напади врз воените бази што ги користат САД на Блискиот Исток предизвикаа штета од околу 800 милиони долари (600 милиони фунти) во првите две недели од војната, покажува нова анализа. Голем дел од штетата е предизвикана во првичните одмазднички напади од страна на Иран во неделата откако САД и Израел ја започнаа војната.

Проценката е од извештај на Центарот за стратешки и меѓународни студии (CSIS) и анализа на Би-Би-Си. Целосниот обем на штетата не е познат.

The post ИРАН ДОФРЛИ ДО БАЗА СРЕДЕ ИНДИСКИОТ ОКЕАН За првпат испука интерконтинентални ракети, Пентагон молчи? appeared first on plusinfo.mk.

Според „Тајмс“, САД може да и дозволат на Украина да ги користи британските и француските ракети со долг дострел за да гаѓаат цели во Русија, а Лондон и Париз на тоа веќе се согласија.

Одлуката, додава магазинот, конкретно се однесува на францускиот еквивалент на АТАКМС, ракетите „Скалп“,  како и на ракетите „Сторм Шадоу“, од британско-француско производство.

Рускиот претседател Владимир Путин претходно вчера изјави дека директното учество на западните земји во конфликтот во Украина ќе ја промени неговата суштина и додаде дека Русија ќе биде принудена да носи одлуки врз основа на така создадените закани.

-Ова ќе значи дека НАТО, САД и европските земји се во војна со Русија. И ако тоа се случи, тогаш, земајќи ја предвид променетата природа на конфликтот, ќе донесеме соодветни одлуки врз основа на заканите што ќе се создадат, рече Путин, пренесен од руските медиуми.

Путин истакна дека земјите од НАТО не само што разговараат за можноста украинската армија да користи ракети со различен дострел, туку и за директно учество во војната.

– Само воениот персонал на НАТО може да ги контролира летовите на овие ракетни системи. Тоа е можно само со помош на сателитски разузнавачки информации, кои Украина ги нема. Поентата е да се донесе одлука дали земјите од НАТО треба да бидат директно вклучени во конфликтот или не – рече Путин.

Тој додаде дека Западот веќе учествува во напади на руска територија со помош на беспилотни летала и други средства што ги користи Украина, но „кога станува збор за употреба на високопрецизно оружје со долг дострел од западно производство, тоа е сосема друга приказна“.

The post ИГРАТА НА НЕРВИ ПРОДОЛЖУВА Дали САД ќе дозволат Украина да користи ракети од долг дострел? appeared first on plusinfo.mk.