Руското Министерство за одбрана соопшти дека неговите сили извеле напад со високопрецизно оружје со голем дострел врз објект во предградие на Киев, каде што, според Москва, се одржувала демонстрација на беспилотни летала користени за напади врз цивилни цели во Русија, пренесува ТАСС.

Според руското соопштение, во објектот биле изложени напредни модели на беспилотни летала од украинско и странско производство, кои, како што тврди Москва, се користеле за изведување напади врз руска територија.

Од руското Министерство за одбрана наведуваат дека во моментот на нападот во објектот биле присутни водечки експерти и производители на беспилотни летала, претставници на Командата на Силите за беспилотни системи на украинската армија, како и припадници на украинските специјални служби.

Russian savages flee the wreckage of their failed war of genocidal expansion.
pic.twitter.com/PFbLGWnAlW

— Jay in Kyiv (@JayinKyiv) July 24, 2026

Руските тврдења засега не се независно потврдени.

Од украинска страна, властите соопштија дека Русија извела ракетен напад врз полигон во Киевската област додека таму се одржувал настан, без да откријат дополнителни детали.

Според украинските информации, во нападот загинале најмалку 10 лица, а околу 100 се повредени.

Основачот на украинската компанија за производство на дронови „Ферст контакт“, Валериј Боровик, за украинските медиуми изјави дека ракета погодила учебен полигон на кој се одржувала изложба на одбранбената индустрија.

BREAKING NEWS

Ministry of Defense Statement on the Strike on the UAV Exhibition Near Kiev.

On July 24, 2026, the Russian Armed Forces launched a strike using long-range precision weapons against a facility in the Kiev suburbs where a demonstration of UAVs was being… pic.twitter.com/zcYUxfbJKM

— Aleksey The Great (@aleksthgrt) July 24, 2026

Гувернерот на Киевската област, Руслан Олијник, исто така изјави дека, според првичните информации, балистичка ракета погодила приватен полигон каде што во тој момент се одржувал настан.

Украинскиот Совет на одбранбената индустрија соопшти дека нападот бил извршен во момент кога на полигонот биле собрани претставници на украинскиот воено-индустриски сектор, нагласувајќи дека Советот не бил организатор на настанот.

A rescue operation is currently underway in the Kyiv region following a Russian missile strike. As of now, dozens of people have been reported injured. It has also been confirmed that, tragically, sіх people were killed. My condolences to their families and loved ones. Efforts to… pic.twitter.com/ZUjsTQl4yw

— Volodymyr Zelenskyy / Володимир Зеленський (@ZelenskyyUa) July 24, 2026

Украинскиот претседател Володимир Зеленски не објави детали за нападнатиот објект, но изјави дека надлежните служби утврдуваат што точно се случило.

„Во Киевската област е во тек спасувачка операција по рускиот ракетен напад“, напиша Зеленски на социјалната мрежа Телеграм.

The post 📽️ 📷 РАКЕТЕН НАПАД ВО БЛИЗИНА НА КИЕВ Москва тврди дека уништила изложба на дронови, Киев зборува за цивилни жртви appeared first on plusinfo.mk.

Иранската Исламска револуционерна гарда (ИРГЦ) соопшти дека нејзините воздухопловно-вселенски сили извеле ракетен напад врз, како што тврди, централна инфраструктура за податоци на американската компанија „Амазон“ во Бахреин, како и врз американски системи за противвоздушна одбрана и радарски инсталации.

Според соопштението на ИРГЦ, во нападот биле употребени повеќе крстосувачки ракети, а цел биле објекти во областите Мухарак и Рифа, пренесува „Еуроњуз“.

Засега нема официјална потврда за нападот. Властите на Бахреин, Соединетите Американски Држави и компанијата „Амазон“ сè уште не се изјасниле за тврдењата на Техеран.

Иран претходно предупреди дека ќе ги гаѓа објектите и инфраструктурата во земјите од регионот што ги користат американските сили доколку продолжат американските напади врз ирански цели. Од друга страна, американскиот претседател Доналд Трамп порача дека Иран ќе плати „многукратно повисока цена“ поради неодамнешната смрт на тројца американски војници во Јордан и Ирак.

ИРГЦ наведува дека нападот бил изведен како одговор на, како што го нарекува, „американскиот воен напад врз цивилни објекти во изградба во Дарховин“.

Во меѓувреме, постојаната мисија на Иран при меѓународните организации во Виена ги повика Меѓународната агенција за атомска енергија (МААЕ) и Советот за безбедност на Обединетите нации да го осудат американскиот напад врз нуклеарната централа Дарховин, која сè уште е во изградба. МААЕ соопшти дека ги разгледува извештаите за инцидентот, но дека засега нема независна процена за настанот.

The post ИРАН ТВРДИ ДЕКА УНИШТИЛ ДАТА-ЦЕНТАР НА „АМАЗОН“ ВО БАХРЕИН Гаѓани и американски радарски и противвоздушни системи appeared first on plusinfo.mk.

Британската Поморска трговска операција (UKMTO) соопшти дека танкер кој пловел низ Ормускиот Теснец бил погоден од неидентификуван проектил. Според првичните информации, бродот претрпел структурни оштетувања. Нема извештаи за загинати, повредени или загадување на морето.

Порталот „Аксиос“, повикувајќи се на американски претставници, објави дека Иран синоќа испалил најмалку две ракети кон комерцијални бродови. Наводно, двата брода биле оштетени, но без човечки жртви.

Информацијата засега не е официјално потврдена од Техеран.

Инцидентот доаѓа само неколку дена откако пропаднаа разговорите меѓу САД и Иран и новите закани од Вашингтон. Само ден претходно Доналд Трамп порача дека Вашингтон или ќе постигне договор со Иран или, како што рече, „ќе ја заврши работата“.

Според Ројтерс, еден од погодените бродови можеби е катарскиот танкер за течен природен гас „Ал-Рекајат“. Извор близок до истрагата тврди дека проектилот ја погодил левата страна на пловилото, по што избувнал пожар во машинската просторија.

Екипажот е безбеден, но поради густиот чад сè уште не е утврден целосниот обем на штетата.

„Катар претходно го обвини Иран дека целел еден од неговите носачи на метан додека транзитирал покрај брегот на Оман“, пишува француски Ле Фигаро.

Во исто време, американски медиуми објавија дека иранската Револуционерна гарда преку радио предупредувала бродови дека нејзините ракети и дронови се подготвени за дејствување.

The post ТРЕТ ИНЦИДЕНТ ВО ОРМУЗ ПО НЕУСПЕШНОТО ПРИМИРЈЕ Танкер е оштетен, зад операцијата стои Иран? appeared first on plusinfo.mk.

Нов сериозен безбедносен инцидент го потресе стратешки важниот Ормуски Теснец, откако неидентификуван проектил погоди комерцијален танкер за време на неговата редовна пловидба. Нападот денеска официјално го потврди Агенцијата за поморски трговски операции на Обединетото Кралство (UKMTO).

Според официјалното соопштение на британската агенција, нападнатиот брод претрпел материјални оштетувања на командниот мост. За среќа, сите членови на екипажот поминале без повреди и во моментов се наоѓаат на безбедно. Од UKMTO додаваат дека по ударот не е забележано загадување на морето, а во тек е истрага за откривање на сторителите.

Овој последен поморски инцидент доаѓа во моменти на сериозна воена ескалација во регионот, која се разгоре само неколку часа претходно. Во текот на изминатата ноќ, САД изведоа обемни воздушни напади врз јужниот брег на Иран, таргетирајќи ги тамошните воени позиции.

Пентагон официјално потврди дека во американската операција биле погодени ирански ракетни и радарски системи, како и бази за беспилотни летала. Вашингтон овој потег го образложи како директен одговор на претходниот ирански напад со дрон врз контејнерскиот брод „Ever Lovely“, кој плови под сингапурско знаме.

Официјален Техеран не чекаше долго за да возврати на американските воздушни удари. Иранското Министерство за надворешни работи соопшти дека нивната војска покренала „одбранбени напади“ врз воени цели кои се директно поврзани со американските сили во регионот. Притоа, Иран го обвини Вашингтон за грубо кршење на Повелбата на ОН и на неодамна постигнатиот Меморандум за разбирање од Исламабад, со кој Техеран претходно се обврза на траен прекин на воените операции во ова подрачје.

Дополнително, воената криза се префрли и на копно, откако утрово се огласи и Кралството Бахреин. Властите во Манама упатија најостра осуда до Техеран, откако неколку ирански дронови во раните утрински часови го повредија бахреинскиот воздушен простор и нападнаа објекти на нивна територија.

Бахреин порача дека Иран со ваквите потези директно ги поткопува тешко постигнатите мировни напори и веќе официјално побара итна интервенција од Советот за безбедност на ОН за да се запре натамошното ширење на воениот судир во Персискиот Залив.

The post НОВ НАПАД ВРЗ ТРГОВСКИ БРОД ВО ОРМУСКИОТ ТЕСНЕЦ Иран и САД разменуваат оган, примирјето пропаѓа appeared first on plusinfo.mk.

Четири лица загинаа во руски напад со дрон врз претпријатие од прехранбената индустрија во Киевската област, соопшти локалната администрација.

Началникот на регионалната администрација, Микола Калашњук, изјави дека нападот предизвикал пожар во административна зграда во фабричкиот круг на претпријатието, при што дел од објектот бил уништен.

Во текот на ноќта една жена загина во руски воздушен напад во областа Запорожје во југоисточна Украина. Началникот на регионалната воена администрација Иван Федоров на Телеграм објави дека уште 11 лица се ранети во рускиот напад во регионот, во кој се користеле крстосувачки ракети и периодично се огласувала воздушна тревога во текот на вечерта.

Претходно во текот на вчерашниот ден, во руски напад врз градот Јампил во Сумската област, во близина на границата со Русија, загинаа две лица, соопшти началникот на Сумската регионална воена администрација, Олег Григоров на Телеграм.

Светските агенции нагласуваат дека информациите не можат независно да бидат потврдени.

The post РУСКИТЕ ДРОНОВИ И РАКЕТИ СЕАТ СМРТ НИЗ УКРАИНА 4 мртви во Киев, еден во Запорожје, двајца во Јампил appeared first on plusinfo.mk.

Украинскиот претседател Володимир Зеленски изјави дека Русија за време на ноќешниот масовен напад врз Киев употребила хиперсонична балистичка ракета „орешник“, во еден од најинтензивните напади во последните месеци.

Според украинските власти, во нападот загинале најмалку четири лица, а околу 50 се повредени во Киев и околните области. Ракети и дронови оштетиле станбени згради, училишта и објекти во близина на државни институции.

Зеленски тврди дека ракетата „орешник“, која може да носи и нуклеарни и конвенционални боеви глави, го погодила градот Била Церква во регионот Киев, иако засега нема целосна потврда за точните цели на нападот.

– Ова е третпат ова оружје да се користи во текот на војната – порача Зеленски, предупредувајќи дека станува збор за исклучително моќен систем кој лета со брзина многу поголема од брзината на звукот и е тешко пресретлив.

Од друга страна, руското Министерство за одбрана соопшти дека биле употребени „орешник“ и други ракети за напади врз украински „објекти за воена команда и контрола“, воздухопловни бази и воено-индустриски капацитети, без да прецизира локации.

Нападите доаѓаат по претходни тензии и меѓусебни обвинувања меѓу Москва и Киев, откако Русија ја обвини Украина за смртоносен напад врз студентски дом во Старобилск, во кој загинаа 18 лица.

Украинската страна, пак, тврди дека во истиот регион погодила руска воена единица.

Воздухопловните сили на Украина соопштија дека само во текот на ноќта биле детектирани околу 90 ракети и 600 дронови, што го прави еден од најмасовните воздушни напади досега.

Украинските власти предупредуваат дека ризикот од нови напади останува висок, додека воените активности на терен продолжуваат со засилено темпо.

The post 📽️ ЗЕЛЕНСКИ ТВРДИ ДЕКА ПУТИН УДРИ СО „ОРЕШНИК“ Киев под масовен оган, има мртви и десетици повредени appeared first on plusinfo.mk.

„Тајмс од Израел“ објави дека Иран, непосредно пред почетокот на еврејскиот празник Пасха, го започнал својот најголем ракетен напад врз Израел од почетокот на актуелниот конфликт на Блискиот Исток.

Според весникот, околу десет балистички ракети биле истрелани кон централниот дел на Израел. Поголемиот број биле пресретнати од системите за воздушна одбрана, додека дел од проектилите паднале во ненаселени области.

По нападот, израелските воздухопловни сили соопштија дека започнале „бран опсежни напади“ врз иранската престолнина Техеран.

Во соопштението се наведува дека цел на нападите била инфраструктура поврзана со иранската влада во „срцето“ на главниот град.

Ескалацијата доаѓа во период на зголемени тензии во регионот, додека меѓународната заедница повикува на воздржаност и избегнување на поширок конфликт.

The post ИРАН СО НАЈГОЛЕМ РАКЕТЕН НАПАД Израел возврати со удари врз Техеран appeared first on plusinfo.mk.

Системите за воздушна одбрана на Обединети Арапски Емирати денеска пресретнаа 13 балистички ракети и 27 дронови лансирани од Иран, соопштија властите.

Од почетокот на ескалацијата на тензиите на Блискиот Исток, воените сили на ОАЕ успеале да неутрализираат вкупно 327 балистички ракети, 15 крстосувачки ракети и дури 1.699 беспилотни летала.

Во нападите загинале двајца војници додека биле на должност, како и шест странски државјани – од Пакистан, Непал, Бангладеш и Палестина. Повредени се вкупно 158 лица, дел од нив со тешки повреди.

Меѓу повредените има државјани од повеќе земји, меѓу кои Египет, Судан, Етиопија, Филипини, Индија, Шри Ланка, Турција, Ирак, Јордан, Шведска и други.

Од Министерството за одбрана на ОАЕ порачаа дека државата останува целосно подготвена да одговори на секоја закана и дека ќе се спротивстави на обидите за нарушување на националната безбедност и стабилност.

The post ОАЕ ПРЕСРЕТНАА ДЕСЕТИЦИ ПРОЕКТИЛИ И ДРОНОВИ Иран лансираше нов бран ракети appeared first on plusinfo.mk.

Пет ракети денеска го погодија реонот околу меѓународниот аеродром во Багдад. Одговорноста за нападот ја презеде проиранската Ирачка бригада на Хезболах, која објави видео снимка од дрон за нападот, јави Ал Џезира.

Една ракета го погодил објектот за воздушна навигација во цивилниот дел на аеродромот, а четири ракети паднале врз Центарот за дипломатска поддршка во Багдад, што го користи Амбасадата на САД во Ирак.

По нападот американската амбасада им препорача на американските државјани во Ирак да ја напуштат земјата.

Од почетокот на американско-израелските напади врз Иран, во Ирак често мета се објекти поврзани со САД, вклучително и аеродромот во Багдад.

Групата Исламски отпор во Иран, изминатите недели речиси секојдневно објавуваше соопштенија во кои презема одговорност за десетици напади, без да наведе точни локации.

The post РАКЕТИРАН АЕРОДРОМОТ ВО БАГДАД Одговорноста за нападот ја презеде проиранска милитантна група appeared first on plusinfo.mk.

Американскиот претседател Доналд Трамп негира дека Израел ги вовлекол САД во војна со Иран.

– Водевме преговори со овие луди и мое мислење беше дека (Иранците) први ќе нападнат – тврди Трамп како одговор на прашања од новинарите во Овалната соба.

Брифинзите на Пентагон во неделата наводно му кажале на Конгресот дека САД немаат разузнавачки информации дека Иран планира превентивен напад врз САД.

– Тие ќе нападнеа, ако ние не го сторевме тоа, тие први ќе нападнеа. Имав силен став во тоа – вели Трамп за Иран.

– Значи, ако ништо друго, можеби го принудив Израел да се вмеша – додава тој.

На прашањето кое би било неговото најлошо сценарио во Иран, американскиот претседател рече: „Претпоставувам ако дојде некој толку лош“.

Трамп ги даде коментарите додека одговараше на прашања од медиумите, седејќи до германскиот канцелар Фридрих Мерц во Белата куќа, кој е во посета.

The post ЛУДИТЕ САКАА ДА НÈ НАПАДАТ ПРВИ Трамп тврди дека Иран е „уништен“ appeared first on plusinfo.mk.