Новак Ѓоковиќ се пласираше во полуфиналето на Мастерсот во Мајами, откако во четвртфиналето го совлада Американецот Себастијан Корда со 6:3, 7:6. Во следната фаза ќе се соочи со бугарскиот тенисер Григор Димитров, но покрај неговата победа, јавноста беше особено заинтересирана за нешто друго – неговите необични сини ракавици.

За време на натпреварот, камерите го уловија српскиот ас како ги носи ракавиците и ги трие по вратот и лицето. Оваа сцена предизвика бројни прашања меѓу љубителите на тенисот – дали станува збор за нова тајна технологија или пак за некаков психолошки трик на Ѓоковиќ?

Всушност, ракавиците биле полни со мраз, а нивната цел била да го оладат телото за што пократко време. Легендарната тенисерка Мартина Навратилова, која го коментираше мечот за Скај Спортс, остана воодушевена од методот на Новак.

– Го видовме ова пред неколку години – може да ја намали телесната температура за 30 секунди. Го лади крвотокот и дава дополнителна енергија. Не знам зошто повеќе тенисери не го користат ова. Новак секогаш е чекор пред сите кога станува збор за технологијата. Ова е магија и турнирите треба да овозможат вакви алатки за сите играчи – изјави Навратилова.

Овој потег уште еднаш ја покажа посветеноста на Ѓоковиќ кон деталите и неговата способност да користи иновации за подобрување на играта.

The post 📽️ МИСТЕРИОЗНИТЕ РАКАВИЦИ НА НОЛЕ Тајната зад иновативниот трик што го фасцинираше светот на тенисот appeared first on plusinfo.mk.

– Употребените заштитни маски особено претставуваат потенцијален извор на зараза и согласно епидемиолошките препораки, овој тип на отпад треба да биде одложен уредно спакуван во двојни кеси – велат од комуналното претпријатие.

ЈП „Комунална хигиена“ го третира отпадот од заштитна опрема како комунален отпад и граѓаните слободно смеат да го одлагаат во садовите поставени на јавни површини, без разлика дали станува збор за надземни и подземни контејнери, канти или корпи за отпадоци.

– Но, до жителите на градот Скопје апелираме употребените заштитни маски да ги одлагаат правилно и совесно и тие да бидат соодветно спакувани, со цел да се заштити здравјето на вработените во Претпријатието коишто секојдневно доаѓаат во контакт со овој потенцијално контаминиран отпад и воедно да се намали ризикот од ширење на вирусот ковид-19 – изјави директорот на ЈП „Комунална хигиена“, Абдусамед Шабани.S

The post Скопје преплавен со фрлени маски и ракавици кои се извор на зараза! Не ги фрлајте неспакувани во најлон! appeared first on plusinfo.mk.

Нивна констатација е дека на одредени места каде има приватни здравствени установи се фрла медицински отпад каде вработените директно се изложени на ризик.

Тој апелира таквиот отпад да се фрла онаму каде му е место, а не надвор од тоа.

– Голем проблем имаме и со градежниот шут и со кабастиот отпад. Во годините наназад имавме неколку акции за собирање кабаст отпад и во иднина ќе правиме такви акции, но има неколку олеснувања за граѓаните, односно на нашата веб страница можат точно да се информираат за што се работи – рече Шабани

The post Ќе се постават корпи за фрлање маски и ракавици appeared first on plusinfo.mk.

– Научниците од лабораториите со кои соработуваме, пронашле маски и ракавици на брегот на седум реки при земање примероци во јуни годинава. Тоа загрижува поради натамошниот тек, оти можеме да заклучиме дека други веќе стигнале и во морето – рече Хентингер за радио Франс интер.

Меѓу загадените реки се Темза, Елба, Рајна, Сена, Ебро, Рона, Тибар, Гарона, Лоара и други.

Според стручњаците, маските бргу се разложуваат. Но, во научна експедиција спроведена лани, востановено е присуство на микропластика во огромен дел од водите низ Европа.

– Тоа е она што долго време не се разградува ни во морето – смета капетанот на пловечката научна мисија, Мартин Ерто.

The post Еколозите предупредуваат: Европските реки се полнат со заштитни маски и ракавици appeared first on plusinfo.mk.

The post Мицкоски со истите ракавици се поздравуваше и си јадеше леб ВИДЕО appeared first on plusinfo.mk.

– Оваа опрема ќе ја користат комуналните служби на Општина Карпош, кои секојдневно дезинфицираат згради, улици, јавни површини и урбана опрема. Општината тековно доделува опрема на сите вработени, но секоја поддршка е значајна и добредојдена. Локалната самоуправа ја истакнува својата благодарност до оваа општествено одговорна компанија која во ваков значаен период ја поддржа работата на Карпош за намалување на последиците од коронавирусот – велат од Општината и ги повикаа сите граѓани да носат заштитни маски и да се придржуваат до препораките од надлежните институции.

The post Маски, ракавици и заштитни очила за комуналците во Карпош appeared first on plusinfo.mk.

За таа цел, земајќи ја во предвид вонредната состојба со цел превенција од ширење на корона вирусот, Македонското здружение за заштита при работа (МЗЗПР) и нејзините членки, следбено на остварената комуникација и потврда за потребата на лична заштитна опрема, на Инспекцискиот совет донира лична заштитна опрема во висина од 183.600 денари која се состои од:

– 1.700 маски за повеќекратна употреба изработени од материјал кој се употребува во здравство, испитан по стандард MKC F.C2.401;

– 1.700 ракавици плетени од полиамед обложени со полиуретан

Филиповска-Грашкоска, за време на примопредавањето на заштитната опрема, ја истакна важноста од оваа донација која директно придонесува за подобрување на БЗР стандардите во институцијата.

– Вложуваме огромни напори, но првенствено сакаме преку личен пример да покажеме дека законите важат за сите, а заштитата на здравјето на луѓето секогаш е наш врвен приоритет. Инспекциските служби се секојдневно на терен и се најдиректно изложени на ризикот поврзан со коронавирусот. Како институција и како влада правиме сѐ што е во наша моќ за да го заштитиме нивното здравје. Би сакала да искажам голема благодарност до МЗЗПР кои ја препознаа оваа наша потреба и со донацијата директно придонесуваат во реализацијата на заложбата на Советот – посочи Филиповска-Грашкоска.

Претседателот на МЗЗПР, Милан Петковски ја истакна важноста на превентивната улога на БЗР и изрази уверување дека ваквиот потег ќе претставува дополнителен поттик за сите општествено одговорни организации со цел дополнителна поддршка и заштита на сите работници во земјата.

– Предавањето на донацијата е уште една потврда дека Македонското здружение за заштита при работа се залага да ги оствари своите цели, односно активно делува на полето на безбедноста и здравјето при работа. Очекувам дека оваа симболична, но важна донација која значи зачувување на здравјето на луѓето и потенцијално спасување на човечки животи, ќе биде поттик и мотивација за други здруженија, поединци и општествено одговорни компании кои на сличен начин ќе дадат поддршка на оние кои катадневно се наоѓаат на првите линии, непосредно изложувајќи се на ризикот од Ковид-19. Наша заедничка обврска е да направиме сè и да ги заштитиме на нивните работни места – истакна Петковски.

The post Инспекторите добија маски и ракавици од Здружението за заштита при работа appeared first on plusinfo.mk.

Тој додаде дека доколку не внимаваме кога ги носиме ракавиците или со нив манипулираме околу прекривката или маската за устата и носот, тогаш можат да го пренесат вирусот.

– Апсолутно е битно прашањето за ракавиците. Доколку не се манипулира околу устата и носот и со маската, и ако често се мијат рацете во траење од 20-тина секунди, апсолутно ракавици не се неопходни. Бидејќи и ракавиците доколку невнимателно се носат – може да се пренесе вирусот. Само маската, односно заштитна опрема за лицето и носот останува како неопходна –  рече  Филипче.

The post Ракавици не мора да се носат, ама рацете да се мијат барем 20 секунди и лицето да не се допира, порача Филипче appeared first on plusinfo.mk.

Конкретно, Австрија испраќа заштитни ракавици и гел за дезинфекција во Северна Македонија, Босна и Херцеговина, Црна Гора и Молдавија, додека Србија ќе добие ќебиња, душеци и шатори за бегалците кои се наоѓаат на нејзина територија.

– Вирусот не познава граници и соработката е единствениот начин да го спречиме. Благодарен сум им на Словачка и Австрија за нивните гестови на европска солидарност, изјави еврокомесарот за хуманитарна помош, Јанез Ленарчич.

Европската комисија потсетува дека оваа асистенција за земјите од регионот е дел од општата помош на ЕУ за западниот Балкан, тука е вклучена и финансиска помош.

Земјите членки на ЕУ продолжуваат исто така да ја координираат взаемната помош преку Европската комисија. Словачка испраќа маски и гел за дезинфекција во Италија, а Австрија истите предмети во Хрватска.

Италија, како најпогодена земја од коронавирусот, до сега добила бројни понуди за помош преку Механизмот за цивилна поддршка, вклучително и цели тимови на лекари и медицински сестри.

The post Ракавици и гел за дезинфекција за Македонија и регионот стасува од Австрија appeared first on plusinfo.mk.

– На Клиниката за инфективни болести и фебрилни состојби почина пациент од Скопје на возраст од 66 години и во ГОБ „8 септември“ пациент од Штип на возраст од 83 години, и двајцата со претходни коморбидитети, соопшти МЗ.

Потврдените 37 нови случаи на Ковид-19 се од Скопје 8, Куманово 9, Прилеп 5, Тетово 3, Велес 3, Охрид 8 и Кочани 1.

Вкупната бројка на дијагностицирани пациенти со Ковид-19 во нашата земја изнесува 1207 и тоа во Скопје 409, во Куманово 329, пациенти, Дебар 51, Штип 32, Прилеп 117, во Тетово 55, Струга 55, Велес 58, во Битола 17, Охрид 15, Кавадарци 4, Гостивар 12, Гевгелија 4, Струмица 2, во Крива Паланка 4, Радовиш 4, Крушево 3, Кочани 27, Пробиштип 2, Кичево 2, Неготино 2, Демир Хисар 1 и Македонски Брод 2.

Досега во земјата се направени вкупно  11.870 тестирања на Ковид -19.

Владата со нови мерки, од среда задолжително носење заштитни маски и ракавици за граѓаните во Куманово, Тетово и Прилеп

Почнувајќи од среда (22 април), Владата воведе мерка за забрана за движење на населението на подрачјата на општините Куманово, Тетово и Прилеп, без носење на соодветна заштитна опрема – маска, шал, марама, надвор од своите домови, на сите јавни места и површини од отворен и затворен тип, како и затворени простории, маркети, продавници или слично.

Првпат од почетокот на ширењето на коронавирусот во Северна Македонија се воведува мерка за задолжително носење заштитна опрема.

Таа е дел од повеќето одлуки, мерки и препораки од 44-та седница на Владата, кои се однесуваат на Куманово, Тетово и Прилеп, а кои произлегоа од 30. состанок на Главниот координативен кризен штаб за обезбедување целосна координација во врска со спречување на внесување и ширење на коронавирус КОВИД-19.

За оваа цел, Владата го задолжи Министерството за здравство да подготви и за наредната владина седница да достави уредба со законска сила во која правно ќе го нормира ова прашање, начинот на имплементирање, користење, потребната заштитна опрема, како и да се уреди прашањето на минимум задолжителната количина (резерва) што производителите на маски треба да ја имаат за потребите на државните институции.

-Во уредбата да се предвиди дека обврската за носење на заштитна опрема ќе се применува на територијата на Република Северна Македонија, но по извесен период, стои во соопштението.

Министерство за здравство, доби задожение и дел од донациите на заштитна опрема кои земјата ги има добиено до овој момент, да бидат дадени на здравствените установи во општините Куманово, Прилеп и Тетово.

Владата, воедно, го задолжи Аднан Џаферовски, директор на Дирекцијата за заштита и спасување, со уште двајца членови од Главниот координативен кризен штаб да биде во комуникација со Oпштинскиот штаб за заштита и спасување во Куманово, поради потребата од негово консолидирање и тековно следење на состојбите и работата на сите надлежни институции на дневна основа во ова подрачје, со цел одржување на функционална и ефективна работа на овој штаб.

Од седницата произлезе и задолжувањето за сите органи на државната управа, јавните претпријатија основани од државата, акционерските друштва во државна сопственост, агенции, фондови, бироа, заводи, управи и сите останати државни институции кои имаат свои седишта или подрачни единици на подрачјето на Општина Куманово, како и укажувањето на Општина Куманово и јавните претпријатија и другите правни лица основани од Општина Куманово, да ги редуцираат своите капацитети и да воведат посебни мерки за заштита, со цел поголем број на лица да бидат изолирани во овој период.

Исклучок од оваа мерка, се посочува, се вработените лица од МВР, Министерството за одбрана – Армијата на Република Северна Македонија, од јавните здравствени установи, како и вработените во територијалните противпожарни единици на подрачјето на Општина Куманово.

Со цел спречување на ширењето на коронавирусот, Владата одлучи да им препорача на сите граѓани во земјата, а особено на оние што живеат на подрачјата на општините Куманово, Прилеп и Тетово, согласно одлуките, мерките и препораките на Владата, да го редуцираат излегувањето од своите домови, и тоа само од најнеопходни причини, заради одење на работа, како и излегување од својот дом на само еден член од семејството заради купување намирници и лекови од маркетите и аптеките.

Министерството за здравство е задолжено да определи едно лице како точка за комуникација и координација на дневна основа со сите здравствени установи во Општина Куманово.

Задолжение доби и МВР, во соработка со општинските штабови за заштита и спасување, најдоцна до утре да подготви посебен оперативен план за присуство и дејствување на припадниците на полицијата во подрачјата на општините Куманово, Прилеп и Тетово, преку користење на засилени патроли и засилено присуство, користење на мегафонска опрема од полициските возила на јавните места и површини, со цел контрола над почитувањето на одлуките, мерките и препораките донесени од Владата.

Од утре се забранува влез и излез во и од Тетово и околни општини 

Од вторник се забранува организиран превоз на патници односно забрана за влез и излез во и од подрачјето на Општина Тетово и сите околни општини.

Исклучок од оваа забрана, како што соопшти Владата, е организираниот превоз што го вршат економските оператори за своите вработени лица до работните места, како и организираниот превоз на вработените лица во МВР, МО-Армијата, како и вработените во територијалната противпожарна единица во овие општини.

Согласно ова, Владата донесе Одлука за дополнување на Одлуката за забрана и посебен режим на движење на територија на Република Северна Македонија.

Министерството за одбрана доби задолжение да определи едно лице кое ќе биде на дневна основа во комуникација со Oпштинскиот штаб за заштита и спасување во Куманово, со цел одржување на функционална и ефективна работа на овој штаб.

The post Последен ден од велигденскиот полициски час, од среда задолжителни маска или шал и ракавици во Куманово, Тетово и Прилеп appeared first on plusinfo.mk.