– Радмила Шекеринска ја најави оставката и во разговор со мене сподели дека нема намера да се кандидира за заменик претседател за трет мандат. Заедно со Радмила во 2013 година, јас како претседател, а таа како заменик претседател, презедовме да го водиме СДСМ во едно извонредно тешко време. Јас ја почитувам. Покрај сите други и ѓраѓаните, таа е една од најзаслужните за нашето членство во НАТО, за кандидатскиот статус со ЕУ, за добиената одлука за почеток на преговори со ЕУ, и за многу процеси во државата важни за граѓаните. Знам дека ќе продолжиме понатаму да соработуваме, таа е мој другар или другарка без разлика каде ќе се најде во иднина во СДСМ или во општеството. Во општеството сигурно, секако заради целото нејзино искуство и верувам дека на многу заеднички проекти или предизвици ќе соработуваме во периодот кој што претсои – рече Заев на новинарско прашање по пуштањето во употреба на Фотоволтаична централа во селото Теново во Општина Брвеница.

За информациите дека Шекеринска ја одбила позицијата на амбасадор на земјава во Вашингтон и дека се дистанцирала од лидерот на партијата, Заев вели дека тоа е прашање за неа, а за него таа е и останува близок соработник.

– Таа е мојот прв соработник како заменик претседател во СДСМ. Во првата Влада која што ја водев 2 години и 6,5 месеци беше заменик претседател на Владата и министер за одбрана, сега е министер за одбрана и навистина е еден од првите мои соработници. За амбасадор немаме разговарано, реално. Некои долгото држење празно место во Вашингтон го поврзуваат со оваа работа, но немаме разговарано заради тоа што таа е министер за одбрана и не е ред, ниту е чест и би било невнимателно да се разговара за едни такви позиции. Мислењето на Радмила за Зоран Заев може да го каже Радмила и немам сомневање какво мислење со мене ќе сподели заради тоа што работиме секој ден за мал милион предизвици. Дефинитивно имаме уште многу што заедно да работиме во животот – вели премиерот Заев.

Прашан како тоа ќе влијае во партијата, Заев појасни дека со Шекеринска и со огромен процент од раководството се договриле да го обноват раководството на СДСМ.

– Тоа му го должиме на нашиот народ и на социјалдемократите, да дадеме шанси на нови луѓе, на нови ликови. Знаете дека и како кандидат за претседал на 21 март главната порака беше нова политика. Таа политика треба и кадровски и со конкретни чекори да ја покажеме. Луѓето сакаат во 21 век во третата деценија новини, инвентивности кои што ќе го забрзаат растот и развојот на државата, ќе донесат со подинамично темпо повеќе среќа, повеќе економски благодети кај нашиот народ, Тоа е наш заеднички концепт, ние до денденеска работиме и ќе продлжиме да работиме без разлика кој во иднина како ќе биде поставен на своите обврски и одговорност, истакна Заев.

Тој отфрли секаква поврзаност на случајот „Рашковски“ со Шекеринска и посочи дека една од главните заложба на Владата е законот да важи еднакво за сите, потенцирајќи дека „нема недопирливи, како што нема ни виновни додека не се докаже тоа“.

– Апсолутно во овие неколку години ја свртивме областа во делот на владеење на правото целосно во позитивна насока. Покажавме како на транспарентен начин, без какво било влијание, можат да работат и Обвинителството и судството. Дали е тоа преку постапките на Јавното обвинителство или преку судските рочишта секојдневно. Водиме транспарентни постапки кои секојдневно дефинитвно се најголемиот коректив за одговорноста при работењето и апсолутно не гледам никакви точки на поврзаност на случајот „Рашковски“ со тоа што Радмила нема да биде повторно кандидат за заменик претседател на СДСМ – истакна премиерот и лидер на СДСМ Зоран Заев.

The post Заев потврди: Шекеринска нема да биде заменик-претседател на СДСМ, но ќе соработуваме и во иднина appeared first on plusinfo.mk.

Одговарајќи на новинарско прашање што работат работните групи на Македонија и Бугарија предводени од министрите за надворешни работи на двете земји и што содржи евентуалниот патоказ кон Договорот за добрососедство, кој се споменува, Шекеринска рече дека на тоа „одговор можат да кажат одговорните“.

– Тоа не е задача на целата Влада и не би сакала во еден чувствителен момент, за чувствително прашање, кој било од нас да импровизира – рече министерката.

Додаде дека она што е јасно, се пораките кои пристигнуваат од сите главни градови.

– Она што е јасно денеска е дека пораките коишто доаѓаат од сите главни градови, од сите држави коишто му посакуваат добро на Балканот, Германија и САД. Денеска со писмото на поранешниот наш амбасадор, а високо позициониран во Стејт департментот, Филип Рикер е дека од нас и од Бугарија се очекува да се стават точка на недовербата и непријателството и да инвестираат во политика која нема да биде фокусирана на минатото туку политика којашто ќе обезбеди европски вредности сега и денес. Не само во Европската унија, туку и на Балканот којшто сака да стане нејзин член – нагласи Шекеринска

The post Шекеринска: Од нас и од Бугарија се очекува да се стави точка на недовербата и непријателството appeared first on plusinfo.mk.

Филмови се правени за да нема притвори, вели Заев и објаснува дека паѓаат предметите „Tалир 2″, „Поштенска банка,”  „на Али Ахмети попис” и „еден куп други предмети” на Специјалното јавно обвинутелство. “Но, тој е ризикот“ –  вели Заев.

Во разговорот Заев вели дека “позадинската игра” била правена со знаење на “Оливер, Радмила, Катица”, кои биле информирани за сė. „Она знае што треба да прави“, вели Заев, а оваа реплика најверојатно се однесува на Катица Јанева.

Во “бомбата” се зборува и за тоа како новите решенија ќе поминат во парламентот, при што Заев вели дека пратениците се “врзани”.

Во бомбата може да се слушне како Заев страхува од дека од критиките на граѓанските организации дека нема да ја испорача ветената правда.

Дел од медиумите потсетуваат дека на почетокот на оваа година излегоа аудио материјали, во кои Заев тврдеше дека со претседателот на Врховниот суд, Јово Вангеловски, заедно договарале паѓање на судски случаи. “Цела јавност знаеше дека власта стои зад Врховен суд. Врховен суд тоа сам не мооже да брка. Им реков почекајте, ќе видите одлука на врховен суд, оп се случи одлуката на Врховен суд. Законот за СЈО што го преговаравме, до касно го преговаравме. Ако се издоговориме тоа многу брзо ќе му се стави крај, трас-трас готово. Ако не се издоговориме ќе се заврши на одложен рок, но ќе се заврши. Одлуката на Врховен суд е донесена”, вели во таа “бомба” Заев.

Од најновиот разговор станува многу појасно кој го менаџира процесот на донесување на одлуките на Врховниот суд и на парламентот, со кои „бомбите на Заев” добија рок на траење до 30 јули 2017 година, како и тоа кои се вистинските мотиви и позадинските игри за новите решенија. Во јавноста владееше широко распространето мислење дека “деактивирањето” на “бомбите на Заев” и паѓањето на голем дел од предметите на СЈО е дело на “мафијата” поврзана со поранешната власт. Во оваа најнова “бомба” самиот Заев зборува како се случило тоа и кој сė е инволвиран во “трас-трас” разврската на овие предмети.

The post Заев во нова „бомба”: За позадинската игра за паѓање на предметите на СЈО знаеја Оливер, Радмила и Катица! appeared first on plusinfo.mk.

– Со што тоа на оваа средба било тема за разговор помеѓу Радмила Шекеринска, Катица Јанева и Бојан Јовановски. Па јасно се слуша како Радмила Шекеринска им вели „Јас мислам дека…“? Што е тоа што споделува Радмила Шекеринска  и на Јанева и на Јовановски им вели „Јас мислам дека…“. Тоа е одговорот што го должи Радмила Шекеринска. Што бара вториот функционер на СДСМ заедно со Катица Јанева во домот на сопственик на ТВ? Што бара министер за одбрана со двајцата осудени како извршители на најголемиот рекетарски, државно спонзориран криминал.

Радмила Шекеринска мора да одговори зошто постојано со месеци ги негираше посетите на домот на Боки 13 и ваквите средби како оваа за која што е пуштена видео снимка на која што седи заедно со специјалниот јавен обвинител и сопственик на ТВ и со нив договара и споделува, размисли?

Ова се сериозни прашања, за кои што Радмила Шекеринска мора да одговори, особено што случајот „Рекет“ во јавноста сеуште има дилеми и остана неразрешен до крај.

Ниту се земени предвид кажувањата на сега осудените, ниту се вештачени снимките од безбедносните камери, ниту се вештачени телефоните, ниту е земено во предвид дека парите рекетирани во оваа држава, барајте ги кај Зоран и Вице Заеви.

Што тоа кријат Радмила Шекеринска, Зоран Заев и нивните марионети во обвинителството Јовески и Русковска? Ова видео е само уште едно во низата докази за спрегата на СДСМ, власта и рекетарското злосторничко здружение – рече Стоилковски.

Почитувани, ова е директен доказ за трас-трас Луј Витон правосудство во Република Македонија раководено од СДСМ и Зоран Заев. Македонија повеќе не може да издржи компромиси со криминалот. СДСМ и Зоран Заев покажаа дека можат само повеќе криминал, повеќе Рекет, повеќе корупција, повеќе порази и повеќе понижувања! Да ставиме крај на виткањето кичма! Исправи се Македонијо, Одбери Обнова!

The post Стоилковски: Што договарала Шекеринска со Јанева и Јовановски? appeared first on plusinfo.mk.