Во последните години, радиотерапијата направи огромен чекор во развојот благодарение на најсовремените технологии, и тоа конкретно со подобрување на прецизноста и квалитетот, како и со намалување на несаканите ефекти од неа.

Овој напредок овозможи персонализиран пристап со значително подобрени резултати, што, пак, позитивно влијае врз квалитетот на живот на онколошките пациенти, објаснува д-р Даниела Попоска, специјалист по онкологија и радиотерапија.

Дел од таа приказна на радиотерапијата за следната декада е Varian TrueBeam- акцелераторот, уред што со исклучителна прецизност насочува зраци кон туморската лезија.

За разлика од традиционалната радиотерапија, TrueBeam-тeхнологијата овозможува далеку побрз, во однос на должина на вкупен третман, побезбеден и поефикасен третман, со назнака дека високата прецизност целосно го поштедува здравото ткиво околу туморот од непотребно зрачење. Еден од најважните методи што ги овозможува TrueBeam е стереотаксата.

ШТО Е СТЕРЕОТАКСА?

Тоа е напредна форма на зрачење каде што се даваат високи дози во мал број третмани (обично 1 до 5 сеанси). За разлика од класичната терапија што може да трае и до 6 недели, SBRT овозможува значително пократко време на лекување со најмалку еднаков или подобар терапевтски ефект.

КАКВИ ВИДОВИ СТЕРЕОТАКСА ПОСТОЈАТ?

Стереотактичните методи се делат главно на два типа:

– SRS (Stereotactic Radiosurgery) – e насочено зрачење најчесто во мозокот, кое дејствува како „операција без нож“. Тоа се изведува во една сеанса; – SRT (Stereotactic Radiotherapy) – e насочено зрачење во мозокот, кое се изведува во повеќе од една сеанса, најчесто до 5; – SBRT (Stereotactic Body Radiotherapy) – примена на истиот принцип, но за тумори во други органи на телото (бели дробови, црн дроб, простата и др.).

Двата пристапа се засноваат врз една идеја – да се уништи туморот со максимална точност и со минимално оштетување на околните органи.

КОИ СЕ ЦЕЛИТЕ И ПРИДОБИВКИТЕ НА СТЕРЕОТАКСАТА?

Главната цел на стереотаксата е прецизно уништување на туморот со минимални несакани ефекти. Благодарение на технологијата, зраците се насочуваат до милиметар, а апаратот ја користи својата функција за динамично приспособување на движењата на телото и дишењето. ПРИДОБИВКИ ЗА ПАЦИЕНТОТ Терапијата со TrueBeam и стереотактичните техники носи бројни придобивки за пациентите:

• пократко времетраење на терапијата – наместо класична радиотерапија од 5-6 недели, SBRT може да се заврши за 1-5 третмани;
• безболна и неинвазивна постапка – нема хируршка интервенција, нема сечење и нема потреба од престој во болница;
• прецизност и заштита на здравото ткиво – зраците се насочуваат само кон туморот, со што се минимизира оштетувањето на околните органи;
• побрзо закрепнување – по секоја сесија, пациентот може веднаш да си оди дома и најчесто да продолжи со секојдневните активности;
• помалку несакани ефекти – најчесто се јавува само лесен замор или мало црвенило на кожата, но сериозни компликации се ретки;
• подобрен квалитет на живот – пациентот не е врзан за долги болнички третмани и има повеќе време и енергија за секојдневните активности;
• поголема шанса за излекување или контрола на болеста – бидејќи високите дози на зрачење дејствуваат директно и силно врз туморот;
• доколку има потреба, по индикацијата таа може да се повторува во истиот орган, без да влијае врз когнитивните способности и квалитетот на живот на пациентот.

КАКО СЕ ОДВИВА ТЕРАПИЈАТА?

Терапијата со TrueBeam и SBRT/SRT се одвива во неколку чекори:

1. Подготовка (симулација) – Пациентот најпрво прави детални снимки (КT, МРИ или ПЕТ) кои се дијагностички, а за точно да се утврди позицијата на туморот пред радиотерапијата и прецизно да се спроведе, дополнително се прави и КТ-симулација;
2. Се користат специјални маски или перничиња за да се обезбеди неподвижност за време на зрачењето;
3. Планирање – Тим од радиотерапевти и медицински физичари со помош на компјутерски програми го креираат планот за зрачење – колку дози да се дадат (радиотерапевт) и од кој агол ќе дојдат зраците (медицински физичар);
4. Третман – пациентот лежи удобно на масата, а машината се движи околу него и испраќа зраци со прецизност до милиметар;
5. Третманот трае околу 15-30 минути и е целосно безболен;
6. По третманот – пациентот веднаш си оди дома. Во следните денови лекарите го следат со редовни контроли, а вообичаено несаканите ефекти се минимални (лесен замор, црвенило или чувствителност на кожата).

TrueBeam-акцелераторот и стереотактичните техники (SRS и SBRT) претставуваат вистинска револуција во зрачната терапија и воопшто во онколошкото лекување. Пациентите добиваат пократок, безболен и поудобен третман, додека лекарите добиваат алатка со која можат да лекуваат дури и најкомплексни тумори со најкомплексни локации. Со SBRT или SRT, радиотерапијата станува не само ефикасна во борбата со карциномот, туку и многу похумана – овозможува пациентите да ги зачуваат својата сила, достоинство и квалитет на живот.

The post СТЕРЕОТАКСА – СОВРЕМЕНА МЕТОДА ЗА ТРЕТМАН НА ТУМОРИ TrueBeam технологијата овозможува високопрецизен, побрз и поефикасен третман appeared first on plusinfo.mk.

На Универзитетската клиника за радиотерапија и онкологија (УКРО) во текот на денот е пристигната биолошката терапија по новата јавна набавка, потврдуваат за МИА од оваа јавна здравствена установа.

– Пациентите благовремено ќе бидат известени од страна на персоналот на УК за радиотерапија и онкологија за кога да дојдат за апликација на терапијата и/или за подигање на таблетарната терапија – појаснуваат од клиниката.

Додаваат дека во текот на денот и сукцесивно во текот на наредната недела ќе се дистрибуираат сите лекови.

Од клиниката одговорија потврдно на нашето прашање дали веќе ги имаат сите лекови што недостасуваа.

The post ПРИСТИГНА БИОЛОШКАТА ТЕРАПИЈА НА ОНКОЛОГИЈА Пациентите ќе бидат информирани кога да дојдат да примат appeared first on plusinfo.mk.

За таа цел е изготвен план за упатување на пациентите до надминување на дефектот, на кој се работи интензивно со цел континуитет во работата и највисока можна здравствена заштита за пациенти.

Службата за ИМП е веќе информирана за времено насочување на итните пациенти, согласно планот:

Во ГОБ 8 Септември:

– од 08.00 до 14.00 часот
– од 20:00-до 02:00 часот

Во Универзитетска Клиника за хируршки болести „Св.Наум Охридски”:

– од 14:00 до 20.00 часот
-од 02:00 до 08.00 часот

Од почеток на следната недела и поликлиниката Јане Сандански при Здравствен дом Скопје, како и останатите јавноздравствени институции кои располагаат со оваа апаратура ќе бидат вклучени во планот за итна КТ дијагностика.

На Институтот за радиологија, непречено фунционирааат уште два КТ апарати за веќе закажните онколошки и други амбулантски прегледи, без одложувања, а радиолошкиот лекарски кадар е подготвен во секое време да се вклучи во интерпретација на итните КТ наоди, кои ќе бидат снимани во другите институции.

Институтот за радиологија во соработка со Министерството за здравство, вложува максимални напори за што побрзо ставање во функција на оваа апаратура, со целосна посветеност кон непрекинато обезбедување квалитетна здравствена заштита.

The post НЕПРИЈАТНА СИТУАЦИЈА ЗА ПАЦИЕНТИТЕ Компјутерски томографи во Скопје се расипаа, итните случаи ќе се пренасочуваат appeared first on plusinfo.mk.

Одделот за интервентна радиологија, кој ги изведува сите процедури, е составен од високообучени експерти од областа на радиологијата, со акцент на интервентната радиологија и е целосно посветен на третманот на пациентите. Тимот е предводен од доц. д-р Александар Ѓорески, интервентен радиолог кој воедно е пионер во изведувањето на голем број интервентни радиолошки процедури во нашата земја.

– Горди сме што можеме да кажеме дека денес во „Аџибадем Систина“ функционира еден единствен и сеопфатен центар за интервентна радиологија каде што се изведуваат буквално сите интервентни процедури, од биопсии и портови, преку дренажни процедури, аблации, езофагеални и билијарни стентирања, аблација на тироидеа, емболизации, хемоемболизации, периферни стентирања на артерии и вени, ТИПС, порто- мезентеријални интервенции, па сѐ до невроинтервенции, како што се: ендоваскуларен третман на мозочни аневризми, артериовенски малформации/фистули, тромбектомија, третман на спинални фистули и сл. Пациентите на едно место имаат можност да добијат буквално сѐ, од брза и прецизна дијагностика па сѐ до квалитетен третман – вели доц. д-р Ѓорески.

КРИОАБЛАЦИЈА – УНИШТУВАЊЕ НА ТУМОРОТ БЕЗ ОПЕРАЦИЈА

Една од поновите аблативни процедури што со висок квалитет се изведува во болницата е криоаблацијата. Тоа е метод при кој се уништуваат туморските клетки по пат на смрзнување на ткивото. Се внесува тенка игла во туморот под компјутерска томографија, МРИ, под ултразвук или флуороскопија, а потоа иглите се поврзуваат на специјален апарат и продуцираат екстремно ниски температури директно во туморското ткиво од -20 до -40 и така настанува изумирање на туморските клетки, а околното ткиво останува здраво.

– Преку неколку циклуси на замрзнување и топење на мразот, туморските клетки изумираат и тоа нам ни овозможува по минимално-инвазивен пат да таргетираме тумори и на комплексни локализации во телото како што се: бубрезите, белите дробови, црниот дроб, коските, меките ткива, па во одредени случаи и на панкреасот. Во одредени случаи криоаблацијата се користи и во третман на бенигни заболувања, како што се: периферни артерио-венски малформации и хемангиоми, дезмоидни тумори и ендометриоза. Навистина сме единствени со криоаблација во државата, па и во регионот, бидејќи ова е модалитет што не е достапен ниту во Албанија, Косово, Србија, Бугарија. Горд сум на нашиот оддел и на тимот за интервентна радиологија, кој е сочинет од доктори, технолози, медицински сестри, болничари, кои за многу краток временски период ја совладаа и оваа техника и денес таа е рутинска процедура за нас – вели д-р Ѓорески.

НЕВРОИНТЕРВЕНТНА РАДИОЛОГИЈА

Во Центарот за интервентна радиологија успешно се изведуваат и невроинтервентни процедури со кои се постигнува минимално инвазивен или ендоваскуларен третман на абнормалности на крвните садови на мозокот, кои можат да предизвикаат хеморагичен или акутен исхемичен мозочен удар.

– „Аџибадем Систина“ единствена во државата ги исполнува сите услови за да биде сеопфатен центар за третман на акутен исхемичен мозочен удар. Располагаме со брза и најсофистицирана опрема за дијагностика 24 часа секој ден во неделата, искусен медицински кадар за третман кој вклучува интравенска тромболиза, механичка тромбектомија и интензивна нега. Сето ова во една просторна единица и мултидисциплинарен тим невролози, неврорадиолози, радиолози, анестезиолози, неврохирурзи, кардиолози итн. Соодветните кадровски, материјални и организациски услови овозможуваат најбрз проток од почетокот на симптомите до крајниот третман кој според светските стандарди не треба да е повеќе од еден час или од пристигнување во ургентен центар до третман, некогаш дури и 30 минути – вели д-р Ѓорески.

Во болницата се изведуваат сите типови минимално инвазивен третман на мозочни аневризми, артериовенски малформации и фистули, стенози и тромбози на мозочни и вратни артерии и венски синуси, како и спинални интервенции, емболизации на тумори и крвавења на глава и врат. Она што е особено важно да се напомене дека и третманот на хеморагичните мозочни удари кои се предизвикани од васкуларни абнормалности се изведува во првите 24 часа во кои е вклучен искусен тим од неврохирурзи и интензивисти.

РАДИОФРЕКВЕНТНА АБЛАЦИЈА НА ЈАЗЛИ ВО ТИРОИДНА ЖЛЕЗДА – НОВИНА ВО „АЏИБАДЕМ СИСТИНА“

Микробрановата или радиофреквентна аблација е новина во третманот на јазли на тироидната жлезда во светски рамки, а од неодамна Клиничката болница „Аџибадем Систина“ е пионер во изведувањето. За изведување на радиофреквентна аблација на нодуси во тироидната жлезда, мора да постојат строго поставени индикации, а тоа е, пред сѐ, биопсијата што е негативна за малигнитет, потоа големината на јазолот и неговата поставеност, дискомфорот.

Аблацијата на тироидни нодуси е погодна и за пациенти што се со зголемен ризик од компликации при хируршка интервенција, како што се постари лица или лица со посериозни коморбидитети. Таа е погодна за пациенти што сакаат да избегнат операција, а со тоа да избегнат и целосна анестезија и болничко лекување. Оваа постапка е помалку инвазивна, овозможува побрзо закрепнување и има низок ризик од компликации. Конечната одлука за тоа дали да се примени аблацијата како метода ја носи мултидисциплинарен тим од специјалист тироидолог, интервентен радиолог и хирург специјалист по градна хирургија.

The post 📷 РЕГИОНАЛЕН ВОДЕЧКИ ЦЕНТАР ЗА ИНТЕРВЕНТНА РАДИОЛОГИЈА Во „Аџибадем Систина“ се вршат најсовремени интервенции на онколошки пациенти appeared first on plusinfo.mk.

Претседателот на Владата, Христијан Мицкоски, и министерот за здравство, Арбен Таравари, присуствуваа на промоција на новиот апарат за магнетна резонанца во поликлиниката „Идадија“. Тие изразија задоволство за апаратот кој е врвен, тврди Таравари, бидејќи користи нејонизирачко зрачење за дијагностика и е подобар од другите методи во радиодијагнистиката.

– Со новиот апарат ќе се намали редот за снимање… Да не претерувам, но најверојатно Македонија е земја во која најмалку се чека за магнетна резонанца – изјави Таравари.

Министерот за здравство рече дека владата ќе продолжи со инвестиции за нова апаратура.

Таравари говореше и за системот со кој се воведува централизација на читање резултати во радиологијата.

– Идејата е до крајот на годината да почнеме со централизација на цела радиологија. Со овој систем радиолозите ќе можат од секаде да го прочитаат резултатот, а ова ќе го поврземе со „Мој термин“ – изјави министерот за здравство.

Премиерот Мицкоски изрази задоволство за испораката на клиниката во првите 100 дена од Владата, земајќи ја предвид катастрофалната ситуција во која била.

– Само долгот во здравствениот сектор беше повеќе од 5 милијарди денари, ќе се намали за 2 милијарди денари, а во следната фискална година се очекува да стигне до нула – нагласи шефот на Владата.

Тој додаде дека веќе нема да има дуализам во здравството, а законот за здравствена заштита ќе наложи јасна одговорност во здравствените установи и во клиниките.

Премиерот ги потенцираше и придобивките од проширувањето на позитивната листа на лекови, како и акцијата за вработување специјализанти во здравствениот сектор.

– Ќе ве потсетам и на акцијата за вработување 600 специјализанти, 300 оваа година, а 300 следната година, за оние што ќе покажат интерес – додаде Мицкоски, објаснувајќи ги успесите во првите 100 дена од формирањето на Владата.

The post МАКЕДОНИЈА Е ЗЕМЈА ВО КОЈА НАЈМАЛКУ СЕ ЧЕКА ЗА МАГНЕТНА РЕЗОНАНЦА Секој радиолог ќе може да ги прочита снимките од секаде appeared first on plusinfo.mk.

– Реновирани се неколку простори, порано паметам дека клиниката беше во катастрофална ситуација. Просториите веќе изгледаат достоинствено – изјави Таравари.

Министерот напомена дека реовирањето е овозможено со инвестиции од 6 милиони денари, од кои 1,7 милиони се од Кина, а и дека ќе има други такви инвестиции во иднина.

Директорката на Универзитетски институт за радиологија, д-р Соња Николова, зборуваше за реорганизацијата во рамките на Институтот и за проблемите со кадарот.

– Моравме да направиме реорганизација, имаме проблем со кадар, има одлив во приватните институции, а некои од лекарите одат во пензија. Но, се работат втори смени и се работи за време на викендите за да се намали чекањето наоди. Имаме уште малку работа за да застанеме на здрави нозе. Но, ова е системски проблем генериран со години. Тука сме за пациентите. Но, не е само да добијат резултати, туку тие треба да бидат и точни, мора да бидат соодветни – изјави Николова.

The post 📽 РАБОТИМЕ ДВЕ СМЕНИ И ЗА ВИКЕНДИ ЗА ДА НЕ ЧЕКААТ ПАЦИЕНТИТЕ Радиологија со реновирани простории appeared first on plusinfo.mk.

Во соопштение до јавноста од ВМРО-ДПМНЕ прашуваат за каков проблем се работи и дали ќе се повтори хаваријата со хируршките сали:

„Во ова известување Институт за радиологија наведува дека не е во можност да ги прима пациентите за преглед, освен животно загрозувачките состојби и за таа цел пациентите да ги упатуваат во другите ЈЗУ во градот.

Прашуваме:

1. За каков технички проблем станува збор?

2. Зошто нема информација за јавноста за тоа што се случува на оваа врвна терциерна здравствена установа која во најголем дел го носи теретот за дијагностика која е клучна за натамошен третман?

3. Можело ли да биде спречен овој „технички проблем” и како се одржува системот во оваа установа?

Одродената влада во заминување е рекордер по паѓање на системи, таков беше случајот со паднатиот систем во ФЗОМ кога под знак прашање беа доведени со закон загарантираните права кои произлегуваат од Законот за здравствена заштита и Закон за здравствено осигурување, како и хаваријата со хируршките сали кога за првпат се случува во историјата на македонското здравство заради основно неодржување и негрижа за инфраструктурата на постојнте клиники во рамки на кампусот клиники Мајка Тереза“, велат од Комисијата за здравство на ВМРО-ДПМНЕ.

The post КАКОВ „ТЕХНИЧКИ ПРОБЛЕМ“ ИМА РАДИОЛОГИЈА? Се спрема хаварија како на хирургија, обвинува ВМРО-ДПМНЕ appeared first on plusinfo.mk.

– Заедно со директорите на Радиологија, ќе ги заостриме критериуми, работиме во оваа насока како и во сите други насоки. Тоа што ви кажав на почеток дека веќе работиме навистина интензивно и тоа ќе биде новитет и реалност, таа централизација на радиологија што ја кажавме, но, навистина ни треба време за овие работи. Повторно апелирам до граѓаните да не кажуваат на докторите навистина и тие да сочувствуваат со нас, да знаат точно дека сепак, докторите одлучуваат кој има потреба, а кој не (за магнетна резонанца) – рече Меџити на денешното промовирање на нов дигитален РТГ-апарат за динамички флуороскопски и радиографски снимања на деца, набавен од Министерство за здравство за 23 милиони денари.

На скопскиот Институт за радиологија пациенти со снимки од магнетна резонанца и компјутерска томографија се пожалија дека со денови чекаат лекарите да им ги прочитаат резултатите, а системот „Мој термин“ покажува дека тешко се доаѓа до термин за снимање и до специјалист.

Директорка на ЈЗУ Институт за радиологија Гордана Антулеска- Белческа рече дека мора да се прави селекција на пациентите.

– Ова е многу интересна и премногу барана, дури и злоупотребена метода. Мислам дека е тука основниот проблем. Треба да се прави правилна тријажа на пациентите, значи да се утврди кој пациент е итен за магнетна, нему да му дадеме предност. Заради тоа апелирам и кон своите колеги, да направиме правилна тријажа, со цел да им дадеме предност на оние, на кои навистина магнетната резонанца им е неопходна. Во тој случај, ние би биле и далеку поефикасни – вели директорката Антулеска- Белческа.

The post СЕ НАУЧИЛЕ, МАГНЕТНА, ТА МАГНЕТНА! „Откриено“ кој е виновeн за хаосот на радиологија – пациентите! appeared first on plusinfo.mk.

– Во одреден град ако има доктор што чита дневно еден рендген на една рака или нога, отсега натаму нема да биде така. Онлајн ќе бидат вклучени сите, ќе има ограничен број колку дневно да си ја изработи платата, колку треба да прочита, над тој број и дома нашите почитувани радиолози ако сакаат за повеќе финансиски примања, ќе имаат можност да прочитаат со цел да не се чека толку долго – појасни министерот.

Одговарајќи на новинарско прашање, тој рече ќе треба време за ова.

– Ќе ни треба поддршка и од вас новинарите и од медиумските куќи, но ние сме тука да почнеме да ги решаваме проблемите – нагласи Меџити зборувајќи за дијагностицирањето.

Тој нагласи дека работи напорно со целиот тим.

– Проблемот е во систематизацијата и во реорганизацијата. Во Клиничкиот кадар, ќе повторам, имаме доволно кадар и здравствени работници и сестри. Знаете дека ние прво треба да ја средиме примарната здравствена заштита, тука треба да направиме голем пресек. Ова не се прави за еден ден, или два, ќе треба повеќе време, можеби и години, но, ние мора да започнеме работите да се движат композитивно и јас тука имам и мој предлог, моја визија и работиме и на тоа. Имаме формирано група на дигитализација на радиологијата низ државата, а тоа подразбира централизација на радиологијата – појасни министерот.

Тој тврди дека во земјава нема недостиг на лекот „амоксиклав“.

– Некој кажал дека нема, тоа можеби е индивидуално. Во регионалните земји го има, можеби тие имале некои резерви. Се слушнав со директорот на МАЛМЕД, во моментов не постои таков проблем. Снабдени сме со „амоксиклав“ и го има во моментов – изјави Меџити, одговарајќи на новинарски прашања.

The post РЕНДГЕН СНИМКИ ЌЕ СЕ ЧИТААТ ОНЛАЈН Нема веќе некој да чита по една снимка, а друг да не може да стаса appeared first on plusinfo.mk.

Со инвестициите во опрема и во кадар, Одделот за радиологија во оваа установа прерасна во еден од најдобрите во регионот. Интервентната радиологија како понова гранка во медицината, во „Аџибадем Систина“, функционира на ниво како и во сите модерни светски здравствени установи. На ваков начин, единствено и првпат се изведуваат сложени неинвазивни операции на заболувања меѓу кои третман на мозочен удар, мозочни и висцерални аневризми, таргетиран третман на тумори и метастази и интервенции на проширувања и стенози на крвните садови.

Доц. д-р Александар Ѓорески, специјалист по радиологија, интервентен радиолог и шеф на Одделот за радиологија, објаснува дека од областа на интервентната радиологија се изведуваат стентирања и дилатации на крвни садови во телото и мозокот, но и најразлични видови емболизации кај малигни тумори од типот на хемоемболизации, пред сè, на црниот дроб.

– Се изведуваат и најразлични видови емболизации на други здравствени состојби како што се: миоми на матка, варикоцела, бенигна хиперплазија на простата, третман на хемороидална болест со емболизација, пелвичен конгестивен синдром, емболизации на најразлични видови крвавења, ТИПС, но и интервенции на вените – вели доц. д-р Ѓорески.

Според него, особено значаен е делот на интервентната онкологија, а вакви процедури се изведуваат ексклузивно во „Аџибадем Систина“. Станува збор за модерен, минимално инвазивен третман на најразлични видови тумори во организмот по минимално инвазивен пат, третман што е таргетиран на мала површина на местото на туморот или на метастазите.

Од друга страна, со поставување на интервентната радиологија на ова ниво, болницата станува единствен сеопфатен центар за третман на акутен исхемичен мозочен удар. Третманот вклучува брза и навремена дијагностика, интравенска тромболиза, механичка тромбектомија, интензивна нега.

Во болницата веќе е инсталиран еден од најсофистицираните ангиографски апарати во државата со сите потребни дополнителни алатки, што, како што вели доц. д-р Ѓорески, ќе овозможат изведување на комплексни васкуларни интервенции.

Ангиографот има врвен квалитет на слика, кој овозможува прецизно снимање и безбедно изведување и на најкомплексните процедури со намалено зрачење. И при овие третмани се применува мултидисциплинарниот пристап во кој лекари од повеќе специјалности се вклучени во комплетната грижа, што е вистинска додадена вредност за здравјето на пациентите.

The post „АЏИБАДЕМ СИСТИНА“ НУДИ НОВИ МЕТОДИ ВО ТРЕТМАНОТ НА МОЗОЧЕН УДАР, КАНЦЕР И МЕТАСТАЗИ Ангиографот овозможува прецизно снимање и намалено зрачење appeared first on plusinfo.mk.