Шпанската полиција денеска соопшти дека ја разбила првата позната ќелија во земјата поврзана со американската неонацистичка група „База“ (The Base). Оваа група на белци-супрематисти Европската Унија ја има означено како терористичка.

Уапсени се три лица, а едно лице, осомничено дека ја предводело групата, е задржано во притвор во покраината Кастељон.

За време на акцијата се запленети неколку парчиња оружје и муниција, повеќе од 20 ножеви, тактичка опрема и материјал поврзан со неонацизмот.

Во Шпанија расте влијанието на екстремната десница, а анкетите покажуваат сè поголеми симпатии меѓу младите за националистичките групи.

„База“, неонацистичка група основана во САД во 2018 година од Риналдо Назаро, промовира „акцелерационизам“, идеологија која се стреми да го забрза колапсот на демократските институции преку насилни напади.

– Лидерот на шпанската ќелија бил во директен контакт со основачот на групата, кој пред еден месец повика на консолидација на ќелиите распространети во неколку земји – соопшти полицијата.

Полицијата додаде дека осомничените биле длабоко радикализирани и дека спроведувале паравоени обуки. Исто така, изразиле подготвеност да извршат селективни напади и користеле социјални мрежи за регрутирање симпатизери.

Europol and Spanish National Police have disrupted the activities of the far-right terrorist group ‘The Base’.

Three suspects arrested, significant seizures including weapons made.

Learn more https://t.co/LCXOUqZHNH pic.twitter.com/xN86ou2ZQS

— Europol (@Europol) December 1, 2025

The post 🎥 📷 ШПАНСКАТА ПОЛИЦИЈА РАЗБИ ЌЕЛИЈА НА АМЕРИКАНСКАТА НЕОНАЦИСТИЧКА ГРУПА „ТHE BASE“ Погледнете што сѐ заплени appeared first on plusinfo.mk.

Според Заев, демократијата не е еднаш засекогаш дадена и нема крајна дестинација или конечно достигнато рамниште. На демократијата, како што посочува експремиерот, треба да обезбедиме континуиран развој и унапредување.

„Умерените левичари и десничари имаат одговорност да повикаат на здружено делување и треба заедно да се спротивстават на радикалните центри и тенденции коишто од лево и десно се спојуваат, користејќи најопасни методи за манипулации, предизвикувајќи конфликт и судир“, пишува Заев.

Тој додава дека демократијата треба да изненадува со нови идеи, да ги користи мејнстрим институциите за да допре до што повеќе граѓани со своите бенефити, да изненадува со нови слободи кои ќе им се допаднат на општествата, а не да се консолидира со наведната глава пред нападите од радикализмот.

„Прашање е дали постои ‘консолидирана демократија’, бидејќи ако остане таква, ја одземаме нејзината суштина, а тоа е нејзината внатрешна динамика за постојан развој. Преку здружување на различните, демократијата може да надвладее над монолитните радикали“, пишува Заев во анализата.

The post ОВА Е ВРЕМЕ НА БОРБА НА УМЕРЕНИТЕ СО РАДИКАЛИТЕ Заев ги повикува левичарите и десничарите да ги здружат силите appeared first on plusinfo.mk.