ДУИ денес не ги брани граѓаните, туку брани приватни интереси и сомнителни договори, преку кои со години се испумпуваа пари од граѓаните. Наместо да даде одговор зошто проектот за интерконекција со Албанија беше блокиран повеќе од половина деценија, ДУИ избира да напаѓа и да манипулира, обидувајќи се да го сокрие сопствениот неуспех и интересите што стојат зад него.

Според партијата Вреди, раскинувањето на договорот кој не се реализирал, но повлекол многу пари од џебот на граѓаните, е причина за паника во ДУИ. Тие биле корисници на испумпаните пари.

„Време е да се престане со навиката политиката да се користи за лично богатење на десетина фамилии од врвот на ДУИ. Нека викаат, нека паничат, нека се нервираат. Времето во кое тие станаа буржоазија на грбот на Албанците, заврши.

Јавноста има право да знае дека во овој проект, како подизведувач, во време на ДУИ, се појавуваа лица исклучиво блиски до врвот на ДУИ, меѓу кои и Нефи од Охрид, лично поврзан со Али Ахмети и Бујар Османи.

Нам ни е јасно дека преку фиктивни договори и нереализирани обврски се испумпувале пари на граѓаните кон фирми на ДУИ, кон фирми на блиски лица на Али Ахмети и Бујар Османи. Затоа е паниката голема.

Ние не се согласуваме со нови анекси од над 8 милиони евра, пари на граѓаните, кои ќе завршат во џебовите на Али Ахмети и Бујар Османи.

Фактите се јасни и непобитни. Компанијата која ДУИ денес ја брани, имаше реализација од едвај 4% во период од повеќе од 5 години. Наместо да гради, проектот беше целосно закочен, без активности на терен, додека паралелно се отвораа барања за дополнителни средства и анекси кои одеа до 50% од вредноста на договорот. Тоа не е реализација, тоа е систем на извлекување пари.

ДУИ денес зборува за штета, но ја премолчува вистинската штета која се создаваше со години. Државата плаќаше камати за кредит уште од 2015 година, без проектот да се реализира, а според анализите на МЕПСО, секоја година застој значи дополнителни милионски загуби.

Одлуката за раскинување на ваков договор не е донесена самоволно, туку по детална форензика и длабока анализа, и целосно во согласност со правилата на European Bank for Reconstruction and Development. Секој чекор и раскинувањето на договорот и новата постапка е направен со одобрение и под надзор на ЕБРД. Тоа е меѓународна институција која не дозволува политички импровизации, туку работи исклучиво врз основа на правила, процедури и факти.

Пред раскинувањето, по барање на МЕПСО е направена е детална форензика на сите аспекти од договорот со насоки за постапување, како дел од проект на УСАИД.

Обидот на ДУИ да ја претстави постапката пред DAB како конечна пресуда е груба манипулација. Станува збор за предарбитражен механизам, кој не претставува правосилна одлука и каде државата има целосно право да ги искористи сите правни средства.

Во меѓувреме, новиот тендер го добива конзорциум предводен од Dalekovod d.d., компанија од групацијата KONČAR Group, со искуство во десетици европски држави и работа со најстрогите стандарди.

ДУИ ја плаши тоа што конечно се гледа дека се гради. Проектот кој тие го држеа „мртов“ со години, денес се движи и ќе биде реализиран.

ДУИ не изгради ниту едно сериозно инфраструктурно или енергетско поврзување со Албанија или Косово. Сите проекти беа блокирани, одложувани и закочени.

Затоа нивната денешна реакција не е загриженост за граѓаните, туку паника од тоа што се менува реалноста. ДУИ се дели и распаѓа, додека Вреди се обединува и расте.

ДУИ може да лаже и да инсинуира колку сака. Но вистината е една. Тие не градеа, тие испумпуваа пари за себе. Вреди гради и ќе продолжи да гради“ – се вели во соопштението на партијата.

The post ДОГОВОРОТ ЗА ИНТЕРКОНЕКЦИJА СО АЛБАНИЈА САМО ЗА ИСПУМПУВАЊЕ ПАРИ ЗА ЛУЃЕТО НА АХМЕТИ И ОСМАНИ Мораше да биде раскинат appeared first on plusinfo.mk.

Поштенските услуги во Македонија деновиве ќе добијат нов квалитет. Имено, една од најголемите поштенски компании TPL – Total Post Logistik, успешно го заврши процесот на набавка на пакетомати на кои граѓаните ќе можат 24 часа да подигнат пратки.

Околу 40 пакетомати, за прв пат во Македонија, ќе бидат поставени на видни локации, на повеќе бензински пумпи и познати молови.

Пакетоматите се во комплетно домашно производство од компаниите „Раде Кончар“ и „Дуна“.

– Сакаме на граѓаните и на клиентите да им олесниме со работата. Со овие пакетомати го продолжуваме нашиот развој и поставуваме нови стандарди во поштенскиот бизнис. Ова е веќе присутно во цел свет, а отсега преку нашата пошта ќе биде и во Македонија. Целата инвестиција на пакетоматите изнесува 240.000 евра, сума обезбедена од тековното работење на нашата компанија – изјави Алдин Нумановиќ, извршен директор на Тотал Пост Логистик.

ТПЛ е поштенска компанија која веќе 10 години функционира во Македонија со повеќе од 100 возила и 150 курири низ цела држава.

The post НОВИТЕТ ВО ПОШТЕНСКИТЕ УСЛУГИ Пакетоматите на Тотал Пост наскоро во функција на граѓаните appeared first on plusinfo.mk.

Стопанската комора на Македонија преку Инструментот на Фондот за поддршка на кофинансирани грантови за технолошка екстензија обезбеден од Светска банка во рамки на проектот „Зголемување на извозната конкурентност на металопреработувачкиот, електро и машинскиот сектор преку подобрување на производните и технолошките способности на извосно ориентираните МСП“, ја реализираше првата набавка и инсталирање на софистицирана и модерна опрема за лабараторија за испитување за печки на пелети во компанијата Раде Кончар ТЕП, со што низ конкретени примери ги спроведовме нашите определби за континуирана наша подготвеност да ги ставиме на располагање сите наши капацитети во функција на поддршка на компаниите.

Како лидер на пазарот, со своето 70 годишно постоење Раде Кончар ТЕП е една од водечките компании во металопреработувачката и електро-индустрија како во Македонија така и во регионот, континуирано развивајќи се во насока на креирање на нови иновации и на нови производи, воведувајки иновации во процесот на производство, иновации во пристапот на работа и опслужување на пазарот со квалитетни производни решенија.

Неоходноста од поседување на лабараторија за рутински и функционални испитувања. на печките на пелетипроизлезе како потреба од длабинските дијагностики направени во компанијата иод планот за инвестиции со цел подигање на нивната конкурентна предност на странските пазари.

Потребата од исполнување на сите аспекти пропишани во најновите стандарди за производство на печки, кои се однесуваат на ефикасност на печката, потрошувачка на пелети, излезната темепратура и најбитно количината на штетни издувни гасови од работата на печката ја наметна потребата од набавка на опрема за лабараторија која континуирано ќе ги мери перформансите на печките наменети како производ за европските пазари. Најновите високи стандарди за ваков тип на производи бараат континуирани испитувања на секоја печка.

Испитувањата кои во моментов се бараат на европскиот и светскиот пазар, без поседување на таква лабараторија не може да се обезбедат, со што пазарот на печките се сведува само на домашниот пазар. Раде Кончар ТЕП со набавка на опремета за лабараторија ќе се позиционира како компанија која поседува најсофистицирана опрема од ваков тип не само во држават туки и во регионот и пошироко.

Истражувањата покажаа дека индустриската и извозната структура на металопреработувачкиот, електро и машинскиот сектор како индустриски гранки со силен развоен потенцијал за македонската економија и фокус сектори во рамките проектот е ниско диверзифициранa (мал број на извозни производи), при што, нивото на продуктивност и извозна софистицираност е неповолна (во постоечката структура доминантно учество имаат производни со ниска додадена вредност и мала комплексност).

Со проектните активности од втората фаза на Проектот „Зголемување на извозната конкурентност на металопреработувачкиот, електро и машинскиот сектор преку подобрување на производните и технолошките способности на извосно ориентираните МСП“ продолжуваме понатака и во следниот период ќе следат активностите и испораката на другите машини и опреми за компаниите вклучени во проектната поддршка која има за цел да ги подобрат извозните капацитети на компаниите со воведување на нови софистицирани технологии Продолжуваме!!!

ИЗВОР: Стопанска комора на Македонија 

The post Поддршка на компаниите од индустријата: Опрема за лабараторијата на Раде Кончар ТЕП appeared first on plusinfo.mk.

Како што информира компанијата, за таа цел ќе бидат издвоени 22,7 милиони денари од профитот на „Раде Кончар“ за минатата година.

Лани компанијата оствари профит од 27,64 милиони денари, што претставуваше раст од 23 проценти во споредба со претходната година.

За 2018 година „Раде Кончар“ исплати дивиденда од 95 денари по акција.

The post „Раде Кончар“ ќе исплати дивиденда од 110 денари по акција appeared first on plusinfo.mk.