Полицијата во Охрид уапси 37-годишен маж кај кого при претрес во домот бил откриен цел арсенал оружје, соопшти СВР Охрид.

Според информациите, на 17 јуни 2026 година околу 12:00 часот, криминалистичката полиција извршила претрес во домот на Д.А. (37) од Охрид, по претходно обезбедена судска наредба.

При претресот биле пронајдени и одземени еден револвер, две пушки, три рачни бомби, 22 куршуми со различен калибар, како и две најлонски ќеси со барут.

Лицето било веднаш лишено од слобода, а од полицијата информираат дека се работи за нелегално поседување оружје и експлозивни материи.

По целосно документирање на случајот, против него ќе биде поднесена кривична пријава по член 396 од Кривичниот законик, за „неовластено изработување, држење, посредување и тргување со оружје или распрскувачки материи“.

The post РЕВОЛВЕРИ, ПУШКИ И БОМБИ ВО ОХРИД Полицијата уапси 37-годишник, пронајден арсенал во неговиот дом appeared first on plusinfo.mk.

Како што информираат од ДЗС, уништувањето е извршено според годишниот план на 9, 14 и 28 јули од страна на пиротехничарите при што се уништени 1.150 парчиња неексплодирани убојни средства од разни калибри на артилериски зрна, рачни бомби, авио бомби и мини.

Уништените убојни средства се пронајдени во период од две години на територијата на државава.

The post На Криволак уништени 1.150 рачни бомби, авио бомби и мини appeared first on plusinfo.mk.