Жичницата од денеска, среда (1.04.2026 год), ќе работи еден час повеќе, односно од 10 до 18 часот.

Согласно со Одлуката за возен ред во април, од 17 до 17.30 часот е последно возење од долу кон врвот, односно во 17.45 часот е последно возење од врвот надолу.

Секој понеделник и секој последен вторник во месецот за Жичницата се неработни денови.

The post ЖИЧНИЦАТА НА ВОДНО ЌЕ РАБОТИ ДО 18 ЧАСОТ Во 17.45 часот е последно возење од врвот надолу appeared first on plusinfo.mk.

Во речиси сите сојузни покраини во Германија денеска ќе има значителни проблеми во јавниот превоз поради предупредувачкиот штрајк на синдикатот на транспортните работници, јавија германски медиуми.

Автобусите, трамваите и возовите од подземните железници кај многу општински транспортни компании ќе останат во депо поради штрајкот. Погодени се 15 сојузни покраини. Луѓето кои патуваат до работното место и учениците се соочуваат со големи проблеми.

Синдикатот „Верди“, кој го најави штрајкот во петокот, во преговорите со општинските здруженија на работодавачи, меѓу другото, бара пократка работна недела, подолги периоди на одмор, како и повисоки додатоци.

Здружението на германски адвокати за трудово право соопштија дека во услови на штрајк, во основа важи дека вработените сами се одговорни навреме да стигнат на работа – тие го носат таканаречениот „ризик на патување“. Тоа важи при штрајк исто како и, на пример, при снег и голомразица. Ако работата од дома не е решение, вработените мора да бараат разумни алтернативи, порачаа адвокатите.

The post ГЕРМАНИЈА ПАРАЛИЗИРАНА ОД ШТРАЈКОВИ ВО ЈАВНИОТ ПРЕВОЗ Синдикатот бара пократка работна недела и повисоки додатоци appeared first on plusinfo.mk.

Поради најава од Управата за хидрометеоролошки работи за очекувани повисоки максимални дневни температури од утре до 27 јуни, Институтот за јавно здравје попладнево повика на почитување на мерките на заштита на здравјето на општата популација и на ранливите групи на население во услови на високи амбиентни температури.

– Покрај другите, за ранливи категории на луѓе се сметаат лицата кои работат во надворешни услови и се повеќе изложени на влијанието на топлотните бранови, или лица кои работат на работни места изложени на висока температура и топлинско зрачење, лица кои губат премногу течности за време на работата и така натаму, може да се почувствителни на болести поврзани со топло време. На пример: градежни работници, земјоделци, сообраќајна полиција, работници за испорака и слично – велат од Институтот.

За работодавачите, како препораки за заштита на работниците од високи температури, наведени се проверка и одржување на техничко-технолошки мерки како вентилација, климатизација, редовно мерење на амбиентната температура и со поставување на работните станици што е можно подалеку од сончева светлина и извори на топлина. Потоа, обезбедување минимум една климатизирана просторија со функција на „засолниште“ – каде што вработените можат да се разладуваат извесен период во текот на работата.

– Да се земе предвид можноста за потенцијално работење онлајн, флексибилно работно време, двократно работење, надополнување на изгубеното работно време и други модалитети. Избегнување работа на отворено од 11 до 17 часот, почести паузи и достапност на течности и електролити. Ротација на работните задачи и преместување на работниците во постудени простории секогаш кога е тоа можно. Обезбедување поголем број работници, по потреба. Почести паузи во текот на работата, разладување на вработените со обезбедување климатизирани простории и течности за пиење и електролити. Намалување на интензитетот на работата и нормите во производството. Избегнување прекувремената работа. Прекин на работата при потреба. Внимателност со ранливите групи вработени – постари работници, хронични болни, лица со зголемена телесна тежина, бремени жени и други и нивно прераспределување работни места соодветни за нивната состојба. Обезбедување соодветни лични заштитни средства и дозволување нивно отстранување за време на паузите. Надзор при работа со хемикалии поради зголемена опасност од интоксикација, спречување на прекувремена работа и поттикнување самопријава на симптоми – препорачуваат надлежните.

За вработените, се препорачува врамнотежена исхрана, внесување минимум две литри вода дневно, избегнување алкохол и кофеин и внесување електролити при засилено потење. Потоа, се препорачува и редовен одмор, доволно спиење, туширање и едукација за прилагодување на високи температури, носење лесна, светла и памучна облека, заштитни очила за сонце, капи и крем со УВ фактор 30+ при работа на отворено, како и препознавање симптоми на топлотен удар – вртоглавица, замор, вознемиреност, повраќање и будност за колегите.

– Не смее да се дозволи на вработен со симптоми на топлинска болест да замине од работното место дури не се стабилизира односно не добие соодветен третман – велат од ИЈЗ.

Препораки за прва помош – при симптоми на топлотен удар веднаш да се повика 194 или 112, лицето да се префрли во разладена просторија, да легне хоризонтално со подигнати нозе, да се лади со ладни облози и прскање со вода, да не се дава терапија додека не пристигне лекарска помош, ако е во бессознание, да се постави во странична положба.

– Вонредните прегледи се спроведуваат од страна специјалистот по медицина на трудот за ранливите категории, со цел да се добие индивидуализиран пристап за работоспособноста на вработениот во дадените услови со оглед на неговата здравствена состојба, како и консултации со избраниот лекар за аплицираната терапија или потребата од боледувања – додаваат од Институтот.

Како што се додава, останува потребата од почитување на општите препораки за заштита на населението од топлотните бранови.

The post ИТНИ ПРЕПОРАКИ ЗА РАБОТНИЦИТЕ ПОРАДИ ЕКСТРЕМНАТА ЖЕШТИНА Ако работите надвор прочитајте ги овие правила за да си го спасите здравјето appeared first on plusinfo.mk.

Државната министерка за јавна администрација и антикорупција Адеа Пиндери ги објави временските рокови кога ќе треба да работат вработените во јавните институции.

Според одлуката, административните службеници од понеделник до четврток ќе работат осум и пол часа а во петок 6 часа.

– Во работните денови задолжително треба да бидат присутни на работното место во временскиот период од 9:30 до 15:30 часот, додека преостанатиот дел од работното време може да се заврши со избирање да се започне со работа порано или да се заврши подоцна – рече Пиндери по седницата на владата.

Таа дообјасни дека ќе бидат опфатени над 130 илјади вработени во институциите на државната администрација, независни институции и локалните самоуправи.

The post АДМИНИСТРАЦИЈАТА ВО АЛБАНИЈА ВО ПЕТОК ЌЕ РАБОТИ 6 ЧАСА Од понеделник до четврток ќе работат осум и пол часа appeared first on plusinfo.mk.

Од претпријатието информираат дека од петок продолжуваат со редовно работно време.

Одлуката, како што посочуваат од ЈП „Водовод и канализација“ е во согласност со заклучоците од 199. седница на Владата поради одржување на 30. Министерски состанок на ОБСЕ.

The post ДЕНЕСКА И УТРЕ СМЕТКА ЗА ВОДА МОЖЕ ДА ПЛАТИТЕ ДО 14 ЧАСОТ Нема да работат наплатните пунктови во Сарај, Шуто Оризари и во Лисиче appeared first on plusinfo.mk.

Од ЈСП информираат дека во петок (1.12.2023 год) јавниот превоз ќе продолжи да функционира вообичаено, а истото се однесува и на билетарниците и центрите за персонализација на ЈСП Скопје.

Жичарницата сите денови ќе функционира вообичаено, од 10 до 17 часот.

Утре, среда автобусите ќе возат вообичаено, согласно со важечкиот возен ред (делничен зимен), а во четврток (30.11.2023 год) ќе сообраќаат по саботен возен ред.

Почнувајќи од утре, среда (29.11.2023 год) од 13 часот, па сѐ до завршување на Министерскиот совет на ОБСЕ в четврток (30.11.2023 год), линиите 7, 8, 15, 15А, 18, 19, 21А, 26, 29, 59, и 118 ќе сообраќаат по изменети траси.

Траси на движење

Линии 8 и 15А

– од мост „Гоце Делчев“ наместо по булевар „Илинден“, ќе продолжуваат по булевар „Партизански одреди“

Посочениот режим ќе важи и во двете насоки на движење.

Линии 7, 15, 19, 26, 29 и 59

– наместо на крајните терминали во Карпош 3 и Карпош 4, ќе продолжуваат по булевар „Партизански одреди“, па десно по улица „Никола Парапунов“ (стара телевизија) каде не чекаат време, туку веднаш ќе продолжуваат десно по булевар „Илинден“, па десно по улица „Љубљанска“, па со лево свртување ќе продолжуваат по булевар „Партизански одреди“

Линии 18, 21А и 118

– од булевар „Крсте Петков Мисирков“ ќе продолжуваат право кон Бит пазар, потоа по булевар „Никола Карев“ (Пластичарска улица) и од кај Момин поток ќе продолжуваат по сопствените редовни траси до крајните стојалишта

Посочениот режим ќе важи и во двете насоки на движење.

Утре, среда (29.11.2023 год) сите билетарници и центри за персонализаација на ЈСП Скопје ќе работат од 6.30 до 13 часот, а в четврток (30.11.2023 год) за сите ќе биде неработен ден.

The post ПРОВЕРЕТЕ СИ КАДЕ ВИ ОДИ АВТОБУСОТ, ДА НЕ СЕ ИЗНЕНАДИТЕ Поради ОБСЕ многу траси се изменети appeared first on plusinfo.mk.

Здравствената заштита ќе се одвива континуирано и непрекинато за сите пациенти како и досега, и истата нема да влијае на достапноста на здравствена заштита на населението.

„Поради одржувањето на овој важен министерски состанок, медицинските установи се задолжени во овие денови да имаат обезбедено дежурни лекарски екипи и друг медицински персонал со потребни простори и опрема за укажување на медицинска помош, односно да бидат во состојба на подготвеност со своите капацитети. Правните лица со дејност здравствена заштита лоцирани во Скопје, потребно е мерката прва медицинска помош да ја извршуваат во согласност за стандардните оперативни процедури на Дирекцијата за заштита и спасување“, информираат од министерството за здравство.

Триесеттиот министерски состанок на ОБСЕ ќе биде 24 часа покриен со присуство на екипи и од Итната медицинска помош.

The post НЕМА ПРЕКИН ВО ЗДРАВСТВЕНИТЕ УСТАНОВИ Клиниките и амбулантите ќе работат со пациенти за време на Самитот на ОБСЕ appeared first on plusinfo.mk.

Во Скопје на 29 и 30 ноември ќе се одржи Министерски самит на ОБСЕ, на кој треба да дојдат сите министри за надворешни работи од Европа. Македонија годинава е претседавач со ОБСЕ.

Наставата во првата училишна смена ќе започне со првиот наставен час во 7.30 часот, вториот ќе започне во 7.50, третиот во 8.10, четвртиот во 8.30, петиот во 8.50, а шестиот во 9.10 и ќе трае до 9.30 часот.

Наставата во втората смена, која вообичаено почнува околу 13 часот, утре ќе започне во 9.30 часот, вториот час е во 9.50, третиот во 10.10, четвртиот во 10.30, петиот во 10.50 и шестиот во 11.10 часот.

Според владината одлука работното време на сите вработени во државната и јавната администрација на територијата на градот Скопје – на 29 ноември 2023 година (среда), треба да заврши во 12:00 часот.

Во четврток на 30 ноември 2023 година се определува за неработен ден за сите вработени во државната и јавната администрација, на подрачјето на град Скопје. Овие заклучоци се однесуваат и на основните и средните училишта на подрачјето на град Скопје, а не се однесуваат на детските градинки и здравствените установи на подрачјето на град Скопје – коишто е потребно да изработат сопствени планови за работењето, со цел непречено функционирање, информираат од Владата.

The post УТРЕ ШЕСТИОТ ЧАС ЌЕ ЗАВРШИ ДО 11.10 ЧАСОТ Скопските училишта ќе имаат скратена настава, а четврток е неработен appeared first on plusinfo.mk.

Спасовски рече дека пунктот ќе работи од 8 до 18 часот, со можност за продолжување на работното време до 20 часот. Тој додаде дека според процените, дневно ќе бидат опслужувани 1.000 граѓани, по принципот „прв дојден, прв услужен“.

– За оваа цел во моментов имаме инсталирано 10 нови работни станици каде што можат граѓаните да се сликаат за нови лични документи. Системот е тестиран и овозможува околу илјада граѓани да бидат фотографирани – изјави Спасовски.

Министерот информираше дека на ниво на целата држава се заменети околу 1 милион и 50.000 патни исправи, околу 900.000 лични карти и 480.000 возачки дозволи.

– Со една силна динамика го продолжуваме процесот во интерес на граѓаните навремено да ги остварат своите права и обврски. За поздравување е тоа што граѓаните од внатрешноста на државата имаат дури над 80 проценти од нив ги имаат променето личните документи – додаде Спасовски.

Тој упати порака до граѓаните да ја остварат својата обврска со овој забрзан систем за промена на личните документи, притоа да се почитува редот и дисциплината во објектот, а исто така замоли за трпение кај граѓаните, бидејќи секој ќе може да го оствари правото.

Министерот одговарајќи на новинарско прашање рече дека пунктот во „Пролет“ е од времен карактер кој има функција да овозможи побрз проток на граѓани. Кога ќе заврши целиот процес, тој смета дека повеќе нема да има потреба од него, туку граѓаните ќе можат да ги користат веќе актуелните во полициската станица „Беко“, во МРТВ, во Кисела Вода и во Ѓорче Петров.

Спасовски рече дека очекува на 30 ноември, за кога е предвидено Скопје целосно да биде блокирано поради одржувањето на средбата на министрите на ОБСЕ, новиот пункт, како и останатите други места за фотографирање и земање биометриски податоци да работат нормално, а единствен проблем на граѓаните ќе биде движењето по скопските улици.

РЕДИЦИ ЗА СЛИКАЊЕ ПРЕД  ПОЛИЦИСКАТА СТАНИЦА „ПРОЛЕТ“, СЕ ЧЕКА СО ЧАСОВИ Отворен пунктот на МВР за вадење лични документи без закажување

The post ОКОЛУ 1.000 СЛИКАЊА ДНЕВНО ВО НОВИОТ ПУНКТ НА МВР Ќе работи од 8 до 18 часот, можно е продолжување до 20 часот appeared first on plusinfo.mk.

– Станарите кои со своите адреси гравитираат на зоната, ќе ја користат услугата паркирање по цена од 0 ден, за две возила, а час паркирање чини 25 ден. Работното време на паркинг зоната е: од понеделник- сабота од 07:00-23:00ч., а недела и државни празници се неработни т.е. нема се врши на наплата за услугата паркирање – велат од ЈП „Градски паркинг“ – Скопје.

Оттаму додават дека корисниците на зона Д42 ќе може да ги достават своите барања во новата канцеларија на претпријатието започнувајќи од денеска, 07.11.2023.

„Работното време на канцеларија Карпош, која се наоѓа на ул. „Дрезденска“, бр.15/3, е секој работен ден од 08:00- 22:00 часот и сабота од 09:00- 17:00 часот. Недела и државни празници се неработни“, пишува во соопштението од ЈП „Градски паркинг“- Скопје.

Инаку, Општина Карпош во 2020 година спроведе анкета меѓу жителите на Карпош 1 и Карпош 2, од кои огромно мнозинство се согласија на воведување зонско паркирање.

Жителите се жалеа дека имаат проблеми со возилата кои избегнуваат да платат паркинг во Дебар Маало и се паркираат бесплатно во овие две населби. Дополнителен проблем се и паркираните хаварисани возила и автомобили за продажба оставени од дилери на половни возила, кои ги окупираат постојните паркинг места за граѓаните.

The post НЕМА ВЕЌЕ „ГАГА“ ПАРКИНГ ВО КАРПОШ Еве каде „Градски паркинг“ воведе зонско паркирање во оваа општина appeared first on plusinfo.mk.