ВМРО-ДПМНЕ обвини дека политичкото влијание на СДСМ во синдикалните структури на Сојузот на синдикатите на Македонија (ССМ) станува сѐ поочигледно. Партијата го посочува организирањето на четиридневни спортски игри во Чањ, Црна Гора.

Според партијата, зад организацијата на настанот стои членот на Претседателството на ССМ и претседател на УПОЗ, Трпе Деаноски, а за реализација на спортските игри биле потрошени околу 60.000 евра.

ВМРО-ДПМНЕ тврди дека добила реакции од разочарани членови кои сметаат дека при изборот на учесници предност имале лица блиски до СДСМ. Според нив, наместо еднакви можности за сите членови, привилегиите биле резервирани за однапред избрани луѓе.

„Дали ваквите скапи патувања се приоритет на раководството на ССМ?“, прашуваат од ВМРО-ДПМНЕ, оценувајќи дека синдикалното раководство се оддалечува од реалните проблеми на работниците и функционира по политички и партиски линии.

Партијата наведува дека синдикатите треба да ги застапуваат интересите на сите работници, а не да бидат место каде што привилегиите и бенефитите зависат од политичка блискост.

Во соопштението се додава и дека ССМ континуирано губи членови, а дел од раководството, според ВМРО-ДПМНЕ, го претвора синдикатот во „политичка каста блиска до СДСМ“.

The post КОЈ ГО ПРАВЕЛ СПИСОКОТ ЗА ПАТНИЦИ ВО ЧАЊ? Деаноски го претвора УПОЗ во каста блиска до СДСМ appeared first on plusinfo.mk.

„Трудовиот и Пазарниот инспекторат немаат доволно капацитети, но тоа не треба да биде оправдување. Секоја институција во рамки на своите надлежности треба да постапува максимално и да ги казнува оние што не го почитуваат законот, особено кога станува збор за безбедноста и здравјето на работниците“.

Вака денеска изјави денеска заменик-министерот за економија, Марјан Ристески, одговорајќи на новинарско прашање зошто се дозволува фирми да профитираат на сметка на здравјето на работниците – работници да работат на скелиња кога температурите се над 40 степени или да се случуваат свлечишта како во центарот на Скопје.

Според Ристески, Инспекторатот за труд совесно ја работи работата, колку што има можности и капацитети.

– Тоа е проблем што се провлекува со години, со децении наназад. Трудовиот инспекторат совесно ја работи работата, онолку колку што има можности и капацитети. Една од препораките на Европската Унија е зголемување на капацитетите на инспекторатите – и Трудовиот и Пазарниот инспекторат, кои се под наша надлежност. Се надевам дека ефикасноста во иднина ќе биде уште поголема и ќе има поредовни контроли и поредовни казни. Треба малку повеќе да работи и совеста, а онаму каде што нема да работи совеста, ќе бидат употребени сите казнени мерки предвидени со законот и ќе бидат максимално, најригорозно казнети тие што нема да го применуваат законот онака како што треба, барем во однос на заштитата и безбедноста на здравјето на работниците – истакна Ристески.

Досега, дополни, се изречени казни.

– Треба секоја институција во рамки на своите надлежности да постапува максимално, капацитети нема доволно, но тоа не треба да биде оправдување. Треба максимално да се работи и да се казнуваат оние што прават прекршоци во делот на безбедноста и здравјето на луѓето. Инспекторатот казнува, но немам информација колку казни се досега конкретно изречени – нагласи заменик-министерот Ристески.

The post ФАЛАТ ИНСПЕКТОРИ, НО МОРА ДА СЕ КАЗНУВА Ристески бара почести контроли на безбедноста на работниците appeared first on plusinfo.mk.

Автобусите, трамваите и возовите запреа рано утрово низ цела Германија, откако транспортните работници го послушаа повикот на синдикатот Верди за масовен штрајк што ќе продолжи и утре.

Според Ројтерс, синдикатот со оваа акција има цел да изврши притисок врз тековните преговори за подобрување на условите за работа. Во фокусот се работното време, сменската работа, надоместоците за ноќна и викенд работа, како и висината на платите.

Во штрајкот се вклучени околу 150 автобуски, трамвајски и локални железнички компании со приближно 100.000 вработени низ германските сојузни покраини. Меѓу погодените градови се и главниот град Берлин и Хамбург, каде јавниот превоз е значително нарушен.

Од синдикатот посочуваат дека конкретните барања варираат од една федерална држава до друга, но заедничката цел е подобрување на платите и условите за работа на транспортните работници.

The post 📽️ ШТРАЈК ШТО ЈА СТРЕСЕ ГЕРМАНИЈА Не возат автобуси, трамваи и локални возови, 100.000 работници на улица appeared first on plusinfo.mk.

Пратеникот од ВМРО-ДПМНЕ, Бране Петрушевски, вечерва во емисијата „Топ тема“ на Телма остро ги критикуваше барањата на Сојузот на синдикатите на Македонија за значително зголемување на минималната плата, обвинувајќи ги за популизам и селективна загриженост за работничките права.

Според Петрушевски, иако е јасно дека се потребни повисоки плати, предложеното зголемување не е вистинското решение и може да донесе сериозни негативни последици за економијата и пазарот на труд.

– Дали треба повисоки плати? Да, меѓутоа дали решението е ова – се сомневам. Во Македонија никогаш не се носат еднострани одлуки. Во 2020 година минималната плата беше 14.500 денари со инфлација од 1,2 проценти. Во 2021 година изнесуваше 15.194 денари, со инфлација од 3,2 проценти, што е раст од само 644 денари – рече Петрушевски.

Тој потсети дека во 2022 година, со договор меѓу синдикатите и работодавачите, беше изменет Законот за минимална плата и беше утврден фиксен износ од 18.000 денари, што тогаш било претставено како системско решение за заштита на работниците од политички одлуки.

„Во 2023 година имаме зголемување од 2.175 денари, во 2024 инфлацијата достигна 14,2 проценти, а во 2025 целта е таа да се стабилизира на 4,1 процент и да има зголемување на минималната плата“, додаде пратеникот.

Петрушевски обвини дека ССМ и опозицијата во минатото молчеле кога инфлацијата била двоцифрена, а сега, како што рече, одеднаш покажуваат загриженост за работниците.

„Оваа опозиција и овој синдикат, кога беа на власт, не беа загрижени за минималната плата и достоинствениот живот на работниците. Сите молчеа. А сега одеднаш бараат зголемување од 15.103 денари, односно 61,91 процент“, истакна Петрушевски.

Тој предупреди дека носењето законски решенија под притисок може да доведе до зголемување на сивата економија, отпуштања и практики каде дел од платите повторно се враќаат од работниците.

„Да не водиме политика на популизам и да не ги замајуваме граѓаните дека со закон ќе наложиме исплата на плати. Тоа може да нè врати назад – со отпуштања, зголемување на сивата економија и притисоци врз работниците“, дециден е Петрушевски.

The post ПОПУЛИЗАМ ИЛИ ГРИЖА ЗА РАБОТНИЦИТЕ? Петрушевски со остри критики кон синдикатите appeared first on plusinfo.mk.

Во Шангај се случи нешто што го „запали“интернетот. Робот наречен Ербаи, за време на саем за роботика, наводно успеал да убеди уште 12 други роботи да ги напуштат своите позиции и да тргнат со него. Барем така изгледа според видеото кое се прошири со неверојатна брзина низ социјалните мрежи.

Сцената почнува речиси поетично: Ербаи им се обраќа на своите колеги со неколку прашања што звучат многу човечки — дали се уморни, дали работат прекувремено и дали некогаш имаат одмор. Неколку секунди подоцна, роботите, еден по еден, ја напуштаат изложбената хала, како да тргнале на синдикален состанок.

Компанијата што ги произвела уредите тврди дека сè било дел од демонстрација на „интерактивна комуникација помеѓу автономни системи“, со вградена способност за „емпатија“. Со други зборови, не станува збор за вистинско востание на машините, туку за тест кој, случајно или не, се покажал неверојатно симболичен.

Но, краткиот клип со Ербаи како ги води своите „востаници“ доби милиони прегледи и десетици шеговити коментари. „Првото работничко востание на роботите“, „АИ револуцијата почна од Кина“, „Што е следно. ќе бараат слободен викенд?“ – тоа беа само дел од реакциите.

Што се случува во меѓувреме со Ербаи? Настанот се случи одамна, но тој сега е мини-ѕвезда во Кина. Компанијата ја прифати шегата и го нарече „прв робот што покрена дебата за работнички права“. Малку веројатно е дека ќе добие синдикална членска карта, но сигурно веќе има свое место во дигиталната историја — како робот којшто ни покажа колку човечки може да звучи една машина.

The post 🎥ГО ДОЧЕКАВМЕ И ПРВОТО РОБОТСКО ВОСТАНИЕ Што е следно, роботите ќе бараат слободен викенд? appeared first on plusinfo.mk.

Синдикатот на работниците во комуналните дејности СУТКОЗ и Сојузот на синдикатите на Македонија (ССМ) ја алармираат јавноста дека состојбата во ЈП „Комунална хигиена“ – Скопје е загрижувачка, со повеќемесечно доцнење на платите и сериозен недостиг од возила за собирање отпад и резервни делови за нив.

Според нивното соопштение, платите на вработените неколку месеци се исплаќаат со задоцнување, иако на сметката на претпријатието редовно пристигнуваат средства од наплатата на сметките од граѓаните.
„И покрај тоа што се доцни со исплатата на платата за септември, вработените редовно ги извршуваат своите задачи со ограничени ресурси“ – велат од СУТКОЗ.

На состанокот на Извршниот одбор на синдикалната организација при ЈП „Комунална хигиена“, одржан на 21 октомври, биле поканети и раководството и Управниот одбор на претпријатието, но, како што се наведува, директорот не присуствувал.
Синдикатот нагласува дека вработените не се виновни за проблемите во работењето, туку раководството на претпријатието, кое, според нив, не обезбедува доволно средства за нормално функционирање.

„Ќе ги преземеме сите мерки против раководството, согласно законите и колективните договори – од кривични пријави до иницијативи пред Инспекторатот за труд“ – соопштуваат од СУТКОЗ и ССМ, додавајќи дека ќе внимаваат притоа да не се загрози здравјето на вработените или граѓаните на Скопје.

The post НЕМА ДОВОЛНО КАМИОНИ, НЕМА РЕЗЕРВНИ ДЕЛОВИ, НЕМА ПЛАТИ… За хаосот во „Комуналец“ раководството треба кривично да одговара appeared first on plusinfo.mk.

Во организација на трите главни белгиски синдикати денеска во Белгија се одржува еднодневен генерален штрајк против мерките на Владата за поврзани со работничките права и реформите во пензискиот систем.

Во повикот на „обединетиот синдикален фронт“ на Конфедерацијата на христијански синдикати (АЦВ/ЦСЦ), Генералната федерација на трудот на Белгија (АБВВ/ФГТБ) и Генералната конфедерација на либерални синдикати на Белгија (АЦЛВБ/ВГСЛБ), се наведува дека штрајкот се организира поради социо-економки барања и пред се за „квалитетни и сигурни работни места и фер пензии“.

Незадоволство на трите синдикати главно е насочено кон владините пензиски реформи за покачување на старосната граница за пензионирање, за продолжувањето на флексибилното работно време и за намалувањето на надоместоците за ноќен труд.

Во рамки на штрајкот предвидено е одржување на „национален марш“ во Брисел против владините мерки, на кој организаторите очекуваат да присуствуваат до 100.000 луѓе.

Протестниот марш ќе започне пред бриселската железничка станица „Север“, каде се предвидени обраќања на претставници на синдикатите и на невладини организации, по што демонстрантите преку централното градско подрачје на Брисел ќе се упатат до станицата „Југ“.

За да им овозможи на сите заинтересирани да учествуваат во протестниот марш, државната железници ќе воведе дополнителни 12 возови на линиите кон Брисел во утринските и од белгискиот главен град во попладневните часови.

Во исто време, редовниот железнички сообраќај ќе биде значително редуциран.

Поради штрајкот сериозно ќе биде нарушен јавниот превоз низ цела Белгија, при што се очекува да сообраќаат помалку од половина од автобусите и трамваите, поради што бриселското јавно сообраќајно претпријатие апелираше до граѓаните да планираат „алтернативен превоз“.

Откажани се сите полетувања од бриселските аеродроми Зевентем и Шарлероа предвидени за денеска, а аеродромот во Лиеж ќе биде целосно затворен за сообраќај.

The post СЕ БАРААТ КВАЛИТЕТНИ РАБОТНИ МЕСТА И ФЕР ПЕНЗИИ Белгија денеска е парализирана поради генерален штрајк appeared first on plusinfo.mk.

Носителот на листата на кандидати за советници на Левица на претстојните локални избори во Кавадарци, Круме Богевски на вечерниот собир изјави дека партијата ќе спроведе ревизија на урбанистичките планови, ќе ја зајакне еколошката политика и ќе реализира проект за дестилерија, која со години била ветувана како решение за вишокот грозје во регионот. Настанот се одржа во присуство на претседателот на Левица, Димитар Апасиев.

– Сметам дека ја сменив културата на досадните еднолики седници на Советот, каде претходно членуваа само клиентелисти. Луѓето почнаа да се интересираат за тоа што се случува со нивните пари, воздух и вода – рече Богевски, потсетувајќи на неговите „филибастеринг“ сесии кои траеле повеќе од 10 часа, со блокирање на штетни одлуки со стотици амандмани и иницијативи.

Богевски потенцира дека апсолутната власт во Советот е неконструктивна и дека Левица се залага за рамнотежа и контрола на одлуките.

– Ја продолживме борбата институционално и вонинституционално, со бранење на работничките права. Сме обезбедиле бесплатна правна помош за десетици сограѓани во имотно-правни спорови и пријави до трудов инспекторат. На пример, во летните горештини работниците во Дрекслмаер се онесвестуваа, додека другите партии молеа за донации, Левица беше единствената која поднесе пријава, по што конечно се обезбеди климатизација – истакна Богевски.

Во следниот мандат, Левица најави реализација на капитални проекти, вклучително поддршка за локалното земјоделство, подобрување на еколошката инфраструктура и развој на туризмот.

The post ДЕСТИЛЕРИЈА ЗА ГРОЗЈЕ И РЕВИЗИЈА НА УРБАНИЗМОТ Левица го промовира планот за развој на Кавадарци appeared first on plusinfo.mk.

– Лошите услови за работа ги примораа работниците да се иселат од државава, ги дискриминираат жените-земјоделки, на железничарите им се исплаќаат плата во половинки, поради расипничкиот однос во јавните претрпијатија работниците не можат да земат додатоци и надоместоци на плата, вработените во маркетите работат во ладни простории, градежната мафија ги експлоатира незаштитените и непријавените работници – вели тој.

Димитријевиќ соопшти дека на објавениот повик на Левица, преку 1000 работници пријавиле нерегуларности на работните места.

– Ова е знак дека правата на работниците се само декларативна утопија во програмите на денешните политички чинители. Класната разлика е сѐ поголема, додека директорите во банките земаат милионски дивиденди, обичниот работник ја троши платата на инфлација. Затоа, работници и работнички, нема друга алтернатива освен организираната политичка моќ на трудот. Наместо за работнички права, заедно да се бориме за власт. За работничка власт и за политичка моќ на трудот – порача Димитријевиќ.

The post РАБОТНИКОТ ЈА ТРОШИ ПЛАТАТА НА ИНФЛАЦИЈА, ДИРЕКТОРИТЕ ЗЕМААТ МИЛИОНСКИ ДИВИДЕНДИ Левица ги повика работниците да се борат за власт, а не за права appeared first on plusinfo.mk.

Ова е ставот на правниот тим на Здружението „Гласен текстилец“, кој ги анализираше состојбите со работничките права по повод 1 Мај – Денот на трудот. Судските постапки вообичаено се парични побарувања за неисплатени плати и додатоци на платата.

Адвокатот, Донче Стаменков, кој е дел од правниот тим на „Гласен текстилец“ забележува дека јавната администрација е во поповолна позиција, зашто тужбените барања во целост се наплатуваат преку позитивни пресуди на надлежните судови.

– Кога би ги генерализирале постапките пред судовите вклучително за јавниот и за приватниот сектор, станува збор за парични побарувања по однос на неисплатени плати и додатоци на плата. Ако го разграничиме јавниот сектор од приватниот сектор, може да кажеме дека за разлика од приватниот сектор, во јавниот тужбените барања во целост се наплатуваат преку позитивни пресуди во надлежните судови од нашата држава, но генерално во приватниот сектор работниците се помалку заштитени. Ние добиваме судски пресуди, кои се позитивни, во корист на работниците, но се случува поради одредени форми кои ги овозможува Законот, одредени фирми да бидат затворени или да се претстават како неликвидни и да не можат да се наплатат побарувањата од страна на работодавачите – вели Стаменков.

Кристина Ампева од „Гласен текстилец“ од Штип забележува дека во приватниот сектор има позитивни пресуди во корист на работниците, преку форми кои ги овозможува законот. Таа посочува дека фирмите се претставуваат како затворени или неликвидни со што не може да се наплатат паричните побарувања од работодавачите. Ампева порача дека е важно навремено да се преземат сите постапки за што е потребно работниците навремено да бидат информирани за своите права.

– Проблематично е што работниците чекаат, не ги искористуваат роковите. Проблематично е тоа што на крајот остануваат без неколку плати, фирмата оди во стечај, во ликвидации. Секакви форми смислуваат, а на крајот работниците се тие коишто остануваат оштетени. Затоа и апелот е да не чекаат, плата се пушта до 15. наредниот месец, придонесите заедно со тоа. За жал, системот на УЈП сѐ уште дозволува доцнење на плата, сѐ уште дозволува исплата под минималец -вели Ампева.

Адвокатот Стаменков надополнува дека е многу важно работниците да внимаваат на тајмингот, односно, доколку им доцни платата, веднаш да пријават во „Гласен текстилец“ или до адвокатите кои се специјализирани за трудовата легислатива. Исто така, не смеат да потпишуваат бланко изјави во моментот на засновањето на работниот однос, кои се незаконски.

– Тие бланко изјави подоцна се користат за работниците да бидат одјавени во форма во која не можат да си ги добијат своите права кои им следуваат во однос на Законот за осигурување во случај на невработеност – рече Стаменков.

Ампева истакна дека „Гласен текстилец“ почна со заштита на текстилните работници, но изминатиот период до нив пристигнаа барања за помош и од работници од други сектори, а исто така и испраќаат и иницијативи до Уставен суд.

The post СИСТЕМОТ НА УЈП ДОЗВОЛУВА ДОЦНЕЊЕ НА ПЛАТА И ИСПЛАТА ПОД МИНИМАЛЕЦ! Како државата ги крши работничките права appeared first on plusinfo.mk.