Во 2025 година, вистинското работно време на работниците со полно и скратено работно време во ЕУ на возраст од 20 до 64 години во просек изнесувало 35,9 часа, што е намалување од еден час во однос на 2015 година, објави Евростат.

Во Македонија, пак, вистинското неделно работно време било 39,5 часа.

Од земјите во нашето соседство, според достапните податоци на Евростат, подолга работна недела има во Србија 41,3 часа и во Босна и Хeрцеговина 41,1, а пократка во Хрватска 37,8.

Во ЕУ најдолги работни недели има во Грција 39,6 часа, во Бугарија и Полска по 38,7 и во Литванија 38,4. Спротивно на тоа, Холандија има најкратка работна недела 31,9 часа, по што следуваат Данска и Германија со по 33,9 и Австрија со 34,0.

Занимањата со најдолга работна недела во ЕУ биле квалификувани земјоделски, шумарски и рибарски работници (42,0 работни часови), менаџери (40,6) и занимања во вооружените сили (39,4). Спротивно на тоа, најкратките работни недели се забележани во елементарните занимања (31,8), помошни работници (34,0) и услужни и продажни работници (34,5).

The post ЕВРОПЕЈЦИТЕ ВО ПРОСЕК РАБОТАТ 35,9 ЧАСА ДНЕВНО Каде е Македонија во оваа слика? appeared first on plusinfo.mk.

Поднесена кривична пријава против главен инспектор во обезбедувањето на министри и поранешни претседатели.

Одделот за внатрешна контрола, криминалистички истраги и професионални стандарди при МВР поднесе кривична пријава против Б.М., главен инспектор во Одделението за лично обезбедување на министри, поранешни претседатели и други личности при ОЗОЛО.

Како што информира Министерството за внатрешни работи, тој се сомничи за кривично дело „злоупотреба на службена положба и овластување“ по член 353 став 1 од Кривичниот законик, бидејќи во февруари 2024 година евидентирал 32 часа прекувремена работа за две лица, иако знаел дека за нив не постоеле наредби за таков ангажман.

„Пријавениот изготвил список за исплата на плата за месец февруари и свесно внел неосновано евидентирана прекувремена работа од 28, односно 32 часа за две вработени лица“, наведуваат од МВР.

Кривичната пријава е поднесена до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција.

The post СКАНДАЛ ВО ОБЕЗБЕДУВАЊЕТО НА МИНИСТРИТЕ Началник пријавен за лажирање работни часови appeared first on plusinfo.mk.

Здружението на работодавачи не се согласува со оваа одредба и се повлече од повеќемесечните преговори во ноември, но Владата во Мадрид ќе може да ја спроведе оваа мерка и без нивна помош доколку обезбеди политичка поддршка во Парламентот, пренесува весникот „Паис“.

Како што е наведено, работниците можат да работат повеќе од максималните 37,5 часа неделно, а секој час над тоа ќе се смета за прекувремена работа.

Компаниите кои ги игнорираат овие правила може да платат казна до 10.000 евра по вработен.

Извршната власт, исто така, најави дека ќе има социјален дијалог со синдикатите и деловните здруженија за да ги оцени резултатите од намалувањето на работното време. Се претпоставува дека по сите политички процедури оваа одредба ќе стапи во сила во последната третина од 2025 година, додава шпанскиот весник.

The post ШПАНИЈА ЌЕ ЈА СКРАТИ РАБОТНАТА НЕДЕЛА Падна договор со синдикатите, еве колку часа добиваат работниците appeared first on plusinfo.mk.

Петровска во одговор за МИА вели со Законот за служба во Армијата точно се дефинирани додатоците што припадниците на Армијата мора да ги примаат, каде додатокот за прекувремени работни часови не е напоменат, наспроти Законот за работни односи каде додатокот за прекувремени часови е напоменат.

– Уште кога започнале тужбите, мислам дека во 2019 година, припадниците на Армијата ги поднесуваат тужбите до кичевскиот суд, затоа што таму е најбројна касарната и во штипскиот суд. Штипскиот суд носи одлуки со што ги отфрла тужбите, а кичевскиот почнува да носи одлуки во кои што вели дека треба да се исплатат и едниот и другиот додаток. Кога започнува кичевскиот суд да носи вакви одлуки, штипскиот се предомислува и вели дека треба да се исплаќаат – рече Петровска.

Таа вели дека од 2022 година, откако е министерка за одбрана, судот започнува со единствена примена и вели дека треба да им се исплаќаат. Некои од припадниците спогодбено се согласија да ги повлечат тужбите, рече Петровска и додаде дека веднаш Министерството почнало да ги исплаќа прекувремените часови

– Овие седум милиони евра се за тужби што веќе биле поднесени и тука се вбројани адвокатски трошоци, судски трошоци, дури во некои случаи и извршители, како и вештачења, затоа што согласно процедурата кога ќе ја поднесат тужбата се определува вештак кој доаѓа во Министерството и треба да ги извештачи сите документи за ангажирање на припадникот на Армијата – посочи министерката.

Согласно Законот за работни односи, Управата за јавни приходи (УЈП) не препознава исплата на повеќе од 190 часови, вели Петровска, но, како што рече, според направените пресметки во рамки на Министерството за одбрана, припадниците на Армијата во два месеци ги надминуваат тие часови и посочи дека доволни се 384 часови во текот на целата година.

The post КОНЕЧНО СИ ГИ ДОБИЛЕ НЕИСПЛАТЕНИТЕ ЧАСОВИ РАБОТА Припадници на Армија добија 7 милиони евра од државата appeared first on plusinfo.mk.

Кралот Чарлс имал повеќе работни денови и повеќе ангажмани во неговата прва година како крал отколку неговата мајка Елизабета во истиот период.

Кралот седна на тронот на 8 септември, по смртта на кралицата Елизабета Втора, и ја презеде функцијата 161 ден откако стана крал. По преземањето на функцијата кралот Чарлс патувал во сите четири земји од Велика Британија и присуствувал на десетици церемонии. Тој извршил вкупно 550 кралски должности, додека Елизабета во првата година од нејзиниот мандат извршила вкупно 400, пишува британски Индипендент.

Инаку, Чарлс дури на 7 ноември ќе го одржи својот прв говор како монарх, во кој во Парламентот ќе ги изнесе приоритетите на британската влада.

Тој во мај 2022 година, одржа ваков говор заменувајќи ја неговата мајка Елизабета Втора која во тоа време беше болна. Но, тогаш тој сè уште беше само наследник на тронот, а сега прв пат ќе зборува пред Парламентот како крал на Велика Британија.

The post КРАЛОТ ЧАРЛС РАБОТИ И ПРЕКУВРЕМЕНО Во првата година како монарх имал 150 кралски должности повеќе од кралицата Елизабета appeared first on plusinfo.mk.

Според овие податоци најмногу на работните места во текот на една седмица се задржуваат вработените во Црна Гора  42,8 часа. Зад нив се вработените во Србија со 42,3 часа.

Податоците покажуваат дека во Турција работната недела во просек трае 42,9 часа.

Европскиот просек е 32,4 часа.

Над еропскиот просек е Холандија во која просечно во текот на неделата се работи 39,7 часа колку што се раоти и во Грција и во Романија. Следат Полска со 39,5 часа и Бугарија каде што неделно во просек се работи 39,2 часа.

The post ПРОСЕЧНАТА РАБОТНА НЕДЕЛА ВО ЗЕМЈАВА Е 39 ЧАСА Во Европа најдолга работна недела има во Црна Гора appeared first on plusinfo.mk.

Вака претседателот Стево Пендаровски објасни зошто одлучил да го потпише указот за измените и дополнувањата на Законот за работни односи за чие донесување реагираа дел од синдикатите, дел од граѓанските здруженија и некои политички партии.

Одговорајќи на новинарски прашања откако соопшти дека одлучил да ги потпише указите за сите пет закони за изградба на коридорите 8 и 10д, Пендаровски попладнево, на прес-конференција, уште еднаш рече дека никому не му го оспорува правото да поднесе иницијатива до Уставниот суд и да каже дека не држи ова негово толкување за Законот за работни односи.

Тој изрази и лично уверување дека во однос на изградбата на коридорите во земјава, на ниво на квартал или на година нема да се пробијат законските часови.

– Сидникатот и неколку невладини организации минатата година, кога беше донесен „лек специјалис“ за истиот овој проект на „Бехтекл и Енка“ го оспорија целиот закон. Уставниот суд рече дека целиот закон е во ред, освен членот 12 каде што пишуваше 60-часовна недела. Никому не му го оспорувам правото и сега да поднесе иницијатива до Уставниот суд и да каже дека ова мое толкување не држи. Но, освен што нема експилицитно кажано дека 60-часа ќе биде работната недела по работник, има една друга одредба која можам да ја цитирам – членот 117 во став 2 зборува за тоа колку може да трае прекувремената работа, најмногу осум часа во една работна недела, најмногу 190 часа годишно и вели, тука влегуваме со тоа образложение дека ова може да не биде противуставен член или одредба: „освен за работи кои имаат специфичен процес на работа“. Да преведам – зборуваме за автопатишта, знаете дека нивната градежна сеозна трае три до шест месеци максимум, во јануари и февруари никој не поставува асфалт, така што на ниво на квартал или на година мое уверување е дека нема да се пробијат законските часови – објасни Пендаровски.

За оние кои не знаат, како што укажа, Устаниот суд во својот „арсенал“ има посебни механизм и т.н. времена мерка па може да каже: „до конечна одлука стопираме сè“.

– Тоа се опциите – подвлече претседателот Пендаровски.

The post 60-ЧАСОВНАТА РАБОТНА НЕДЕЛА НЕ СЕ СПОМНУВА ЕКСПЛИЦИТНО Претседателот објасни што содржи одредбата од измената на Законот за работни односи appeared first on plusinfo.mk.

Повеќето Германци преферираат четиридневна работна недела, а бројот на работни часови да остане ист, покажаа резултатите од истражувањето на Институтот Форса и РТЛ.

Станува збор за модел, кој неодамна е усвоен во Белгија. Вработените имаат избор, може да работат или четири или пет дена во неделата, но, бројот на неделни работни часови останува непроменет.

На пример, недела со 40 работни часови, може да се изработи во четири дена од по 10 часа, наместо за пет дена, со осумчасовно работно време.

Белгија го воведе овој модел, затоа што на работниците им се овозможува поголеми флексибилност, слобода, како и ускладување на деловниот и приватниот живот.

Според истражувањето во Германија, 71 отсто од Германците посакуваат ваков модел и во нивната земја. На тоа пак, се противат 22 отсто од испитаниците.

„Белгискиот модел“, најголема поддршка, 81 отсто, доби од возрасната група од 30 до 44 години, како и меѓу високообразовните лица со 75 отсто.

The post ДА РАБОТИМЕ 4 ДЕНА, АМА ПО 10 ЧАСА Германците сакаат да имаат избор appeared first on plusinfo.mk.

Заради овие причини, а по повод 7 Октомври – Светскиот ден на достоинствената работа, Меѓународната организација на трудот (МОТ) и Економско-социјалниот совет најавија кампања за подигнување на свесноста и почитување на работничките права. Кампањата е поддржана преку проектот Зајакнување на социјалниот дијалог, финансиран од Европската Унија.

Кампањата има за цел да ги информира сите засегнати за правата и обврските кои произлегуваат од работниот однос и трудовото законодавство – младите кои сѐ уште се во процес на образование, вработените лица од сите професии, лицата што се во потрага по вработување, како и работодавачите.

„Познавањето на сопствените работнички права е првиот чекор кон нивно успешно практикување и обезбедување достоинство на работниците. Достоинствената работа подразбира работа која е продуктивна и овозможува фер приход, безбедност на работното место и социјална заштита за семејствата, подобри услови за личен развој и општествена вклученост, можност луѓето слободно да ги искажат своите проблеми, да се организираат и да учествуваат во носењето на одлуките кои влијаат на нивниот живот, како и еднакви можности и третман на сите жени и мажи“, се вели во соопштението од Канцеларијата на МОТ во Скопје.

Процените на МОТ укажуваат на фактот дека социјалниот дијалог може успешно да се искористи во првичните одговори на кризата, како двигател на економска и социјална стабилност и инклузивен раст и развој. МОТ промовира достоинствена работа и социјален дијалог заради постигнување социјален мир и отпорност на општеството. Оттаму, и кампањата се фокусира на едукација за законски загарантираните права и обврски кои ги штитат овие придобивки на достоинствена работа.

The post Бизнисот поради ковидкризата загуби работни часови еднакви на 250.000 работни места appeared first on plusinfo.mk.