57-годишен маж од Скопје се здобил со повреди додека извршувал работни задачи во приватна фирма во селото Визбегово, скопско. Повредениот бил пренесен во приватна болница во Скопје, од каде беше пријавен инцидентот во полицијата.

Полицијата и трудовиот инспектор веднаш излегле на местото на настанот за да ги испитаат околностите на несреќата. Според информациите од МВР, инцидентот се случил околу 09:45 часот, а засега се води постапка за утврдување на причините за повредите.

Министерството за внатрешни работи апелира до работодавците да ги почитуваат мерките за безбедност при работа за да се избегнат слични несреќи.

The post НЕСРЕЌА НА РАБОТНО МЕСТО Скопјанец се повредил додека работел во приватна фирма во Визбегово appeared first on plusinfo.mk.