Оваа сабота, на 4 октомври, во Јавна Соба, од 10 до 18 часот, Слоу Фуд Водно со поддршка од Слоу Фуд Македонија, по четврти пат го организира Фестивалот на биодиверзитетот – празник на автентичноста, локалното производство, здрави корења и полни софри.

Ова ќе биде ден кога храната ќе раскажува приказни за зачувани сорти, за вредните раце што нежно ги негуваат, и за трпези кои се полнат со добра, чиста и правична храна.

Овојпат, во фокусот ќе биде планинскиот чај, чиешто мирисно и лековито богатство ќе ни го открие Самет Абдули од Ростуше, Маврово – чувар на традицијата и раскажувач на билкарските тајни на планината.

Бостание, нашата општествена градина, преку работилница ќе воведе во светот на семенските топки – мал, но моќен начин за враќање на природата во нашите животи.

Повеќе за ова на порталот „Арт кујна“.

The post РАБОТИЛНИЦА ЗА КИСЕЛ ЛЕБ, ПРИКАЗНА ЗА ПЛАНИНСКИОТ ЧАЈ… Фестивал на биодиверзитетот, од корен до трпеза appeared first on plusinfo.mk.