Одобрение за патување во странство за деца до 14 години во Скопје ќе може да се извади и во сабота. Министерството за внатрешни работи извести дека, како и во изминатите годнини, за летото го проширува работното време поради очекуваниот зголемен број барања.

„Министерството за внатрешни работи ги известува граѓаните особено родителите дека како и минатата година, така и оваа 2026 година поради зголемениот обем на барања кои се очекуваат во наредниот период, шалтерот во Одделението за управни работи – Скопје (во зградата на МРТВ) за издавање на ‘Одобрение за патување во странство за малолетни лица’ (деца до 14 години), во наредниот период од понеделник до петок ќе работи од 08:00 до 18:00 часот, а услугата ќе биде овозможена и во сабота со работно време од 08:00 до 12:00 часот, со цел да одговориме на сите барања на граѓаните“, соопшти МВР.

The post ОДОБРЕНИЕ ЗА ПАТУВАЊЕ ВО СТРАНСТВО ЗА ДЕЦА ЌЕ СЕ ВАДИ И ВО САБОТА Поради летниот наплив шалтерот ќе работи и за викенд appeared first on plusinfo.mk.