Премиерот на Индија Нарендра Моди ги повика граѓаните да штедат гориво, да користат метро и јавен превоз, да работат од дома и да избегнуваат свадби и одмори во странство поради растот на цените на енергенсите и кризата предизвикана од војната со Иран.

Моди порача дека Индија мора да ја намали потрошувачката на бензин и дизел за да ги зачува девизните резерви и да избегне дополнителен удар врз економијата.

– Треба да ја ограничиме потрошувачката на бензин и дизел. Ако навистина мора да користиме автомобил, тогаш треба да го делиме транспортот со другите – рече Моди на јавен митинг.

Тој ги повика граѓаните и да избегнуваат купување злато и непотребни патувања надвор од земјата.

Моди посебно ја критикуваше растечката практика богатите Индјци да организираат луксузни свадби и одмори во странство.

– Меѓу средната класа постои растечка култура на одржување свадби и одење на одмори во странство. Треба да ги одложиме ваквите патувања за најмалку една година – порача индискиот премиер.

Во последните години, свадбите во Тајланд и во други азиски туристички центри станале сè попопуларни меѓу индиската средна и богата класа.

Владата сега бара тие пари да останат во земјата за да се ублажи економскиот удар.

Индија е една од најпогодените држави од блокадата на Ормускиот теснец.

Земјата, во која живеат повеќе од 1,4 милијарди луѓе, силно зависи од увоз на нафта и гас од Блискиот Исток. Поради кризата, дел од енергенсите станале недостапни, а цените драстично пораснале.

Индиската влада веќе користела вонредни мерки за пренасочување на горивото од индустријата кон домаќинствата за да обезбеди основни резерви.

Апелот на Моди се толкува како обид да се избегне дополнителен удар врз енергетскиот систем додека конфликтот во Персискиот Залив продолжува.

The post НЕ СЕ МАЖЕТЕ ВО СТРАНСТВО, РАБОТЕТЕ ОД ДОМА Моди со необична порака откако поскапе нафтата appeared first on plusinfo.mk.

Индискиот премиер Нарендра Моди денеска ги повика граѓаните и компаниите да штедат гориво и да работат од дома за да ја намалат потрошувачката на бензин и дизел, бидејќи порастот на глобалните цени на енергијата ги оптоварува девизните резерви на земјата, пренесува БТА.

– Луѓето и компаниите треба да дадат приоритет на враќањето на работа од далечина и онлајн состаноци, кои се применуваа за време на врвот на пандемијата COVID-19, што укажува дека ова би ѝ користело на земјата – рече Моди.

Индискиот премиер додаде дека поради високите глобални цени на горивата, Индија треба да ги заштеди девизните резерви со користење помалку бензин и дизел.

The post МОДИ ГИ ПОВИКА ИНДИЈЦИТЕ ДА ШТЕДАТ ГОРИВО Работа од дома би ѝ користела на Индија appeared first on plusinfo.mk.

Работниците да се префрлат на работа од дома секогаш кога тоа е можно, препорача Меѓународната агенција за енергија (ИЕА).

Агенцијата денеска објави извештај во кој се наведени низа итни мерки што владите, компаниите и домаќинствата можат да ги спроведат за да го намалат притисокот врз потрошувачите поради прекините во снабдувањето со нафта предизвикани од војната на Блискиот Исток.

Новиот извештај издвојува 10 мерки што можат брзо да се спроведат, првенствено во патниот сообраќај, кој сочинува околу 45 проценти од глобалната побарувачка за нафтаа.

ИЕА препорачува намалување на максималната дозволена брзина на автопатите за најмалку 10 километри на час, поголема употреба на јавниот превоз, како и ограничување на пристапот до приватни автомобили во големите градови преку системот за ротација на таблички.

The post РАБОТА ОД ДОМА, ВОЗЕЊЕ ПАР-НЕПАР, НАМАЛЕНА БРЗИНА, УПОТРЕБА НА ЈАВЕН ПРЕВОЗ Светот доби препораки за заштеда на нафта appeared first on plusinfo.mk.

Ова го предвидува новата Уредба со која хрватската влада сака да обезбеди поголема рамнотежа помеѓу приватниот и деловниот живот.

Ова право, како што објасни портпаролката на министерството за правда на Хрватска Фадила Баховиќ ќе го имаат и полицајците.

– Полицајците можат да работат од дома секој ден во неделата, а кој ден ќе биде зависи од лидерот одговорен за работата на телото – рече таа.

Три категории вработени се издвоени и приоритетни при одобрување повремена работа на далечина која може да трае цела година – родители на деца до 8 години, родители на деца со пречки во развојот и вработените кои се грижат за член на домаќинството.

Според податоците за 2024 година, во некои месеци била достигната стапка од дури 26% државни службеници кои работеле од дома.

The post ЌЕ РАБОТАТ ОД ДОМА ТРИ ДЕНА ВО НЕДЕЛАТА, АМА НЕ СИТЕ Сонот на државните службеници во Хрватска станува реалност appeared first on plusinfo.mk.

Новото истражување, објавено во списанието Proceedings of the National Academy of Sciences (PNAS) во САД, кое содржело податоци од над 100.000 примероци, покажало дека работата од дома значително влијае на намалувањето на емисиите на стакленички гасови.

Поконкретно, истражувањето покажало дека работниците кои работат од дома произведуваат помалку од половина од емисиите на стакленички гасови од оние кои работата во канцеларија.

Ова е резултат на исклучувањето на патувањето на работа, но и значително намалување на потрошувачката на енергија во канцелариите.

„Работниците кои постојано работат од дома би можеле да „придонесат за 54 отсто намалување на емисиите на стакленички гасови по глава на жител“, што би било „првенствено поради намалената потрошувачка на енергија во канцеларијата“, велат научниците предводени од инженерот Јанкиу Тао од Универзитетот Корнел.

Додека два до четири дена работа од дома би довело до пад од „до 29 проценти“, ограничувањето на работењето од дома на еден ден во неделата би значело пад од само 2 проценти, што значи никаква корист, според тимот предводен од Лонгки Јанг од Мајкрософт.

Истражувањето опфатило податоци од над 100.000 примероци, вклучително и Американското истражување за потрошувачка на енергија во станбени простории и податоци за вработените во Мајкрософт.

The post РАБОТЕЊЕТО ОНЛАЈН ШТЕДИ ЕНЕРГИЈА Оние кои работат од дома придонесуваат за намалување на емисиите на стакленички гасови appeared first on plusinfo.mk.

Извршниот директор на Тесла, Илон Маск, им пратил мејл на вработените во кој побарал да се вратат на работа со физичко присуство или да ја напуштат компанијата, пренесува Ројтерс. Условот е тие да поминуваат најмалку 40 часа во канцеларија.

– Ако не се појавите, ќе претпоставиме дека сте дале отказ – се вели во мејлот.

Самиот Маск не бил достапен да даде коментар за Ројтерс, но на Твитер напишал дека споменатите вработени „треба да се преправаат дека работат на друго место“.

Работењето од дома стана голема мода во светот откако изби пандемијата со коронавирусот. Но сега, повеќето големи корпорации во САД планираат да ги вратат работниците назад, иако тоа оди тешко и многу од нив се бунат или бараат преодни решенија.

Бунт веќе има во една во фабриките на Тесла во Калифорнија.

The post ВРАТЕТЕ СЕ ВО КАНЦЕЛАРИЈА ИЛИ НАПУШТЕТЕ Маск им постави услов на работниците од Тесла appeared first on plusinfo.mk.

– Очигледно, многу компании трајно се адаптираа на пофлексибилни работни модели – изјави Жан-Виктор Алипур од Институтот Ифо во Минхен (Институт за економски истражувања).

Според истражувањето спроведено од Институтот во април, 24,9 отсто од вработените работеле од дома, што е нешто помалку отколку во март кога оваа можност ја искористиле 27,6 отсто.

Обврската на работодавците да им понудат работа од дома на вработ ените каде тоа е можно, што беше една од мерките против пандемијата со Ковид-19, истече на 20 март.

Ифо нагласуваат дека 56 отсто од работните места во Германија дозволуваат работа од дома.

The post ГЕРМАНЦИТЕ СТАНАА ДОМАШАРИ 25 проценти од вработените работат од дома appeared first on plusinfo.mk.

Месец дена „платен одмор“, шест месеци неплатен, а потоа отпуштање ги очекува сите вработени кои не се вакцинирани против коронавирусот и кои одбиле да откријат дали се или не се „боцнати“ до трети месецов, пишува Блиц. Одлуката доаѓа откако владата на САД нареди сите американски компании кои имаат 100 или повеќе вработени целосно да ги вакцинираат до 18 јануари.

Според документите до кои дошла Си-Ен-Би-Си, оние кои во „Гугл“ веќе се на платено отсуство, ќе имаат можност да ги задржат бенефициите до 92 дена, а доколку во тој период не се вакцинираат, ќе им престане работниот однос.

Над 150.000 работници се на удар, а мерката се совпаѓа со маките на „Гугл“ да ги повика вработените кои работат од дома да се вратат барем на три дена во неделата.

The post „ГУГЛ“ ГИ ОТПУШТА НЕВАКЦИНИРАНИТЕ РАБОТНИЦИ Сите американски фирми со над 100 вработени мора да се „боцнат“ appeared first on plusinfo.mk.

Но, и „хибридната работа“, што е микс од работа од дома и од канцеларија, исто така, има свои недостатоци, а повеќе од една четвртина од испитаниците веруваат дека работат постојано или работат до доцна во ноќта, според истражувањето нарачано од „Самсунг Електроникс“ и „Фјучр Лаборатори“.

Истражувањето опфатило 14.000 лица ширум Европа и покажа дека 83 отсто од вработените бараат поголема поддршка од работодавачот за постигнување рамнотежа меѓу работата и животот.

Според Евростат, во 2020 година, околу 12 отсто од вработените во Европската унија работеле од дома, во споредба со пет отсто пред пандемијата.

-Работодавачите сега мора внимателно да размислат како да одговорат на предизвиците на модерниот хибриден живот, изјави потпретседателот на „Самсунг Еелекторникс“, Бенџамин Браун.

Две третини од Европејците изјавиле дека направиле или планираат да направат прилагодувања во домот за да го олеснат хибридниот живот, така што решиле да си направат домашни канцеларии, додека 41 процент од нив одлучиле да се преселат.

-Технологијата веројатно ќе го следи нашето ментално здравје и среќа, како и физичкото здравје, а паметните уреди ќе станат наши асистенти, вели Меик Викинг, извршен директор на данскиот институт за истражување на среќата, што соработува со „Самсунг“ на полето на иднината на работата

The post ЕВРОПЕЈЦИТЕ СЕ НАВИКНАА НА РАБОТА ОД ДОМА Само 14 отсто сакаат да се вратат на работа appeared first on plusinfo.mk.

Во Словенија ковид потврда ќе мора да имаат и вработените кои работат од дома, јавија словенечките медиуми, повикувајќи се на Министерството за труд.

Словенија воведе ковид сертификат за работа, за одење во трговски центри, здравствени установи, јавен превоз, освен за студентите, како и за различните услужни дејности и јавни институции.

Министерството за труд сега појасни дека дури и оние кои работат од дома не се ослободени од обврската да поднесат потврда за вакцинација, прележан ковид – 19  или негативен тест, јави телевизијата Н1, пренесе Индекс.

Ако вработените што работат од дома немаат ковид потврда, тие ќе мора да се самотестираат со брз антигенски тест најмалку еднаш неделно, по што мора сертификатот да го испратат до работодавачот, а во него да бидат наведени датумот на тестирање, резултатот од тестот и потпис.  Трошоците за тестирање се на товар на работодавачот.

Доколку работникот не го стори тоа, ќе се смета дека ги прекршил обврските што произлегуваат од работниот однос, а работодавачот може да го казни согласно Законот за работни односи, објаснуваат од министерството.

Во отворено писмо до владата, словенечките угостители побараа укинување на задолжителните ковид потврди, предупредувајќи дека нивниот промет опаѓа и дека, според новите правила, гостите мора да имаат сертификати и на терасите.

Синдикатот на вработени во угостителската индустрија наведува дека владата со својата одлука ги задолжила угостителите за контрола на ковид пропусниците, што тие не можат да  го исполнат затоа што долго време се соочуваат со недостаток на кадар.

Синдикатот на угостители изјави дека го поддржува барањето на полицискиот синдикат да ја провери уставноста на новите правила од страна на Уставниот суд.

Синдикатот на словенечки полицајци објави дека поднеле иницијатива до Уставниот суд бидејќи, според владиниот протокол, вакцинациите или прележаниот ковид-19 се услов за одржување на вработувањето.

Продолжувањето на таквата „недозволива пракса“ може да доведе до напад врз други човекови права и основни слободи, чии жртви би можеле да бидат сите граѓани, смета полицискиот синдикат.

The post ВО ОВАА ЗЕМЈА Е ПОТРЕБНА И КОВИД ПОТВРДА ЗА РАБОТА ОД ДОМА Оние што ја немаат ќе се самотестираат еднаш неделно appeared first on plusinfo.mk.