Србинот, кој речиси излета од авионот на лет на „Рајанер“ поради скршен прозорец бара компензација од авиокомпанијата откако оваа му понудила само нов билет. Инцидентот се случи на лет од Грција до Германија, а пилотот успешно го пренасочи авионот на побезбедна надморска височина. Инцидентот сега го истражуваат американските власти.

Патникот на летот на „Рајанер“ кој речиси излета од авионот откако се скрши прозорецот на надморска височина од шест илјади метри тврди дека компанијата му понудила само нов авионски билет како компензација. Љубиша Каровиќ, 61-годишник од Србија, ангажирал адвокат и бара компензација од ирската авиокомпанија, објавува британски Телеграф.

Инцидентот се случи пред две недели на утрински лет од Грција до Германија. Каровиќ спиел кога прозорецот до неговото седиште експлодирал, а разликата во притисокот делумно го извлекла од авионот. Тој вели дека две недели по инцидентот, никој од „Рајанер“ не го контактирал лично.

– Добивме само е-пошта на име на мојот син, кој ги резервираше билетите. Прашаа дали сакаме нов лет и како сум. Но, никој од компанијата не ме контактираше директно, дури ни не ме повикаа за да покажат загриженост – рече Каровиќ.

Од сигурна смрт го спасиле неговата сопруга Светлана и другите патници кои во паника му ги држеле нозете. Неговата сопруга тврди дека членовите на екипажот не направиле ништо додека се бореле за неговиот живот.

– Изгледаа поисплашени од нас. Само патниците помогнаа, беа храбри – изјавила Светлана Каровиќ, кој

Љубиша Каровиќ претрпе тешки изгореници од триење и модринки на десната рака и градите во инцидентот на 10 јули.

Двојката сега ја застапува грчкиот адвокат Василис Цијарас, кој најави дека ќе бара значителна отштета.

– Мојот клиент се врати од работ на смртта и сакаме да се осигураме дека одговорните за ова ќе бидат повикани на одговорност. Не станува збор само за пари, туку за утврдување на вистината за тоа што се случило и за состојбата на авионот – рече Цијарас.

Инцидентот го истражува Националниот одбор за безбедност во сообраќајот на САД (NTSB), кој веќе го проверил авионот. Се очекува нацрт-извештајот да биде објавен за околу 28 дена. „Рајанер“ соопшти дека нема да дава никакви изјави додека трае истрагата.

Сепак, Нил Сорахан, главен финансиски директор на групацијата „Рајанер“, издаде соопштение.

– Нашиот тим за услуги на клиентите е во постојан контакт со семејството од инцидентот. Екипажот заврши одлична работа враќајќи го авионот во Солун. Сите патници, без исклучок, сами излегоа од авионот. Екипажот во кабината и пилотите завршија одлична работа – рече Сорахан.

Тој додаде дека ја поздравуваат истрагата на NTSB.

– Тие ќе спроведат целосна, независна истрага, во која ние целосно учествуваме. Нашите луѓе на терен активно помагаат во тој процес – заклучи тој.

A passenger almost sucked out of a window on a Ryanair jet claims the airline has done nothing for him except to offer to rebook his flight https://t.co/Pqc1NKfIvH pic.twitter.com/irvsAYfQmL

— The Telegraph (@Telegraph) July 26, 2026

The post МУ ПОНУДИЛЕ САМО НОВ АВИОНСКИ БИЛЕТ!? Србинот што висеше од прозорец на авионот на „Рајанер“ бара реална компензација appeared first on plusinfo.mk.

Србинот Љубиша Каровиќ, кој беше повреден на летот од Солун кон Минхен, откако се скрши прозорец од авионот и тој беше повлечен надвор, ги опиша драматичните моменти што ги доживеал пред две недели.

– Спиев. По некое време ме разбуди многу силен тресок што звучеше како експлозија на бомба. Бев свесен само еден момент, а не се сеќавам на останатото. Кога повторно се освестив, бев облеан во крв. Крв ми течеше по лицето и по рацете. Штом ги затворам очите, ми се враќаат слики од сè што доживеав во тие неколку минути. Тоа е кошмар што не можам да го опишам со зборови – објасни Љубиша.

Για πρώτη φορά δημόσια μίλησε ο 61χρονος Σέρβος επιβάτης της Ryanair, ο οποίος έζησε μια εφιαλτική εμπειρία κατά τη διάρκεια πτήσης από τη Θεσσαλονίκη προς το Μέμινγκεν της Γερμανίας, όταν η θραύση παραθύρου του αεροσκάφους τον εκτόξευσε εν μέρει έξω από την καμπίνα.#ingr… pic.twitter.com/IEsTTM7o7A

— in.gr/news (@in_gr) July 21, 2026

Тој вели дека по инцидентот повеќе не е истата личност, а неговиот живот целосно се променил.

– Сега сè ме мачи. Бучавата и вревата ме мачат, не можам да одам по улица, сè ме мачи. Психички го допрев дното. Тоа влијае и на мојата работа и на моето семејство. Што ќе се случи сега, сè зависеше од мене, јас бев „моторот“ на целото семејство. Мојот живот е целосно нарушен. Воопшто не можам да се концентрирам. Не можам да се фокусирам на ништо. Тоа значи дека едноставно повеќе не функционирам правилно. Дури и не размислувам да се вратам, да се качам во авион. Секој пат кога ќе го слушнам авионот, паничам и добивам треска. Воопшто не ми е добро – рече Љубиша.

Каровиќ, кој е сопственик на фабрика за алуминиум, носи Шанцова кравата, која ќе ја носи шест недели според препораките на докторите, а на рацете му се гледаат изгореници, настанати од триењето на воздухот.

The post ПРВО СВЕДОШТВО НА СРБИНОТ КОЈ ЗАГЛАВИ ВО ПРОЗОРЕЦОТ НА „РАЈАНЕР“ Спиел, а потоа се видел себеси облеан во крв appeared first on plusinfo.mk.

Прелиминарните наоди од истрагата за инцидентот во кој српскиот патник Љубиша Каровиќ беше делумно извлечен низ скршениот прозорец на авион Боинг 737-800 на компанијата Рајанер упатуваат на оштетување на моторот предизвикано од т.н. туѓ предмет (Foreign Object Damage – FOD), изјави денеска главниот извршен директор на компанијата, Мајкл О’Лири.

Таканареченото оштетување од туѓ предмет во пракса може да биде предизвикано од птица, камен или чакал од пистата, метален предмет, алат оставен на пистата, дел од друг авион или друго туѓо тело.

– Првите наоди укажуваат на оштетување на моторот предизвикано од туѓ предмет при полетувањето во Солун, но сè уште не можеме со сигурност да го потврдиме тоа – изјави О’Лири пред аналитичарите при претставувањето на кварталните резултати на Рајанер за периодот од април до јуни.

Според него, засега нема индиции дека причината за инцидентот е староста на авионот или пропусти во неговото одржување.

Авионот бил стар 18 години, а моторот во последните две години поминал целосен сервис и ремонт.

О’Лири најави дека нацрт-извештајот за инцидентот ќе биде објавен за околу 28 дена, по што ќе следува и конечен, подетален извештај.

Доколку оваа верзија биде потврдена, тоа би можело да ја намали одговорноста и на Боинг и на Рајанер, бидејќи инцидентот не би бил последица на технички дефект или несоодветно одржување на авионот.

На 10 јули, на летот ФР1879 на Рајанер од Солун до Меминген, 61-годишниот српски државјанин Љубиша Каровиќ беше повреден во драматичен инцидент кога, непосредно по полетувањето, се откачи прозорец од авионот, што предизвика нагла декомпресија. Каровиќ беше делумно извлечен низ отворот, но неговата сопруга Светлана Грковиќ и неколку патници успеале да го задржат и да го вратат во кабината. По инцидентот тој беше пренесен на болничко лекување.

ЛОПАТКА ОД ТУРБИНАТА ГО СКРШИЛА ПРОЗОРЕЦОТ НА АВИОНОТ НА „РАЈАНЕР“? Техничкиот советник на семејството на Љубиша даде проценка за инцидентот

МАКЕДОНИЈА ЈА ПРЕЗЕМА ИСТРАГАТА ЗА АВИОНОТ НА „РАЈАНЕР“ Инцидентот со скршениот прозорец се случил над македонскиот воздушен простор

ДРАМА НА ЛЕТОТ НА РАЈАНЕР ОД СОЛУН ЗА МИНХЕН Дел од моторот скршил прозорец, а патник од Србија излетал со главата надвор, го држеле други патници

The post „ТУЃ ПРЕДМЕТ“ ГО ОШТЕТИЛ МОТОРОТ Први наоди за скршениот прозорец на авионот на Рајанер appeared first on plusinfo.mk.

Летот на компанијата Рајанер од Лондон за Тирана, кој требало да трае околу три часа, се претворил во речиси дванаесетчасовна драма одбележана со силно невреме, две принудни пренасочувања, недостиг на храна и пијалаци, како и судири меѓу патниците и екипажот и интервенција на грчката полиција.

Летот RK8288 полетал од лондонскиот аеродром Станстед на 3 јуни за албанската престолнина, но лошото време го принудило пилотот да го промени планот на летање. Патниците некое време по полетувањето биле известени дека нема да слетаат во Тирана, туку во Бриндизи во Италија. По слетувањето во Италија, авионот останал на пистата речиси три часа, а патниците тврдат кое за тоа време добиле малку информации за тоа што се случува. Екипажот потоа најавил продолжување на летот за Тирана, но само десет минути пред планираното слетување било објавено дека авионот повторно се пренасочува, овој пат за Солун во Грција, поради грмежи над Албанија, пишува The Sun.

Меѓу патниците владеело големо незадоволство.

– Тогаш сите ги изгубија нервите и почнаа нереди – изјави еден патник за британските медиуми.

Група мажи се собра пред кокпитот и почна да го вика пилотот.

– Тој е кукавица. Пилотот мора да излезе и да се соочи со нас како маж – викаа незадоволните патници.

По слетувањето во Солун, 12 патници побарале да им се дозволи да излезат.

– Нема шанси тука да нè задржите – рекле тие.

Според зборовите на патниците, на крајот билс повикана грчката полиција, која му препорачала на екипажот да им дозволи на патниците да излезат.

Проблемите продолжиле и по полетувањето. Еден патник, за кого сведоците изјавиле дека бил целосно пијан, ги игнорирал упатствата на екипажот и почнал да оди низ кабината. Стуардесата, според зборовите на очевидците, морала физички да го врати на неговото седиште.

– Буквално го зграпчи, го крена како дете и го врати на седиштето. Беше неверојатно – рече еден патник.

Дополнителната фрустрација ја засилил недостигот на храна и пијалаци. Патниците велат дека по неколку часа веќе не им било дозволено да купуваат освежување, па морале меѓусебно да ги делат грицките што ги јаделе.

– Не ни дадоа ништо бесплатно, а некое време не можевме ниту да купиме храна или пијалак. Луѓето беа жедни и гладни. Бевме во авионот четири часа, можеби и подолго – рече еден патник.

Екипажот подоцна повторно ја отворил продажбата на храна и пијалаци, но залихите брзо се потрошиле, па останале само неколку кесички чипс, велат патниците.

Авионот конечно слетал во Тирана околу 5 часот наутро по локално време.

– Здраво, Албанија – рекол пилотот по слетувањето.

Патниците неговата порака ја поздравиле со аплауз, среќни што напорното патување конечно завршило.

– Бевме целосно исцрпени – рече еден патник.

Еден патник се обидел да побара отштета од Рајанер за речиси дванаесетчасовното патување, но неговото барање било автоматски одбиено. Спорот потоа бил пренесен до AviationADR, тело кое ги решава споровите меѓу патниците и авиокомпаниите.

Рајанер негира одговорност за доцнењето и наведува дека двете пренасочувања се резултат на вонредни околности кои се надвор од контрола на компанијата.

– Овој лет од Лондон Станстед за Тирана на 3 јуни беше пренасочен во Бриндизи поради неповолни временски услови на аеродромот во Тирана, а потоа во Солун поради грмежи. По 45 минути, екипажот повторно ја отвори продажбата на храна и пијалаци, а патниците во текот на целиот настан добиваа известувања преку е-пошта, СМС и мобилни известувања – соопшти Рајанер.

The post ЛЕТ ОД 3 ЧАСА ТРАЕЛ РЕЧИСИ 12 ЧАСА Патниците сакале да се пресметаат со пилотот, целосен хаос на лет од Лондон до Тирана appeared first on plusinfo.mk.

Додека трае истрагата за инцидентот со авионот на „Рајанер“ над македонското небо во кој пукна прозорец, грчките медиуми објавија интервју со технички советник кој го ангажирало семејството на повредениот Љубиша Каровиќ.

Техничкиот советник за ЕРТ тврди дека дел од турбината на авионот го скршил прозорецот покрај кој седел Љубиша. Според неговата анализа, токму тоа довело до декомпресијата и драмата на летот кој наместо за Меминген заврши назад во Солун.

– Прозорецот не се откачил сам, туку бил скршен од предмет што излегол од моторот, како што се гледа на видеата – објаснил експертот Христос Главопулос.

Според него, најверојатно станува збор за дел од лопатка на турбината. Тој наведува две можни причини за оштетувањето.

– Причината може да биде дефект на температурниот сензор Т12, кој се наоѓа токму кај местото каде што се гледа внатрешното оштетување на куќиштето, или кршење на самата лопатка поради замор на материјалот или внатрешен дефект – посочил техничкиот советник.

Адвокатот посочува на проблем со десниот мотор

Адвокатот на семејството, Василис Цијарас, потсетува дека истиот авион ден претходно (во четвртокот 9 јули) го прекинал летот од Солун кон Сараево и се вратил на аеродромот кратко по полетувањето.

– Не знаеме дали двата инцидента се поврзани, но сметаме дека постои пропуст во одржувањето. Сè започнало од десниот мотор – изјавил Цијарас.

Засега нема официјална потврда дека двата настана се поврзани.

Љубиша сè уште е во болница, се тресе на секое спомнување авиони

Каровиќ и натаму се лекува во болницата АХЕПА во Солун. Според неговата сопруга, има повреди на вратот и на рамото, како и изгореници од триењето при инцидентот.

– Мојот сопруг има сериозни повреди. Носи вратоврска, во шок е и се тресе кога ќе слушне за авиони. И јас сум во многу лоша психолошка состојба и земам седативи. Се плашев дека авионот ќе падне – раскажала Светлана.

Таа исто така раскажа дека непознат човек ѝ помогнал да го задржи Љубиша и дека би сакал да го сретне тој човек и да му се заблагодари.

Во наредната фаза од истрагата е предвиден првичен визуелен преглед на авионот. Во него ќе учествуваат надлежните истражни тела и техничкиот советник ангажиран од семејството.

The post ЛОПАТКА ОД ТУРБИНАТА ГО СКРШИЛА ПРОЗОРЕЦОТ НА АВИОНОТ НА „РАЈАНЕР“? Техничкиот советник на семејството на Љубиша даде проценка за инцидентот appeared first on plusinfo.mk.

Ако умреме, ќе умреме заедно, вели  Светлана, сопругата на Љубиша Каровиќ, раскажувајќи за голготата во авионот на „Рајанер“ над македонското небо. Светлана вели дека декомпресијата на зборот се случила за неколку секунди, а таа веднаш реагирала и му ги зграпчила нозете. Среќна околност било тоа што Љубиша бил врзан за безбедносниот појас, но горниот дел од неговото тело веќе бил надвор од авионот.

Светлана вели дека во тие моменти добила помош од патник кој седел во близина.

– Еден човек многу ми помогна. Ги држевме нозете на Љубиша заедно додека авионот се враќаше кон Солун. Мислам дека беше Албанец и многу сум му благодарна. Не се сеќавам на неговото име, дури не знам ни дали ми кажа. Би сакала повторно да го сретнам и лично да му се заблагодарам – изјавила таа за порталот Нова.

Таа се присетила и на мајка која седела во близина со своето дете и во страв силно го прегрнала.

Во текот на драмата која се одвивала на 10.000 метри височина, како што тврди Светлана, Љубиша неколкупати ја губел свеста.

„Важно ми е дека е жив“

По принудното враќање во Солун, Љубиша бил пренесен во болница.

– Важно ми е дека е жив. Тешко е повреден и во шок. Раката му е особено повредена, а има и изгореници. Не е во состојба да комуницира и не се сеќава на целиот настан – раскажала Светлана.

Инцидентот се случи на 10 јули на лет на „Рајанер“ од Солун кон германскиот Меминген. Според досегашните информации, дошло до оштетување на прозорец, по што кабината се декомпресирала.

Македонија ја води истрагата бидејќи инцидентот се случил во македонскиот воздушен простор. Во постапката учествува и Националниот одбор за безбедност во сообраќајот на САД (NTSB).

Ројтерс објави и дека истиот авион ден претходно го прекинал летот од Солун кон Сараево и се вратил на аеродромот кратко по полетувањето, повикувајќи се на податоци од Флајтрадар24 и неименуван извор.

НОВ ДЕТАЛ ЗА ИНЦИДЕНТОТ СО „РАЈАНЕР“ Aвионот имал инцидент и ден пред драмата над македонското небо?

The post СВЕТЛАНА СЕ СЕЌАВА ДЕКА ИМАЛА ПОМОШ ДА ГО ЗАДРЖИ ЉУБИША ОД АВИОНОТ Би сакала да го сретнам човекот и да му се заблагодарам appeared first on plusinfo.mk.

Драматичниот инцидент на летот на „Рајанер“ од Солун кон германскиот Меминген доби нов заплет откако се откри дека истиот авион имал уште еден проблем само 24 часа претходно.

Според објавата на српски Мондо, кој пак, се повикува на тековната истрага, авионот „Боинг 737“ ден пред инцидентот над Македонија полетал од Солун кон Сараево, но набргу бил принуден да го прекине летот и да се врати на аеродромот од кој полетал.

Ројтерс во саботата објави дека истиот авион го прекинал летот за Сараево ден претходно, повикувајќи се на податоци од Флајтрадар24 и неименуван извор. Засега не е познато што точно го предизвикало враќањето на авионот, ниту дали тој настан има каква било врска со драмата што следела следниот ден.

Најголемо внимание предизвика инцидентот што се случил над македонскиот воздушен простор, кога, според досегашните информации, дошло до оштетување на прозорец на авионот на лет од Солун за Меминген во петокот, 10 јули.

Првичните наоди упатуваат дека дел од моторот можеби се оштетил, по што метален фрагмент го погодил прозорецот. Поради тоа дошло до декомпресија на кабината.

Во тие моменти во животна опасност се нашол српскиот државјанин Љубиша Каровиќ. Според сведоштва на патници, силата на воздухот го повлекла кон оштетениот дел од авионот, а трагедијата била избегната благодарение на неговата сопруга и неколку патници кои успеале да го задржат и да го извлечат назад во кабината.

По инцидентот авионот кружел извесно време, а потоа се вратил во Солун.

Истрагата ја води Македонија бидејќи настанот се случил во македонскиот воздушен простор. Од Комитетот за истраги на воздухопловни несреќи и сериозни инциденти потврдија дека согласно правилата на ИКАО, побарале поддршка од Националниот одбор за безбедност во сообраќајот на САД (NTSB).

Американската агенција веќе назначила свој акредитиран претставник кој ќе учествува во постапката заедно со македонските истражители.

Производителот „Боинг“ соопшти дека ќе ја поддржи истрагата и ќе соработува со надлежните органи.

The post НОВ ДЕТАЛ ЗА ИНЦИДЕНТОТ СО „РАЈАНЕР“ Aвионот имал инцидент и ден пред драмата над македонското небо? appeared first on plusinfo.mk.

Македонија ќе ја води истрагата за драматичниот инцидент на летот на „Рајанер“ од Солун кон германскиот Меминген. Авионот по влегувањето во македонскиот воздушен простор бил принуден да се врати во Грција, но инцидентот се случил на македонско небо.

Ова е согласно меѓународните правила за истрага на воздухопловни несреќи и инциденти. Драмата се случувала на голема височина кога, според досегашните информации, дошло до оштетување на прозорец во авионот.

Патник, српски државјанин, се најде во животна опасност откако бил вшмукан кон оштетениот дел од леталото. Српските медиуми објавија дека неговата сопруга го држела за нозете во обид да спречи уште потешка трагедија.

Од Комитетот за истраги на воздухопловни несреќи и сериозни инциденти (КИНСИВ) за МИА информираа дека, согласно Анекс 13 на Меѓународната организација за цивилно воздухопловство (ICAO), претходно било доставено барање истрагата да биде делегирана на Националниот одбор за безбедност во сообраќајот на САД(НТСБ).

– Во истрагата предводена од NTSB ќе учествуваат и претставници на КИНСИВ – изјави претседателот на КИНСИВ, Марјан Прпоски,

НТСБ потврди дека Македонија е надлежна

Потврдата дека истрагата ќе ја води Македонија дојде и од Националниот одбор за безбедност во сообраќајот на САД (НТСБ). Американската агенција соопшти дека назначила свој акредитиран претставник кој ќе им помага на македонските власти во истрагата.

Според меѓународните протоколи на ИКАО, земјата над чија територија се случил инцидентот има примарна надлежност да ја води постапката.

Тоа значи дека иако авионот полетал од Грција и се вратил на аеродромот во Солун, клучниот фактор е локацијата каде што се случил настанот.

Ќе се утврдува што го предизвикало оштетувањето

Истрагата треба да утврди како дошло до оштетувањето на прозорецот, дали постоел технички дефект и дали биле испочитувани сите безбедносни процедури.

Засега нема официјални информации за причините за инцидентот, ниту за евентуални дополнителни оштетувања на леталото.

Случајот привлече големо внимание во регионот поради драматичните сведоштва на патниците и околностите под кои авионот морал итно да го прекине летот и да се врати во Солун.

The post МАКЕДОНИЈА ЈА ПРЕЗЕМА ИСТРАГАТА ЗА АВИОНОТ НА „РАЈАНЕР“ Инцидентот со скршениот прозорец се случил над македонскиот воздушен простор appeared first on plusinfo.mk.

По повеќе од 13 години преговори, Европската Унија постигна договор за значајни измени на правилата што ги регулираат правата на патниците во авионскиот сообраќај. Новата регулатива носи поголема заштита за патниците, поголема транспарентност на цените на билетите и јасни правила за бесплатниот рачен багаж.

Европскиот парламент ги усвои ревидираните правила, со кои се задржуваат постојните права на патниците на финансиски надомест во случај на големи доцнења или откажување на летови.

До 600 евра обештетување за доцнења и откажани летови

Според новите правила, патниците ќе имаат право на надомест доколку авионот доцни повеќе од три часа до крајната дестинација или ако летот биде откажан помалку од 14 дена пред полетувањето.

Висината на надоместокот останува непроменета:

– 250 евра за летови до 1.500 километри;

– 400 евра за летови во рамките на ЕУ подолги од 1.500 километри и за други летови меѓу 1.500 и 3.500 километри;

– 600 евра за сите останати летови.

Авиокомпаниите ќе бидат обврзани најдоцна 96 часа по пристигнувањето електронски да ги информираат патниците за нивните права и за можноста да поднесат барање за надомест.

Патниците ќе имаат рок од девет месеци за поднесување барање, а авиокомпаниите ќе мора во рок од 30 дена да исплатат надомест или детално да образложат зошто барањето е одбиено.

Крај за практиката „no-show“

Една од најзначајните новини е забраната на практиката „no-show“, според која авиокомпаниите можеа да го поништат повратниот билет доколку патникот не го искористил првиот лет од резервацијата.

Истовремено, превозниците ќе мора уште при резервацијата јасно да прикажат што е вклучено во цената на билетот, со што патниците полесно ќе ги споредуваат понудите.

Првпат се утврдуваат точни димензии за бесплатниот багаж

Новите правила за првпат ги унифицираат димензиите на бесплатниот личен предмет што патникот може да го внесе во кабината.

Максималните дозволени димензии ќе бидат 40 × 30 × 15 сантиметри, што се однесува на мала торба, ранец или торба за лаптоп.

И понатаму ќе можат да постојат поевтини тарифи за патници кои патуваат без рачен багаж, но условите ќе мора однапред да бидат јасно прикажани.

Поголема заштита за семејствата и лицата со намалена подвижност

Регулативата носи и дополнителни права за децата, трудниците, лицата со инвалидитет и лицата со намалена подвижност.

Трудниците, децата до 14 години и семејствата кои патуваат со лица со намалена подвижност ќе имаат право да седат заедно без дополнителни трошоци.

„Рајанер“ реагира против новите правила

Нискобуџетните авиокомпании, меѓу кои и „Рајанер“, веќе ја критикуваа новата регулатива, оценувајќи дека дополнителните обврски може да ги зголемат трошоците и да ја отежнат понудата на најевтините авионски билети.

Од друга страна, експертите сметаат дека новите правила ќе ја намалат конфузијата околу багажот, дополнителните трошоци и правата на патниците, особено кај оние кои патуваат со различни авиокомпании.

Според нив, унифицирањето на правилата ќе донесе поголема сигурност, транспарентност и полесно остварување на правата на патниците низ Европската Унија.

The post ЕУ ГИ МЕНУВА ПРАВИЛАТА ЗА ЛЕТАЊЕ Се воведуваат нови измени за багажот, билетите и обештетувањата appeared first on plusinfo.mk.

Сопругата на 61-годишниот државјанин на Србија,Светлана Грковиќ, кој беше повреден откако за време на лет со авион на „Рајанер“ од Солун му пукнал прозорецот, ги опиша драматичните моменти во кои таа, друга патничка и уште еден патник се бореле да го задржат за да не испадне од леталото.

Љубиша Каровиќ се наоѓа во болница, каде се опоравува од повредите и претрпениот шок. Неговата сопруга, Светлана Грковиќ, во емисијата „Live News“ на грчката телевизија „Мега“ раскажа што се случувало во авионот.

„Сè се случи за дел од секунда“

– Летавме веќе 30 до 40 минути кога одеднаш пукна прозорецот. Мојот сопруг седеше до прозорецот. Сè се случи за дел од секунда. Прозорецот пукна за време на летот и поради разликата во притисокот, половина од неговото тело заврши надвор од авионот – раскажа сопругата.

Таа додаде дека во кабината настанала паника, а патниците не знаеле како да реагираат.

– Сè леташе низ кабината. Паднаа маските за кислород, а никој не знаеше што да направи. Сите плачеа – изјавила таа.

Според нејзиното сведоштво, најпрво таа и нивната сопатничка се обиделе да го задржат мажот, а потоа им помогнал и друг патник кој седел во соседниот ред.

– Ние двете го држевме, а потоа дојде господинот од редот покрај нас и заедно го влечевме за рака, додека половина од неговото тело беше надвор од авионот – раскажа таа.

Сигурносниот појас му го спасил животот

Грчките медиуми наведуваат дека голема улога во спасувањето имал и сигурносниот појас, бидејќи патникот бил врзан во моментот кога се случил инцидентот.

По драматичниот настан, авионот го сменил курсот и безбедно слетал на аеродромот „Македонија“ во Солун, каде патниците биле евакуирани.

Повредениот 61-годишен маж, како и луѓето кои му помогнале, биле пренесени во болница. Од Генералниот конзулат на Србија во Солун претходно потврдиле дека лекарите ја проценуваат сериозноста на повредите и неговата здравствена состојба, но дека не е во животна опасност.

Според пишувањата на грчките медиуми, за време на слетувањето на авионот, дел од оштетениот мотор наводно се одвоил и удрил во прозорецот на кабината. Истражните органи продолжуваат со проверка на сите околности околу инцидентот.

ДРАМА НА ЛЕТОТ НА РАЈАНЕР ОД СОЛУН ЗА МИНХЕН Дел од моторот скршил прозорец, а патник од Србија излетал со главата надвор, го држеле други патници

The post ПОЛОВИНА ОД ТЕЛОТО МУ БИЛО НАДВОР, ТРИ ПАТИ СЕ ОНЕСВЕСТИЛ Сопругата раскажа како го спасиле откако пукнал прозорецот во авионот appeared first on plusinfo.mk.