Славниот пар, кој постојано ја криеше својата врска од очите на јавноста, се појави заедно во „Вечерното шоу на Џими Фалон“ во четвртокот (5 март), каде што 45-годишниот актер ѝ приреди на својата сопруга посебно изненадување за роденденот.

Гослинг беше гостин во популарното ток-шоу пред објавувањето на неговиот нов филм „Project Hail Mary“, и ја искористи можноста да го прослави 52-риот роденден на својата сопруга Ева Мендес.

Таа се придружи во студиото облечена во сино-бел кардиган од „Луј Витон“ кој неодамна го носеше Гослинг за време на едно гостување. Ева го искомбинира со ретро фармерки со широки ногавици и маица од насловната страница на албумот на Џон Ленон и Јоко Оно од 1980 година „Double Fantasy“. Гослинг носеше црна кошула, црни панталони и сиво двојно закопчано сако со златни копчиња.

Кога Мендес излезе пред публиката, Гослинг ја фати за рака и заедно излегоа на сцената. Актерката им се обрати на наставниците и учениците во публиката, заблагодарувајќи им се за нивното влијание.

Потоа Фалон откри дека водачите на бендот од средното училиште Норт Берген во Њу Џерси биле исто така во публиката, по што училишниот бенд ѝ ја отсвири песната „Среќен роденден“ на Мендес, држејќи транспарент на кој пишуваше „Среќен роденден, Ева!“, Гослинг ракоплескаше и пееше, а Мендес му се заблагодари со бакнеж.

Моментот го означи првото јавно појавување на двојката заедно од премиерата на „ The Place Beyond The Pines“ во Њујорк во 2013 година. Тие се запознаа на снимањето на тој филм во 2011 година и оттогаш се во врска, но постојано избегнуваат да се појавуваат заедно како двојка. Имаат две ќерки, Есмералда во 2014 година и Амада во 2016 година.

Во 2022 година, Мендес почна јавно да го нарекува Гослинг нејзин сопруг, потврдувајќи ги шпекулациите дека тајно се венчале. Во ноември истата година, таа сподели фотографија од нејзината тетоважа „де Гослинг“.

Во латинската култура, „де“ се користи за комбинирање на презимето на жената со презимето на нејзиниот сопруг и е јасен знак за нивниот брачен статус.

The post 🎥 РАЈАН ГОСЛИНГ И ЕВА МЕНДЕС ЗАЕДНО ВО ШОУТО НА ЏИМИ ФАЛОН Актерот ѝ приреди на својата сопруга посебно изненадување за роденденот appeared first on plusinfo.mk.

Во „Project Hail Mary“, Рајан Гослинг игра неволен астронаут на мисија да ја спаси Земјата од тотална катастрофа. Во неодамнешното интервју, 45-годишниот актер е слично херојски настроен кон новинарот заглавен покрај патот.

Имено, репортерот на „Добро утро Чикаго“, Џејк Хамилтон, го започна своето интервју со Гослинг кое оттогаш стана вирално на Инстаграм – додека стоеше надвор, во пустината. Со оглед на тоа што интервјуто требаше да биде промоција на новиот филм на Гослинг, новинарот му постави прашање за оваа нова научно-фантастична авантура, но актерот го прекина и го праша дали му е потребно спасување.

– Дали имате помош на патот? – праша актерот кој има три номинации за Оскар, пред да се пошегува дека изгледа како Хамилтон да известува од внатрешноста на вулкан.

Всушност, Хамилтон бил на турнеја низ Големиот Кањон пред интервјуто со ѕвездата од филмот „Барби“, но, кога туристичкиот автобус се расипал, тој морал да импровизира.

– Очигледно, би направил сè за да не пропуштам интервју со тебе – му рече Хамилтон на Гослинг.

И така, Хамилтон се поставил покрај патот, со автомобили што поминуваа зад него и со другите патници во туристичкиот автобус во позадината. Со оглед на карпестата, вонземска позадина, се чинеше дека е совршена сцена да го прашаат Гослинг за филм каде што тој се здружува со вонземјанин со прекар „Роки“.

Но, Гослинг има поинаков филм на умот.

– Изгледаш како Том Круз во „Невозможна мисија“, забележа тој, споредувајќи го изгледот на Хамилтон со оној на Итан Хант во вториот дел од шпионската серија.

Меѓу прашањата за интервјуто, Гослинг полузагрижено, пиолу на шега го прашува Хамилтон дали има доволно залихи за да преживее, а исто така сугерира дека можеби ќе биде корисно да се тргне малку настрана. „

– Тоа може да стане грдо – вели тој.

Хамилтон му даде до знаење на Гослинг дека ќе биде сосема добро, бидејќи имал две основни работи за новинар во неговата ситуација: „Имам вода и имам производи за коса“.

Погледнете го ова необично интервју.

 

View this post on Instagram

 

A post shared by Jake Hamilton (@jakestakes)

Инаку, Project Hail Mary го означува враќањето на Гослинг во вселената по филмот First Man (Првиот човек) од 2018 година. Погледнете го трејлерот за овој нов филм на Гослинг кој излегува во кината на 20 март.

The post 🎥 ТРЕБА ДА ГО ИНТЕРВЈУИРАТЕ РАЈАН ГОСЛИНГ, А СТЕ ЗАГЛАВИЛЕ ВО ПУСТИНА… „Дали имате помош на патот и доволно вода?“ appeared first on plusinfo.mk.

Новиот филм за Рамбо, кој првпат се појави пред цели 30 години, би требало да излезе во 2026 година, а ќе го режира Китао Сакураи.
Тој е безвременски акционен филм за љубителите на овој жанр, а освен што го толкуваше главниот лик, Силвестер Сталоне беше и косценарист.

Во новиот филм за Џон Рамбо, ќе го видиме актерот Ноа Сентинео, 29, како ја игра оваа улога, иако тој не бил првиот избор на Сталоне.

Ноа го доби својот прв голем пробив кога ја презеде улогата на Исус Адамс Фостер во „Фостерс“ во 2013 година.
Тој го играше Питер Кавински во сите филмови „To All The Boys“ и ја играше главната машка улога во „Sierra Burgess Is A Loser“.

Инсајдерите велат дека Силвестер е свесен за проектот и е „известен“ за изборот на Ноа.

Ѕвездата на Рамбо, 79-годишниот Сталоне ја изрази својата желба за тоа кој би сакал да ја игра улогата.

Во разговор во емисијата „The Tonight Show“ на Џими Фалон минатата година, Силвестер рече дека би му ја „предал палката“ на Рајан Гослинг.

Тој рече: „Го запознав на вечера и очигледно сме различни. Тој е убав – јас не сум. Така функционира.

Сталоне раскажал дека Гослинг му кажувал дека како дете бил фасциниран од Рамбо и одел на училиште облечен како Рамбо.

– Тој само постојано велеше дека има голема поврзаност со Рамбо, и јас си помислив дека ова е интересно. Ако некогаш ја предадам палката, ќе му ја предадам нему затоа што го сака ликот – рекол Сталоне.

The post КОЈ ЌЕ БИДЕ НОВИОТ РАМБО? Откриен е наследникот на Сталоне, но не е тој што актерот го сакал за оваа улога appeared first on plusinfo.mk.

Таа одлука ги разбесни фановите кои ги преплавија социјалните мрежи со коментари, а изгледа не му се допадна ниту на актерот кој го глумеше Кен.

„Малку е да се каже дека сум само разочаран што тие не се номинирани во нивните категории“, рече Гослинг во неговата изјава.

„Многу сум почестен што сум номиниран покрај моите неверојатни колеги кои глумеле во други одлични филмови. И никогаш не мислев дека ќе го кажам ова, но неверојатно сум горд што ја отелотворив пластичната кукла по име Кен“, додаде тој.

„Но, нема Кен без Барби, и нема филм за Барби без Грета Гервиг и Маргот Роби, кои се најзаслужни за овој неверојатен филм“, заклучил тој. Со слично мислење е и неговата колешка Америка Ферера, која за „Вариети“ изјави дека е многу разочарана што Роби и Гервиг не биле номинирани.

Да потсетиме, очекувано, филмот на Кристофер Нолан „Опенхајмер“ доби 13 номинации. Следува „Кутри нешта“ со Ема Стоун со 11 номинации, додека драмата на Мартин Скорсезе „Убијци на црвената месечина“ доби 10.

The post НЕ СЕ БЕСНИ САМО ОБОЖАВАТЕЛИТЕ ПОРАДИ ИЗВИСУВАЊЕТО НА МАРГО РОБИ И ГРЕТА ГЕРВИГ Рајан Гослинг за номинациите за Оскар – „Разочаран сум“ appeared first on plusinfo.mk.

Песната се вика „Јас сум само Кен“ (I’m Just Ken), која ја напиша Марк Ронсон. Иако песната на почетокот изгледа смешно, многумина се поистоветуваат со стиховите што ги пее повредениот Кен (Рајан Гослинг).

„Не е важно што правам, јас сум секогаш на различно место. Никој не знае колку напорно се трудев. Имам чувства кои не можам да ги објаснама, а кои ме излудуваат. Целиот свој живот бев љубезен, но вечерва ќе спијам сам“, се некои од нив.

Интересно е што на снимањето учествувале легендарниот гитарист на „Ганс енд роузес“, Слеш и тапанарот на „Фу фајтерс“, Џош Фриз. Синглот набрзо стана хит.

„Отидов да ја гледам „Барби“ за да се забаавувам. Никогаш не ни замислував дека песната ќе ме расплаче“, „Текстот совршено го опишува мојот живот. Таа не ме забележува“, „Другари, може ли сите да се согласиме дека барем еднаш во животот се чувствувавме вака?“, се некои од коментарите.

Гослинг инсистирал тој да ја отпее песната. Ронсон изјавил дека вокалните способности на актерот го изненадиле.

„Се трудеше песната да не стане пародија, но очигледно е дека во некои моменти е смешна. Беше навистина неверојатен. Кога почна да ги пее високите ноти, помислив колку тој е всушност моќен пејач”, рекол тој.

The post (ВИДЕО) ПЕСНАТА ОД ФИЛМОТ „БАРБИ“ СТАНА ХИМНА НА НАПУШТЕНИТЕ МАЖИ Сите плачат кога ќе ја слушнат appeared first on plusinfo.mk.

Мендес објави фотографија на која позира во жолт топ, покривајќи дел од лицето со раката. На нејзиниот лев зглоб има тетоважа на која пишува „де Гослинг“ – форма што се користи во шпанската култура за комбинирање на презимето на жената со презимето на нејзиниот сопруг по бракот.

 

View this post on Instagram

 

A post shared by Eva Mendes (@evamendes)

Пријател на Ева во коментар ја прашал дали се работи за нова тетоважа.

– Стара е, си ја видел многу пати. Те сакам ф – одговорила Ева.

Во септември таа сподели фотографија на која исто така се гледа истата тетоважа додека со раката покажувала на цвеќиња. Веќе тогаш, многумина заклучија дека тоа е знак дека Гослинг и Мендес го кажале судбоносното „да“.

Да потсетиме, Рајан и Ева се заедно 11 години и решија да ја држат својата врска приватна. Двојката има две ќерки, Есмералда (8) и Амада (6).

Мендес и Гослинг се запознаа на сетот на филмот „Гревовите на татковците“ во 2011 година, во кој глумеа пар со бебе.

 

View this post on Instagram

 

A post shared by ryan gosling & eva mendes (@gosling.mendes)

Нивната хемија на екранот прерасна во љубов во реалниот живот. Недолго по снимањето на филмот, парот беше виден во романтична атмосфера во Париз.

ФОТО: Инстаграм

The post ПОРАДИ ЕДЕН ДЕТАЉ Обожавателите се убедени дека Ева Мендес и Рајан Гослинг се венчале (ФОТО) appeared first on plusinfo.mk.

Во филмот „Барби“ таа ја игра иконската кукла Барби, додека Рајан Гослинг ќе го видиме во улогата на Кен.

Margot Robbie and Ryan Gosling are both being paid $12.5 million for ‘BARBIE.’ pic.twitter.com/WchaLJ3VjC

— Pop Base (@PopBase) July 20, 2022

Нејзината заработка ја надмина претходната која изнесуваше 10 милиони долари за улогата во филмот „Birds of Prey“.

На Гослинг наводно му бил платен ист хонорар како и на Марго, со што двајцата се на 16-то место на листата на „Вариети“ за најплатени актери во Холивуд.

Margot Robbie (2022) pic.twitter.com/vy5NqAEakA

— Celeb Crushes 95K (@coolcrushes) July 19, 2022

На второ место, веднаш по Марго, е актерката Мили Боби Браун, која заработи 10 милиони долари.

На првото место на оваа листа е Том Круз кој заработи неверојатни 100 милиони долари за продолжението на филмот „Топ ган: Маверик“.

Филмот „Барби“ се снимаше четири месеци, а социјалните мрежи беа преплавени со нови фотографии од Рајан и Марго кои личеа на Барби и Кен. Сепак, актерката објаснува дека нѐ очекува нешто неочекувано.

– Луѓето веднаш имаат претпоставки. „О, Маргот ја игра Барби, знам што е тоа“. Тоа беше нашата цел – што и да мислите, ќе ви дадеме нешто сосема друго, она што не сте знаеле дека го сакате – рекла актерката.

The post МАРГО РОБИ СТАНА НАЈПЛАТЕНАТА АКТЕРКА ВО ХОЛИВУД Еве колку доби за улогата на Барби appeared first on plusinfo.mk.

Веќе имавме можност да видиме фотографии од Марго Роби во улогата на Барби, а сега знаеме како Рајан Гослинг се трансформирал за улогата на Кен.

Актерот кој расплака половина свет со улогата во филмот „Бележник“ во филмот глуми мускулест, русокос херој, чии гаќи ѕиркаат од панталоните.

Гослинг позирал со руса коса и бронзен тен, а во тексас фармерки и раскопчан елек покажа неверојатни стомачни мускули на стомакот.

 

View this post on Instagram

 

A post shared by Cinema Solace (@cinemasolace)

Коментарите за новиот имиџ на Рајан Гослинг се поделени – додека има и такви кои не им веруваат на своите очи и го молат да се откаже, имало коментари и „дека ваков Кен би можел опуштено да ме прегази со автомобилот на Барби“.

 

View this post on Instagram

 

A post shared by Donovan (@not_the_troubadour)

ФОТО: Инстаграм

The post МИСЛЕЊАТА ПОДЕЛЕНИ Дали ви се допаѓа славниот актер како Кен? (ФОТО) appeared first on plusinfo.mk.

Една од нејзините пријателки го доведе под знак прашање колку Рајан се грижи за своите деца. Како што може да се заклучи, Ева изгледа како самохрана мајка која се бори, а судејќи според објавите на Инстаграм, Рајан воопшто не се грижи за децата.

„Здраво Ева, се надевам дека ќе одговориш на моето прашање. Јас навистина те сакам, но вчера видов дека некој искоментира нешто за што веќе размислував. Мајките се чини дека се единствените што се грижат за децата. Јас исто така се грижам за моите но и мојот сопруг исто така се грижи. Фер е да признаеме колку се обидуваат татковците. Понекогаш вие изгледате како самохрана мајка која се бори, а знаеме дека имате сопруг, но според вашето пишување, се чини дека тој ја остави целата работа на вас и не ви помага.“

„Благодарам за искрениот коментар, еве го мојот искрен одговор“, започна таа.

Таа додаде дека го користи Инстаграмот за да се поврзе со мајките и да зборуваат за мајчинството.

„Ги сакам жените, сакам да се поврзам со жени. Затоа го имам овој профил. И кога ќе кажам дека сум изморена мајка, сакам да се поврзам со други изморени мајки, не сакам да ги исклучувам татковците и другите што се грижат за децата. Тоа е само мојот начин за Јас да се поврзувам со мајките на начин што не ги оценува напорите на татковците. Не зборувам за Рајан или за сите прекрасни работи што тој ги прави како татко затоа што сакам да го задржам тој дел приватно. Не сакам да се мешам со него или да зборувам за неговото родителство затоа што тоа ги надминува границите што ги поставив“, напишала Ева.

Таа истакна дека било полесно да споделува работи за себе без да ги вклучва во тоа мажот и децата.

„Не сакам да бидам затворена, но сакам да ја задржам приватноста“, додала таа.

„Благодарам за овој коментар. Јас навистина го почитувам вашето прашање. Сакам кога навистина можеме да комуницираме, убаво е чувството“, заклучила таа.

 

View this post on Instagram

 

Tired Mama. Stayed up laaate trying to make my baby’s 4th birthday extra special since she won’t see the family. Here’s to all you having a quarantine birthday …sending extra love. Here’s to all you tired mamas…sending extra love. ⠀

A post shared by Eva Mendes (@evamendes) on Apr 29, 2020 at 1:32pm PDT

The post Го нападнале Рајан Гослинг за невоспитување на децата, Ева Мендес првпат проговори за нив appeared first on plusinfo.mk.