Осудениот рапер Ар Кели е итно префрлен во болница откако се предозирал со таблети во затвор.

Ар-ен-би ѕвездата се предозирал откако затворскиот персонал му дал лекови, изјави неговиот адвокат во судскиот поднесок.

Кели во моментот отслужува 30-годишна затворска казна за рекетирање и трговија со луѓе откако беше разоткриен како сериски сексуален престапник за време на движењето #MeToo.

Да потсетиме, американскиот суд ја потврди казната од 20 години затвор за раперот Ар Кели за сексуално злоставување деца, објави „Гардијан“. Тој беше прогласен за виновен по три точки од обвинението за детска порнографија и три точки од обвинението за наведување малолетници на сексуален однос.

Поротниците го ослободија по седум од 13-те точки од обвинението дури и откако ги прегледаа снимките од злоупотребата. Тој беше ослободен од вината по четвртата точка од обвинението за детска порнографија, по три точки за заговор со цел примање детска порнографија, по две точки за наведување малолетник на сексуален однос, а поротата пресуди и дека тој не ја попречувал правната постапка што се водеше против него во 2008 година, исто така за детска порнографија.

Да потсетиме, во јуни 2022 година, по повеќе од две децении обвинувања за сексуална злоупотреба и поткуп, Кели беше осуден на 30 години затвор за водење мрежа за проституција и рекетирање.

Судијката Ан М. Донели го осуди и покрај барањето на неговите адвокати да биде осуден на 10 години затвор. Кели дозна за својата казна откако неговите жртви опишаа како ги напаѓал и ги заведувал обожавателките. Девет жени и двајца мажи детално опишаа како Ар Кели сексуално ги злоупотребувал и понижувал.

Пејачот беше прогласен за виновен во 2021 година, а сведоците рекоа дека жртвите се надевале дека тој ќе им помогне во нивните кариери, додека всушност барал апсолутна послушност од нив.

The post АР КЕЛИ СЕ ПРЕДОЗИРАЛ СО ЛЕКОВИ ВО ЗАТВОР, ИТНО ПРЕНЕСЕН ВО БОЛНИЦА Раперот отслужува 30-годишна казна за трговија со луѓе appeared first on plusinfo.mk.

Според тоа, се испоставува дека Р. Кели (55) е свршен со една од своите наводни жртви, а самата Џослин се се заложила за поблага казна.

„Ова писмо го пишувам во знак на поддршка на Роберт пред изрекувањето на пресудата, за да можам да му објаснам на судот дека не сум жртвата како што ме претстави владата“, додала таа.

Севиџ, која била една од неговите две девојки кои живееле со него, во писмото пишувала за нејзината врска со пејачот, велејќи дека имаат „посебна поврзаност“ и „длабока љубов“.

„Роберт не е чудовиште како што го опишаа. Роберт што го знам е многу мил, нежен и љубезен. На крајот од денот, секогаш се грижеше за мене, како и за сите други жени со кои беше“, раскажала девојката.

Таа продолжила да го фали Кели, нарекувајќи го сестрана и неверојатна личност која ја користи секоја прилика да им помогне на оние на кои им е потребно тоа.

Таа ги демантирала наводите за посрамотената ар-ен-би ѕвезда, а истакнала дека работите што се зборуваат за него, како оние дека ја држел неа и другите жени против нивна волја, се целосно невистинити.

„Роберт и јас  сме многу заљубени и ми се крши срцето што сите мислат дека сум жртва. Јас сум возрасна жена и можам да зборувам за себе, поради што сакав да му го дадам ова писмо на судот“, истакнува таа.

Писмото на свршеницата на осудениот пејач било испратено до судот на 13 јуни, но Р. Кели сепак беше осуден на 30 години затвор, поради низа сексуални злосторства, меѓу кои било и повеќегодишно водење на „систем“ на сексуална експлоатација на млади жени и деца.

The post ПЕЈАЧОТ ОСУДЕН ЗА СИЛУВАЊЕ Е СВРШЕН СО СВОЈАТА НАВОДНА ЖРТВА? Таа испратила писмо до судот, бара поблага казна appeared first on plusinfo.mk.

Познатиот пејач Р.Кели(55), кој ја испеа песната „I Believe I can fly“ од филмот Спејс Џем за кошаркарот Мајкл Џордан, филм со кој растеа генерации деца, е осуден на 30 години затвор за сексуална злоупотреба на жени и деца. Пејачот носеше темни наочари и затворска облека и не го коментираше изрекувањето на казната, јавува Би-Би-Си.

Адвокатите на пејачот, чие вистинско име е Роберт Силвестер Кели, велат дека тој ќе поднесе жалба. Пред изрекувањето на пресудата, неколку жени застанаа да се соочат со Кели.

Една жена идентификувана само како Анџела го нарече пејачот „злобник кој станувал сѐ полош“ со секоја нова жртва, додека други кои не беа именувани сведочеа дека ги скршил нивните духови.

– Буквално посакував да умрам поради тоа како ме натера да се чувствувам – рече една од жртвите.

Окружната судијка на САД, Ен Донели, рече дека славната личност користела секс како оружје, принудувајќи ги своите жртви да прават неискажливи работи, а некои заболеле од сексуално преносливи болести.

– Ги научивте дека љубовта е ропство и насилство – рече таа.

Во судот се слушаа сведочења како Кели го искористил своето влијание за да ги намами жените и децата на сексуална злоупотреба во текот на две децении. Поротниците на неговото шестнеделно судење во Бруклин слушнале како тој тргувал со жени меѓу различни американски држави, потпомогнат од менаџери, чувари и други членови на неговата придружба.

Судот исто така слушна како Кели незаконски набавил документи за да се омажи за пејачката Алаја кога таа имала 15 години во 1994 година, седум години пред пејачката да умре во авионска несреќа.

Во потврдата, протечена во тоа време, се наведува дека Алаја имала 18 години. Нивниот брак беше поништен неколку месеци подоцна.

Јованте Канингем, поранешна резервна пејачка на Кели, рече дека никогаш не верувала дека ќе дојде овој ден.

– До овој момент немаше ден во мојот живот кога навистина верував дека судскиот систем ќе се заложи за црните и за обоените девојки – им рече таа на новинарите.

– Стојам овде многу горда на мојот правосуден систем, многу горда на моите сограѓани преживеани и многу задоволна од исходот.

Федералните обвинители препорачаа Кели да биде осуден на повеќе од 25 години затвор, со оглед на сериозноста на неговите злосторства и „потребата да се заштити јавноста од дополнителни злосторства“.

Но, неговите адвокати побараа казна од 10 години, како задолжителен минимум за неговото осудување, или помалку.

Тие го прикажаа Кели како растел во сиромашно домаќинство преполно со семејно насилство и страдање од сексуална злоупотреба уште од млада возраст. Тие рекоа дека тој е „уништен“ од казната и планираат да се жалат.

Лизет Мартинез, која го запознала Кели кога имал 17 години, рекла дека имал „толку многу работи што можел да ги направи за да се спречи себеси“.

– Тој ги имаше сите ресурси; ние немаме такви ресурси. Можеше да добие помош – изјави таа за Би-Би-Си Њуз.

Таа рече дека Кели со години ја избегнувал правдата поради „моќта на славната личност“.

– Верувам дека тој само заработуваше толку многу пари за толку многу моќни луѓе што тие го заштитуваа.

Кели е во притвор откако беше обвинет од федералните обвинители во Њујорк и Чикаго во јули 2019 година.

Неговите три години зад решетки беа исполнети со скандали, вклучително и тепање од колега затвореник во 2020 година и борбата со ковид-19 претходно годинава.

На пејачот му се заканува понатамошна правна постапка во август, кога повторно ќе му се суди, овој пат во Чикаго поради сексуални слики со деца и обвиненија за опструкција. Тој, исто така, треба да се соочи со обвиненија за сексуална злоупотреба во судовите во Илиноис и во Минесота.

The post 30 ГОДИНИ ЗАТВОР ЗА ПЕЈАЧОТ ШТО ЈА ИСПЕА „I BELIEVE I CAN FLY“ Роберт Кели злоставувал жени и деца appeared first on plusinfo.mk.

Обвинителството тврди дека тој сексуално злоставувал 17-годишно момче, кое го запознал во „Мекдоналдс“ во Чикаго во 2006 година.

Странските медиуми пишуваат дека тинејџерот наводно бил амбициозен музичар и дека Кели му понудила помош во кариерата и на крајот го навел на сексуална врска.

Р. Кели негираше дека злоставувал некого, а неговите адвокати не ги коментираа последните обвинувања. Обвинителите сакаат доказите за ова и за другите злосторства да бидат разгледани на рочиштето закажано за август.

Судијата допрва треба да донесе одлука дали новите доказиќе бидат разгледани, а Кели е во затвор и чека судење речиси две години поради обвиненијата за сексуално искористување на деца, поседување детска порнографија, рекетирање и попречување на судски постапки.

Инаку, ар-ен-би ѕвездата со вистинско име Роберт Силвестер Кели, веќе со децении се соочува со обвинувања за сексуално вознемирување и злоупотреба на жени, меѓу кои се и многу тинејџерки.

The post Славниот пејач обвинет за сексуално злоставување на тинејџер, кого го запознал во „Мекдоналдс“ appeared first on plusinfo.mk.

Yesterday we were told that an inmate had attacked R Kelly at the MCC in Chicago. We received conflicting reports as to the extent of his injuries. We have not been provided any information from the jail, nor has Mr. Kelly called. We are hopeful that he was not seriously injured.

— Steve Greenberg (@SGcrimlaw) August 27, 2020

Се тврди дека напаѓачот бил лут на пејачот поради протестите против него, што довело до построги мерки во институцијата. Нападот се случил во ќелијата на Р. Кели, а според извори цитирани од „ТМЗ“, борбата не траела долго.

52-годишниот пејач е задржан во затворот во Чикаго без право на кауција, додека е во очекување на неколку судења во врска со обвиненија за сексуален напад.

The post Пејачот Р. Кели бил нападнат во неговата ќелија appeared first on plusinfo.mk.