Поголема количина на пури во вредност од четири илјади евра се запленети од мобилен царински тим од Одделението за оперативни работи по извршена контрола на автобус на влез во државата на граничен премин Табановце. Против лицето К.Б, македонски државјанин, е поднесена кривична пријава за сторено кривично дело криумчарење. Осомничениот е возач на автобусот вработен во компанија која врши меѓународен патен превоз.

Како што информираат од Царинската управа, во конкретниот случај, мобилен царински тим, поради основано сомневање го застанал автобусот на детална контрола при што под седиштата, како и во фабричка шуплина се пронајдени вкупно 312 парчиња пури од различни производители. Избегнатите давачки се проценети на 174,9 илјади денари. Акцизните производи, кои се предмет на обид за криумчарење се запленети и со донесување на наредба од ОЈО Куманово ќе бидат предадени на Агенцијата за управување со одземен имот.

Царинската управа, велат оттаму, продолжува со засилени контроли со цел спречување на нелегална трговија со акцизни производи, заштита на финансиските интереси на државата, заштита на здравјето на граѓаните и овозможување услови за фер економија.

The post 📽️ ЗАПЛЕНЕТИ ПУРИ ВРЕДНИ 4.000 ЕВРА Возач на автобус се обидел да ги прошверцува во државата appeared first on plusinfo.mk.

Во поткастот на Плусинфо, што го водеше Хари Кацановски, гостуваше Габриел Стибел, колекционер на пури и меѓународен судија за бавно пушење пури.

Габриел зборуваше за пура културата и за нејзината историја, анатомијата на пурите, правилата на натпреварите за бавно пушење пура, штетноста на оваа пасија и за менталитетот во Македонија во однос на ова необично хоби.

– Ние во Македонија немаме самодоверба како нација и тоа се гледа во пушењето пури. Доаѓа некој што сака да пуши пури и се прашува како да запали пура во кафана, бидејќи сите ќе мислат дека се „чатали“. Ако јас имам самодоверба и ако мене тоа ми е убаво, јас ќе го правам тоа без разлика дали им се допаѓа тоа на другите или не – вели, меѓудругото, Стибел.

Тој ни презентираше и како правилно се сече и се пали пура.

Стибел е сестран во неговите интереси и хобија.

Тој е дизајнер на фонтани и на градини, меѓународен кинолошки судија, меѓународен судија во дисциплината бавно пушење пури, а исто така е и колекционер на пури, запалки, шешири, бројаници, копчиња за манжетни, па и на кабриолети.

Во продолжение, погледнете го целото видео, и секако, стиснете subscribe на нашиот Јутјуб канал:

The post 🎥 НЕ Е ЧАТАЛЕЊЕ ДА ЗАПАЛИШ ПУРА СО КАФЕ Колекционерот на пури Габриел Стибел во поткастот на Плусинфо appeared first on plusinfo.mk.

„Уживам во новиот стил. Се чувствувам слободен. Кога влегов во пензија станав малку и мрзелив за да се средувам секој ден“, вели Костовски во интервју за Репортер.

Тој открива и дека кога во раната младост ќе ви забранат нешто, сфаќате дека подоцна тоа можете да го направите. Зашто ниту во школо, ниту на факултет, а уште помалку заради функцијата која ја имаше, Костовски не можел да носи долга коса, да пушта брада или да се облекува кежуал.

„Колку времето минува, секвенците ми се враќаат од рано детство. И некои работи се повторуваат. Мајка нè имаше двајца, мене и брат ми и таа патеше што нема ќерка. Во мене гледаше женско дете, ми пушташе коса, па панделки… Ех, штета што не знам каде се тие слики“, открива Костовски за Репортер.

Кога сме кај стилот и брендираната облека, тој вели:

„Бос и Армани се незаменливи, ама немам проблем да купам и евтино. Скоро купив 20 пара чорапи, евтини од по 40 денари, ма преубави“, раскажува некогашниот градоначалник.

Костовски зборува и за времињата кога со ракометарките од  Кометал Ѓорче Петров ја освоија европската титула. Но, и сега, кога повторно по 20 години, се сретнаа и имаа незаборавна ноќ со многу играње и музика.

„Ракометарките се мои деца и тоа така ќе остане“,  вели Костовски.

Во разговорот открива дека и сега, на овие години, еднаш во неделата игра фудбал, тенис, сака да почне да оди и во теретана. Пуши пура која ем е афродизијак ем, како што вели, разбибрига, и сè уште снима песни кои планира да ги промовира. Сопруг, татко на три деца, но и дедо кој ги разгалува внуците.

Вели:

„Горд татко сум на три деца. Кога беа мали, јас многу работев и ми е жал што немав време да им посветам внимание. Тие менуваа школи, патуваа. Жал ми е што некогаш морав нивната љубов да ја купувам со скапи подароци. Ако ме прашуваш во кое дете се гледам, ќе ти кажам – Филип ја наследи од мене хуманоста, Олга го има оној осет за бизнис, а Коста, па тој е најпрекрасното нешто, најубаво знае сè, а некогаш знае и да заебе“, вели Костовски.

За новиот имиџ заради кој се чувствува млад, за времето кога мајка му го облекувала како женско, за последните минути пред Кометал да стане Европски шампион, кому и зошто помагал кога требале донации, за децата и бракот…

Гледајте го интервјуто:

The post ТРИФУН КОСТОВСКИ ИМА ТРАУМИ ОД ДЕТСТВОТО „Мајка ми ме облекуваше како женско, затоа што немаше ќерка“ (ВИДЕО) appeared first on plusinfo.mk.

Со зборовите „брату мој“, Заев му ги подаде американските пури, па му порача: „за шампионите – шампионски пури“.

– Благодарение на бугарската влада и премиерот повторно се врати вниманието на ЕУ кон Западниот Балкан, а не само кон С. Македонија, особено со самитот ЕУ- Западен Балкан во Софија. Со тогашниот грчки премиер Алексис Ципрас ги поставивме контурите на Преспанскиот договор токму во Софија за време на тридневните преговори. Затоа, сите награди кои ги добивме сега ги посветуваме на Бојко Борисов. Затоа што тоа што се случи со Грција никогаш немаше да се случи ако претходно не се случеше со Бугарија и ние тоа никогаш нема да го заборавиме – рече Заев.

The post Заев му подари американски пури на „братот“ Борисов и му ги посвети сите награди за Преспанскиот договор appeared first on plusinfo.mk.