Две лица се убиени, а шест се ранети во пукотница пред црква во Солт Лејк Сити, каде што се одржа комеморација во среда вечерта, соопшти полицијата во Солт Лејк Сити. Тројца ранети се во критична состојба.

Пукањето се случило во сала за состаноци на Црквата на Исус Христос на светиите од подоцнежните дни.

Напаѓачот или напаѓачите избегале по нападот.

Сите осум лица биле застрелани пред црквата. Полицијата не верува дека целта на пукањето е напад против верата.

– Ги следиме сите траги. Нашите полицајци работат напорно и ќе работиме додека не ги изведеме овие лица пред лицето на правдата – рече началникот на полицијата во Солт Лејк Сити, Брајан Ред.

Во црквата се одржувала комеморација за едно лице кога се случило пукањето. Црквата им служи главно на верниците од Тонга и  од други пацифички острови.

The post ДВАЈЦА МРТВИ, ШЕСТМИНА РАНЕТИ ВО ПУКАЊЕ ПРЕД ЦРКВА ВО САД Полицијата во Солт Лејк Сити трага по напаѓачите appeared first on plusinfo.mk.