Родена сум на 25 јули 1978 година во центарот на медиумско лудило низ целиот свет и бев наречена „бебе од епрувета“. Бев првото бебе во светот родено со ин витро фертилизација. Сега има над 12 милиони луѓе во светот родени преку ин витро фертилизација и техники развиени по тоа откритие.

Средното име „Џој“ ми го дал Патрик Степто, кој успешно ме донел на свет со царски рез. Рекол дека моето раѓање ќе донесе радост и надеж на луѓето без деца низ целиот свет. Така и беше!

Тоа што сум првото бебе во светот со ин витро фертилизација ме однесе во сите делови на светот. Страсно сакам да го прекинам молчењето за сè што е поврзано со плодноста и да го укинам табуто за добивање помош за проблеми со плодноста или раѓање преку научни средства. Уживам да се појавувам во медиумите и да присуствувам на настани за да објаснам како дошло до ин витро фертилизацијата и да им дадам помош и поддршка на сите оние кои се обидуваат да забременат и на оние кои работат на ин витро фертилизацијата и науката што ме донесе во јавноста.

Моето раѓање беше резултат на пионерската работа на Патрик Степто, акушер и гинеколог и Роберт Едвардс, биолог и физиолог, потпомогнати од истражувачката асистентка и медицинска сестра Џин Пурди. Тоа беше најзначајниот медицински пробив на 20 век – а воедно значеше и крај на 10-годишното патување на моите родители Лесли и Џон Браун, кои се обидувале да имаат деца, пишува за себе жената која стана позната уште пред да стане свесна за своето постоење, со самото тоа што беше првата личност во светот родена преку ин витро оплодување.

Повеќе за ова прочитајте на „Мајка и дете“.

The post ПРВОТО БЕБЕ ОД ЕПРУВЕТА ДЕНЕС ПОЛНИ 47 ГОДИНИ Луиз Браун стана најпозната личност на светот на првиот ден од својот живот appeared first on plusinfo.mk.