Во време кога училиштата најчесто се споменуваат по проблеми и предизвици, едно видео од ООУ „Његош“ привлече големо внимание на социјалните мрежи поради својата едноставна, но силна порака.

Станува збор за емотивно видео со наслов „Кругот на животот“, во кое учениците кои годинава ја слават полуматурата и го завршуваат основното образование симболично се поздравуваат со идните првачиња кои допрва ќе седнат во училишните клупи.

Во видеото се прикажува моментот на „смена на генерации“ – едни заминуваат кон средното образование, додека други го прават својот прв чекор во училишниот свет.

– Кругот на животот – кратко напишаа од училиштето во описот на видеото.

Објавата предизвика бројни позитивни реакции кај родителите, наставниците и граѓаните, кои коментираат дека ваквите моменти потсетуваат дека училиштето не е само место за оценки и тестови, туку простор каде растат генерации, се создаваат пријателства и остануваат спомени за цел живот.

Првачињата доаѓаат, полуматурантите си заминуваат, а меѓусебниот поздрав во дворот на училиштето кај многумина разбуди силни емоции.

Многумина во коментарите оценуваат дека токму ваквите едноставни моменти ја покажуваат вистинската убавина на образованието и детството.

 

View this post on Instagram

 

A post shared by Plusinfo.mk (@plusinfo.mk)

The post 📽️ ЕМОТИВНА СМЕНА НА ГЕНЕРАЦИИ ВО „ЊЕГОШ“ Полуматурантите се поздравија со идните првачиња appeared first on plusinfo.mk.

Околу 17.000 ученици во прво одделение ја започнаа учебната 2025-2026 година. Но, Министерството за образование и наука сѐ уште ја нема точната бројка, бидејќи тече процесот на запишување на ученици во прво одделение. Разликата од лани е минимална, истакна денеска министерката за образование и наука, Весна Јаневска, која заедно со премиерот Христијан Мицкоски и градоначалникот на Општина Кисела Вода, Орце Ѓорѓиевски присуствуваше на почетокот на новата учебна година во Општинското основно училиште (ООУ) „Кирил Пејчиновиќ“.

– Очекуваме во следните години да има поголемо намалување, што би било проблем. Оттука и политиката на Владата за подобрување на демографската состојба во државата, па како што можевте да видите еве денес во прво одделение, а во следните неколку дена и за второ и трето одделение има сликовница за значењето на семејството – изјави Јаневска.

Таа рече дека следната учебна година ќе почне поголема реформа за да нема училишта со неколку ученици.

– Сметам дека најголем процент од училиштата ќе бидат оптимизирани, а училишните паралелки доведени во состојба да работат по закон, освен во средно стручно образование, каде што тоа не важи и може да има паралелки со помал број. Претпоставувам дека нема да можеме да завршиме се во една година. Но, верувам дека во следните две години тој процес ќе биде завршен – рече Јаневска,

Таа додаде дека се бара продолжување на заемот од Светска банка за комплетно воведување едносменска настава, за едукација на наставниците и за евентуална нивна преквалификација.

За првачињата во Кавадарци по еден чемпрес

Општина Кавадарци има 309 првачиња во оваа учебна година. Сите тие денеска добија чемпрес како симбол на раст и напредок. Градоначалникот Митко Јанчев беше во посета на ООУ „Тошо Велков – Пепето“, каде што ги пречека првачињата на првиот училишен ден.

– На територија на општина Кавадарци, оваа година има вкупно 309 првачиња, од кои 59 во ова училиште, кои со насмевки и радост го започнаа своето најубаво патување – учењето. Сите првачиња добија чемпрес – симбол на раст и напредок, производ од вредните раце на учениците од нашето средно земјоделско училиште – рече градоначалникот.

Во Центар Жупа ниту едно прваче на албански јазик

Во двете основни и во нивните подрачни училишта, во општина Центар Жупа, во ученичка клупа за првпат денеска седнаа 31 прваче, што е за три повеќе во однос на минатата учебна година.

Она што посебно паѓа в очи е минималниот број првачиња во ООУ „Мустафа Ќемал Ататурк“ во Центар Жупа и неговите подрачни училишта.

– Во ООУ „Мустафа Кемал Ататурк“ во Центар Жупа има шест првачиња од кои четири се за настава на турски јазик и едно на македонски. Едно прваче на македонски јазик е во подрачното училиште во село Броштица. Во подрачното училиште во село Горенци нема ниту едно прваче. Во училиштето во Центар Жупа, каде настава се изведува и на албански наставен јазик, како и минатата и оваа учебна година нема првачиња по овој наставен јазик – рече за МИА, Мунир Бастри, одговорен во секторот образование при Општината.

Во ООУ „Неџати Зеќерија“ во Коџаџик, Горна Жупа, каде настава се изведува само на турски наставен јазик запишани се 25 првачиња. Во Коџаџик има едно прваче, по две во подрачните училишта во Долгаш и Брешани, 3 во Праленик, 7 во Елевци и 10 во Новак, најголемото село во Горна Жупа.

Пред миграцискиот бран, што ја зафати оваа општина, имаше над 200 првачиња. Дури 80 отсто од популацијата живее во некоја западно европска земја, пред сè Италија, Германија и Швајцарија.

900 првачиња во Куманово

Повеќе од 900 првоодделенци го почнаа образованието во 16 основни училишта во Куманово, информираа денеска надлежните. Градоначалникот на општина Куманово, Максим Димитриевски го посети училиштето „Карпош“ во селото Умин Дол.

Куманово, иако најголема општина во државата, годинава има запишано шеесетина деца помалку во однос на лани.

– Ова училиште во минатото памти многу поубави денови кога се запишувале во прво одделение 30-40 ученици, зборувам за некои времиња пред триесетина години кога многу биле полоши условите за учење – рече Димитриевски.

Во Тетово годинава нема намалување на бројот на ученици

Според податоците на Секторот за јавни дејности во прво одделение во сите општински основни училишта во Тетово се запишале 778 првачиња на албански наставен јазик, 144 на македонски наставен јазик и 15 ученици во турски наставен јазик.

– Во средните училишта под ингеренции на Општина Тетово во прва година се запишани вкупно 1.347 ученици, од кои 1.116 на албански наставен јазик, 223 на македонски јазик и осум ученици на турски јазик – информираше Назми Даути, раководител на секторот.

Според градоначалникот Билал Касами овие бројки значат сопирање на трендот на намалување на бројките на запишани првачиња и ученици во прва година средно образование.

– Оваа година веќе нема намалување на учениците кои се регистрираат како првачиња и кои се регистрираат во средните училишта. Така за нас е многу добра информација што веќе за четири години успеавме да го намалиме и да го смениме трендот на намалување на учениците во нашите училишта и се надеваме дека од оваа година и натаму е тој тренд е почне да расте – рече Касами.

Во Богомила ниту едно прваче

Годинава во прво одделение во Велес ќе тргнат 556 првачиња, што е за 101 ученик помалку во споредба со лани. Во училиштето во Богомила, општина Чашка, оваа година не е запишано ниту едно прваче.

Во седумте основни училишта во општина Велес ќе има вкупно 92 паралелки со помал број ученици, а во некои од нив ќе седнат само двајца или тројца ученици.

Најголем број вакви паралелки, вкупно 25, ќе има во ОУ „Панко Брашнар“. Во подрачното училиште во село Иванковци, во шесто одделение ќе има само двајца ученици. Слична е состојбата и во ОУ „Лирија“ во Бузалково, каде во подрачното училиште во Клуковец во трето одделение ќе учат тројца ученици.

Во Раштани ќе функционира комбинирана паралелка за прво, трето, четврто и петто одделение со вкупно осум ученици.

Во средното хемиско училиште „Димитрија Чуповски“ ќе има една паралелка со 11 ученици за насоките месопреработувач и пекар. Во Гимназијата се одобрени пет паралелки, од кои една на албански јазик со 23 ученици, додека во Економското училиште ќе има две, од кои едната за економски техничар на албански јазик со само петмина ученици.

Само 14 првачиња во Дојран

Мирослав Бошнаков, директор на ООУ „Кочо Рацин“, чиј централен објект се наоѓа во Дојран, вели дека тенденцијата на намалување на бројот на првачиња е постојана, но дека оваа година, таа е најдрастична до сега.

– Годинава запишавме само 14 првачиња на ниво на целата општина Дојран. Претходната година беа 24, а пред тоа 30 – 34 деца. Но годинава намалувањето е навистина големо. Ако земеме во просек, бројката на ученици по паралелка е 10-11 ученици. Тоа, за жал, е последица на намалениот наталитет и на иселувањето од овие краишта – вели Бошнаков.

Тој за Мета вели дека изведувањето на наставата во комбинирани паралелки уште повеќе им ја усложнува работата на наставниците, но тие се веќе искусни и знаат како да се справат со предизвикот.

The post НЕКОЛКУ ГЕНЕРАЦИИ СОБРАНИ ВО ЕДНА ПАРАЛЕЛКА Реформите каскаат зад темпото со кое опаѓа населението appeared first on plusinfo.mk.

Новата учебна година во Битола ќе ја почнат 529 првачиња и тоа е за 238 првачиња помалку затоа што лани беа запишани 767 првоодделенци.

Најмалку првачиња запишани се во основните училишта „Александар Турунџев“ и „Св. Кирил и Методиј“. Во училишните клупи во Кукуречани ќе седнат 10 деца. Најмногу првачиња, вкупно 94, се запишани во општинското основно училиште „Св. Климент Охридски“.

Од секторот за образование на Општина Битола за МИА потврдија дека во сите основни училишта има помал број првачиња. Според евиденцијата во ООУ „Ѓорги Сугарев“ ќе учат 30 првачиња, во ООУ „Трифун Пановски“ запишани се 37, во ООУ „Коле Канински“ запишани се 43, а во ООУ „Гоце Делчев“  – 45 првачиња. Само 30 првачиња ќе учат во основното училиште „Крсте Петков Мисирков“ во селото Бистрица.

Помал број првачиња годинава ќе учат и во основните училишта „Тодор Ангелески“, „Стив Наумов“, „Елпида Караманди“ и „Даме Груев“, посочија од Општина Битола.

The post ВО БИТОЛА ГОДИНАВА САМО 529 ПРВАЧИЊА Во споредба со лани има 238 првачиња помалку appeared first on plusinfo.mk.

Во одговор на новинарско прашање, Тошковски рече  зголемувањето на видео-надзорот и присуството на полициски службеници нема да ги реши ваквите девијантни појави, но ќе допринесе за зголемување на безбедноста на граѓаните.

– Многу ми е жал што е случен таков настан и што е споделен со јавноста, бидејќи станува збор за малолетници. Искрено, целокупната јавност е згрозена од ваков тип на настани. МВР во делот на неговата надлежност ќе постапи во насока на она што сметаме дека треба да биде темел на идната работа на полицијата, а тоа максимално засилување на целокупниот видео-надзор и присуството на полициските службеници на терен. Но, тоа нема да ги реши овие девијантни појави и да ги искорени, но во секој случај ќе допринесе да ја зголеми безбедноста и да овозможи на граѓаните да се чувствуваат побезбедно. Овој тип на девијантни појави имало и ќе ги има, наша работа е да сториме сè што е во наша надлежност за да ги спречиме од аспект на преземање на конкретни дејствија – рече Тошковски.

Според Кривичниот законик, додаде, децата немаат кривично-правна одговорност, така што подетална надлежност за овој тип на предмети имаат други институции.

Според соопштението на МВР, двајца првооделенци од училиштето „Димитар поп Георгиев Беровски“ во Ѓорче Петров, завчера, со тврд предмет се обиделе да силуваат свој соученик.

Случајот во полиција го пријавил таткото на жртвата.

– Во СВР Скопје, 44-годишен маж од Скопје пријавил дека во периодот од 11 до 15 часот во двор на основно училиште на подрачјето на Ѓорче Петров, неговиот малолетен син бил физички нападнат од двајца негови соученици, кои со тврд предмет се обиделе да извршат полово дејствије врз него – стои во соопштението на МВР.

Според информации на Сител телевизија, детето веднаш ја информирала наставничката, но, таа не превзела ништо. Пријавата во полиција пристигнала во вторникот доцна попладне, откако бил извршен лекарски преглед врз детето.

Одговорниот наставник на одделението беше суспендиран, додека против четири наставници ќе се поведе дисциплинска постапка. Директорот на училиштето даде оставка од морални причини, а на негово место е поставен в.д. директор.

The post ПОВЕЌЕ КАМЕРИ И ПОЛИЦАЈЦИ НА ТЕРЕН Тошковски жали за половиот напад врз првоодделенецот од негови соученици appeared first on plusinfo.mk.

– По закон наставниците и учениците треба да остануваат шест часа во училиштата. Тие ќе остануваат и подолго од шест часа, зашто тоа е нашата реформа. Реформата е што подолго учениците да бидат во училиштата за да стекнуваат што повеќе знаења на различни начини. Реформата е наставниците да станат функционални во корист на учениците. Познато е дека имаме вишок наставници, а помалку деца. Но, ние не велиме дека има вишок, нам ни требаат наставници. Ние сме последни на сите меѓународни тестирања. Домашните истражувања покажуваат дека нашите ученици каскаат зад своите врсници од странство. Учениците нема цел ден да бидат над книга. Екс-катедра лекции веќе нема никаде. Учениците ќе имаат многу спорт, информатика, претприемништво, интерактивна настава, домашно во форма на истражување, да научат мирно решавање проблеми, препознавање булинг, прифаќање на различностите. Сето тоа, досегашниот образовен систем не го обезбедил. Затоа наставниците ќе треба дополнително да се ангажираат. На децата нема да им биде тешко, ќе имаат пауза, ќе имаат и некој празен час да се одморат, да се дружат, да си завршат некое домашно. Не е ништо страшно. Затоа почнуваме да го имплементираме ова таму кајшто има услови. Онаму каде што наставата се одвива во две смени, не очекуваме да се применува – изјави министерката Јаневска по потпишувањето на партнерство меѓу групацијата НЕЛТ и УНИЦЕФ за унапредување на стручното образование преку практична настава за зелени вештини.

На прашање од новинарите што да се прави додека се реши проблемот со недостатокот на образовни асистенти и можноста истата работа да ја вршат психолозите или педагозите Јаневска уверува дека образовните асистенти ќе почнат со работа во вторник.

– Проблем со асистентите нема, има со училиштата. Пет дена се работи она што министерството го работи во еден ден. Им порачувам на родителите, асистенти ќе има, тоа ќе го исполнам, очекувам асистенти да има во вторник, да им порачам на родителите. Но, ова е добро сознание, да знаеме дека требало да работиме на петте ресурсни центри кои треба да ја завршат оваа работа, но и да ги доедуцираме и менаџерите на училиштата и директорите. Следната година вакво нешто нема да се повтори – објасни министерката.

Во врска со фактот дека некои книжарници ги повлекоа од продажба училишните прибори откако владата одлучи да ги ограничи маржите, таа вели дека тоа не е во ингеренции на министерството, но дека дека е уверена дека владата и институциите ќе преземат нешто за оние кои не ги почитуваат правилата.

The post РЕФОРМАТА Е ВО ТОА НАСТАВНИЦИТЕ ДА СЕ АНГАЖИРААТ ПОВЕЌЕ ЗА УЧЕНИЦИТЕ Министерката Јаневска ја објасни идејата учениците од шесто до деветто одделение да остануваат шест часа во училиште appeared first on plusinfo.mk.

Четврта година по ред, компанијата ги изненадува најмладите ученици со специјални подароци училиштен материјал, како дел од кампањата „Секогаш биди број 1“.

Импресивни резултати и проширување на иницијативата

За изминатите четири години, Credissimo има доделено 2.057 пакети во 51 училиште низ 20 населени места во државата.

Оваа година, иницијативата се проширува во нови градови, вклучувајќи ги Велес, Штип, Прилеп и Струга. Компанијата ќе продолжи да го поддржува образованието и во иднина.

„Сметаме дека одговорноста и придонесот кон образованието на младите е одговорност на сите во општеството. Токму поради тоа сакаме патот кон напредокот на првачињата да биде поддржан и од нас. Свесни сме дека ги очекуваат многу први нешта – првата научена буква, првиот број, првиот напишан збор, првата песничка, првата домашна задача“, велат од Credissimo.

Од ден во ден, додаваат оттаму, дечињата ќе бидат сè побогати со знаења, а тие знаења ќе им отворат многу врати во понатамошниот живот, ја нагласуваат од Credissimo важноста на оваа иницијатива.

Порака до првачињата

Credissimo им испраќа охрабрувачка порака на првачињата:

„Најважно е да имате цел во вашето образование. Научете се да бидете доследни и постојани во вашите напори, бидејќи тоа е клучот кон вашиот успех.

Со секој нов ден во училиште, вие правите чекор напред кон остварување на вашите цели.

Продолжете да бидете љубопитни и да се радувате на секое ново знаење“.

Општествена одговорност во фокус

Credissimo се истакнува како општествено одговорна компанија со јасни приоритети за унапредување на образованието. Компанијата останува посветена на поддршката на образовните иницијативи и ќе продолжи да игра активна улога во подобрувањето на образовните можности за младите во Македонија.

Со оваа иницијатива, Credissimo не само што им помага на првачињата во нивните први училишни денови, туку и претставува пример за корпоративна општествена одговорност, инспирирајќи и други компании да инвестираат во образованието и иднината на Македонија.

Идни планови и активности на Credissimo

Овој месец е исклучително важен за Credissimo како компанија, бидејќи одбележува 8 години од нејзиното формирање и постоење. По повод роденденот на компанијата испланирани се и низа активности кои само ќе го подигнат нивото на свесност кај населението и во државата во однос на потребата од сигурен и лојален партнер.

Credissimo веќе долги години е симбол на доверба, искреност, транспарентност и исполнителност. Со секоја одмината година се трудиме сѐ повеќе да го одржиме овој имиџ на вредна општествено одговорна компанија.

The post 📷 „СЕКОГАШ БИДИ БРОЈ 1“ Credissimo ги изненади првачињата со специјални подароци appeared first on plusinfo.mk.

И ги изненади со подароци и забава затоа што нивниот прв училишен ден е дел од нивната најголема среќа.

Дел од забавата беа и нашите пријатели од Боренка, кои со првачињата ја полнеа виртуелната шума на Комерцијална банка. А, ние за секое нацртано дрво заедно со Боренка ќе засадиме вистинско.

На првачињата им посакуваме да стекнат многу знаење и петки и да бидат посветени и одговорни ученици.

Следната средба им ја закажуваме во Финансиската училница на Комерцијална банка, во која Верверичката ги учи дека штедењето и одговорниот однос кон парите се добра навика за создавање здрава иднина.

Комерцијална банка како општествено одговорна компанија останува посветена на својата мисија за поголема финансиска писменост на граѓаните затоа што е основа за безгрижна иднина и лична благосостојба.

The post 📷 ПОДАРОЦИ И ЖЕЛБИ ЗА УСПЕШЕН ПОЧЕТОК Верверичката на Комерцијална банка ги посети првачињата во ООУ „Кузман Јосифовски Питу“ appeared first on plusinfo.mk.

Сиљановска Давкова на свеченоста ги поздрави првачињата посакувајќи им успех во потрагата по нови знаења.

– Бидете сигурни дека нема поважно нешто од знаењето, да учите да пишувате, да учите да пеете, бидејќи само тоа никој во животот не може да ви го земе – порача претседателката Сиљановска Давкова.

Споделувајќи дел од нејзиното искуство како ученик, претседателката истакна дека пред шеесет години како четвртоодделенец, таа била во првата генерација во ова училиште и завршила како првенка, посочувајќи дека „Јан Амос Коменски“ било едно од најдобрите училишта не само во Републиката, туку и во Југославија.

– Вреди да се учи, така велеше и чуениот педагог Јан Амос Коменски, вреди да се знае, не за да ги направите среќни вашите родители, роднини, баби и дедовци, туку за да знаете, дека со знаењето станувате секогаш потолерантни, подобри луѓе, бидејќи тој кој знае – ќе знае да се снајде и во животот – посочи претседателката во поздравното обраќање.

Првачињата на првиот училиштен ден беа пречекани со пригодна приредба подготвена од учениците од петто одделение. Годинава во ООУ „Јан Амос Коменски“ се запишани 110 првачиња кои ќе посетуваат настава во четири паралелки.

The post 📷 ВРЕДИ ДА СЕ УЧИ И ДА СЕ ЗНАЕ Претседателката Сиљановска Давкова ги поздрави првачињата appeared first on plusinfo.mk.

– Во истиот период бројот на првачиња е намален за околу 3.500. Ова е погубно и разочарувачки и е резултат на лоште политики, не само во образованието, туку во сите општествени сегменти – рече на денешната прес-конференција министерката за образование и наука Весна Јаневска.

Таа најави дека постоечките политики ќе ги заменат со нови и прогресивни во чие креирање, како што рече, ќе учествуваат сите оние кои се засегнати. За тие политики да бидат спроведени, додаде, ќе биде обезбеден поширок консензус.

The post 17.000 ПОМАЛКУ УЧЕНИЦИ ЗА СЕДУМ ГОДИНИ Ова е резултат на претходните политики кои мора да се сменат, вели министерката Јаневска appeared first on plusinfo.mk.

По повеќе од 50 години, основното училиште „Наум Охридски“ во Булачани, добива нова училишна сала. Вкупната инвестиција изнесува 26 милиони денари, беше кажано попладнево, откако градоначалникот на општина Гази Баба, Бобан Стефковски и министерката за образование и наука Весна Јаневска, извршија увид во активностите за изградба на салата. Станува збор за инвестиција на општината во вредност од 26 милиони денари, која во моментов е половина реализирана, односно изградена е карабината со површина од 543 квадратни метри.

– Инвестициите во образованието се инвестиции во иднината. Сакам да најавам реализација на нови два проекта во делот на образованието. Наскоро започнуваме со изградба на нова училишна зграда за основното училиште „Крсте Мисирков“ во Ченто и изградба на нова училишна спортска сала за Подрачното одделение во Црешево. Исто така, оваа година го продолжуваме и проектот за бесплатни униформи за сите 6.800 ученици коишто учат во училиштата на територијата на општина Гази Баба и со овој проект сакаме да ги надминеме оние социјално-економски разлики на учениците додека престојуваат во училиштата – изјави Стефковски.

Министерката информираше дека во следните три години, во план е да се изградат 28 нови спортски сали низ целата земја.

– Психофизичкото здравје на децата е многу значајно, особено во ера на телефони, паметни таблети, потребно е тие да си ја развиваат сопствената моторика, да развиваат спортски дух што подразбира и натпревари и дружење и да поминуваат повеќе време заедно меѓусебно дружејќи се и социјализирајќи се – додаде Јаневска.

Како што нагласи министерката, целта е да се задржат тука „оние кои ќе создаваат за себе и за сопствената држава“.

– За жал, годинава имаме пад на бројот на упис на првачиња во државата за околу 500 во споредба со мај претходната година. Ако сакаме да ги задржиме и учениците и родителите во сопствената земја, каде дефинитивно ќе им биде најдобро и каде дефинитивно ќе можат најдобро да се реализираат, ние мора да посветиме внимание на целото образование – смета министерката.

The post ГОДИНАВА ИМА ОКОЛУ 500 ПРВАЧИЊА ПОМАЛКУ ОД ЛАНИ Школото во Булачани ќе добие спортска сала по 50 години appeared first on plusinfo.mk.