– Структурата по вид на инвестиција од оваа транша е следна: 48% во градежни, 22% во опрема, 10% во обновливи извори на енергија и 20% инвестиции во транспортни средства. Со овие средства се поддржани 3 микро, 25 мали, 11 средни и 8 големи компании во државата. Од оваа транша во најголем дел се поддржани компании од областа на производството со износ од 3 милиони евра, соопштија од Кабинетот на Управен одбор.

Првата транша, се додава во соопштението, е обработена и исплатена во најбрзо време, со оглед на тоа што Рамковните договори со банките се потпишуваа по 31.01.2025 година.

Развојната банка, се најавува, во периодов интензивно работи на повлекување на втората транша, согласно барања за повлекување средства од страна на банките, за одобрени проекти наменети за инвестиции и развој на компаниите.

The post 47 КОМПАНИИ ЌЕ СЕ ОПАРАТ ОД ПРВАТА ТРАНША ОД КРЕДИТНАТА ЛИНИЈА ЗА ИНВЕСТИЦИИ Еве на што ќе потрошат 10,4 милиони евра appeared first on plusinfo.mk.

Министерството за финансии денеска од централниот Буџет до Рзвојната банка ја префрли првата транша од 10,4 милиони евра средства наменети за поддршка на домашните компании, соопшти Министерството за финансии.

Трансферот е реализиран откако Развојната банка побара да повлече средствата по одобрени проектите од страна на деловните банки.

Министерството за финансии соопшти дека во Буџетот за 2025 година се планирани 250 милиони евра средства за поддршка на домашните компании со кои ќе се поттикне реализација на нов инвестициски циклус во приватниот сектор, којшто ќе влијае на поттикнување на економската активност.

„Очекуваме компаниите да ги препознаат поволните услови кои ги обезбедивме со оваа кредитна линија и планираните средства да се искористат во целост. Тоа ќе биде силен поттик на домашната економија и поддршка особено имајќи ги предвид понеповолните услови во глобални рамки”, напиша министерката за финансии Гордана Димитриеска-Кочоска на својот ФБ профил.

The post КОМПАНИИТЕ ЌЕ ГИ ДОБИЈАТ ПРВИТЕ КРЕДИТИ ОД УНГАРСКИОТ ЗАЕМ Развојна банка ја доби првата транша од 10,4 милиони евра appeared first on plusinfo.mk.

Првата транша во износ од околу 11 милиони евра, од средствата наменети за поддршка на компаниите обезбедени со унгарскиот заем ќе биде исплатена задутре, односно ќе бидат префрлени средствата од централниот Буџет кон Развојната банка, најави министерката за финансии Гордана Димитриеска-Кочоска.

Во изјава за медиумите во Будимпешта, таа наведе дека побарувачката кај компаниите за користење на средства е неколку пати поголема од износот на кредитот и оти средствата се достапни за сите компании.

– Согласно условите што ги одреди Владата право на пристап до овие средства имаат сите компании со исклучок на оние што се занимаваат со производство на алкохолни пијалоци, производство или трговија со тутун, како и дејности поврзани со коцкање, казина и еквивалентни претпријатија – рече министерката, додавајќи дека директен увид во одлуките на банките за тоа кои проекти ќе бидат поддржани нема, но дека доколку има отстапки банките би можеле уште еднаш да ги разгледаат апликациите и да ги земат предвид билансите на компаниите.

Таа се осврна и на делот од заемот кој е повлечен од Унгарија за поддршка на општините и изрази задоволство од реализацијата на тие средства.

– Очекувам да имаме одлична реализација имајќи предвид дека имаме изборна година и дека секој еден градоначалник без разлика од која политичка партија  ќе има желба да праави побрза реалиација на проектите со кои ќе аплицира – рече министерката.

Министерката за финансии вчера и денеска, заедно со премиерот Христијан Мицкоски и министри од Владата, учествуваше во Будимпешта на Македонско-унгарскиот самит.

The post 11 МИЛИОНИ ЕВРА ЗА КОМПАНИИТЕ Првата транша од унгарскиот заем ќе биде исплатена задутре appeared first on plusinfo.mk.

Од траншата, најголем дел на средствата, 12.8 милиони евра, се наменети за компании во сегментот на трговијата и производството. Компаниите ги користат средствата од кредитната линија преку матичните комерцијални банки, за заеми за тековни средства со каматна стапка до 1,6 проценти.

– Со заемот кој се склучи годинава, се обезбедија 100 милиони евра по поволни услови, како директна поддршка на малите и средни компании и средно пазарнокапитализирани компании. Преку заемот, се поддржуваат домашни компании од трудоинтензивните дејности како производство, туризам и услуги, за брзо закрепнување од ковид- 19 кризата. Заемот од ЕИБ ќе им помогне на компаниите да обезбедат континуитет на деловните процеси и задржување на работните места, а истовремено да ја зголемат својата продуктивност и да ги прошират деловните активности – информираат од Развојната банка. 

The post ПОВЛЕЧЕНИ 16,9 МИЛИОНИ ЕВРА ОД КРЕДИТОТ ОД ЕВРОПСКАТА БАНКА Компаниите имаат на располагање 100 милиони евра appeared first on plusinfo.mk.