Израелскиот премиер Бенјамин Нетанјаху првпат експлицитно изјави дека го признава масакрот врз Ерменците во Османската Империја за време на Првата световна војна како геноцид, објавија израелските медиуми.

Изјавата беше дадена за време на поткаст со новинарот Патрик Бет-Давид, пренесе „Џерузалем пост“.

На прашањето зошто Израел се двоуми да го признае масакрот врз Ерменците, Асирците и Грците од 1915-1917 година како геноцид, Нетанјаху посочи дека неодамна Кнесетот усвоил резолуција со која овие настани се признаваат како геноцид.

На инсистирањето на новинарот за неговото лично признавање, Нетанјаху одговори:

– Штотуку го сторив тоа.

Бет-Давид, кој е етнички Ерменец и Асирец, истакна дека ова прашање е особено важно за него и дека многу Ерменци, Асирци и Грци очекуваат признавање на геноцидот од светските лидери.

Израелските пратеници во повеќе наврати, вклучително во 2018 година и во 2021 година, поднесуваа предлози за официјално признавање на Ерменскиот геноцид во Кнесетот, но тие беа отфрлани.

Турција, како правен наследник на Османската Империја, категорично се противи на класификацијата на овие настани како геноцид.

The post НЕТАНЈАХУ ПРВПАТ ГО ПРИЗНА ЕРМЕНСКИОТ ГЕНОЦИД Израел досега се двоумеше околу официјалното признавање appeared first on plusinfo.mk.

„На 24.10.2024 во 12.00 часот во Полициското одделение Новаци било пријавено дека при извршување градежни работи на локален пат во селото Новаци била пронајдена граната. Пиротехничар од Дирекцијата за заштита и спасување излегол на местото и констатирал дека биле пронајдени 32 гранати со калибар 75 мм од Првата светска војна, кои биле безбедно подигнати за понатамошна постапка“, соопшти полицијата.

The post ВО НИВА ВО НОВАЦИ ПРОНАЈДЕНИ 32 ГРАНАТИ ОД ПРВАТА СВЕТСКА ВОЈНА Пиротехничар ги однел на безбедно место appeared first on plusinfo.mk.

– Денеска околу пладне изби голем пожар помеѓу Богданци и Дојран. Пожарот се наоѓа во атарот на селото Селемли но поминува преку линијата од фронтот од Првата светска војна, линија на којашто има многу заостанати минско експлозивни неексплодирани средства. Во текот на овие два часа колку што е пожарот активен слушнати се најмалку четири силни експлозии. Ваквите експлозии го усложнуваат гаснењето на пожарот бидејќи не е безбедно пожарникарите да се приближат до него – рече Ангелов, кој е на пат кон локацијата каде што се наоѓа пожарот.

Пожарот е изгаснат само на еден крак каде што било безбедно пожарникарите да пријдат, а останатиот опожарен дел се гаси со ер тракторите на Дирекцијата за заштита и спасување коишто користат вода со посебна пена со поголем ефект.

– Двата ер трактори на ДЗС веќе се активни. Исфрлија по неколку тури вода. Ќе продолжат да дејствуваат сѐ додека пожарот целосно не го изгаснат. Пожарот се движи и кон грчка територија и според сегашните информации на едно место веќе е префрлен на грчка територија – информира Ангелов.

Директорот на ЦУК соопшти дека од тие причини преку системот 112 уште пред да се префрли пожарот на грчка територија тамошните служби се известени за да се подготват.

Пожарот, според информациите на МИА, е во планинскиот дел кон Грција.

The post ПОЖАР МЕЃУ БОГДАНЦИ И ДОЈРАН, ЕКСПЛОДИРАЛЕ 4 ГРАНАТИ ОД ПРВАТА СВЕТСКА ВОЈНА Експлозиите ја отежнуваат работата на пожарникарите appeared first on plusinfo.mk.

Во саботата вечерта околу 21 часот, 88-годишен граѓанин дошол да побара помош во болницата Сент Мус во Тулон. За време на приемот, лекарите откриле дека во неговиот ректум била заглавена артилериска граната од Првата светска војна. Управата на болницата веднаш наредила евакуација на одделението за итни случаи на болницата, а сите итни пациенти биле пренасочени на друго место.

– Моравме да ги преземеме сите мерки на претпазливост – велат од болницата. Биле повикани и припадници на полицијата од единицата за експлозиви, кои по прегледот на мажот заклучиле дека нема голема веројатност во човекот да експлодирала стара експлозивна направа.

– Нѐ уверија дека се работи за колекционерски предмет од Првата светска војна, кој своевремено го користела француската армија – соопштија од болницата.

– Јаболко, манго или дури и крем за бричење, многу пати веќе имаме најдено необични предмети каде што не треба. Но граната? Оваа уште не – рекол еден од лекарите, пренесуваат француските медиуми.

Лекарите извршиле операција низ абдоминалната празнина за да го извадат металниот предмет на пациентот, чија должина изнесувала дури 20 сантиметри и ширина од пет сантиметри. Како се заглавила гранатата во ректумот е оставено на имагинацијата… Од болницата рекоа само дека пациентот сега е добро и дека очекуваат целосно да закрепне по операцијата.

An 88-year-old Frenchman presented at Toulon A&E yesterday with a First World War shell shoved up his arse. Bomb disposal were called to make it safe. The hospital was evacuated. I wish this was a joke. pic.twitter.com/IS2u9kUqBO

— A common lawyer (@acommonlawyer) December 20, 2022

The post ОД РЕКТУМОТ МУ ИЗВАДИЛЕ ГРАНАТА ОД ПРВАТА СВЕТСКА ВОЈНА Дедо побарал помош при што настанала паника, болницата во Тулон била евакуирана! (ФОТО) appeared first on plusinfo.mk.

Вака изјавил Гаврило Принцип, човекот кој на денешен ден го запали балканското буре барут, убивајќи го австроунгарскиот принц Франц Фердинанд со што започнала Првата светска војна. Било Видовден во Босна, а по убиството Принцип посакал да се самоубие со цијанид. Таблетата имала поминат рок, па Гаврило пробал да пука во себе, но му го одзеле пиштолот.

Моштите биле вратени во Сараево

Имал само 19 години, бил премлад да лежи смртна казна. Според австроунгарските закони за тоа тој требало да има барем 20. Затоа, добил 20 години затвор.

Кој го натера Принцип да го изврши атентатот и дали младото момче беше манипулирно од националистичката организација „Млада Босна“? Можеби нема никогаш да дознаеме на чисто.

Во затворот, Принцип починал од туберкулоза и изгладнетост само четири години подоцна. Стравувајќи дека неговите коски можат да станат мошти за словенски националисти, затворските чувари на Принцип тајно го однеле телото до необележан гроб, но чешки војник кој бил на погребувањето ја запаметил локацијата и во 1920 година Принцип и други „Херои на Видовден” биле откопани и донесени во Сараево, каде што биле погребани заедно под капела “„изградена за да се одбележат за вечност нашите српски херои” во гробницата на Св. Марко.

На 28 јуни 1914 година Гаврило Принцип го уби Франц Фердинанд што беше последната капка во тензична Европа, која ја прелеа чашата за да започне Првата светска војна.
На 28 јуни 1919 година по точно 5 години, потпишан е Версајскиот мировен договор со што војната формално заврши. pic.twitter.com/Ug1Cks9Gl1

— Henry Chinaski (@Hank___Chinaski) June 28, 2022

Шест атентатори бркале две коли

Всушност, шест атентатори пробале да го убијат Фердинанд истиот ден за на крајот тоа да го стори Принцип. Кога принцот заедно со сопругата Софи пристигнале утрината пред 10 часот тие дошле со воз, а потоа со два автомобили се упатиле кон Сараево. Првиот атентатор, Мухамед Мехмедбашич, го фатило трема пред австроунгарската банка, па дозволил автомобилот да помине.

Петнаесет минути подоцна, 19-годишниот Недељко Чабринович фрлил гасна бомба, но таа експлодирала 10 секунди подоцна и го фатила само второто возило, кое било сериозно опожарено. Двајца астриски грофови внатре биле повредени. Тогаш се насобрал народ, па станало невозможно другите атентатори да продолжат со нападите. Чабринович проголат цијанидна таблета и се фрлил во реката Миљацка, но табелата немала ефект, а реката била длабока само 10 сантиметри. Полицијата го извлекла и привела надвор од реката.

Гледајќи го тоа, Франц Фердинанд решил одлучил да отиде во болницата и да ги посети жртвите од нападот на Чабринович. Со цел да го избегне центарот на градот, генералот Оскар Почорек одлучил дека кралскиот автомобил треба да отиде директно по Апелскиот кеј до болницата на Сараево. Сепак, Почорек заборавил да го информира возачот Леополд Лојка за оваа одлука. На патот кон болницата Лојка продолжил десно кон улицата Франц Јозеф.

Бурекот и шансата на Принцип

Принцип стоел во близина на кафеаната на Мориц Шилер кога го забележал автомобилот минувајќи покрај него. Откако станале свесни за грешката, возачот ја запрел колата и почнал да се враќа назад. При ова имало застој на моторот, со што Принцип ја добил својата шанса. Принцип зачекорил напред, го извадил својот пиштол FN Model 1910 и на оддалеченост од околу 1,5 метри пукал двапати во автомобилот, прво погодувајќи го Франц Фердинанд во вратот, а потоа погодувајќи ја неговата сопруга Софи во стомакот, откако таа го покрила неговото тело. И двајцата починале пред 11:00 часот.

Една анегдота вели дека Франц Фердинанд отишол во кафаната затоа што не бил појадуван и со својот четврт бурек во устата го забележал возилото, па морал да го остави или фрли бурекот на страна.

The post НА ДЕНЕШЕН ДЕН ГАВРИЛО ПРИНЦИП ГО ЗАПАЛИ БУРЕТО БАРУТ Убиството на Франц Фердинанд ја започна Првата светска војна appeared first on plusinfo.mk.