На само 18 години, Јана Атанасовска испишува историја, како првата Македонка што ќе се натпреварува во алпско скијање на ФИС Светски скијачки куп.

Јана ќе го претстави знамето на Македонија во дисциплината слалом, на утрешната трка (сабота, 11 ноември), со почеток во 11 часот.

Овој настап претставува огромен успех и достигнување не само за Јана, туку и за македонскиот спорт, поставувајќи нови стандарди и инспирација за идните генерации.

Јана Атанасовска, која со својата посветеност, истрајност и талент успеа да го достигне светскиот врв, тренираше интензивно и со голема посветеност изминатите години, а нејзиниот успех претставува одличен пример за сите млади спортисти. Во својата кариера, Јана се истакна со бројни успеси на регионални и меѓународни натпревари, а сега таа ќе се натпреварува рамо до рамо со најдобрите светски скијачки, меѓу кои и најдобрата скијачка на сите времиња Микаела Шифрин.

Јана, заедно со нејзините тренери Александар Атанасовски Чаве – кој е и нејзин татко – и Игор Загерник, се наоѓа во Леви, Финска, подготвена за своето историско деби на ФИС Светскиот скијачки куп.

ФИС Светскиот скијачки куп во Леви, Финска, е еден од најочекуваните настани во алпското скијање, посебно познат по натпреварите во дисциплината слалом. Традиционално, трките се одржуваат во ноември, со учество на светската елита во машка и женска категорија. Леви е првата слаломска трка во сезоната на ФИС Светски куп во алпско скијање и означува официјално отворање на натпреварите.

Скијачката федерација на Македонија соопшти дека со гордост ја поддржува Јана и ѝ посакува многу успех во остварувањето на нејзините цели и соништа.

The post ПРВА МАКЕДОНКА ВО НАТПРЕВАР ВО СВЕТСКИОТ КУП ВО АЛПСКО СКИЈАЊЕ Утре сите навиваме за Јана Атанасовска! appeared first on plusinfo.mk.

Македонката Маријана Ѓорѓиевска од Прилеп го искачи врвот Исланд Пик на Хималаите од страната на Непал, и е првата Македонка која што воопшто се искачила на овој врв.

Исланд Пик се наоѓа во Непал и е познат по својата висина од 6.189 метри висина и претставува голем успех и значително достигнување.

Маријана претходно има искачено и повеќе други светски врвови, објави Курир.

The post МАКЕДОНКА СЕ ИСКАЧИ НА ХИМАЛАИ Маријана Ѓорѓиевска освои и други светски врвови appeared first on plusinfo.mk.