Формализацијата на сивата економија е една од највисоките стратешки определби на Владата и клучен сегмент од реформската агенда, зашто директно влијае врз економскиот раст, стабилноста на јавните финансии и заштитата на работниците. Податоците на Државниот завод за статистика покажуваат дека во 2024 година во земјава имало околу 694.000 вработени, од кои приближно 85.000 биле неформално ангажирани. Тоа е сериозен предизвик кој бара системски решенија.

Ова го изјави денеска министерот за економија и труд, Бесар Дурмиши на настанот во Владата по повод презентација на Законот за работно ангажирање лица.

Со Законот, рече тој, се воведува пофлексибилен и поедноставен модел за легално ангажирање, со јасна правна рамка и електронски процедури за пријавување, одјавување и уплата на придонеси. Законот овозможува ангажирање на вработени, невработени, студенти, ученици и пензионери, без губење на нивните веќе стекнати права.

Корисниците на гарантирана минимална помош не ги губат социјалните и детските права, невработените не се бришат од евиденцијата и не го губат паричниот надоместок, пензионерите го задржуваат правото на пензија, а студентите и учениците ги задржуваат правата од образовниот систем.

– Со овој Закон испраќаме јасна порака дека државата е решена системски да ја сузбива сивата економија и активно да ја поддржува формалната економија. Тоа значи повеќе формални работни места, поголема сигурност за работниците и стабилна, предвидлива и фер деловна клима за компаниите кои инвестираат и придонесуваат за растот на македонската економија – рече Дурмиши.

Министерството, како што беше најавено на настанот, ќе почне кампања за промоција на Законот под мотото “Фер ангажман”.

-Во првата фаза, Законот ги опфаќа дејностите каде што сивата економија е најизразена – земјоделството, шумарството, рибарството, објектите за сместување, сервисните дејности за храна и дејностите во домаќинствата. Според анализите, се очекува формализација на до 12.000 сезонски работници во земјоделството и околу 5.400 непријавени работници во туризмот, угостителството и услугите, односно вкупно опфаќање на околу 17.400 лица – рече Дурмиши.

Според него, оваа реформа носи конкретни придобивки и за работниците и за работодавачите – работодавачите добиваат флексибилност и поедноставени административни постапки, а работниците исплата по час, придонеси за пензиско и инвалидско осигурување, дополнителен придонес за задолжително здравствено осигурување во случај на повреда при работа или професионално заболување, како и јасна правна заштита на нивните права.

– Законот за работно ангажирање лица почна да се применува од 1 јануари 2026 година, а тековниот период беше наменет за техничка и институционална адаптација, со цел неговата имплементација да биде ефикасна, усогласена и функционална во пракса. Министерството за економија и труд и досега спроведуваше активни политики преку Оперативниот план за вработување, но анализите покажаа дека дел од лицата и понатаму остануваат надвор од формалните текови. Токму затоа беше донесен овој закон, кој претставува суштинска реформа во начинот на повремено и сезонско ангажирање на работна сила – рече Дурмиши.

Тој упати посебна благодарност до Германско друштво за меѓународна соработка(ГИЗ) за експертската и техничката поддршка во процесот на подготовка и имплементација на законот, до Агенцијата за вработување, Министерството за финансии и Управата за јавни приходи, како и до сите институции кои беа директно вклучени во воспоставувањето на функционален и ефикасен систем.

The post ПОВЕЌЕ ОД 17.400 ЛУЃЕ ПРЕМИНУВААТ ОД СИВА ВО ФОРМАЛНА ЕКОНОМИЈА Дурмиши ги соопшти очекувањата од примената на Законот за работно ангажирање лица appeared first on plusinfo.mk.

The post 🎥 ЕВЕ КАДЕ ЌЕ СЕ ДВИЖИ ГРАДСКИОТ ВОЗ Министерот Николоски објави видео од трасата appeared first on plusinfo.mk.

Завршени се, како што нагласи, 48 отсто од работите на оваа делница, што е со проектирана вредност од 14,2 милиони евра.

-Како Влада веќе покажавме на терен дека сме силно фокусирани на модернизација на европските коридори, на економскиот развој на нашата земја и на регионалното поврзување заради одржување на економските релации со соседите -рече Бочварски.

Тој најави дека за втората делница на потегот од село Блаце до клучка Стенковец, којашто е во должина од околу 10,5 километри, до крајот на овој месец ќе се изработи проектот и ќе се даде на ревидирање.

Втората фаза ќе се финансира со заем од ЕБОР и инвестициски грант од ВБИФ.  ќе биде во вредност од 100 милиони до 120 милиони евра, а како што посочи минисерот потребно време за проектирање и за експропријацијата.

–Очекувањата се првата фаза од изградбата да заврши кон средината на наредната година, а да биде распишан тендерот за изградба и на втората делница, со што ќе се продолжи овој континуитет до самиот влез на Скопје со што ќе бидеме задоволни со динамика да доколку во средината на наредна година го распишеме тендерот имаме избрано изведувач во текот на 2022 година и за втората делница за изградба на овој автопат – рече Бочварски 

Како што посочи, намера е да изградат модерно автопатско решение, по сите меѓународни стандарди, безбеден за сообраќај со посебен инпут на подобрување на економските врски со Косово и зголемување на билатералната економска соработка.

Директорот на ЈПДП Ејуп Рустеми, пак, потенцираше дека  автопатот Скопје-Блаце е важен проект за поврзување на нашата држава со Косово, кој е нашиот трговски партнер, но и со останатите земји на регионот.Изведувачот на работите „Гранит“ и наздорот ГИМ информирале дека вкупниот прогрес на работите изнесува 48 отсто.

– Се додека временските услови дозволуваат ќе се работи интензивно. Покрај асфалтирањето се извршуваат и геодетски работи како што се обележување или снимање на трасата на деловите каде што се изведуваат работите односно каде што се врши ископ, а на главната траса се врши армирање и бетонирање на трапензи бетонски канали, заштита со бетонски слој  хидроизолација на горна плоча – информораше Рустеми.

The post ПРВАТА ДЕЛНИЦА ОД АВТОПАТОТ СКОПЈЕ – БЛАЦЕ ЌЕ БИДЕ ГОТОВА ДО ЈУНИ СЛЕДНАТА ГОДИНА За втората допрва ќе се распишува тендер appeared first on plusinfo.mk.

Германската канцеларка Ангела Меркел денес објави серија чекори договорени со 16-те германски премиери за олеснување на рестриктивните мерки воведени за спречување на ширењето на коронавирусот, изјавувајќи дека заврши првата фаза од пандемијата, но дека пред земјата се уште престстои долг пат.

– Се наоѓаме во момент кога ја постигнавме нашата цел за забавување на ширењето на вирусот и ние успеавме да го заштитиме нашиот здравствен систем … така што беше можно да разговараме и да се договориме за натамошно ублажување на мерките – изјави Меркел пред новинарите, пренесоа британските медиуми.

Врз основа на договорените мерки за ублажување на мерките ќе им се овозможи на членовите на две домаќинства да можат да се сретнат, ќе се отворат се поголем број продавници каде ќе треба да се спроведат и одржуваат мерките за хигиена, но во сила остануваат упатствата за држење физичка дистанца од еден и пол метар и обврската за носење маски што ги покриваат устата и носот во јавниот превоз.

The post Меркел: Првата фаза од пандемијата е зад нас, ни претстои долг пат appeared first on plusinfo.mk.