Полначот е поставен во дворот на основното училиште „Александар Македонски“, а бидејќи е прв од ваков вид кој се поставува во Македонија, тој ќе биде во фаза на тестирање до 1 декември, по што сите граѓани ќе можат бесплатно да го користат. Со полначите, граѓаните ќе имаат можност бесплатно да користат чиста и зелена енергија, а со тоа директно да придонесат кон намалување на емисиите на загадувачки супстанци.

На денешната промоција присуствуваше градоначалникот на Општина Аеродром, Тимчо Муцунски, кој истакна дека општината континуирано инвестира во проекти и инфраструктура кои поттикнуваат користење на обновливи извори на енергија и промовираат алтернативни средства за сообраќај.

„Се надеваме дека овој проект ќе биде поттик за граѓаните да користат чиста енергија за транспорт, а со тоа заедно ќе придонесеме кон подобрување на животната средина во нашата општина“, напиша Муцунски на својот профил на Фејсбук.

Филип Стојановски од Центарот за климатски промени се заблагодари до Општина Аеродром за препознавањето на потенцијалот од овие идеи и заложбите низ изминатите 12 месеци да станат „Еко-паметна“ општина.

– Се надеваме дека овој пример ќе биде поттик и за останатите општини да размислуваат во насока на поголемо искористување на сончевата енергија и да овозможиме средина во која сѐ поретко ќе ги користиме автомобилите и ќе имаме чиста и здрава животна средина – истакна на Стојановски.

Општина Аеродром е посветена на процесот на обезбедување здрава и чиста животна средина. Покрај денешната активност, општината постави фотоволтаици за сите основни училишта и градинки, активно работи на поставување енергетски ефикасни фасади на повеќе детски градинки и училишта, како и на доделување субвенции за велосипеди и електрични тротинети. Веќе втора година во општината се реализира проектот „Clean AirDrom“ кој е финансиран од Европската унија и има за цел да воспостави примарен систем за селекција и рециклирање на отпадот.

The post ПРВИОТ ПОЛНАЧ ЗА ТРОТИНЕТИ Е ВО АЕРОДРОМ Ќе се користи бесплатно appeared first on plusinfo.mk.