54 кандидати на ВМРО-ДПМНЕ и коалицијата се во водство во првиот круг од локалните избори, според обработени 79,44 проценти од гласовите од страна на Државната изборна комисија.

Коалицијата Вреди води во 8 општини, СДСМ води во 8 општини, ДУИ води во 5, а Демократска партија на Турците во 1 општина.

Овие податоци се од обработени 2.896 од 3.474 избирачки места.

The post ВМРО-ДПМНЕ ВОДИ ВО 54 ОПШТИНИ Податоци на ДИК од обработени 79,44 % од гласовите appeared first on plusinfo.mk.

Кандидатот за градоначалник на Општина Бутел Дарко Костовски прогласи победа во првиот круг на локалните избори за Бутел.

„Бутел – победа во прв круг! 9:1. Благодарам мој народе. Слава на Господ!“ – напиша Костовски на својот профил на Фејсбук.

The post ДАРКО КОСТОВСКИ ПРОГЛАСИ ПОБЕДА ВО ПРВ КРУГ ВО БУТЕЛ Им се заблагодари јавно на гласачите appeared first on plusinfo.mk.

Според резултатите објавени на веб страницата на Државната изборна комисија до 22 часот, кандидатите за градоначалници на Коалицијата Вреди водат во девет општини, додека кандидатите од Националната алијанса за интеграција (НАИ) водат во четири општини.

Според резултатите објавени на веб страницата на Државната изборна комисија до 22 часот, кандидатите за градоначалници на Коалицијата Вреди водат во девет општини, додека кандидатите од Националната алијанса за интеграција (НАИ) водат во четири општини.

Коалицијата Вреди води во општините Арачиново, Боговиње, Брвеница, Дебар, Желино, Сарај, Теарце, Тетово и Чаир, додека кандидатите на Националната алијанса за интеграција во Врапчиште, Гостивар, Липково и Пласница. Во Струга води независниот кандидат Менди Ќура, исто како и во Студеничани Азем Садики.

Во Општина Арачиново со обработени 90.32 отсто од гласовите води кандидатот на Коалицијата Вреди Даути Беќири, со 49.26 отсто од гласовите наспроти Скендер Исуфи од Национална алијанса за интеграција (НАИ) со 47.87 отсто.

Во Општина Тетово со обработени 89,74 отсто од гласовите води Биљал Касами од Коалицијата Вреди, со 47,05 отсто наспроти Бајрам Реџепи од НАИ со 36,95 отсто.

Во Чаир, со обработени 46,51 отсто од гласовите, води кандидатот за градоначалник од Коалицијата Вреди Изет Меџити, со 50,54 отсто наспроти кандидатот од НАИ Бујар Османи со 39,10 отсто.

Во Гостивар, со обработени 78,51 отсто од гласовите води Валбон Лјимани со 59,23 отсто наспроти Себаедин Даути со 15,30 отсто.

Во Струга, со обработени 71,54 отсто од гласовите води независниот кандидат Менди Ќура со 38,16 отсто наспроти Арсим Далипи од НАИ со 35,99 отсто.

The post ВРЕДИ ВОДИ ВО 9, КОАЛИЦИЈАТА НА ДУИ ВО 4 ОПШТИНИ Во Струга и во Студеничани водат независни кандидати appeared first on plusinfo.mk.

Досегашниот градоначаник на Тетово Билал Касами им се заблагодари јавно на граѓаните на Тетово за, како што рече, големата победа на изборите за втор мандат како градоначаник.

„Благодарам Тетово за големата победа! Бескрајно благодарам! Ќе се видиме на прослава во 22:30 часот на плоштадот!“ – Напиша Касами на својот профил на Фејсбук.

Според првичните нецелосни резултати на ДИК Билал Касами освоил 47,23 отсто од гласовите, пред неговиот ривал од ДУИ Бајрам Реџепи кој освоил 37,84 отсто од гласовите.

The post КАСАМИ ИМ СЕ ЗАБЛАГОДАРИ НА ТЕТОВЧАНИ ЗА ГОЛЕМАТА ПОБЕДА Ги чека на прослава на тетовскиот плоштад appeared first on plusinfo.mk.

ВМРО – ДПМНЕ во првиот круг од изборите ќе победат и ќе добијат градоначалници во Кисела Вода, Гази Баба, Ѓорче Петров, Аеродром, Охрид, Ресен, Градско, Василево, Радовиш, Штип, во Струмица, Босилово, Ново Село и Вевчани и Прилеп, најави вечерва членот на Извршниот комитет на партијата Антонио Милошоски повикувајќи се на прелиминарни резултати од Аналитичкиот центар на партијата.

Милошоски истакна дека првпат по 20 години ВМРО-ДПМНЕ ќе добие градоначалник во Струмица.

Тој рече дека за Град Скопје очекувањата се дека нивниот кандидат Орце Ѓеорѓиевски ќе има убедлива предност и дека можеби неколку илјади гласови ќе одлучуваат дали тој ќе победи во првиот круг од изборите.

Според аналитичкиот центар на ВМРО-ДПМНЕ во првиот круг избрани се градоначалници во Охрид, Штип, Радовиш, Сопиште, Ресен, Свети Николе, а дека на прагот е огромна победа во Струмица.

Во и пред штабот на ВМРО-ДПМНЕ вечерва се собираат членови на партијата и веќе е се подготвено за прославување на победата на кандидатите на партијата.

The post ПО 20 ГОДИНИ, ВМРО-ДПМНЕ ПОБЕДУВА ВО СТРУМИЦА Во прв круг победуваме и во најмалку 14 други општини, објави Милошоски appeared first on plusinfo.mk.

Штип, Кратово, Крива Паланка, Валандово, Делчево се меѓу 21 општина со по двајца кандидати за градоначалник и најверојатно таму граѓаните ќе добијат прв човек на локалната самоуправа уште во првиот круг. Локалните избори за 80 општини и Градот Скопје се закажани за в недела на 19 октомври.

Каде се кандидирале само двајца кандидати за градоначалник?

По двајца кандидати за градоначалници има во Богданци каде изборно соочување ќе имаат Блаже Шапов поддржан од коалицијата на СДСМ и Мајран Пеев ВМРО-ДПМНЕ, во Боговиње – Фети Анази од Влен и Бесник Емши од НАИ, во Босилово Мариче Кармазичева од СДСМ и Ристо Манчев од ВМРО -ДПМНЕ, Валандово – Перо Костадинов од СДСМ и Ѓоко Камчев ВМРО-ДПМНЕ, Василево Славе Андонов ВМРО-ДПМНЕ и Ванчо Новоселски од СДСМ, Врапчиште Мехмет Сефери од Вреди и Исен Шабани од ДУИ, Градско Киро Нацков од ВМРО ДПМНЕ и Драгослав Симоновиќ од СДСМ, Делчево Иван Гоцевски од ВМРО‑ДПМНЕ и Дејан Глинџарски поддржан и од СДСМ, Желино Бјлердим Сејдиу од Вреди и Емир Сулејмани НАИ, Зрновци Ванчо Митев од СДСМ и Борчо Коцев од ВМРО-ДПМНЕ, Карбинци Виктор Паунов од ВМРО-ДПМНЕ и Љубица Соколовска СДСМ, Кратово Влатко Спировски СДСМ и Тодорче Николовски ВМРО-ДПМНЕ, Крива Паланка Сашко Митовски СДСМ и Оливер Алексовски ВМРО-ДПМНЕ, Кривогаштани Игор Каравилоски СДСМ и Сашо Граороски ВМРО-ДПМНЕ, Липково Неџмедин Садики Вреди и Еркан Арифи НАИ, Маврово и Ростуше Анес Ахмети СДСМ и Онер Јакупоски ВМРО-ДПМНЕ, Ново Село Ѓорѓе Божинов ВМРО-ДПМНЕ, Петровец Борче Митовски ВМРО-ДПМНЕ и Елизабета Зелениковска од СДСМ, Пласница Елсан Нурчески Демократска партија на Турците и Алија Јаоски НАИ, Теарце Назим Таипи од НАИ и Даут Мемиши од Вреди и во Штип се Иван Јорданов од ВМРО‑ДПМНЕ и Павел Иванов од СДСМ.

Повикувајќи се на изборни анкети и математики, некои експерти и медуими сметаат дека и во други општини би можело изборите да завршат уште во првиот круг односно да биде избран градоначалник. Советници се бираат во првиот круг освен онаму каде што ќе има повторување на гласовите.

Кога се исполнети условите за избор на градоначаник?

Според член член 132 став 1 од Изборниот законик, во првиот круг од гласањето за градоначалник е избран оној кандидат кој добил мнозинство гласови од избирачите кои гласале, доколку на изборите излегле една третина од вкупниот број на избирачи запишани во изводот од Избирачкиот список за соодветната општина.

Ако во првиот круг ниту еден кандидат за градоначалник на општина не го добил потребното мнозинство гласови во согласност со член 132 став 1 од Изборниот законик, во вториот круг се гласа за двајцата кандидати кои во првиот круг добиле најмногу гласови.

Вториот круг на гласање се одржува во рок од 14 дена од денот на завршувањето на првиот круг на гласањето. Во вториот круг на гласање за градоначалник е избран кандидатот кој добил поголем број гласови.

Ако и по вториот круг од кои било причини не се изврши избор на градоначалник, изборната комисија во рок од 15 дена од завршувањето на изборите ја известува Владата.

Како се пресметува кој колку советници добил?

Советници се избираат во првиот круг од изборите и притоа се употребува пропорционалниот модел, при што распределбата на мандатите се врши по Донтовата формула. Според формулата, вкупниот број гласови добиен за предложените кандидатски листи се дели со низот на делители 1,2,3… сè до бројот на членовите на советот кои се избираат во конкретната општина. Вака добиените количници се редат по големина, при што се земаат предвид оние најголеми количници колку што се избираат членови во советот. Една листа на кандидати добива онолку членови во советот колку што има најголеми количници од оние кои се земени предвид.

Кампањата за вториот круг од изборите започнува веднаш во понедленик на 20 октомври и завршува на 30 октомври на полноќ, а вториот круг на изборите е на 2 ноември.

The post НАЈМАЛКУ ВО 21 ОПШТИНА ИЗБОРИТЕ ЌЕ ИМААТ САМО ЕДЕН КРУГ Кога се исполнети условите за избор на градоначалник? appeared first on plusinfo.mk.

Кандидатот за градоначалник на Скопје од редовите на ВМРО-ДПМНЕ Орце Ѓорѓиевски верува дека ќе победи уште во првиот круг на изборите закажани во недела. Ваквото верување, Ѓорѓиевски го темели на она што го има сработено изминатите четири години како градоначалник на општина Кисела Вода.

– Убеден сум дека ќе ја добијам поддршката и очекувам победа во првиот круг земјаќи во предвид дека имам сериозно сработено позади себе изминатите четири години и имам сериозен кредибилитет да ја побарам поддршката од граѓаните. Искрен да бидам очекувам победа уште во првиот круг – рече Ѓорѓиевски на првото вечерашно телевизиско соочување со неговата противкандидатка од СДСМ Каја Шукова.

Ѓорѓиевски вели дека самостојно ќе одлучува и дека нема да дозволи сугестии од никого.

– Приоритет секогаш ќе ми бидат граѓаните како што тоа го правев во Кисела Вода изминативе четири години. Покажав дека единствениот интерес којшто го штитам е интересот на граѓаните. Тоа значи самостојно управување и преземање на чекори кои ќе бидат единствено во полза на граѓаните. Мицкоски никогаш не ми сугерирал за одредена ситуација. Секогаш како премиер на Владата бил насочен да помогне за реализација на одредени проекти, но да ми сугерира, прво јас не сум таков карактер. Јас сум возрасен човек и никој не може да ми сугерира освен граѓаните – рече Ѓорѓиевски.

Ѓорѓиевски ја обвини противкандидатката од СДСМ за водење црна кампања.

The post ОРЦЕ ЃОРЃИЕВСКИ ОЧЕКУВА ПОБЕДА ВО СКОПЈЕ УШТЕ ВО ПРВИОТ КРУГ „Приоритет ќе ми бидат граѓаните и нивните сугестии“ appeared first on plusinfo.mk.

„Хрватски народe, граѓани на сите градови и окрузи, ви благодарам од сѐ срце. Никогаш не сум ја гледал политиката како средство за приватни цели, туку како повисока мисија и повик. Така ја гледам и чувствувам и денес и верувам дека вие го препознавте тој жар“, напиша Милановиќ на Фејсбук, ден по првиот круг од изборите.

Државната изборна комисија ги објави конечните резултати од претседателските избори врз основа на 100 отсто обработени избирачки места, според кои актуелниот претседател Зоран Милановиќ освоил 49,09 отсто од гласовите, а второпласираниот кандидат на владејачката ХДЗ, Драган Приморац – 19,35 отсто.

Независната кандидатка, поранешната функционерка на Мост, Марија Селак Распудиќ има 9,25 отсто, а кандидатката на партијата Можеме, Ивана Кекин – 8,89 отсто.

Независниот кандидат, адвокатот Томислав Јоњиќ доби 5,09 отсто гласови, кандидатот на Мост и градоначалник на Сињ, Миро Буљ има 3,82 отсто гласови, а Бранка Лозо од партијата Домино освои 2,41 отсто од гласовите. Независниот кандидат Нико Токиќ Картело доби 0,88 отсто поддршка.

Според податоците на Државната изборна комисија, гласале 46,03 отсто од гласачите од нешто помалку од 3,8 милиони граѓани запишани во избирачкиот список.

Милановиќ и Приморац се пласираа во вториот круг од изборите, што ќе се одржи на 12 јануари.

The post ПОЛИТИКАТА МУ Е ПОВИСОКА МИСИЈА И ПОВИК Хрватскиот претседател Милановиќ се заблагодари за гласовите на изборите appeared first on plusinfo.mk.

Џилијан Стирк, шеф на мисијата ОБСЕ/ОДИХР во контекст на законската рамка истакна дека таа е основа за демократски избори, но оти не регулира во доволна мера некои од важните елементи на претседателската трка.

Посочи дека неодамнешните измени во Изборниот законик беа воведени преку процес на кој му недостасувало транспарентност и консултации со јавноста.

– Основните слободи беа почитувани во кампањата, но како што се приближуваше денот на изборите, а границите помеѓу претседателската и парламентарната трка почнаа да се замаглуваат, реториката стануваше се’ понегативна и во некои случаи дискриминаторска одразувајќи ја политичката фрагментација и етничките поделби – посочи Стирк.

Таа се осврна и на недоволната застапеност на, како што вели, жените во кампањата, како и на тоа дека ограничениот ангажман со жените гласачи покажал потреба од поголема посветеност на обезбедување нивна вклученост во политичкиот живот.

Во извештајот има наводи и за распределбата на средствата за кампања.

– Поврзаноста на распределбата на средствата за кампања и медиумските можности со партиската припадност несразмерно ги фаворизираше кандидатите кои се поврзани со големите политички партии – наведе Стирк.

Во однос на изборната администрација таа нагласи дека и покрај нејзините ограничени човечки и технички ресурси, таа генерално уживала доверба на јавноста во поглед на нејзиниот технички капацитет и ефикасно управување со процесот во целост.

Меѓународната набљудувачка мисија ќе го проследи и вториот круг на претседателските избори заедно со парламентарните избори на 8 мај, а конечната оценка за претседателските и парламентарните избори ќе бидат објавени два-три месеци по завршувањето на изборите.

The post ОДЛИЧНО ОГРАНИЗИРАНИ ИЗБОРИ, НО РЕТОРИКАТА БЕШЕ ОСТРА Еве каква оценка дадоа ОБСЕ/ОДИХР за првиот круг appeared first on plusinfo.mk.

Од вкупно запишани 899.977 гласачи на овие избирачки места гласале 397.612 избирачи, односно 44,18%, информираше претседателот на ДИК, Александар Даштевски, на редовната прес-конференција.

Најголема излезеност од 67,19% има во Новаци, а најмала во Пласница 15,5%.

– Гласањето досега се одвива мирно во сите избирачки места – соопшти Даштевски.

Во споредба со првиот круг од претседателските избори од 2019 година, до 17 часот на овие избори има поголема излезеност за околу 9%.

До ДИК досега се доставени 308 приговори за заштита на лично избирачко право, од кои 75 се усвоени и на избирачите им е овозможено да го остварат правото на глас, 25 се отфрлени како неуредни, 38 се одбиени, а останатите се во обработка.

The post ИЗЛЕЗНОСТА ДО 17 ЧАСОТ ИЗНЕСУВА 44,18% Правото на глас го искористиле 397.612 избирачи appeared first on plusinfo.mk.