Лидерот на ДУИ Али Ахмети е во Косово. Во објава на социјалните мрежи поставена е фотографија од Ахмети и генералниот секретар на ДУИ Фатон Ахмети во угостителски објект во Приштина.

„Утринско кафе во Приштина, со лидерот на народот, татковината и албанската нација, мојот пријател Али Ахмети и генералниот секретар на ДУИ, Фатон Ахмети“, се вели во објавата на Фејсбук.

• ЌЕ СЕ ВРАТИ ВО МАКЕДОНИЈА, АМА ВО „ШУТКА“ ДА НЕ ОДИ Груби ангажирал адвокат

Како што објавија косовските медиуми, на Ахмети ќе му биде доделен клучот од Приштина. Тој ќе биде примен од градоначалникот на Општина Приштина, Запарим Рама, кој ќе му го даде клучот од главниот град и ќе го прогласи за почесен граѓанин.

Неговиот престој во Приштина е во исто време со Артан Груби, осомничен во предметот „Државна лотарија“, кој пред два дена отиде на Косово, а е во очекување на одлуката на Кривичен суд за притворот кој за него го бара Обвинителството.

Првиосомничениот, поранешниот директор на Лотарија на Македонија, Прперим Бајрами исто така не е во земјава. Според информациите кои ги објавија дел од надлежните, тој пред извесно време заминал од Македонија, веројатно исто така на Косово.

The post 📷 КАДЕ ГРУБИ, ТАМУ И АХМЕТИ Лидерот на ДУИ замина во Косово appeared first on plusinfo.mk.