– Ковачевски и СДСМ треба да одговорат на следните прашања: Од каде им се на лицата со фантомки шок-бомби што беа фрлани накај Собранието? Чиј магацин пред месец дена во среде касарна во Охрид беше ограбен и беа украдени шок бомби? Кој правеше вежби на 7 мај со уфрлени инфилтратори за протести? Од каде знаеја Спасовски и Ковачевски дека најавените протести ќе бидат насилни и кои беа лицата кои ја дочекаа колоната народ од пред МНР што се движеше кон Собранието? Врз основа на кој член од Закон или Правилник, полицијата удира клоци на рбет на легнат човек на земја? Врз основа на кој член од Закон или Правилник, полицијата апси малолетно лице, го носи со лисици на раце, го става во полициско комбе и го носи во станица? Откако веќе инфилтраторите си ја завршија работата и се повлекоа, кој одобри употреба за несразмерна сила од страна на полицијата врз голораките момчиња – прашува Ковачки.

Тој побара одговорност од министерот за внатрешни работи Оливер Спасовски, како и одговорност од службениците што ги пречекорија своите овластува.

– Откако власта виде дека граѓаните, десетици и десетици илјади мирно и достоинствено кажаа не, без ниту еден отпушок или навреда кон полицијата, почнаа да смислуваат, а сега веќе и да спроведуваат сценарија со провокатори. Ковачевски и Спасовски, не може да го разбиете единството на народот. Не може да ја уништите енергијата оти досега никој не победил народ. Нема да подлегнеме на провокации и ќе продолжиме со достоинствено, јасно и гласно противење на договорот за бугаризација на македонскиот народ – вели опозицискиот пратеникот, кој најави дека попладнево со почеток од 19 часот повторно ќе се организира протест.

The post ШОК БОМБИТЕ НА ПРОВОКАТОРИТЕ СЕ ОД МАГАЦИНОТ ВО ОХРИД? Ковачки бара одговорност од министерот Спасовски appeared first on plusinfo.mk.

Откако вчера квислингшката власт се соочи со искрениот револт на народот, сега таа власт се обидува со перфидни методи да даде друга димензија на протестите – во нивниот препознатлив манипулативен и спинувачки стил, соопшти Левица.

„Благодарение на совесни вработени во службите, до нас пристигнаа информации дека власта има сериозни намери да вклучи провокатори во протестите. Сѐ со цел, да предизвикаат сериозни нарушувања на јавниот ред и мир, за да ги оправдаат нивните полициско – репресивни активности и да се обесхрабри македонскиот народ да дојде да го изрази правото на протест против националните предавства. Ваквите методи на делување не се воопшто за изненадување од страна на еден тоталитарен и хибриден режим. Нашите членови во ниту еден момент не ја загрозија безбедноста на полициските службеници вчера, ниту, пак, фрлаа со тврди предмети – а така ќе биде и на денешниот протест. Потенцираме дека членовите на Левица не носат фантомки, а секое лице кое во таква форма ќе биде забележано ќе биде изолирано и нема да му се даде поддршка во неговите активности. СДС нема никаков легитимитет да говори за насилство на протести – затоа што сиот народ е свесен на каков начин дојдоа на власт! Кога неправдата станува закон – отпорот станува должност. Продолжуваме до пад на хибридниот режим“, соопшти Левица.

The post ВЛАСТА ПЛАНИРА ДА ВКЛУЧИ ПРОВОКАТОРИ Левица се оградува од насилството на протестите appeared first on plusinfo.mk.

Како што јави дописникот на МИА од Софија, Петков коментирајќи оштетувањето на венците што бугарската делегација ги положи на гробот на Гоце Делчев во Скопје, кажа дека секогаш ќе има провокатори.

Петков очекува да има нулта толеранција за провокации и верува дека тоа никако нема да ја намали брзината или да ги спречи започнатите заеднички активности.

– Ние имаме заедничка цел, а тоа е добрососедството и добри билатерални односи – истакна бугарскиот премиер Кирил Петков.

Инаку, на денот на обележувањето на 150-годишнината од раѓањето на нашиот најистакнат револуционер Гоце Делчев, членови на навивачки групи на нецивилизиран начин ги отстранувале лентите од венците кои беа положени од страна на бугарските официјални претставници за време на оддавањето почит на гробот.

The post ПЕТКОВ МУ СЕ ЈАВИЛ НА КОВАЧЕВСКИ Разбрав за оштетувањето на венците, секогаш ќе има провокатори appeared first on plusinfo.mk.