Додека Македонија тагувала и ги броела жртвите од пожарот во тетовската модуларна болница, поранешниот министер за здравство Венко Филипче анексирал договори за градба, за да се спаси, обвини Валентин Манасиевски од ИК на ВМРО-ДПМНЕ.

– Венко Филипче, кој дозволил да се изгради модуларната болница во Тетово со неогноотпорни материјали, во денови по пожарот склучува анекс со фирмата-изведувач да ги промени панелите од кои се изградени контејнерите, со огноотпорни. Имено, Филипче склучува анекс на договор со фирмата која ги гради модуларните болници и ја зголемил цената за 20 отсто, само за да се променат материјалите во другите болници низ државата. Зошто Венко Филипче побрзал да склучи договор за промена на материјалите од кои се изградени модуларните болници? – праша Манасиевски.

Зошто претходно Филипче дозволил таквите болници да се користат, а веднаш по пожарот побрзал да ги промени панелите, додаде тој.  Зошто веднаш ја зголемил цената за 20% и дали тие 20% се причината за пожарот во Тетово и смртта на 14 луѓе, праша Манасиевски.

– Дали Венко Филипче морал неминовно да го анексира договорот за 20%, затоа што тие пари претходно завршиле во нечиј џеб? Од тендерската документација и Основниот договор за набавка на работи бр. 23-1431/17 од 28.5.2021 година јасно може да се утврди следново: член 7.3.1 од тендерската документација – договорниот орган во рамките на оваа точка не предвидел разлика, т.е. корекција на цени, туку напротив, стои одредба дека цените искажани во понудата на најповолниот понудувач ќе бидат фиксни за целото времетраење на договорот. Во член 3 од Договорот исто така е предвидено дека единствените цени кои се дадени во понудата која е составен дел на договорот ќе бидат фиксни и непроменливи по било кој основ. Следствено, член 2 од Анексот бр. 23-1431/63 од 20.12.2021 е во целост спротивен на Основниот договор, па согласно член 116, 117 и 119, а во врска со член 39 и 41 од Законот за облигациските односи е ништовен – објасни Манасиевски.

Наместо Министерството за здравство да му наложи на изведувачот сите измени согласно договорот да ги направи и изработи на свој трошок, Министерството, пазете, му одобрува на изведувачот 20% зголемување на цената, потенцира Манасиевски.

– Наместо да бара од носителот да ги урне објектите кои ја загрозуваат безбедноста и да побара да си ги изведе на свој трошок работите, Министерството за здравство склучува анекс со промена на 20% повисоки цени.  Овој анекс е склучен на 20.12.2021 година, само две недели пред заминувањето на Филипче од позицијата министер за здравство, бидејќи веќе од јануари 2022 година, Министерството за здравство го презема Беким Сали. Анексот, кој е потпишан само од Филипче, никогаш не е објавен на страната на Електонскиот систем за јавни набавки, во делот на измени на договорот – рече Манасиевски.

Оттука се поставува прашањето, додаде тој, зошто Филипче потпишал анекс кој е целосно спротивен на основниот договор и е законски ништовен?

– Зошто Филипче не побарал од фирмата-изведувач да ги сруши модуларните болници и да направи нови со подобар квалитет и според Законот за градење и Законот за здравствена дејност Дали одговорот на сите овие прашања е 20%? И каде завршиле тие? Вистината за модуларната болница, јавноста мора да ја дознае – рече Манасиевски.

Тој најави дека утре ќе ја одржи четвртата прес-конференција на оваа тема, на која ќе објави за случај на судир на интереси на лицето кое ги одобрувало техничките спецификации за модуларните болници, кое било назначено директно од Филипче.

The post НАМЕСТО ДА БАРА УРИВАЊЕ, ФИЛИПЧЕ ПОТПИШАЛ АНЕКС ЗА МЕНУВАЊЕ НА ПАНЕЛИТЕ НА МОДУЛАРНИТЕ БОЛНИЦИ Додека Македонија тагуваше, Венко мислел само како да се спаси, обвини Манасиевски appeared first on plusinfo.mk.

Венко Филипче беше фатен жив во шема за земање провизија за вакцини против ковид во аферата „Стабри“ и тој нема никаков кредибилитет, реагираше владејачката ВМРО-ДПМНЕ.

– Венко Филипче сакаше да набави кинески вакцини против ковид во екот на кризата преку фирма регистрирана за тргување со банани и јужно овошје. Оваа фирма со име Стабри е формирана само 3 месеци откако СДСМ дошле на власт во 2017 година. Коинциденција или не? Филипче како министер за здравство сакаше да ги купи вакцините преку Стабри, по цена од 62 долари, во услови кога другите држави ги купуваа по најмногу 30 долари. 200.000 вакцини кои Филипче сакаше да ги набави, ќе беа платени 6 милиони долари поскапо. За тоа каде требаше да завршат овие 6 милиони долари, Филипче и ден денес молчи – рече денеска Валентин Манасиевски од ИК на ВМРО-ДПМНЕ.

Овој сериозен криминал во обид, беше спречен единствено со огромниот медиумски притисок и притисокот на ВМРО-ДПМНЕ, додаде тој.

– Тоа што овој криминал во обид беше спречен, не е олеснителна околност за Филипче како политичар, кој мора да одговори неколку прашања. Каде требаше да завршат 6 милиони долари од набавката на вакцините? Дали фирмата Стабри има врски со СДСМ и со него лично, со оглед на тоа дека е формирана само 3 месеци, откако тие дошле на власт? Оваа афера покажува дека Венко Филипче нема кредибилитет. Исто така ова е доказ за што се бори Филипче и зошто е во политиката. Филипче се надева на власт и на можност повторно да прави вакви шеми – рече Манасиевски.

Филипче е без кредибилитет и прочитан од народот и треба веднаш да си поднесе оставка, повика Манасиевски.

• ВМРО-ДПМНЕ објави документи за аферата со кинеските вакцини: На фантом фирма со тројца вработени ѝ префрлиле 12.5 милиони долари

The post ФИЛИПЧЕ САКАШЕ ДА КУПИ ВАКЦИНИ ПРЕКУ ФИРМА ЗА ТРГОВИЈА СО БАНАНИ Кој требаше да ќари 6 милиони евра, прашува ВМРО-ДПМНЕ appeared first on plusinfo.mk.

НЛБ Банка воведува промотивна понуда за својата револвинг кредитна картичка – НЛБ „haPPy“, единствената картичка на пазарот што овозможува загарантиран поврат на средства при секоја безготовинска трансакција. Во периодот од април до 31 јули оваа година, банката ја намалува каматната стапка за трансакциите направени со оваа картичка, овозможувајќи уште поповолни услови за корисниците.

Во рамки на промотивната кампања, каматната стапка за сите безготовински плаќања направени на ПОС терминали и онлајн трансакции ќе изнесува 8,9%. Оваа олеснителна мерка им нуди дополнителна вредност на корисниците, овозможувајќи им поопуштено купување со зголемена финансиска флексибилност.

Зошто НЛБ „haPPy“ е единствена на пазарот?

НЛБ „haPPy“ картичката е кобрендирана револвинг кредитна картичка од „Mastercard“ со меѓународна важност, дизајнирана да нуди поволности за секојдневни купувања. Со секоја трансакција направена на продажни места, клиентите добиваат поврат на средства (cashback) до 12% во рамките на партнерската мрежа на НЛБ Банка и Неп Лојалити, која опфаќа над 250 трговци и 1.000 продажни локации во повеќе од 25 различни дејности.

Дополнително, за сите трансакции надвор од партнерската мрежа, клиентите добиваат загарантиран „cashback“ од 0,6% за прометот реализиран во земјата и странство.

Програмата за лојалност обединува водечки трговски брендови во Македонија, нудејќи им на клиентите практично решение за секојдневно купување. Минималниот месечен износ за отплата на картичката изнесува 5% од вкупните доспеани обврски, а НЛБ Банка овозможува и бескаматен грејс период до 45 дена.

За повеќе информации, заинтересираните клиенти можат да посетат www.happycard.mk или да аплицираат во експозитурите на НЛБ Банка низ државата, како и во продажните салони на Нептун Македонија.

The post „CASHBACK“ ДО 12% И КАМАТА ОД САМО 8,9% Ексклузивна понуда на НЛБ Банка за картичката „haPPy“ appeared first on plusinfo.mk.

Резултатите од анкетата беа соопштени на денешната обука „Бизнис интегритет“, која се одржа во Прилеп со компаниите од градот и регионот, организирана од Стопанската комора.

Потпретседателот на Стопанската комора Зоран Јовановски рече дека борбата против корупцијата и бизнис-интегритетот се теми за кои недоволно се зборува, а се од суштинско значење за секој кој има намера сериозно да се занимава со бизнис.

– Резултатите од анкетата се такви какви што се. Имаме многу голем простор да ги подобриме работите. Јас би издвоил два моменти. Првото е што 83 проценти од анкетираните компании сметаат дека корупцијата е еден од трите најважни проблеми во државава кој треба да ги решиме. Второ, дури 96 проценти од компаниите кои одговорија сметаат дека може да се има успех во борбата против корупцијата, што е охрабрувачки елемент. Притоа, тие делумно се вртат и кон себеси и велат дека имаат потреба да внесат, да вградат или да ги засилат своите механизми за спречување на корупцијата – рече Јовановски.

Јованка Кенкова Пјевац, предавач на обуката од Македонски телеком вели дека компанијата е пионер во имплементирањето на системи за интегритет. Потребно е да се усогласиме со намерите на ЕУ за борба против корупцијата, а има можност за индивидуални и заеднички мерки на компаниите.

– Мерките за самите компании се имплементирање на еден сеопфатен систем за интегритет, кој е комплексен. Покрај индивидуалните мерки на секоја компанија, постои простор за колективно дејствување. Тоа е една од формите на здружување на компаниите со кое може да го засилат своето влијание во борбата против корупцијата, особено во услови кога локалните законодавства слабо функционираат во тој дел – рече Кенкова Пјевац.

Претседателот на Регионалната стопанска комора од Прилеп, Никола Мариноски, смета дека се потребни казни и независен, стабилен судски систем.

– Ако се воспостави добар судски, мериторен систем, каде ќе може да се казнуваат таквите коруптивни дела, сметам дека ќе може да исчекориме напред. Ако државата воведе систем, најпрво на казни, односно судскиот систем да почне да казнува, тогаш ќе се намали оваа ендемска корупција во нашава држава – рече Марионски.

Обуката за „Бизнис интегритет“ на која учествуваа претставници на преку 30 компании е прва од ваков вид во земјава и е една од активностите на Стопанската комора за градење здрав економски амбиент. Тоа вклучува борба против корупцијата, борба против сивата економија, борба за владеење на правото. Проектот е финансиран од УСАИД.

The post ПРЕТХОДНАТА ВЛАСТ ИМ БАРАЛА ОД 1.000 ДО 10.000 ЕВРА МИТО ЗА УСЛУГИ НА ФИРМИТЕ Секоја втора фирма била соочена со корупција appeared first on plusinfo.mk.

Ова, последниот обид да протнат закон или договор со кој се дава на странци да изградат гасна централа, а и ние плус да им поклониме 50 милиони евра е доказ дека оваа власт не застанува со газење на македонската независност. Инаку, зошто централата не си би ја изградила Македонија сама? Затоа мислам дека сепак најточниот термин е: Македонија е држава со длабоко поткопана независност.

А токму тоа поткопување го правеа сите нејзини досегашни влади, некои повеќе, некои помалку. Распродаваа стратешки капацитети, отуѓуваа или даваа под концесии плодно земјиште и рудници, склучуваа сомнителни договори со инвеститори, се лигавеа пред странците… За на крај и име да сменат, македонската историја да настрада…

Во првата деценија од самостојноста можеби и ќе се најде некое оправдување – Македонија беше млада држава, штотуку излезена од социјалистичкиот систем – со разорена економија и затворени индустриски капацитети, со годишен буџет помал од една милијарда евра, блокирана од север и југ, а со слаба патна инфраструктура кон запад и исток. Тогаш наивно (ама и за некој лукративно) на властодржците им беше важно да се покаже дека државата е отворена за западните земји, подготвена за странски инвестиции, а и добро беше да легне некое евро во државната каса.

Но сега, а особено во последната деценија буџетот порасна (нејасно како и зошто) преку 5 милијарди евра и се поставува логично прашање: зошто владата не одлучи сама да изгради гасна централа и да покаже дека е заинтересирана за Македонија да ја зацврсти својата енергетска независност. Оти цел на секоја држава е енергетската независност да биде што поголема, како би можело да се задоволат потребите на државата во што поголема мерка, без разлика на различни кризи во светот. Тоа е една од стратешките цели на секоја држава, само властите во Македонија размислуваат различно. Развојот на државите и нивната независност во многу зависи и од способноста за одржување на стабилна енергетска ситуација.

Во Ковид пандемијата, а подоцна и по отпочнувањето на руско-украинската војна, најбезболно поминаа државите што енергетски не беа зависни од надвор. А Македонија мораше да купува најскапа нафта, плин по највисока цена и да ги моли соседите за струја по многу повисока сума од берзанската, а македонскиот народ тоа скапо го плаќаше. Добро, за скапото плаќање заслуга имаа и високите провизии на договорувачите, односно „спасителите“ на државата од енергетска криза.

Во Ковид кризата научивме и друго, дека државите во вонредни ситуации се себични и не се држат до никакви договори или морал. Секој гледа својот народ да го заштити. Нашите власти тоа не го сфатија. Или го сфатија, ама провизиите при набавките од странство им беа помили.

Објаснувањата дека Македонија немала пари сама да ја направи Централата се само доказ дека власта е неодговорна по повеќе основи. Зошто нема пари при толкав буџет? На што се трошеа милијарди евра кога гледаме дека ништо не се изгради?

Тенденцијата на СДСМ и ДУИ е јасна. Не верувам дека и до последен ден од владеењето ќе ја променат. Затоа апелирам до опозицијата да најде начин да го спречи овој нов обид за поткопување на на македонската независност. Од тука нека почнат со заздравување на македонските темели, а по изборите треба да се забрза во правец на постепено враќање на некои изгубени делови од независноста.

И да, Македонија е независна држава, ама тоа треба секој ден да се брани и поткрепува.

The post Секоја држава се бори за енергетска независност, нашата власт за провизии appeared first on plusinfo.mk.

ВМРО-ДПМНЕ денеска ја праша власта дали тендерите во РЕК Битола  тешки милиони се напумпани за да може Вице Заев, братот на премиерот, да земе огромна провизија?

Ова пршање партијата го постави откако РЕК Битола во четири очи склучи договор за ископ на јаглен кој вреди 19 милиони евра. Сомневањето дека и од овој тендер ќе ќари братот на премиерот во заминување, ВМРО-ДПМНЕ го темели на информациите кои на јавноста преку писмо и ги посочи Боки-13  и високиот износ на парите кои РЕК Битола ќе треба да ги плати на фирмата која ќе го врши ископот.

 -Бојан Јовановски, главниот осуден во РЕКЕТ, преку своето писмо до Зоран Заев, со кого имал одлична комуникација тврди дека Вице Заев земал пари од газдите на фирмите кои добивале тендери во РЕК Битола, за што постојат докази во неговиот мобилен телефон. Јовановски посочува лица и ситуации, а институциите молчат – велат од ВМРО-ДПМНЕ.

Оттаму се повикуваат на дел од писмото на Јовановски во кое тој наведува:

„Вашиот брат Вице Заев, откако Силјан Мицевски го добива тендерот во РЕК Битола, веднаш стапува лично во контакт со него, на средба во Битола и веднаш му бара пари поради добиениот тендер во РЕК Битола. Средствата во милионски износ вашиот брат Вице му ги бара на Силјан веднаш пред да биде исплатен добиениот тендер! Знаете за ова, господине Заев, така нели?! Јас сум живиот сведок на примопредавање на кеш пари (стотици илјади евра) од страна на Силјан Мицевски кон вашиот брат Вице Заев во просториите на Меѓународен сојуз“.

– Сега се поставува логичното прашање, дали затоа последниот склучен договор за ископ на 1.4 милиони тони на јаглен во РЕК се плаќаат 19 милиони евра, односно 13 евра по тон, кога во исто време јагленот договорен од Косово го плаќаме 8 евра? Дали разликата од 5 евра по тон, односно 7 милиони евра вкупно треба да заврши кај Вице Заев, на истиот начин како што посочува Бојан Јовановски дека истиот тоа го прави.Која е економска оправданост да се плаќа и до 70% поскап ископ, ако не се работи за одредени други шеми?Дали народот ќе плаќа за Вице да ги полни џебовите и банкарските сметки? И сето тоа додека во РЕК се готват списоци за бркање на луѓе од работа – прашуваат од ВМРО-ДПМНЕ.

The post ДАЛИ И ОД ПОСЛЕДНИОТ ТЕНДЕР НА РЕК БИТОЛА ЌЕ ЌАРИ ВИЦЕ ЗАЕВ? ВМРО-ДПМНЕ се сомнева во износот кој ќе се плати за ископ на јаглен appeared first on plusinfo.mk.

– Флоскула е кога велат дека сме прва држава во која ќе бидат вакцинирани сите здравствени работници, тоа не е вистина. Вакциниран е многу мал дел од здравствените работници. Дополнително правото на вакцини е неприкосновено, а вакцини во Македонија нема – рече Николов.

Тој укажа на сите пропусти кои ги направил министерот за здравство, Венко Филипче.

– Пропусти има во континуитет. Првиот бран помина без лична заштитна опрема, вториот без медикаменти, болнички места, третиот бран минува без вакцини – рече Николов.

Тој се осврна и на последната мерка воведување на полициски час.

– Има многу прашања како дали мерката е вистинска во даден момент или закаснета, се следат ли епидемиолошки параметри, се почитуваат ли веќе постоечките мерки. Одговорот е не. И сега одат со една генерализирана мерка – смета Николов.

Тој посочи дека доколку би бил министер, а ситуацијата е ваква каква што е прво што треба да се направи е оставка.

– Министерот Филипче треба да си даде оставка. Нема справување со последиците на корона. Доблесно е да си поднесе оставка, особено по ова денес што го видовме и слушнавме. Замислете се преговарало се контактирало за набавка на вакцини, а очигледно целта била лични бенефити. Се надевам ќе се испита оваа работа и ќе има резултати од сево ова – кажа Николов.

Говорејќи за случајот со родилката на која и беа извадени здрави органи Николов оценува дека станува збор за скандал.

– Судир на интереси е еден директор да работи сам кај себе во своја ординација. Ова се недозволиви работи, затоа време е конечно да се фокусираат надлежните на системските проблеми. По ваков исход во идинина кој би се осмелил од граѓаните да пријави ваков или сличен случај -праша Николов.

Тој се осврна и на предлог законот за проект на нов клинички центар.

– Ова што го нудат како закон за нов клинички, не е закон. Тоа е уште една пиар флоскула од 9 члена. Во тој текст никаде не пишува дека некој ќе го контролира процесот на изградба на нов клинички. Дополнително се повикуваат на анализи од 2009 година, знаете колку е сменета ситуацијата во последната година по појавата на корона. Потребен е поинаков пристап. Последиците од кризата го бараат тоа – рече Николов.

The post Николов: Филипче да поднесе оставка особено по информацијата дека се преговарало за набавка на вакцини, а очигледно целта биле провизии appeared first on plusinfo.mk.

– Новиот производ можат да го искористат сите вработени во здравствените институции во земјава. Каматната стапка од 4% е фиксна за првите две години, а за останатиот период е променлива и во моментов изнесува 5% (3,5 процентни поени + референтната стапка за пресметување на законската каматна стапка која во моментов изнесува 1,50%). Потрошувачкиот кредит е со максимален износ до 1.500.000 денари, рок на отплата до 120 месеци и без провизија за обработка. Единствените трошоци за кредитот се 150 денари за апликација и надомест во висина од 350 денари за добивање податоци од Кредитното биро кои се наплаќаат доколку кредитот е одобрен – велат од банката.

Оттаму додаваа дека како обезбедување кон овој кредит вклучени се осигурителните полиси од Халк Осигурување АД, полиса од незгода која изнесува 600 денари на годишно ниво или Пакет полиса за осигурување, во зависност од износот на кредитот. Висината на трошокот на пакетот полиса за осигурување е во зависност од тарифата на Халк Осигурување АД Скопје и индивидуалните параметри на кредитокорисникот. Полисата се плаќа секоја година во времетраење на кредитот, а ги содржи следните ризици:

• Неможност за враќање на кредит – смрт од која било причина, смрт од незгода, и
• Осигурување од незгода – траен инвалидитет над 30%.

– Новиот потрошувачки кредит на Халкбанк е ненаменски и може да се користи за најразлични потреби, како и за рефинансирање на постоечки кредитни изложености во други банки. Сите заинтересирани здравствени работници за овој потрошувачки кредит можат да аплицираат без надомест за обработка најдоцна до 31 декември 2020 година – стои во соопштението од Халкбанка.

The post Потрошувачки кредит од Халкбанк за здравствени работници appeared first on plusinfo.mk.

Во рамкина „Инвеститорскиот ден“ тргувањето на Берзата сите домашни физички лица со акции на сите пазарни сегменти ќе може да го направат без трансакциски трошоци што ги наплатуваат овластените пазарни институции и учесници.

Од Берзата појаснуваат дека  на „Инвеститорскиот ден“ сите домашни физички лица ќе можат да купат или продадат кои било акции без да ги платат провизиите кон Берзата, ЦДХВ и овластените пазарни учесници (банки и брокерски куќи) што се вклучени во оваа иницијатива.

При тоа ќе треба да бидат исполнети следните услови: инвеститорите да склучат нормални трансакции со акции преку БЕСТ системот, со посредство на некоја од подолу наведените членки на Берзата, износот на остварениот дневен промет по индивидуален инвеститор да не изнесува повеќе од 10.000 евра, независно од бројот на берзански трансакции преку кои истиот ќе биде остварен, трансакциите да бидат склучени преку клиентска, односно сопственичка сметка.

На 18 септември, сите домашни физички лица ќе можат да тргуваат со акции на Берзата, без плаќање на трансакциски трошоци, преку следните седум членки на Берзата: Инвестброкер, Комерцијална банка,  НЛБ Банка Скопје, Стопанска банка Скопје, ТТК Банка, Фершпед брокер и  Шпаркасе Банка Македонија.

Иницијативата „Инвеститорски ден“ има за цел промовирање на уште поактивно учество на домашните индивидуални инвеститори на македонскиот пазар на хартии од вредност и вложување на населението во акции издадени од домашните компании што се тргуваат на Македонска берза, односно зголемување на знаењето за овие финансиски инструменти и подобрување на инвестициската култура во нашата држава.

Од Берзата најавуват дека се планира овој настан да стане традиција на македонскиот пазар на хартии од вредност и да продолжи да се организира редовно и во иднина.

The post Инвеститорски ден на Берзата на 18 септември, физичките лица ќе тргуваат без провизија appeared first on plusinfo.mk.

Со ова, на клиентите им е овозможено да ги извршуваат сите банкарски трансакции од дома, директно преку мобилен телефон или компјутер, без провизија за електронски налози и без трошоци за месечен надомест за користење на НЛБ мКлик мобилното банкарство, соопшти банката.

– Уште еднаш, НЛБ Банка апелира до сите свои клиенти да се грижат за јавното здравје, да се заштитат себеси, а со тоа и да ги заштитат другите. Преку користење на НЛБ мКлик мобилното и НЛБ Клик електронското банкарство сите трансакции можат да ги реализираат од својот дом, без потреба од посета на експозитура – се додава во соопштението.

The post НЛБ Банка го продолжува периодот за бесплатно користење на мобилно и електронско банкарство до 31 мај appeared first on plusinfo.mk.