Тренерот на Фенербахче, Жозе Мурињо има намера да го тужи Галатасарај, јавува Би-Би-Си.

Двата тима одиграа нерешено (0:0) во натпревар од 25. коло на турскиот шампионат. По натпреварот, Мурињо го критикуваше однесувањето на играчите и стручниот штаб на Галатасарај, велејќи дека тие „скокаат како мајмуни“ на клупата за резерви.

Галатасарај зборовите на Мурињо ги нарече расистички и непочитување кон турскиот народ и вети дека ќе се обрати на судот, ФИФА и УЕФА.

Португалскиот стручњак бил многу лут и размислува да поднесе противтужба, пренесе Би-Би-Си, повикувајќи се на извори блиски до тренерот.

Поранешниот напаѓач на Челси, Дидие Дрогба и неговиот соиграч во лондонскиот тим, Мајкл Есиен излегоа со поддршка за нивниот поранешен тренер Жозе Мурињо, кој беше обвинет за расизам од турскиот клуб Галатасарај.

„Ги видов најновите коментари за Жозе Мурињо. Верувајте ми кога ќе ви кажам дека го познавам Жозе долги години и дека не е расист. Како е можно мојот „татко“ да е расист“?“, напиша Дидие Дрогба на својот X профил, откако три сезони играше во Челси под водство на Португалецот.

Напаѓачот играше и за Галатасарај, каде што беше обожаван од публиката.

Во одбрана на Мурињо застана и играчот од средниот ред Мајкл Есиен кој на социјалните мрежи објави фотографија на која е во друштво на Мурињо и Дробга, придружувајќи ја со три срца.

The post МУРИЊО ЌЕ ГО ТУЖИ ГАЛАТАСАРАЈ Португалецот го отфрла обвинувањата на клубот appeared first on plusinfo.mk.