Признанијата се доделуваат врз основа на претходно утврдени критериуми, на наставниците од сите основни училишта, кои во својата работа покажале посветеност, иницијатива и успех во работата со најмладите.

Станува збор за важно достигнување кое се доделува на најдобрите наставници од секое основно училиште, а уште поважно е што сите средства од страна на наставниците ќе бидат во целост донирани за лекување на младиот Леонид Индов од Аеродром.

Градоначалникот Муцунски на својата фејсбук страна упати благодарност и се заблагадари за придонесот на наставниците од следните основни училишта:

– ООУ „Гоце Делчев“ – Јасмина Ѓорѓевска
– ООУ „Блаже Конески“ – Јоана Николиќ
– ООУ „Ѓорѓија Пулевски“ – Љубинка Стојановска
– ООУ „Димитар Македонски“ – Оливија Жежова
– ООУ „Александар Македонски“ – Михајло Христов
– ООУ „Браќа Миладиновци“ – Жаклина Ристовска
– ООУ „Лазо Ангеловски“ – Костадинка Поповска
– ООУ „Љубен Лапе“ – Жанета Дивјаковска.

The post ОВА СЕ НАЈДОБРИТЕ НАСТАВНИЦИ ВО АЕРОДРОМ Муцунски им додели признанија, а паричните средства ќе бидат донирани за Леонид Индов appeared first on plusinfo.mk.

„Септемвриските плати во основното и средното образование повисоки за 15 отсто. Продолжуваме понатаму со потпишување на колективните договори за основно, средно и високо образование“, напиша на Фејсбук синдикалниот лидер.

Вработените во образованието со септемвриската плата добиваат 10 отсто согласно Општиот колективен договор (ОКД) за вработените во јавниот сектор и уште 5 отсто дополнително договорени во преговорите меѓу СОНК и МОН.

Неделков неодамна за МИА изјави дека СОНК е во континуирани преговори со Министерството за образование и наука просветните работници со септемвриската плата да добијат дополнително покачување од оние 10 отсто што ќе им следуваат со ОКД.

Дополнителното покачување е сигурно, нагласи Неделков, и СОНК преговара со МОН колкав да биде процентот.

„Тие даваат толку колку што даваат, ние бараме повеќе. Да видиме каде ќе се сретнеме и затоа не би сакал да шпекулирам со проценти во јавноста“, додаде Неделков во изјава на почетокот на учебната година.

Притоа посочи дека СОНК успеал да издејствува 10 проценти покачување на платите за просветарите во 2020 година и 18 проценти во 2022.

The post ПАДНА ДОГОВОР ЗА ПОВИСОКИ ПЛАТИ Од овој месец наставниците за 15% ќе земат повеќе пари appeared first on plusinfo.mk.

Синдикатот бара да не се спроведува реформата според која дел од предметите се спојуваат и да се почитува колективниот договор за образование.

– Незадоволни сме од најавите за спојување на повеќе наставни предмети  (Географија, Историја, Хемија, Физика, Биологија, Граѓанско образование, Етика, Информатика, Техничко образование). Ваква појава може да предизвика губење на дел од работните места, а истовремено го погазува професионалниот интегритет на работниците – велат од синдикатот.

Просветните работници, велат од синдикатот се незадоволни и од непочитувањето на колективните договори во секторот образование.

– Во моментов најниската плата за најнизок степен на сложеност изнесува 12.000 денари (НЕТО), а сведоци сме дека минималната плата во државата изнесува 20.175 денари (НЕТО). Министерството за образование и наука нема слух ниту волја да ги почитува законите, а паралелно на сето тоа, сведоци сме како јавните функционери ЕКСПРЕСНО ја спроведоа одлуката на уставниот суд и добија покачување за 78%. За јавниоте функционери законот е закон и тој мора да се почитува, а за просветните работници не важат истите правила – велат од Синдикатот.

Протестот ќе започне во 12 часот од Жена парк (спроти Собрание на Р.М.)и ќе заврши пред зградата на Министерството за образование и наука каде што ќе се одржи прес-конференција на која  ќе ја запознаат јавноста за проблемите со кои се соочуваат просветните работници.

The post ИМААТ САМО ДВЕ БАРАЊА ДО ВЛАСТА Просветните работници утре излегуваат на протест appeared first on plusinfo.mk.

The post НАСТАВНИЦИТЕ ТРЕБА ДА ЗНААТ ШТО ДОГОВАРААТ СОНК И ВЛАДАТА Од ВМРО-ДПМНЕ велат дека власта манипулативно го задушува штрајкот appeared first on plusinfo.mk.

– Во владеењето на ВМРО-ДПМНЕ во тие 10 години е општопознато дека платите на наставниците беа покачени, највисоката за 67 проценти, а најниската за 117 проценти. Тоа е факт којшто постои и нема што да се дискутира. Значи СДСМ никогаш не може да го стигне ВМРО-ДПМНЕ, зошто да сакаа да им ги покачат платите ќе им ги дадеа тие 18 проценти, а немаше да им понуди понижувачки 12 проценти – потенцираше Јаневска.

Пратеничката од редовите на СДСМ, Санела Шкријељ појасни дека од 2017 година нема година во којашто нема зголемување на платите на кадарот во образованието и посочи дека во деценијата владеење на ВМРО ДПМНЕ платите пораснале само за 850 денари и ништо повеќе од тоа.

– Два пати по 5%, 10%, минатата година за првпат колективен договор за вработените во високото образование и сега како никогаш претходно 12% понуда за зголемување. Да не ги извртуваме тезите. Владата има слух и средства. Понудата е на маса. Апсолутно се почитува правото на штрајк, но и исто така право е правото на образование. Апелите беа да се продолжи да се преговара, но да продолжи наставата за да може учениците да си ги завршат обврските. Јас ги видов изјавите на тие што се пред СОНК, меѓутоа знам дека поголемиот дел од наставниот кадар ја почитуваат денешната одлука. Наставниците не постојат сами за себе – кажа Шкријељ во емисијата „24 анализа“.

The post ВМРО ГИ ПОКАЧИ ПЛАТИТЕ ЗА 67 ОТСТО Шкријељ ja корегираше Јаневска и рече тоа било 4% или поточно 850 денари appeared first on plusinfo.mk.

Причина за ваквата одлука на СОНК е добиеното известување од Министерството за труд и социјална политика за мирно решевање на работните спорови. Како што вели тој, денеска Советот на СОНК расправал во врска со добиеното известување, по што се консултирале со правници.

– Советот на СОНК и СОНК се легалисти и се за почитување на законите, од таа причина дел од одредбите водат кон тоа дека додека траат периодот на помирување и решавање на спорот меѓу двата спротивставени табори, доколку се работи за штрајк истиот оди во мирување – истакна Неделков.

Тој потенцираше дека максималниот период за помирување меѓу двата табори е околу 20 дена, првиот рок е од десет дена, па доколку една од страните не е задоволна од преговорите може да побара дополнителни 10 дена за преговори. Доколку во овој период не се реши спорот кој го имаат, штрајкот повторно ќе биде активен.

Неделков изрази надеж дека платите ќе бидат зголемени, дневниците за време на штрајкот нема да бидат скратени и дека колективните договори ќе бидат потпишани и утврдени со рокови.

За денеска не се закажани преговори со ресорното Министерство, а како што изјави Неделков, и да добијат покана, денеска не се во можност да одат на преговори.

Смета дека во овој период на помирување би било добро да не се одржи и најавениот протест на 4 мај за да не се врши дополнителен притисок врз преговарачите.

Штрајкот започна на 11 април. СОНК бараше зголемување на платите за 18,5 отсто, односно нивно усогласување со минималната плата која од март се зголеми на 18.000 денари и дополнително минималната плата да биде основица со која ќе се множат коефициентите на сложеност на работни места.

Владата им понуди 12 % повисоки плати, што наиде на негодување кај дел од членството на синдикатот, кој бараше штрајкот да продолжи.

The post УЧЕНИЦИТЕ ОД УТРЕ ВО УЧИЛИШТЕ Штрајкот на СОНК е ставен во мирување appeared first on plusinfo.mk.

– Имаме најава за можно одржување на средба во попладневните во владата, но за конкретно и потврдување очекуваме подоцна да бидеме информирани – рече Неделков.

Тој истакна дека нивното очекување е во интерес на учениците, на децата во детските градинки, во интерес на родителите, како и на оние кои се вклучени во штрајкот, владата да смогне сили и да изнајде средства со што ќе бидат договорени побарувањата кои ги има доставено СОНК.

– Како што е веќе познато станува збор за усогласување на платите во дејностите коишто ги застапува СОНК, продолжување на преговорите за потпишување на Колективните договори во детските градинки, во основното и во средното образование, како и договор за динамика на порастот на платите во овие дејности за 2023 и за 2024 година – изјави Неделков.

Претседателот на СОНК додаде дека тука не смее да се заборават ниту дејностите високо образование и наука, како и ученичките и студентските домови.

На прашањето кој би бил за нив прифатлив предлог, откако СОНК ја одби понудата на Владата за зголемување на платите од 10 отсто, Неделков одговори дека како што и досега истакнувале, „секој предлог којшто ќе биде понуден од Владата ќе оди на експресна расправа во членството“.

– И изјаснувањето на членството ќе биде пресудно за нас, дали ќе биде прифатена понудата или не. Така што, кој и да е предлог, не зависи од луѓето коишто се овде седнати, туку зависи од оние коишто го иницирале штрајкот и тие треба да донесат практично и одлука за да се повлече штрајкот – рече Неделков.

Поддршка на штрајкот на СОНК му даде и директорката на Европската конфедерација на Синдикатот за образование, Сузан Клокен која на прес-конференцијата рече дека имаат 127 организации членови и дека СОНК е важен член. Истакна дека го претставуваат гласот на околу 11 милиони наставници во Европа и дека е дојдена да ја искаже солидарноста за СОНК и неговите барања за повисок стандард и плати за наставниците, посочувајќи ја и улогата на наставниците во обезбедувањето пристап до образование во време на пандемија.

– Тие ја заслужуваат нашата почит, заслужуваат подобро отколку само зборови. Образованието е повеќе од само образование , тоа е подготовка на идните генерации и наставниците. Квалитетно образование е темел на целото општеството. Стоиме до колегите наставници овде во борбата за нивните права – рече Клокен, додавајќи дека ќе има средба и со министерот за образование за јасно да ги поддржи барањата на СОНК.

The post ПОПЛАДНЕ МОЖНА СРЕДБА НА СОНК СО ВЛАДАТА Ако нема нова понуда, штрајкот продолжува appeared first on plusinfo.mk.

Нашето убедување како наставници, посочи, е дека учениците нема да бидат скратени од понудата и можност да надоместат за тоа што сега го имаат изгубено.

– Имаме искуство, сме работеле и друг пат во такви услови и за време на пандемијата кога наставните часови беа 30 минути, а требаше истата содржина да се реализира во рамки на 30 минути. Досега наставниците имаат изгубено зависи кој наставен предмет, еден, два или три, еветуално пет наставни часа ако е математика или јазик меѓутоа секој од наставниците знаат како тоа да го надоместат – рече Неделков, одговарајќи на новинарски прашања.

Тој на прес-конференција соопшти дека генералниот штрајк на СОНК ќе продолжи и понатаму и оти Советот на СОНК одлучил да не го прифати предлогот на Владата за 10 процентно зголемување на платите, со кој би се прекинал штрајкот почнат на 11 април.

The post КАКО ЌЕ СЕ НАДОМЕСТИ ИЗГУБЕНАТА НАСТАВА? Еве што предложи Неделков од СОНК appeared first on plusinfo.mk.

Од полицискиот синдикат побараа вредноста на бодот од 27 денари да биде покачен на 62 денари.

Генералниот секретар на НСП, Орце Коцевски рече дека иако ги доставиле барања до Владата за решавање на проблемите со кои се соочуват полициските службеници добиле известување дека тие се проследени кај министерот за внатрешни работи, кој, како што посочи, не игнорира 2,5 години.

– Ова е сумата со која што полицискиот службеник вас ве брани, се грижи за вашата безбедност и го изложува неговиот живот за вие да бидете живи и здрави. Во оваа сума помала од 400 евра му се тие мизерни 30 проценти овластување вклучително, храна, превоз, стаж. Платата на полицискиот службеник е 3 000 денари помала од основната плата од 18 илјади денари – рече Коцевски, покажувајќи транспарент „Живот на полицаец вреден 400 евра“.

Од Независниот синдикат за образование и наука го истакнаа проблемот со неусогласената минимална плата во секторот образование и најавија дека ќе продолжат со помасовни протести доколку не се реши проблемот се пресметување на платата.

– Денеска пред Владата, има огромен број просветни работници кои го искажуваат сопствениот револт поради ниската потпросечна плата и поради начинот на кој се прави пресметката за плата. Ако во нашата држава минималната плата е 18.000 денари повикуваме, апелираме и најавуваме дека од ден на ден ќе бидеме побројни тука доколку не се најде решение за просветниот работник конечно да добие достоинствена плата согласно законите и согласно животниот стандард – порача Томислав Гиевски, претседател на Независниот синдикат за образование и наука.

Синдикалните претставници обвинија и дека не им било дозволено да постават шатори пред Владата.

Претседателот на Независниот синдикат на полицијата, Гоце Делчев рече дека на 3-ти месецов испратиле барање за таа намена до градоначалникот и Советот на Град Скопје и директорите на јавните претпријатија „Улици и патишта“ и „Паркови и зеленило“, но оти „решението е затаено во административната лавиринтска постапка на Градот Скопје.

Претседателот на Конфедерацијата на синдикални организации на Македонија, Марјан Ристески,пак, ја поздрави одлуката на просветните работници да се приклучат на протестот, а на останатите им порача да се охрабат да си ги побараат своите права.

The post БАРААТ УСОГЛАСУВАЊЕ НА ПЛАТИТЕ Синдикатите на образованието и на полицијата го кренаа гласот appeared first on plusinfo.mk.