Жена на 37-годишна возраст е пронајдена почината во скопското село Копаница со прострелна рана во главата, соопштија надлежните по извршениот увид на местото на настанот.

Случајот го истражуваат јавен обвинител од ОЈО и екипи на МВР, кои веднаш по пријавата пристигнале во селото и извршиле увид.

Во близина на телото бил пронајден пиштол „Глок 19“, кој, според првичните информации, бил сопственост на нејзиниот сопруг.

По наредба на обвинителството, телото е дадено на обдукција, а паралелно се собираат докази за целосно расчистување на случајот.

Сопругот на починатата е приведен од страна на полицијата, а против него е покрената истрага за недозволено поседување оружје. Судот веќе му одредил притвор.

Истрагата продолжува за да се утврдат сите околности под кои се случила трагедијата.

The post ЖЕНА ПРОНАЈДЕНА МРТВА СО ПРОСТРЕЛНА РАНА ВО ГЛАВАТА Трагедија во Скопско, полицијата го приведе сопругот на убиената appeared first on plusinfo.mk.

Во близина на Виница е пронајдено тело на машко лице со прострелна рана од огнено оружје, соопштија денеска од Основното јавно обвинителство. Увид на местото извршиле припадници на Основното јавно обвинителство Кочани, а согласно првичните информации починатото лице е идентификувано како ловочувар кое било дел од група за комерцијален лов.

Во рамки на истрагата се задржани тројца странски државјани и еден македонски државјанин кои биле дел од истата ловна група. За нив, надлежните институции ќе испитуваат дали биле инволвирани во пукањето.

– Во тек се дејствија на обезбедување докази, се вршат претреси и соодветни вештачења на траги. До целосно расчистување на случајот, задржаните лица ќе бидат обезбедени, а истрагата продолжува во насока на утврдување на одговорноста и причините за трагичниот настан – велат од Основното јавно обвинителство.

The post ЛОВОЧУВАР НАЈДЕН СО ПРОСТРЕЛНА РАНА ВО ВИНИЦА Тројца странци и еден македонски државјанин задржани на распит appeared first on plusinfo.mk.

Од СВР Штип потврдуваат дека кај нив е пријавено околу 16 часот, а на увид била полицијата и јавен обвинител.

Повеќе детали се најавуваат во текот на утрешниот ден.

Телото на починатиот ќе се предаде на обдукција.

The post ТЕЛО НА МЛАД МАЖ Е ПРОНАЈДЕНО СО ПРОСТРЕЛНА РАНА Трагедија во Штипско appeared first on plusinfo.mk.

Денеска околу 18:10 часот во Градската општа болница „Свети Наум Охридски“ бил пријавен 35-годишен маж со прострелна рана во ногата. Според првичните информации, повредениот бил нападнат додека се движел пеш по улицата Христијан Тодоровски-Карпош.

Од Министерството за внатрешни работи информираат дека братот на повредениот го донел во болница и пријавил дека непознато лице му пукало во нога додека пешачел. Според првичните сознанија, причината за пукањето може да се бара во должничко-доверителни односи.

• НЕМА МИР ВО ЧАИР, ВЕЧЕРВА ПАК ПУКАЊЕ Еден ранет пренесен во Градска болница

Полициските службеници веднаш излегле на терен и преземаат интензивни мерки за расчистување на случајот. Тие извршиле увид на местото на настанот и собираат сведочења за да го идентификуваат сторителот и да го расветлат овој случај.

Повредениот е хоспитализиран и му се укажува потребната медицинска помош. Неговото здравје е стабилно.

The post 35-ГОДИШЕН СКОПЈАНЕЦ ДОБИ КУРШУМ ВО НОГАТА Откриени детали од престрелката во Чаир appeared first on plusinfo.mk.

„На 9.5.2023, по претходна расправија, пријавениот со пиштол пукал кон А.К.(22) и му нанел прострелна рана, по што со автоматска пушка испукал уште неколку куршуми кон А.К. и негов пријател, но не ги погодил“, извести полицијата.

The post ПРВО ПУКАЛ СО ПИШТОЛ, ПА СО АВТОМАТСКА ПУШКА Скопјанец се обидел да убие познаник appeared first on plusinfo.mk.

Таа од Универзитетскиот клинички центар на Србија, каде неколку пати беше оперирана e префрлена во Заводот за рехабилитација во Сокобањска.

Татјана e една од шесте ранети и за среќа преживеани од страшниот масакр кај Врачар, во кој загинаа десет животи.

Според извор на „Новости“ близок до семејството, таа не може да оди, не ја движи левата рака и се уште психички се опоравува од траумата што ја добила заедно со ранeтите во таа несреќна среда на работното место.

Учителката била ранета во левата рака, десната потколеница и стомакот од момчето убиец, кое завчера преку видео врска сведочеше во судскиот процес против неговиот татко Владимир Кечмановиќ, инаку лекар – радиолог, а тој куршум и го оштетил десниот колк.

– Од таа најтешка е прострелната рана во стомакот, Татјана има оштетувања и на нервите на левата нога, па не може да стои на ниту една“, вели изворот и додава дека од кревет може да стане само во инвалидска количка – вели изворот.

Има мали чекори кон подобро и никој не може да му каже на семејството колку долго може да трае рехабилитацијата или каков ќе биде резултатот.

Според извор близок до семејството, сопругот и двете деца на Татјана како во агонија ги преживеале првите три дена по злосторството на Коста К., кога не се ни знаело дали таа ќе преживее.

– Татјана беше оперирана три пати во УКЦС: првиот ден по приемот го оперираа стомакот, потоа десната потколеница и левата рака. Тие и го спасија животот, па колкот што експлодираше од куршумот што ја погоди во стомакот е оставен „да се справи“ подоцна, кога ќе се стабилизира – наведува изворот.

Сопругот и децата на Татјана, „додека не застанат на нозе по шокот“, не сакаат да се зборуваат за јавноист, иако според нашиот извор неколкупати биле испровоцирани од неточни информации изнесени во јавноста. Можеби затоа, ако се исклучи неколку спомнувања во првите неколку дена во официјалните извештаи за повредените во „Рибникар“ и масакрот во две села околу Младеновац, што го направи Урош Блажиќ само еден ден подоцна, Татјана остана на „маргината“ на трагедија каква што Србија досега не видела.

Познато е дека Татјана не била на списокот на Коста, но се шпекулираше дека имало некаков спор меѓу нив како наставник и ученик, што според соговорникот не е точно.

The post КУРШУМОТ ВО СТОМАКОТ БИЛ КОБЕН Наставничката во која пукаше Коста К. не може да оди! appeared first on plusinfo.mk.

Според порталот, полицијата не ја третира смртта на Јанеска како сомнителна, но семејството и пријателите изјавиле дека не можат да веруваат дека таа сама би си го одзела животот.

„Полицијата добила повик за лице кое наводно се самоубило во имотот Басонија. По пристигнувањето на дадената адреса, полицијата пронашла жена во спалната соба со прострелна рана во главата. До неа имало огнено оружје. Смртта ја потврдил лекар“, изјавил портпаролот на полицијата Масондо.

Порталот пренесува дека нејзиното момче за време на настанот било во домот.

Познатата инфлуенсерка пред неколку дена била во Македонија.

„Не можам да поверувам дека повеќе не е меѓу нас, а само минатата недела беше во Македонија да го прослави тоа што на државава и помогна да биде признаена од Јужна Африка и после долго време да се воспостават дипломатски односи“, пишува на Фејсбук нејзиниот долгогодишен пријател Сефер Цаноски од универзитетот ФОН.

Цаноски вели дека Маја му кажала дека создала голема мрежа на пријатели во многу држави на африканскиот регион и дека ја почитуваат како успешна жена.

„Во тоа се уверив и сам, за време на моето патување во Африка, кога организираше средби со неколку земји и со целиот државен врв во Преторија во Јужна Африка. Беше многу почитувана таму. А само три дена подоцна Јужна Африка испрати писмо до македонското МНР дека се подготвени да воспостават дипломатски односи. Желбата ѝ беше во Јужна Африка да има македонска амбасада“, пишува Цаноски и додава дека вчера министерката на претседателот на Јужна Африка му се јавила со шокантна вест и го известила дека во петокот утрината Маја го загубила животот во несреќен случај.

Нејзиниот вереник од Јужна Африка ветил дека со авион ќе ги донесе посмртните останки на трагично загинатата, за таа да биде достоинствено погребана во својот роден Охрид.

При последната посета на Македонија, Маја се сретна со неколку познати личности од политичкиот живот:

Маја Миа, име по кое е позната на социјалните мрежи, во Танзанија заминала на возраст од 19 години. За само 14 месеци го научила јазикот свахили, а зборувала седум јазици. Соработувала со познати ѕвезди како Кајли Џенер и Ким Кардашијан. На Инстаграм имаше околу1,2 милиони следбеници.

Ова е еден од нејзините мејк-ап туторијали:

The post ИНФЛУЕНСЕРКАТА МАЈА МИА СО ПРОСТРЕЛНА РАНА ВО ГЛАВАТА? Јужноафриканската полиција го расветлува случајот appeared first on plusinfo.mk.

Најмалку четири лица загинаа, а четворица други се повредени утринава во пукање во населбата Енглевуд, во Чикаго, соопшти полицијата, повикувајќи се на податоци од увидот на лице место. Во еден дом каде биле собрани неколку лица, до пукање дошло кога ескалирала расправија меѓу нив.

– Полициските службеници околу 5.40 часот добиле пријава за повеќе застрелани лица – изјави портпаролот на полицијата.

Еден човек, на непозната возраст, бил застрелан во задниот дел од главата и хоспитализиран во болница. Уште еден маж, на возраст од 25 годинi, исто така бил застрелан во задниот дел од главата и сместен во истата болница. Една жена е во критична состојба и е хоспитализирана во Медицинскиот центар на Универзитетот во Чикаго.

Со прострелна рана во грбот во болницата „Сент Бернард“ дошол и 23-годишен маж, од каде во критична состојба бил префрлен во Медицинскиот центар на Универзитетот во Чикаго.

Претходно, портпаролката на полицијата, Сали Баун, изјави дека не може да ги потврди извештаите дека е убиено повеќе од едно лице.

– Истрагата е во тек, така што ова е се што имаме во моментот – напиша таа во електронска порака.

The post Пукање во Чикаго, најмалку четворица мртви и уште четворица ранети appeared first on plusinfo.mk.