Две лица добија кривични пријави за „посредување во вршење проституција“ и „помагање“, соопшти МВР.

СВР Тетово поднесе кривична пријава против Г.Ш.(40) од селото Бојане, Скопско, поради постоење основи на сомнение за сторено кривично дело „посредување во вршење на проституција“ и против Г.Н. (60) од Тетово поради постоење основи на сомнение за сторено кривично дело „помагање“.

Пријавената Г.Ш., во текот на 2024 и 2025 година во Тетово, во помошен објект од куќата на второпријавениот, овозможувала користење на сексуални услуги.

Г.Н. со умисла и свесно ѝ помагал на првопријавената во вршење на услугите, ставајќи ги на располагање просториите од помошниот објект на својата куќа.

The post СКОПЈАНКА ПОСРЕДУВАЛА ПРИ ПРОСТИТУЦИЈА Тетовец ѝ давал на располагање простории appeared first on plusinfo.mk.

Американското Министерство за правда соопшти дека се откриени повеќе од еден милион дополнителни документи поврзани со случајот на починатиот сексуален предатор Џефри Епштајн.

Министерството наведе дека ќе бидат потребни неколку недели новите документи за се обработат и потоа ќе бидат објавени.

Министерството за правда соопшти дека ги добило документите од Канцеларијата на државниот обвинител за Јужниот округ на Њујорк и од ФБИ за да ги разгледа пред да бидат објавени во согласност со Законот за транспарентност за документите на Епштајн, постојните статути и судските наредби.

Канцеларијата на државниот обвинител за Јужниот округ Њујорк водеше истрага и подигна обвинение против Епштајн во 2019 година, а во 2021 година успешно ја процесира и неговата соработничка и партнерка Гилејн Максвел, која е осудена за трговија на луѓе со цел сексуално искористување.

Министерство за правда пред два дена објави досега најголем пакет документи за Епштајн, тежок 10 гигабајти со 11.000 датотеки, меѓу кои има и 400 видеоснимки, аудиоснимки и истражни материјали.

Досиејата треба да откријат со кои моќни луѓе Епштајн се дружел пред да биде осуден во 2008 година за наведување малолетничка во проституција. Како и детали за неговото самоубиство во 2019 година во затворот во Менхетн откако беше уапсен за сексуални злосторства.

Епштајн во 2008 година постигна спогодба со обвинителите откако родителите на 14-годишно девојче пријавиле во полицијата во Флорида дека тој ја злоупотребил нивната ќерка во неговата вила во Палм Бич. Потоа беше осуден за подведување малолетник, регистриран како сексуален престапник, и благодарение на спогодба за признавање на вина, избегна построга затворска казна.

Единаесет години подоцна, тој беше обвинет за водење мрежа од малолетни девојки за обезбедување сексуални услуги. Почина во затвор чекајќи судење, а неговата смрт беше прогласена за самоубиство.

The post ПРОНАЈДЕНИ УШТЕ МИЛИОН ДОКУМЕНТИ НА ЏЕФРИ ЕПШТАЈН Ќе бидат потребни недели да се обработат и да се објават appeared first on plusinfo.mk.

Видео со американскиот рапер Шон Диди Комбс, кој издржува четиригодишна казна во затворот Форт Дикс во Њу Џерси, е објавено на социјалната мрежа Х на профилот на магазинот ТМЗ.

На видеоснимката се гледа како Диди, облечен во затворска униформа, лежерно разговара со другите затвореници во затворската библиотека.

Раперот беше уапсен во септември 2024 година по низа сериозни обвиненија, вклучувајќи рекетирање, трговија со луѓе и сексуална експлоатација и прекршоци поврзани со проституција. Судењето почна во мај оваа година, а во јули Диди беше прогласен за виновен за транспорт на лица со цел проституција, додека беше ослободен од најтешките обвиненија. Во октомври, тој беше осуден на четири години и два месеци затвор и парична казна од 500.000 долари.

EXCLUSIVE New video shows Diddy wrapping up his work for the evening on Friday at Fort Dix’s media library located in the chapel, where he helps gives movies and religious materials to inmates. pic.twitter.com/wPZ53f15Co

— TMZ (@TMZ) November 23, 2025

The post ПРОТЕЧЕ ВИДЕО СО ДИДИ ВО ЗАТВОР Раперот треба да одлежи 4 години appeared first on plusinfo.mk.

Шон Диди Комбс се обидува да ја искористи најсилната можна врска за да избегне затвор. Имено, американскиот претседател Доналд Трамп открил дека познатиот рапер побарал претседателско помилување, пишува Лос Анџелес Тајмс.

Трамп ги споделил информациите со новинарите во Белата куќа, потврдувајќи дека добил конкретно барање во врска со Комбс. „Јас го викам Паф Деди; тој ме замоли за помилување“, изјави претседателот.

Според извори, тимот на Диди контактирал со Белата куќа веднаш откако раперот бил осуден на 50 месеци затвор минатиот петок. Се вели дека барањето го поднело лице многу блиско до Диди, кое разговарало со функционер на Белата куќа со директен пристап до Трамп.

Претседателот не прецизирал за време на разговорот со новинарите дали ќе го одобри барањето на Диди, оставајќи ја својата одлука отворена засега.

За потсетување, минатата недела, судијата Арун Субраманијан го осуди Диди на 50 месеци затвор, или нешто повеќе од четири години, за неговата пресуда по две точки, за организирање превоз поради проституција. Покрај затворската казна, тој го казни и со парична казна од 500.000 долари, што е максималната сума што можеше да ја изрече.

Судијата рече дека нема сомнение дека Шон Диди Комбс бил лојален на своето семејство, но го отфрли обидот на одбраната да ги прикаже неговите фрик-оф забави и хотелски ноќи како интимни, доброволни искуства или како „приказна за секс, дрога и рокенрол“.

– Историјата на добри дела не може да ја избрише моќта и контролата што ја имавте врз жените за кои тврдите дека сте ги сакале. Ги злоупотребувавте физички, емоционално и психолошки и го искористивте тоа за да го добиете она што го сакавте – рече судијата. Тој додаде дека бил лично присутен за време на сведочењето на Кеси Вентура и „Џејн“.

Дејствијата на Диди, според судијата, биле сериозни злосторства кои „непоправливо им наштетиле на две жени“ кои сè уште ги чувствуваат последиците денес.

– Ова однесување се случувало во текот на една деценија и било исклучително често во тој период. Зошто траело толку долго? Затоа што имавте моќ и ресурси да го одржувате тоа. И затоа што не ве фатија – рече судијата.

The post ПАФ ДЕДИ БАРАЛ МИЛОСТ ОД ТРАМП Осудениот рапер контактирал со Белата куќа веднаш по пресудата appeared first on plusinfo.mk.

Под раководство на јавен обвинител од Основното јавно обвинителство за гонење на организиран криминал и корупција, во текот на вчерашниот ден истражители од Истражниот центар во обвинителството и Националната единица за борба против криумчарење мигранти и трговија со луѓе при МВР реализираа акција во која се лишени од слобода две лица за кои постои основано сомнение дека сториле кривично дело Трговија со луѓе.

Предметот бил оформен во ОЈО Тетово во ноември минатата година, кога на првоосомничениот му била изречена мерка притвор поради семејно насилство. По преземените дејствија е утврдено дека станува збор за кривично дело „Трговија со луѓе“, по што истиот е препратен на надлежност во ова обвинителство. Врз основа на сознанијата и обезбедените докази донесена е наредба за спроведување истражна постапка против шестмина осомничени за истото кривично дело.

Првоосомничениот во текот на деветгодишна брачна заедница со жртвата, ја злоупотребил својата положба и со својата сопруга постапувал на особено понижувачки и суров начин, воспоставувајќи целосна контрола врз неа. Тој, со употреба на сила и сериозна закана, извршувал физичко и психичко насилство над неа, континуирано нанесувајќи ѝ телесни повреди и заканувајќи се по нејзиниот живот и животите на членовите на нејзиното семејство, по што започнал да ја принудува на сексуална експлоатација по пат на проституција заради стекнување парична корист и наркотична дрога. Претставувајќи ја како своја пријателка, првоосомничениот, во периодот од септември 2023 година до 20.11.2024 година, во повеќе наврати ја принудил својата сопруга да дава сексуални услуги во угостителски објекти во Тетово и во Гостивар, во нивниот семеен дом, како и во семејните куќи на корисниците на сексуалните услуги. Тој стапувал во контакт со останатите осомничени – корисници на услугите, го договарал местото, како и надоместот кој била во пари или соодветна грамажа на кокаин. Додека жртвата била со корисниците, првоосомничениот имал целосна контрола, следејќи ја понекогаш и преку видео повик, а потоа откако ќе му ги дадела парите или дрогата, ја претепувал, ја горел со цигари и ѝ нанесувал тешки повреди од кои со денови се опоравувала.

Во однос на определување мерки за обезбедување присуство, јавниот обвинител на Основното јавно обвинителство за гонење на организиран криминал и корупција имајќи ги предвид околностите и тежината на стореното дело на судијата на претходна постапка при Основниот кривичен суд Скопје му предложи определување на мерка притвор за четворица осомничени, додека двајца веќе се наоѓаат во притвор. Судијата го прифати предлогот и определи мерка притвор за сите лица, која мерка за двајца осомничени ќе се применува по нивно пронаоѓање.

За кривичното дело што му се става на товар на првообвинетиот, согласно Кривичниот законик запретена е казна затвор во траење од најмалку четири години, додека за корисниците на сексуалните услуги е предвидена казна затвор од шест месеци до пет години.

The post ЈА ПРИНУДУВАЛ СОПРУГАТА НА ПРОСТИТУЦИЈА ЗА ПАРИ ИЛИ ЗА КОКАИН Ја горел со цигари и ја претепувал appeared first on plusinfo.mk.

По завршената истражна постапка што ја водеше Основното јавно обвинителство за гонење на организиран криминал и корупција, до Основниот кривичен суд во Скопје е поднесено обвинение против десет лица и едно правно лице. Меѓу обвинетите се членови на организирана криминална група која се занимавала со посредување во проституција, перење пари, и недозволена трговија со дрога, а еден полициски службеник е обвинет и за оддавање службена тајна.

Според обвинението, организираната група била формирана од првоосомничениот, кој ги организирал и координирал активностите на останатите членови од 2020 до октомври 2024 година. Членовите на групата, која вклучувала затворски полицаец и полициски службеник, вршеле различни криминални дејства, а дел од нивните приходи биле прикривани преку нелегални активности.

„Во текот на истражната постапка, тројца од осомничените го признаа извршувањето на делата и се спогодија со обвинителството. Врз основа на предлог спогобите на две лица за сторени кривични дела злосторничко здружување и меовластено производство и пуштање во промет на наркотични дроги, психотропни супстанции и прекурсори им се изречени затворски казни во траење од 2 години и 3 месеци и од 1 година и 8 месеци, а службеното лице е осудено на казна затвор во траење од 1 година и 8 месеци за сторени кривични дела злосторничко здружување и оддавање службена тајна. За осомничениот кој е недостапен на органите на прогонот постапката е прекината до негово пронаоѓање“, се појаснува во соопштението.

Во постапката се определени мерки кон вреден недвижен имот во Тетово и Гостивар, вреден подвижен имот – возила, накит и часовници од значителна вредност, како и парични средства и други предмети што потекнуваат и се принос од кривичните дела.

„Имајќи ги предвид околностите, поврзаноста на обвинетите и кривичните дела што им се ставаат на товар, јавниот обвинител цени дека во моментот мерката притвор е единствена со која во моментот може да се обезбеди присуство на обвинетите и непречено водење на постапката истата, па му предложи на судот истата да биде продолжена за секој од нив“, соопштија од Јавното обвинителство.

The post ДЕСЕТ ЛИЦА ОБВИНЕТИ ЗА ПРОСТИТУЦИЈА И ТРГОВИЈА СО ДРОГА Признанија, казни и заплена на имот вреден милиони appeared first on plusinfo.mk.

„Пријавената, во периодот од 2020 до 24.10.2024, ја наведувала нејзината малолетна ќерка на проституција, за што добивала паричен надомест“, се вели во полицискиот билтен.

The post ЈА ТЕРАЛА МАЛОЛЕТНАТА ЌЕРКА ДА СПИЕ СО МАЖИ ЗА ПАРИ Кривична пријава за мајка-макро од Свети Николе appeared first on plusinfo.mk.

Овие лица се дел од организирана криминална група која се занимавала со посредување во вршење проституција и нелегална трговија со дрога. Акцијата е спроведена во западниот дел од земјата, а извршени се претреси на 17 локации во Тетово и Охрид.

При претресите се пронајдени три патнички моторни возила, поголема количина пари и злато, безбол палка, ресивери, нож, гасен пиштол, три лаптопи, радио врски и книги за евидентирање на гости. Групата нелегално стекнатите приходи од овие кривични дела ги прикривала преку перење пари.

Организатор на групата е 35-годишен жител на Боговиње, кој координирал криминалните активности во стриптиз клубови во селата Жеровјане, Горно Седларце и во Охрид, каде се наведувале на проституција девојки, главно странски државјанки. Неговиот брат, второосомничениот, управувал со два од клубовите, додека третото лице раководело со стриптиз клуб во Охрид.

• ТЕТОВО И ОХРИД ПОД ОПСАДА Во тек е голема полициска акција, приведени се повеќе лица

Четвртиот осомничен ги организирал патувањата на девојките и ја олеснувал процедурата за добивање легални документи за престој. Петмина членови од групата биле задолжени за снабдување со дрога, најчесто кокаин, кој го продавале на девојките и на гостите. Едно лице било задолжено да го следи движењето на полицијата и да ги информира членовите за можни полициски акции.

Во групата учествувале и две службени лица – затворски службеник и полицаец од Тетово, кои ја предупредувале групата за полициски акции и помагале во олеснување на прекршочните постапки против нив.

Акцијата е резултат на повеќемесечна истрага, а улогите на секој член во групата се детално документирани.

Јавниот обвинител од Основното јавно обвинителство за гонење организиран криминал и корупција поведе истрага против сите инволвирани за кривичните дела Злосторничко здружување од чл.394 и Посредување во вршење проституција од чл.191 од Кривичниот законик. Тројца се осомничени и за кривично дело – Перење пари и други приноси од казниво дело од чл.273 од Кривичниот законик, додека против петмина од осомничените е поведена истрага и за – Неовластено производство и пуштање во промет на наркотични дроги, психотропни супстанции и прекурсори чл.215 од Кривичниот законик.

Во текот на денешниот ден осомничените ќе бидат изведени пред судија на претходна постапка при Основниот кривичен суд – Скопје. Јавниот обвинител имајќи ги предвид околностите цени дека се исполнети условите за определување на мерка притвор, па на судијата на претходна постапка за сите осомничени ќе предложи да им биде определена мерка притвор, велат од Обвинителството

The post 📽️ 13 ЛИЦА ПРИВЕДЕНИ ЗА ПРОСТИТУЦИЈА И ДРОГА Разбиена криминална група, меѓу уапсените и службени лица appeared first on plusinfo.mk.

Според новиот закон, ако сексуалната работничка одбие клиент повеќе од 10 пати во текот на 6 месеци, макрото може да иницира интервенција со државен посредник, но не може да ја отпушти работничката. Сексуалните работнички ќе имаат и право на здравствено осигурување, пензии, надоместоци за невработени и други семејни надоместоци, годишен одмор, а и на породилно отсуство.

– Овој закон е прв од ваков вид во светот. Не можам доволно да нагласам колку е ова важно . Со овој модел, Белгија навистина покажува дека нејзината цел е да ги заштити сексуалните работници, без оглед на моралните проценки што луѓето можат да ги имаат кон нив – рече портпаролот на синдикатот на сексуалните работници во Белгија „УТСТОПИ“, Ден Бовенс.

Работниците добија одредени права, а работодавачите добија услови за работа. Ова го вклучува и правото да се одбие клиент или сексуален чин, како и правото да се прекине сексуалниот чин во секое време без страв од казна.

Сексуалните работници ќе можат да го раскинат договорот во секое време без најава и нема да го изгубат правото на надоместок за невработеност.

Ќе биде заштитена и анонимноста на работниците бидејќи договорите ќе се даваат под исто име како и договорите за вработени во угостителството или хотелиерството. Ова осигурува дека тие можат да аплицираат за други работни места без страв од дискриминација. Овој закон не ги штити работничките права на порно актери или стриптизери.

Макроата мора да имаат регистрирана канцеларија во Белгија и мора да аплицираат за работна дозвола пред да им понудат договори на работниците.

Нема да им биде издадена лиценца на макроата ако се осудени за кривични дела, вклучувајќи сексуален напад, убиство, изнуда, злоупотреба на сексуални работници или воајеризам. Тие мора да им обезбедат на своите вработени копче за аларм кое мора да биде во просторијата каде што се обезбедуваат овие услуги.

Некои земји, како Нов Зеланд, Германија и Холандија, ја признаа работата на проститутките уште пред Белгија, но никогаш не воспоставиле слична правна рамка. Белгискиот парламент го усвои законот, по долгогодишно лобирање, со 93 гласа „за“, 33 воздржани и ниеден против.

The post МАКРОАТА ЌЕ ИМААТ ЛЕГАЛНИ КАНЦЕЛАРИИ Сексуалните работнички во Белгија се изборија за правата appeared first on plusinfo.mk.

„На 20.04.2024 во 21.45 часот на Градското шеталиште во Битола, полициски службеници од СВР Битола ја лишиле од слобода Б.М.(36) од Скопје, со привремен престој во Битола. Таа била затекната како нуди сексуални услуги, односно при оддавање на проституција. Против неа ќе биде поднесен соодветен поднесок.“ – стои во известувањето од СВР Битола.

The post СКОПЈАНКА УАПСЕНА ВО БИТОЛА Нудела сексуални услуги на Широк Сокак appeared first on plusinfo.mk.