„За само неколку години успеавме минималната плата да ја удвоиме, и од 9.000 денари денес таа изнесува 18.000 денари, при што веќе нема дискриминирани сектори кои добиваат плата под законскиот минимум, како што тоа беше во време на владеењето на ВМРО-ДПМНЕ. Но не застануваме тука, овие денови се очекува ново зголемување на минималната плата и се очекува таа да го надмине износот од 20.000 денари. Со тоа, речиси една и пол година пред предвидениот рок, ќе го оствариме ветувањето за минимална плата од 20.000 денари, дадено пред граѓаните на парламентарните избори во 2020 година. Растот на минималната плата ќе придонесе за зголемување на сите плати во државата, а со тоа и на просечната плата која сега изнесува над 34.000 денари“ – се вели во соопштението на СДСМ.

Економско-социјалниот совет се очекува денеска да одржи седница на која треба да донесе одлука за висината на минималната плата.

Министерската за труд и социјална политика Јованка Тренчевска во изјава за МИА дадена во петокот обелодени дека седницата ќе се одржи денеска и на неа ќе се разговара за минималната плата.

– Одлуката за висината на минималната плата се носи токму на Економско-социјалниот совет, потоа се објавува во Службен весник, за да може работодавачите да ги усогласат платите кои ќе ги исплатат за месец март со одлуката, односно со висината на минималната плата, изјави Тренчевска во видео изјава дадена во прес-центарот на МИА во Штип.

Очекувањата на Владата, според досегашните изјави на министрите од економскиот сектор, се дека минималната плата ќе изнесува околу 20.000 денари. 

Секој март се врши усогласување на минималната плата. Со измените на Законот за минимална плата, се воведоа нови критериуми согласно кои минималната плата се усогласува со 50 отсто од трошоците за живот и 50 отсто со растот на просечната плата.

The post МИНИМАЛНАТА ПЛАТА ЌЕ БИДЕ НАД 20.000 ДЕНАРИ Најава за годишно усогласување со трошоците на живот appeared first on plusinfo.mk.

Продолжува растот на просечната плата. Во април годинава таа изнесувала 28.438 денари, што е зголемување од 10,1 отсто или за 2.608 денари во споредба со април 2020, кога била 25.830 денари, објави денеска премиерот Зоран Заев на својот фејсбук профил.

„Согласно податоците од Државниот завод за статистика, зголемувањето се должи, пред сѐ, на зголемување на просечната месечна исплатена нето-плата по вработен во секторите: Уметност, забава и рекреација (28,6%), Финансиски дејности и дејности на осигурување (24,0%) и Објекти за сместување и сервисни дејности со храна (21,7%).Платите, ќе растат и понатаму, бидејќи се грижиме за сите граѓани подеднакво!“, напиша Заев.

The post Заев се фали на Фејсбук дека ни пораснала просечната плата за 2.608 денари appeared first on plusinfo.mk.