Денешната голгота и безизлезноста на опозицијата, на СДСМ, е само резултат на децениското нивно (не)работење. Оваа расулост и беспаќе започна да се создава во 2013 година со изборот на Заев за претседател на СДСМ.

Се надградуваше и се прошируваше со статутарните измени, со директното именување на претседатели на ОО (општински организации) од страна на Заев, со гаснењето на внатрепартиската дебата, со замолчувањето на секој еден кој имаше различно мислење.

Денешната агонија на СДСМ со Венко Филипче е резултат и на заевото некогашно и сегашно владеење со оваа партија.

Имаше луѓе кои во 2013, 2014, 2015 година, алармираа.

Имаше луѓе со интегритет кои и во рамки на партијата зборуваа, а потоа мораа тоа да го прават и јавно, затоа што беа набркани и етикетирани како предавници.

Државотворната СДСМ килаво и едвај ја презеде власта, а уште покилаво и потромаво раководеше со државата.

Но, во моментите на власт речиси ниту еден од функционерите и денеска (со право) загрижени за начинот на кој се развива партијата – не проговорија ниту збор. Ниту против Заев, ниту против Ковачевски. Молчеа, затоа што сркаа од медот, а добиваа аларми дека работата не чини (референдум, парламентарни избори 2020, локални 2021, скандали еден тон и сл.).

Така што и нивниот молк и грижа само за личните и лукративни интереси, придонесе за оваа агонија. Не велам дека денес треба да молчат, но повеќето, настрана чесни исклучоци, треба да се свесни дека не се дел од решението.

Деновиве слушам дека секој од опозицијата што е против Филипче и ќе заработи кривична пријава од власта е дел од решението за СДСМ и претставува некое „здраво и сврзно ткиво”. Не се глупирајте.
Не може поразени ликови под сомнение за криминал да се решение.

Криво ми е што СДСМ пропушти сериозна шанса. Како за себе, така и за Македонија. Криво ми е што нè направија мајмуни, пар луѓе пропаднаа сериозна политичка опција, разочараа членство, граѓанство и упропастија еден цел граѓански сектор.

Убија надеж и верба.

Денешната апатија, летаргија и политичка депресија (незаинтересираност) на граѓаните е исход од нивното владеење, кое може и тоа како да биде штетно за државата и за контролата врз актуелната власт.

Најкриво ми е што комплетно е изгубен секаков интерес кај јавноста и релеватност кај луѓето за СДСМ – и од таа гледна точка, го поддржувам секој и сечиј напор да се наметнат промени, да се отстрани ова раководство, да се извади партијата од приватните и тесните интереси на еден криминоген клан и таа да се врати во рацете на вистинските членови, гласачи и посветени граѓани.

(Фејсбук статус на авторот)

The post Криво ми е што СДСМ пропушти сериозна шанса и што пар луѓе нè направија мајмуни appeared first on plusinfo.mk.

„Доаѓам од мала, континентнална европска држава. Дваесет години чекаме да станеме членка на Европската унија. Многу од вашите македонски врсници се уморни од тоа чекање за европска иднина и затоа ја напуштаат земјата. Ова важи за поголемиот дел од земјите од Западниот Балкан. За мали држави како нашата, статистиката не е апстракција“.

Вака изјави претседателката Гордана Сиљановска Давкова на пленарната сесија посветена на 30-годишнината од Светската програма за млади при Генералното собрание на Обединетите Нации.

Како што јави известувачот на МИА, Сиљановска – Давкова истакна дека ниту една земја, ниту еден регион не може да напредува ако ги занемарува младите.

– Затоа Обединетите нации ја усвоија Светската програма за акција за млади. Денес, додека ја одбележуваме оваа годишнина, ги признаваме и успесите и недостатоците. Многу е направено, но, исто така, многу останува да се направи.

Обраќајќи се кон младите, претседателката посочи дека во младоста ја привлекувале филозофските стихови на Пинк Флојд, особено песната „Another Brick in the Wall“, во која тие го отфрлаат образованието засновано на контрола на мислата и им порачуваат на наставниците да ги остават децата на мир.

– Кога станав универзитетски професор, често ја имав оваа субверзивна песна на ум. Затоа денес не сум тука за да ви предавам, туку за да бидам инспирирана од вас, младите. Низ историјата, вашите врсници не се плашеа да проговорат, да ги предизвикаат авторитетите, да го отфрлат догматизмот и да се борат за идеали, понекогаш по цена на сопствените животи – рече Сиљановска – Давкова.

Шефицата на државата притоа потсети на студентските протести во Париз во 1968-та, на Прашката пролет против тенковите на Варшавскиот пакт во 1969-та, на протестите против војната во Виетнам.

– Сетете се на студентскиот пркос на плоштадот „Тијананмен“ и падот на Берлинскиот ѕид во 1989-та. Дури и денес, младите луѓе простестираат против војната во Украина и конфликтите на Блискиот Исток, но и против екоцидите и фемицидите, климатските промени и социјалните неправди – рече Сиљановска – Давкова.

Според неа, младите како бунтовници со причина и трагачи по вистината, отсекогаш биле носители на промените. За да се сменат работите, таа смета дека ангажманот на младите не смее да биде само симболичен, туку суштинско учество во процесите на одлучување.

Според неа, младите генерации имаат право на обновена, ажурирана Повелба, на реформирани и силни Обединети нации што, како што рече, ќе им овозможат да живеат во мир меѓу народите, но и мир со природата.

–  Затоа Стратегијата за млади на Обединетите нации, Youth2030, е од суштинско значење. Таа обезбедува низ сите столбови на нашата работа – мир и безбедност, човекови права и одржлив развој – младите да не бидат набљудувачи, туку и партнери – рече Сиљановска – Давкова, додавајќи дека тоа подразбира три работи.

Прво, претседателката смета дека младите мора да бидат дел од реформата на ООН на секое ниво, што значи обезбедување постојани места во националните делегации, создавање формални советодавни тела и давање улоги за одлучување во клучни области како реформата на Советот за безбедност, архитектурата на мироизградба и дигиталното управување.

Второ, вели Сиљановска Давкова, младите треба да бидат етички компас.

– Вклученоста на младите не смее да биде симболична. Таа мора да донесе отчетност, осигурувајќи дека се избегнуваат и празни ветувања и цинична неактивност – рече претседателката.

Како трета работа таа го посочи меѓугенерациското партнерство. Таа смета дека реформата мора да ги обедини генерациите, дека постарите лидери носат искуство, а помладите визија и заедно можат да го насочат мултилатерализмот од парализа кон акција.

– Вие ја имате привилегијата, но и одговорноста да бидете мост меѓу сегашноста и иднината. Без вашиот омилен збор „зошто?“ нема прогрес. Без вашето сомневање во авторитетите, нема вистина. Движејќи ги општествата, можете да го придвижите светот, бидејќи сте надарени со интелектуална љубопитност и страст, без кои не може да има реформи.

На пленарната сесија посветена на 30-годишнината од Светската програма за млади се обрати и претседателката на Генералното собрание на Обединетите нации, Аналена Бербок и Генералниот секретар за млади, Фелипе Полие.

The post МЛАДИТЕ СЕ КЛУЧОТ НА СИТЕ ПРОМЕНИ, ВЕЛИ СИЉАНОВСКА ДАВКОВА Претседателката во ОН потсети дека 20 години чекаме за иднина во ЕУ appeared first on plusinfo.mk.

Податоците од извештајот GLOBOCAN 2022, објавен од Меѓународната агенција за истражување на ракот (IARC), покажуваат поразителни бројки: приближно едно од пет лица ќе развие рак во текот на животот, а еден од девет мажи и една од 12 жени за жал ќе ја изгубат битката со болеста.

Проблемот кај жените е што раните симптоми на рак честопати не се препознаваат навреме. Тие може да не бидат болни или очигледни и честопати се припишуваат на секојдневни проблеми. Токму затоа дијагнозата и третманот често се одложуваат.

Д-р Ц.Н. Патил, главен лекар и консултант по медицинска онкологија и хематологија во болница во Бенгалуру, предупредува дека жените треба да бидат внимателни дури и на најмала промена во нивното тело, особено ако таа трае подолго време.

Ова се предупредувачките знаци
Според д-р Патил, понекогаш ракот кај жените се манифестира преку мали, необични промени во телото кои лесно се занемаруваат. Некои од предупредувачките знаци вклучуваат: ненадејно губење на тежината, постојан замор, промени во апетитот, необично крварење (на пр. дамчесто крварење помеѓу менструациите), многу обилни менструации, крварење по менопауза, надуеност, карлична болка, грутка во градите или пазувите, промени на кожата на градите, постојана кашлица, тешкотии при голтање, промени во навиките за тоалет (на пр. често мокрење) и крв во урината или столицата.

Повеќе за ова прочитајте ТУКА. 

The post НЕВООБИЧАЕН СИМПТОМ НА РАК ШТО МНОГУМИНА ГО ИГНОРИРААТ Понекогаш канцерот кај жените се манифестира преку мали, лесно занемарливи промени во телото appeared first on plusinfo.mk.

Лидерот на СДСМ, Венко Филипче, денеска порача дека неговата партија е подготвена да седне на маса и да разговара за иницијативата за една изборна единица, но потенцираше дека таквите промени мора да бидат дел од поширока политичка дебата во која ќе учествуваат сите парламентарни партии.

– Спремни сме да дискутираме за сите теми, вклучително и за изборниот модел, но тоа мора да биде инклузивен процес. Покрај прашањето за една изборна единица, тука се и прашањата за цензусот и за отворените листи – рече Филипче.

Изјавата следи откако премиерот Христијан Мицкоски вчера во Собранието го повика СДСМ да ги поддржи измените на Изборниот законик, со кои, како што рече, ќе се воведе една изборна единица и ќе се овозможи и на дијаспората да гласа.

– Пратеничката група на ВМРО-ДПМНЕ ќе гласа за измените. Верувам дека ова е историски чекор за демократијата – порача премиерот од собраниската говорница.

The post ВО СДСМ СЕ ПОДГОТВЕНИ ЗА ЕДНА ИЗБОРНА ЕДИНИЦА Филипче предлага да се разговара и за цензусот и за отворените листи appeared first on plusinfo.mk.

Група поранешни функционери и членови на Алијансата за Албанците кои не се согласуваат со политичкиот курс на Арбен Таравари, денеска одржаа прес-конференција, на која порачаа дека граѓаните сакаат продолжување на промените, а не враќање на стариот режим.

Меѓу говорниците беше и поранешниот министер Азир Алиу, кој истакна дека тие ја слушнале базата, разговарале со активистите и се убедиле дека „Албанците сакаат стабилност, одговорно владеење и продолжување на промените“.

– Во овој турбулентен политички период, кога стариот режим прави последни обиди да ја затемни надежта за промени, ние не реагиравме импулсивно. Разговаравме со партнерите и делувавме со смиреност и одговорност – изјави Алиу.

На настанот присуствуваше и Арбен Фетаи, кој вчера беше разрешен од страна на Таравари од функцијата претседател на партиското собрание. Тој е дел од осумтемина членови на Претседателството кои јавно изразија несогласување со политиките на актуелното раководство на Алијансата.

Незадоволните членови истакнаа дека не прифаќаат соработка со ДУИ за претстојните локални избори, како што најави Таравари, и порачаа дека нема да ја напуштат битката „на половина пат“.

– Алијансата не е создадена да биде ничија алатка. Таа е гласот на граѓаните, на промените и еднаквоста – порачаа тие, потенцирајќи дека остануваат посветени на реформите и на процесот на интеграција, како дел од коалицијата Вреди.

Во однос на последните состаноци организирани од крилото на Таравари, кои беа наречени „партиски конгреси“, тие изразија незадоволство од, како што рекоа, „ширење поделби и етикетирања“. Осудија и навреди упатени кон младите и жените Албанки, кои, според нив, не го претставуваат духот на Алијансата за Албанците.

Од другата страна, Таравари изјави дека се разрешени само лица кои јавно делувале против интересите на партијата, а за Мимоза Муса дополни дека не е јасно дали таа останува со Алијансата или со коалицијата Вреди.

The post ТАРАВАРИ ОСТАНА БЕЗ ПОДДРШКА ОД ДЕЛ ОД ПАРТИЈАТА Поранешни соработници го обвинија за предавство и враќање кон стариот режим appeared first on plusinfo.mk.

Драгана Бојковска,  пратеничка од редовите на ВМРО-ДПМНЕ гостуваше во поткастот „ВМРО-ДПМНЕ Зборува, пратеничка група“, и зборуваше на темата за Законот за работно ангажирање на лица-можност за дополнителна заработка, притоа истакнувајќи дека со овој Закон се мотивира работоспособното население да биде проактивно и претставува одлична можност за дополнителна заработка на младите, пензионерите и другите лица кои сакаат да бидат дополнително работно ангажирани.

– Со носење на Законот за работно ангажирање на лица, водиме сериозна борба со сивата економија, со тоа што овие работници ги ставаме во формалната економија, притоа работодавачите се должни да плаќаат данок на личен доход, придонеси по однос на пензиско инвалидско осигурување и придонеси по однос на здравствено осигурување. Освен што добива работникот одредена заштита по однос на плаќања на  овие давачки, добива и самата држава, бидејќи не само што водиме борба со сивата економија, сега и се полни веќе и буџетот на државата, што значи дека ќе имаме повеќе средства за граѓаните и ќе можеме да реализираме повеќе мерки или проекти. Нашата задача нема да застане тука само со носење на овој закон, континуирана е борбата со сивата економија и мислам дека во тој дел правиме определен напредок – вели Бојковска.

Пратеничката во поткастот потенцираше дека бенефитот од носењето на Законот е огромен, со вклучување на повеќе категории на луѓе, кои доколку бидат работно ангажирани по некој основ, нема да ги изгубат стекнатите права по други основи.

– Тука спаѓаат лицата коишто се студенти, лицата коишто се средношколци и коишто исполнуваат услови за определен работен ангажман над 16 години по законот и понатаму, спаѓаат исто така и пензионерите, самовработените лица, невработени лица, вработени лица, дадовме тука еден поширок контекст, така што овие лица ќе може да се занимаваат и да бидат работно ангажирани во овие дејности. Особено младите знам дека  во летните периоди се ангажирани во дејностите на угостителство, претставува одлична можност да бидат работно ангажирани во овој период, можност за дополнителна заработка, а притоа важно е да се напомене дека не ги губат правата по основ на стипендија или правото на редовно студирање. Така што еден важен момент е и тоа да се напомене, дека не се губи ни правото на семејна пензија, на старосна пензија и така натаму, мислам дека е одличен бенефит – рече Бојковска.

Таа исто така посочи дека со законот се овозможува мотивација на работоспособното население и претставува рамка за препознавање и заштита на илјадници лица ангажирани за сезонска, привремена работа во повеќе сектори, со што се поставуваат нови стандарди во борбата против неформалната економија и се гради одржливо деловно опкружување.

– Ние оставаме законска можност да доколку некој има потреба или доколку има желба, бидејќи ние знаеме дека голем дел и од пензионираните лица и се работоспособни лица.  Јас мислам дека е одговорно пред сè како држава на сето она работоспособно население да му дадеме дополнителен стимул за заработка. Мојот став е дека треба работоспособното население да го мотивираме да биде што е можно проактивно бидејќи на крајот од денот кога ние имаме и потреба во дадени моменти од работна сила наместо да увезуваме работна сила ние треба да си го ангажираме работоспособното население и да го стимулираме истото – истакна Бојковска.

The post „ДА НЕ УВЕЗУВАМЕ РАБОТНИЦИ, ГИ ИМАМЕ НАШИТЕ“ Вработување без ризик – студентите и пензионерите ќе заработуваат легално appeared first on plusinfo.mk.

„Примерот за промени мора да го дадеме ние. Најавувам дека веднаш по редовиот конгрес на крајот на годинава, најдоцна на почеток на наредната ќе има големи промени во партијата и во Владата“.

Вака најави денеска премиерот и лидер на ВМРО-ДПМНЕ Христијан Мицкоски во обраќање на годишната конференција на Унијата на жени на ВМРО-ДПМНЕ во Скопје.

– Кој ќе се покаже со својата работа ќе остане, но тие што нема да ги исполнат очекувањата на граѓаните ќе ги поздравам и ќе им се заблагодарам. Го кажувам уште сега, за да се знае и да испратам порака дека единственото нешто што вреди, единственото најголемо нешто што човек може да го остави зад себе се образот и честа. И ќе дадам сè тоа да остане најчистиот дел од нашата работа. Тоа сите заедно му го должиме на народот. Немаме време за губење и немаме простор да создаваме нови разочарувања кај луѓето кои веќе со децении наназад се изгорени од разни неискрени и корумпирани политичари – рече Мицкоски.

Премиерот рече дека ќе ја санкционира, како што рече, секоја забеганост и ќе ги разреши сите оние кои “ќе нè посрамотат како структура и како луѓе“, велејќи дека „примерот за промени мора да го дадеме ние, и од секој од нас зависи како и со каков интензитет ќе се случуваат промените“.

Мицкоски се осврна и претстојните локални избори.

– Пред нас се локалните избори. ВМРО-ДПМНЕ се подготвува за избори интензивно. Кандидатите за градоначалници ќе ги објавиме во два циклуси, а првиот ќе започне крајот на месецов по одржани состаноци на ИК и ЦК на партијата. Тоа што можам да го соопштам и кое ми е чест и задоволство, но и голема обврска и товар истовремено е дека нашите кандидати било каде во сите општини речиси водат најмалку 3 до 4 пати, споредено со кандидатите од опозицијата. Не само што водат нашите најдобри кандидати, туку водат и останатите двајца, тројца, четворица  кои се на листите коишто се споредуваат со евентуалните кандидати, коишто ќе ги предложи опозицијата. ВМРО-ДПМНЕ победува на овие избори, а опозицијата прашање е дали ќе освои 2,3 или 4 општини. А ако продолжи вака како што тргнале нема да бидам изненаден ако не освојат ниту една општина – вели Мицкоски.

Премиерот Мицкоски истакна дека Унијата на жените е организација која е дел од срцето на партијата и заштитник на женските права и упати благодарност до секој член кој посветено се борел и се вложувал во политиките, реформите и верувањата на државата.

– Работиме посветено и одговорно, свесни за обврската и одговорноста која сме ја презеле, но и задолжени кон граѓаните и кон идните генерација затоа што оваа наша борба не е и нема да биде борба само на една генерација, наше е да го направиме најдоброто што можеме да поставиме темели и да ги вратиме вистинските вредности во политиката и општествениот живот, на почитување на законите, работа и посветеност за и кон сопствениот народ и држава, принципиелност, чесност, доследност.

Премиерот најави и сериозни мерки во делот на цените и стандардот, како и поддршка на стопанството.

– Свесен сум дека во Македонија тешко се живее и животот е скап. Да не преземевме некои мерки, и да беа другите од претходно на власт, како беше тргната работата, ќе заглавевме во уште поголеми долгови и инфлација и ќе се случеше целосен банкрот. И ова не го кажувам како изговор, туку како поглед кон реалноста, како израз на свесност како се живее, и во кои услови ние сега работиме. Планираме сериозни мерки во делот на цените и стандардот. Преку раздвижување на економијата и сетови на мерки за подобар стандард. Планираме многу нови проекти кои ќе помогнат на компаниите да растата, да создаваат работни места и да ги зголемуваат платите, тоа е нашата идеологија, да помагаме на компаниите за да создаваат раст и добри работни места и да ја движат економијата, затоа што веруваме во потенцијалите на луѓето, веруваме во нивната иновативност,креативност, претприемачки дух, и ќе вложуваме многу во поттикнување на мали и средни бизниси и ќе вложуваме во луѓето преку финансиска поддршка, грантови, субвенции, директни финансирања на проекти, но и образовни програми и едукативни курсеви за да се подготват нашите луѓе за времето кое го живееме, време на вештачка интелигенции, иновативни техонологии, комуникациска револуција – рече Мицкоски.

За заминувањето на Таравари од Владата, премиерот наведе дека „е еден потсетник за сите нас дека додека ние настапуваме искрено и принципиелно кон луѓето и промените, тие не се заинтересирани за идеја, визија и промени, туку за нешто друго“.

– Го гледам, иако гласно не го коментирам она постојано заканување кое доаѓа од еден лик од албанската опозиција кој знае дека после овие избори го чека пензија. Сакам да му порачам дека неговите калкулации на долг рок нема да му испаднат добро за неговата партија. И дека со ваквото однесување на излегување и влегување во влада, кое е рамно на она “како до сега” нема да помине долго кога и неговите сегашни партнери од ДУИ ќе сфатат дека нивното партнерство е со времен карактер додека некој не му даде подобра понуда или не го уцени за нешто што му е побитно од ова сега. Јас така политика не водам. Можеби звучам наивно, но како што секогаш говорам промените започнуваат од нас, и ние треба да бидеме она што сакаме да го постигнеме, и тоа што граѓаните го очекуваат од нас, искрени луѓе, кои нема да калкулираат и да играат игри, и преку интигри, уцени, злоупотреби ќе се одржуваат на власт, туку ќе ја кажуваат вистината секогаш и ќе бидат принпципиелни и доследни на својот збор. Ако не сме доследни на зборот, тогаш џабе ни е се. И јас таков и ќе бидам – рече Мицкоски.

Премиерот порача и да не се злопотребува трагедијата во Кочани и најави редовни состаноци со роднините на настраданите.

– Сакам да предупредам дека многу нечовечки безобразно и некрофилски се злоупотребува огромната трагедија во Кочани. Тоа можев и да го чујам од роднините на настраданите кои минатата недела ги видов во Владата. Со огромна почит кон тие луѓе и отворен разговор, споределувајќи ја заедничката болка заради трагедијата која се случи дискутиравме за повеќе аспекти и за она кое е во надлежност на Владата и можности да се помогне во расчистување на случајот и да се помогне на семејствата во справување со тагата и предизвиците на животот во една ваква ситуација. Оваа трагедија не смее да се злоупотребува, и сите кои имаат своја вина која придонела да се случи ваква трагедија мора да одговараат, и системот мора да се менува и да има правда, и во тоа заеднички сме одлучни и ние сме подготвени заеднички да продолжиме да работиме и да комуницираме и да помагаме за се поврзано со нив. Нашата обврска и одговорност како Влада е токму тоа да бидеме рамо до рамо со нашите сограѓани кога тоа им е најмогу потребно. Тоа беше исклучително тешка средба за мене, разговарајќи со нив, душата ми плачеше, а стисокот на нивната рака ми е потпора и на мене во нашата заедничка борба за доброто на оваа наша заедничка татковина – рече Мицкоски.

Тој најави дека ќе има редовни состаноци со родителите на настраданите, како што рече, со сите кои сакаат да дојдат, а оние кои од оправдани причини не сакаат ќе појдам јас кај нив“.

– Периодов и јас и Владата стоиме на располагање се што е потребно да направиме и да не дозволиме оние политички глодари и некрофили да ја злоупотребуваат политички оваа трагедија. Сите сме Кочани и сите треба да направиме нешто за Кочани – рече Мицкоски.

Се осврна и на стратешкиот договор со Велика Британија за пријателство, економски раст и соработка во повеќе области, повторувајќи дека градење мигрантски кампови „ниту му паднало на памет ниту било побарано“, а тоа јасно го кажал и британскиот амбасадор во државава.

– Овој договор е мојот нов договор за Македонија по примерот на оној кој го обзнани американскиот претседател Рузвелт и кој епознат во историјата. Овој договор значи отворање на работни места, равој, напредок, многу нови инфраструктурни проекти, многу големи гигантски проекти какви што досега немало, инвестиции во железници преку брзи лини, автопати и патишта, болници, образование и други сектори. Ова е договор кој на Македонија ќе и донесе пари за да работи и инвестира во својот напредок во вредност од 6 милијарди евра! – порача Мицкоски.

The post ЌЕ ОСТАНАТ ОНИЕ ШТО ЌЕ СЕ ПОКАЖАТ ВО РАБОТАТА Мицкоски најави големи промени во Владата и во ВМРО-ДПМНЕ до крајот на годината appeared first on plusinfo.mk.

Али Ахмети и ДУИ го доживуваат својот политички крај, соопшти Вреди.

Откако ги уништи сите столбови на албанската вера преку корупција, заробување на државата и пазарење со моќ, денес се обидува по секоја цена да се спаси, дури и користејќи го како алатка секој поединец кој отстапил од патот на промените, отенцира коалицијата.

„Ова е само најновиот чин на политиката која 2 децении ги држи Албанците како заложници со празни ветувања, додека зад сцената дејствуваат црни листи, досиеја, уцени и темни служби на Соравија. Моќта на Ахмети беше изградена врз закани, страв и манипулации, а денес се урива под сопствената тежина. Во оваа мизерна шема, употребата на Арбен Таравари не е ништо повеќе од најнов обид да се создаде чадна завеса, да се одвлече вниманието од падот на ДУИ и тешките одговорности што ги носи нејзиниот лидер. Таравари избра да стане дел од овој план, но тој не е ниту донесување одлуки ниту централен, тој е само алатка фрлена на масата на очајна политика“, соопшти коалицијата.

Но, Албанците повеќе не се залажуваат, се додава во соопштението.

„Тие знаат кој им ја ограбил надежта, кој го осквернил зборот патриотизам, претворајќи го во штит за корупција и кој денес би направил сè само за да избегне одговорност. Вреди е тука за да гарантира дека тој ден ќе дојде. Промената е веќе во тек и нема враќање назад. Ниту старите сценарија, ниту тајните договори нема да можат да ја сопрат волјата на граѓаните за достоинство, правда и чесно претставување“, соопшти Вреди.

Коалицијата ги поканува сите активисти, симпатизери и разочарани гласачи на Алијансата за Албанците кои се чувствуваат предадени, да се придружат во Вреди.

„Оваа битка не е за позиции, туку за народот. Времето на Али Ахмети заврши, промените се помоќни од кога било“, се додава во соопштението.

The post ДУИ СЕ ДВИЖИ КОН БЕЗДНАТА, НИШТО ПОВЕЌЕ НЕМА ДА ЈА СПАСИ Вреди ги повика разочараните од Таравари да се приклучат на коалицијата appeared first on plusinfo.mk.

Претседателот на Собранието, Африм Гаши, денеска бил официјално известен за промените во составот и раководната структура на Пратеничката група на коалицијата Вреди.

Според известувањето, пратеникот Беким Ќоку е назначен за координатор на пратеничката група на Вреди. Заменици-координатори се пратениците Мерита Колчи Коџаџику и Аднан Азизи.

Сегашниот состав на Пратеничката група на Вреди е: Африм Гаши, Аднан Азизи, Беким Ќоку, Калтрина Беќири, Имерлије Салиу, Саранда Имери, Фериде Хаџиу, Мерита Колчи Коџаџику и Беким Сали.

Собранието веќе ги ажурира официјалните информации и ќе постапува во согласност со релевантните Правилници и процедури.

The post ПРОМЕНИ ВО ПРАТЕНИЧКАТА ГРУПА НА ВРЕДИ Пратеникот Беким Ќоку е нов координатор на коалицијата appeared first on plusinfo.mk.

На телевизија Алфа во емисијата „За или против“ гостуваше пратеникот од ВМРО-ДПМНЕ, Тони Јаревски кој дискутираше за законското обновување и системското ресетирање на Македонија, за менувањето на законот за јавен ред и мир, воведувањето на драконски казни за присуството на малолетниците во локалите, како и забраната за пиротехника во затворени простори.

– Еден од нив е и измените и дополнувањата на Законот за прекршоците за јавниот ред и мир, каде што има повеќе измени коишто би требало да не осигураат дека вакви работи не би можеле повторно да се случат, првично е забраната за користење на пиротехнички средства во затворени простории, има серија измени на глобите за такви потенцијални ризици коишто можат да се случат, проширен е опсегот на прекршоци кои се основа за постапување по законот исто така зголемени и проширени се надлежностите на полицијата – објасни Јаревски.

Во врска со зголемувањето на казните за присуството на малолетници Јаревски додаде дека измените на овој закон посебно ќе важат за сопствениците на локалите и клубовите како и за службите во склоп на локалите кои се задолжени за спроведување на соодветните проверки.

– Ги детектира малолетниците коишто ќе бидат отстранети од објектот, но дефинитивно поголема одговорност имаат сопствениците на објектите и службите во рамките на организацијата на локалите коишто навистина треба доследно да си ја вршат својата работата и да ги направат соодветните проверки – рече Јаревски.

Пратеникот истакна дека законот ќе претрпи измени кои ќе наложат соодветните проверки да се извршуваат на секои шест месеци и објасни дека Министерството за транспорт уредно ја спровело својата работа со тоа што за краток период биле извршени соодветни проверки и биле одземени 480 лиценци.

– Фрапантно е тоа дека со интензивна работа за еден викенд на администрацијата на Министерството за транспорт успеа да утврдат нерегуларности и потреба од одземање на дури 480 лиценци, она што беше најавено како закон којшто се изготвува се измени со коишто проверките што претходно не беа лимитирани сега ќе треба да се прават секои 6 месеци – истакна Јаревски.

Јаревски објасни дека пратеничката група на ВМРО-ДПМНЕ изминатиот период будно работела на изнаоѓање на добри и соодветни законски решенија.

– Се работи на сите полиња, целокупната регулатива, имаме скрининг каде што се утврдуваат потреби се реагира веднаш, и верувам дека ќе имаме добри законски решенија, речиси сите од колегите од нашата пратеничка група работеа на различни решенија и како што видовте имавме плоден, интензивен, динамичен ден каде што многу решенија беа поминати, образложени и очекувам истата динамика да продолжи со исто темпо – рече Јаревски.

The post „ПОТРЕБЕН Е ЗАКОНСКИ РЕСЕТ НА МАКЕДОНИЈА“ Јаревски откри деталите за новите решенија во повеќе закони appeared first on plusinfo.mk.