Државниот санитарен и здравствен инспекторат одговори на партиските обвинувања во кои претходниве денови, како што вели, „не сакаше да се инволвира, особено не да реагира на обвинувања засновани на невистини“. Но со оглед на тоа што тие невистини можат да создадат погрешна слика во јавноста, ДСЗИ смета дека е неминовно да се изнесат фактите кои, како што велат, некој ги заборавил пред да почне да обвинува.

– Во интерес на вистината како директор и институција должна сум да ги изнесам сите фази во врска со извршените инспекциски надзори од страна на ДСЗИ во ПЗУ Поликлиника од специјалистичко-консултативна здравствена дејност Промедика медикал центар–Скопје. На 25.07.2018 година екипа на ДСЗИ изврши вонреден инспекциски надзор во Промедика медикал центар, при што е констатирано дека установата врши интервенции кои се надвор од дозволата за работа. Врз основа на констатираната фактичка состојба издадено е решение ИП1 бр.09-461 од 25.07.2018 год. со кое на директорот на приватната здравствена установа му се забранува вршење на хируршки интервенции-катаракта сѐ до добивање дозвола за работа од Министерството за здравство. На 24.08.2018 година извршен е контролен инспекциски надзор по издаденото решение при што е констатирано дека се почитува забраната – не се вршат хируршки интервенции за катаракта – вели во дописот до медиумите Ирина Сотирова Бухова, директорка на ДСЗИ.

Како што наведува таа, на 24.08.2018 година ДСЗИ со допис бр. 08-1510/2 го известило министерот за здравство за констатираната фактичка состојба по извршените инспекциски надзори. На 28.11.2019 година ПЗУ Поликлиника од специјалистичко-консултативна здравствена дејност Промедика медикал центар – Скопје се здобива со решение за дозвола за вршење здравствена дејност на нова организациона единица по офталмологија бр.УП1 11-228 издадено од Министерството за здравство.

Во издаденото решение наведено е дека се исполнeти услови по однос на простор, опрема и кадар и тоа: простор од 2 ординации, 3 простории за дијагностика, просторија за опрема, чекална, санитарен јазол со 2 кабини, 2 простории за интервенции од 36 м2 и 118 м2; опрема со која располага здравствената установа, меѓу кои и Megarton s4 HPS-фако апарат за преден и заден сегмент, Bausch& Lomb Stelaris PC-фако апарат за преден и заден сегмент, анестезиолошки апарати Leon plus, систем за снимање и архивирање на операции, стерилизатор, осум комплети за фако, систем за чист воздух, агрегат. Одобрен кадар за вршење на дејсноста е д-р Наумче Трпеноски, специјалист офталмолог како одговорен носител на дејност и медицинска сестра. Во прилог на решението е и листата на услуги според која е дозволено да се вршат интервенции во локална анестезија.

На барање на министерот за здравство д-р Беким Сали на 24.08.2022 година извршен е вонреден инспекциски надзор при што Инспекторатот констатирал дека установата работи согласно наведеното решение за дозвола за работа.

– Врз основа на претходното уште еднаш истакнуваме дека ДСЗИ ги извршува своите законски надлежности неселективно, водејќи се при своето работење исклучиво од законските надлежности како и од јавниот интерес. И во иднина стоиме на располагање да ја информираме јавноста за секој аспект од нашата работа во временски рокови детерминирани од расположивите кадровски капацитети на инспекторатот – се додава во одговорот на директорката Бухова.

The post ПРОМЕДИКА ИМА ДОЗВОЛА ЗА ОЧНИ ИНТЕРВЕНЦИИ Решението ѝ е издадено од Министерството за здравство во 2019 година appeared first on plusinfo.mk.

– Директорката Бухова, на сериозни обвинувања, за сериозен скандал, немаше доблест да излезе лично во јавност и лично да признае дека очигледно, до издавање на решението за затворање, болницата работела нелегално, а според нашите информации тоа продолжило и во следните години. Замислете, очна болница во центарот на градот, без добиени лиценци за вршење оперативни зафати, продолжила да функционира и да оперира граѓани, благодарение на штитењето од страна на директорката Бухова. Бухова вчера со намера да демантира, всушност призна за целиот овој случај и за нерегуларностите, мислејќи дека ќе се затвори темата и никој повеќе нема да говори. Таа не ги приложи јавно лиценците за кои говори дека ги има очната болница – изјави Арсовски и побара тие лиценци веднаш јавно да се објават.

– Главните прашања на кои сеуште не одговори Бухова и инспекторатот се следните: Дали оваа очна болница поседува лиценци и дозволи за вршење оперативни зафати или пак Бухова го штити ова диво оперирање? Кој ќе одговара за тоа колку пари се наплатени за оперативни зафати, ако се има предвид дека болницата немала одредени лиценци за вршење дејност? И дали е ова затајување данок, перење пари и сериозно економско кривично дело? – праша Арсовски.

ВМРО-ДПМНЕ ги повикува сите надлежни институции, на чело со министерот Беким Сали, да ги направи потребните чекори за санирање на овој хаос, а Бухова да ја разреши и да сноси одговорност.

The post ОЧНАТА БОЛНИЦА ВО ПРОМЕДИКА СЕПАК ОПЕРИРАЛА НА ДИВО Јавно да се покажат лиценците, бара ВМРО-ДПМНЕ appeared first on plusinfo.mk.