Земјата има околу еден милион вработени во јавниот сектор.

Шри Ланка, островот каде живеат околу 22 милиони луѓе, се соочува со најлошата економска криза во изминатите 70 години.

Владата го одобри предлогот, работниците во јавниот сектор да го имаат петок за слободен ден, наредните три месеци.

Со оваа одлука, Владата тврди дека сака да им помогне на вработените, кои се соочуваат со потешкотии да дојдат до работното место поради недостиг од гориво, но и да ги охрабри да одгледуваат овошје и зеленчук за да се прехранат себеси и нивните семејства.

Кон крајот на минатиот месец, министерот за земјоделство Махинда Амаравера ги повика земјоделците да одгледуваат повеќе ориз, велејќи дека „јасно е оти ситуацијата со храната станува полоша“.

Во понеделникот, САД информираа дека ќе ѝ пружат помош на земјата.

The post ЧИНОВНИЦИТЕ ВО ШРИ ЛАНКА ДОБИЈА ТРИ ДЕНА ВИКЕНД ДА ПРОИЗВЕДУВААТ ХРАНА Нашите бараа покус петок за подолго да одмараат appeared first on plusinfo.mk.