Времето утре ќе биде сончево со мала до умерена облачност, најави Управата за хидрометеоролошки работи.

Ќе дува засилен до силен ветер од северозападен правец, поизразен долж Повардарието.

Најстудено ќе биде во Крива Паланка и во Маврово, каде утринската температура ќе се спушти до 0 степени. Најтопло ќе биде во Гевгелија, со дневна температура до 20 степени Целзиусови.

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од слаб снег.

The post ВО СЛЕДНИТЕ НЕКОЛКУ ДЕНА ЌЕ ДУВА СЕВЕРЕЦ Времето ќе биде стабилно, сончево, со умерена облачност appeared first on plusinfo.mk.

 

Во Скопје ќе биде променливо облачно и постудено. Ќе дува умерен, во делови од котлината повремено засилен ветер од северен правец. Температурата ќе се движи од 10 до 15 степени.

До петок ќе преовладува променливо облачно и постудено време.

Во петок ќе има повремени локални врнежи од дожд, кои на некои од повисоките планини ќе преминат во снег. Ќе дува засилен ветер од северен правец, кој наместа ќе биде силен со брзина над 60 километри  на час.

За време на викендот ќе биде сончево со мала до умерена облачност.

The post СИЛЕН СЕВЕРЕН ВЕТЕР ЌЕ ДОНЕСЕ СТУД Променливо облачно и постудено време appeared first on plusinfo.mk.

Светската банка ја зголеми прогнозата за економски раст на Македонија за 2026 година на 3,2% од претходно превидените 2,9%.

Во октомврскиот извештај на Светска банка се посочува дека главни двигатели на економскиот раст ќе бидат инфраструктурните проекти.

За 2027 и 2028 година, СБ превидува раст на македонската економија од 3,0%.

За регионот на Западен Балкан, банката прогнозира економски раст од 3,1% во 2026 година и 3,4% во 2027 и 2028 година.

The post СВЕТСКА БАНКА ЈА ЗГОЛЕМИ ПРОГНОЗАТА ЗА РАСТОТ НА МАКЕДОНСКАТА ЕКОНОМИЈА Наместо 2,9% сега предвидува 3,2% appeared first on plusinfo.mk.

Европската централна банка (ЕЦБ) очекува економијата на еврозоната да продолжи да расте во наредните години, но со релативно скромно темпо, додека инфлацијата треба постепено да се забави, соопшти членот на Извршниот одбор на ЕЦБ, Филип Р. Лејн, на Универзитетот во Лозана.

Според септемвриските проекции на банката, реалниот БДП во еврозоната треба да порасне за 0,9% во 2026 година, по растот од 1,3% во 2025 година.

Растот потоа треба да се забрза на 1,4% во 2027 година и 1,5% во 2028 година.

Инфлацијата, мерена според Хармонизираниот индекс на потрошувачки цени (HICP), треба да се зголеми на 3% во 2026 година, по што се предвидува забавување на 2,5% во 2027 година и 2,1% во 2028 година.

Најголемиот придонес за забрзувањето на инфлацијата во 2026 година треба да дојде од енергетските производи, чии цени би можеле да бидат дури 9,3% повисоки од претходната година, по што ќе следи нагло забавување на 1% во 2027 година.

Се очекува основната инфлација, која ги исклучува енергијата и храната, да остане релативно стабилна помеѓу 2,4 и 2,6% во периодот до 2028 година.

Стапката на невработеност во еврозоната треба постепено да се намалува од 6,3% во 2025 година на 5,9% во 2028 година.

Во исто време, растот на надоместокот по вработен треба да се забави од 3,8% во 2025 година на 3,3% во 2028 година.

ЕЦБ очекува дека построгите финансиски услови ќе го ограничат економскиот раст и ќе придонесат за намалување на инфлацијата во периодот од 2026 до 2028 година.

Фискалната позиција на Еврозоната треба постепено да се подобрува, но се очекува буџетскиот дефицит да остане над 3% од БДП до 2028 година.

Фискалната политика треба малку да се заостри, додека растот на јавните инвестиции се очекува да забави, од околу 7% во 2026 година на 2% во 2028 година.

ЕЦБ ги издвојува движењето на цените на енергијата и другите суровини, глобалната трговија и развојот на трговијата со стоки поврзани со вештачката интелигенција како важни извори на неизвесност.

The post ЕКОНОМИЈАТА НА ЕВРОЗОНАТА БАВНО ЌЕ ИЗЛЕГУВА ОД КРИЗАТА СО ЕНЕРГЕНСИТЕ Европската централна банка очекува нејзин раст од 0,9% за годинава до 1,5% во 2028 година appeared first on plusinfo.mk.

Под влијание на циклонска активност времето утре во Македонија ќе биде облачно и постудено со повремени врнежи од дожд кои ќе продолжат во текот на ноќта и во сабота претпладне.

Локално врнежите ќе бидат пообилни (над 30 l/m²). Наместа ќе има зголемена облачност и услови за повремен дожд.

Во Скопје утре попладне и во текот на ноќта ќе има повремени врнежи од дожд. Во делови од котлината врнежите ќе бидат со умерен до повремено засилен интензитет. Ќе дува слаб до умерен ветер од променлив правец.

Според Управата за хидрометеоролошки работи, потоа ќе следува период на променливо облачно и потопло време со сончеви периоди. Од недела се очекува пораст на температурите при што дневните ќе се движат од 18 до 27 степени.

The post ДОАЃААТ ДОЖД И ДВА СТУДЕНИ ДЕНА Врнежи ќе има и во текот на ноќта кон сабота appeared first on plusinfo.mk.

По сегашното заладување, летото би можело уште еднаш да се врати во Македонија пред календарот да влезе во октомври. Новите среднорочни метеоролошки прогнози покажуваат повторно затоплување во последните денови од септември, при што во Скопје и во делови од земјата максималните температури би можеле да се приближат до 28-30 Целзиусови степени.

Станува збор за дел од многу поширока атмосферска промена над Европа. Severe Weather Europe во најновата анализа објавена денеска прогнозира повторно формирање на силен гребен на висок воздушен притисок, односно таканаречена „топлотна купола”, која ќе овозможи продор и задржување на многу топол воздух над голем дел од континентот до крајот на септември и во почетокот на октомври.

Најекстремниот дел од новиот топол бран, сепак, нема да биде над Балканот. Највисоки температури се очекуваат на Пиринејскиот Полуостров, каде што во Шпанија и Португалија локално се прогнозираат вредности околу 40 степени. Топлиот воздух потоа ќе се шири кон Франција, централна Европа, Италија и Балканот. Затоа најавите за „40 степени во Европа” имаат метеоролошка основа, но таа бројка не се однесува на Македонија.

Во Македонија поумерено загревање

За нашата земја засега моделите покажуваат многу поумерено, но сепак забележително враќање на топлото време. Една од достапните долгорочни прогнози за Скопје дава околу 26 степени на 28 септември и максимални 28 степени на 29 и 30 септември, по што на 1 и 2 октомври температурата би останала околу 26 степени. Овие вредности треба да се земат со резерва бидејќи станува збор за прогноза повеќе од една недела однапред.

Промената би била особено забележлива по свежиот период што го имаме сега. Според прогнозата на УХМР објавена викендов, денеска максималните температури во Македонија се очекува да бидат меѓу 16 и 26 степени, во среда меѓу 17 и 25, а во четврток меѓу 18 и 26 степени. Во Повардарието денеска се очекуваше и засилен северен ветер со удари над 60 километри на час.

Ако сегашните среднорочни модели се остварат, кон крајот на следната недела температурите во некои делови од Македонија повторно би можеле да бидат неколку степени над вообичаените за овој период од годината. Тоа не значи враќање на јулските и августовските горештини, но би значело невообичаено топол премин од септември во октомври.

Што е топлотна купола

„Топлотна купола” не е посебен вид топол воздух, туку метеоролошки израз за стабилен и силен гребен на висок притисок во повисоките слоеви на атмосферата. Воздухот под него се спушта, се загрева и ја спречува појавата на облаци и посериозно освежување. Кога таквата поставеност трае подолго, температурите на површината можат значително да се искачат над сезонскиот просек.

Европа оваа година веќе помина низ повеќе вакви епизоди. Severe Weather во почетокот на септември регистрираше температурни отстапувања од околу 10 до 14 степени над долгорочниот просек во најпогодените области, со температури над 40 степени на Пиринејскиот Полуостров. Август 2026 година, според Copernicus Climate Change Service, беше и најтоплиот август глобално откако постојат мерењата, со просечна температура 0,85 степени над просекот за периодот 1991-2020.

The post ЛЕТОТО СЕ ВРАЌА НА КРАЈОТ НА СЕПТЕМВРИ Македонија може повторно да стигне до 30 степени appeared first on plusinfo.mk.

Времето утре ќе биде променливо облачно и топло со сончеви периоди, најави Управата за хидрометеоролошки работи.

Попладне ќе има повремени локални врнежи од дожд и наместа услови за нестабилност со пороен дожд, појава на грмежи и засилен ветер.

Минималната температура најниско ќе се спушти до 11 степени во Маврово. Најтопло ќе биде во Гевгелија и во Демир Капија со температура до 32 степени.

Во Скопје ќе биде променливо облачно и топло со сончеви периоди. Ќе дува слаб ветер од јужен правец. Температурата ќе се движи од 16 до 31 степени.

Во понеделник ќе преовладува променливо облачно и топло време со повремени локални врнежи од дожд.

Од вторник и во деновите потоа ќе се задржи променливо облачно време со сончеви периоди и значително посвежо. На некои места утринската температура ќе се спушти до 3 степени.

The post ЕСЕНТА ЌЕ ПОЧНЕ КАКО ШТО Ѝ ДОЛИКУВА Наутро студено, до пладне сончево, попладне дождливо appeared first on plusinfo.mk.

Моќен циклон со многу изразен студен фронт се движи низ северозападна Европа и веќе ги зафати северозападните делови на регионот.

Времето во Македонија, пак, до сабота ќе се задржи претежно стабилно.

На почетокот на следната недела се очекува значителна промена на времето. Според прогнозите на Управата за хидрометеоролошки работи од понеделник времето ќе стане делумно до целосно облачно, проследено со значителен пад на температурата, врнежи и вистинска есенска свежина.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.

The post СТУДЕН БРАН СЕ ДВИЖИ КОН МАКЕДОНИЈА Од понеделник почнуваат врнежи и пониски температури appeared first on plusinfo.mk.

Времето утре ќе биде променливо облачно со повремени врнежи од дожд, најави Управата за хидрометеоролошки работи.

Локално врнежите ќе бидат во форма на невреме со пороен дожд, над 15 литри на квадратен метар, грмежи и со засилен ветер. Ќе дува умерен, а долж Повардарието повремено засилен ветер од северен правец, кој повремено ќе достигнува брзина од 40 километри на час.

Минималната температура најниско ќе се спушти во Берово, до 12 степени, а најтопло ќе биде во Гевгелија, со 33 степени Целзиусови.

Во Скопје слилно време со максимална температура до 26 степени.

Во следните денови дневната температура ќе биде во опаѓање.

Потоа следува период на сончево време со мала до умерена облачност. Во вторник и во четврток наместа ќе има услови за врнежи од дожд.

The post ЗЕМЕТЕ СИ ЧАДОР И МАЛКУ ПОТОПЛА ОБЛЕКА, СЛЕДУВА НЕВРЕМЕ СО ВЕТЕР Горештините завршија, доаѓаат умерено топли денови appeared first on plusinfo.mk.

Времето утре ќе биде сончево и топло, со мала до умерена облачност, најави Управата за хидрометеоролошки работи.

Ќе дува слаб до умерен ветер од јужен правец.

Минималната температура најниско ќе се спушти во Берово, до 12 степени Целзиусови. Најтопло ќе биде во Велес, Штип и во Гевгелија, каде температурата ќе достигне 35 степени.

Под влијание на циклонска активност за време на викендот ќе преовладува променливо облачно време со повремени врнежи од дожд.

Локално врнежите ќе бидат поројни и пообилни, во количина над 15 литри на квадрат, проследени со грмежи и засилен северен ветер со брзина над 40 километри на час.

Од сабота дневната температура ќе биде во опаѓање.

Потоа, до средината на следната седмица следува релативно стабилно и посвежо време.

Во Скопје за време на викендот ќе биде променливо облачно со сончеви периоди. Во делови од котлината ќе има нестабилност со пороен дожд, грмежи и засилен ветер .

The post ПАД НА ТЕМПЕРАТУРИТЕ ЗА ВОВЕД ВО ЕСЕНТА Од викендов посвежо и врнежливо време appeared first on plusinfo.mk.