Министерството за одбрана денеска го објави новиот Јавен оглас за прием на 300 професионални војници во служба на македонската Армија.

Кандидатите треба да исполнуваат општи услови – да се да се македонски државјани, да се полнолетни и да имаат посебна здравствена и физичка способност, како и посебниуслови – да имаат завршено средно образование и да не се постари од 25 години на денот на завршувањето на огласот за прием на професионални војници.

Во огласот се наведени и останати детали, а тој е објавен на веб-страницата на Министерството за одбрана. Јавниот оглас трае 15 дена вклучувајќи го и денот на објавување.

Министерството ги повикува сите млади и заинтересирани граѓани да ја искористат оваа можност, да работат во служба на татковината и да бидат дел од Армијата која нуди стабилна и сигурна кариера, континуирана обука и личен развој, развој на тимски вештини и вистински вредности.

Огласот може да се прочита на следниот ЛИНК.

The post АРМИЈАТА ВРАБОТУВА УШТЕ 300 ПРОФЕСИОНАЛНИ ВОЈНИЦИ Министерството за одбрана објави оглас appeared first on plusinfo.mk.

Кај двајца припадници на професионалните војници кои се на обука во касарната „Алексо Демниевски Бауман“ во Велес е дијагностицирана кожната болест „scabies“ (шуга), информираше попладнево Канцеларијата за воени односи со јавноста при Генералштабот на Армијата, во соработка со Министерството за одбрана.

Како превентивна мерка, сите новопримени професионални војници кои се обучуваат во Командата за обука и доктрини се пуштени дома, а освен двајцата кај кои е дијагностицирана шуга, останатите војници во понеделник треба да се вратат во касарната во Велес.

Од Армијата информираат дека во соработка со Воено-медицинскиот центар се преземени сите потребни мерки за спречување на евентуално ширење на заболувањето, како и дека е спроведен епидемиолошки надзор и се постапува согласно препораките на стручните лица.

„Армијата континуирано презема соодветни превентивни и противепидемиски мерки за заштита на здравјето на персоналот. Дополнително, ве информираме дека сместувањето на војниците е регулирано согласно Правилото за сместување и ред во Армијата. Пред почетокот на обуката се обезбедени соодветни услови за сместување, престој и за работа, во согласност со армиските стандарди. Пред сместувањето на персоналот е извршена комплетна дезинфекција на просториите, а на користење се дадени чисти и испрани постелнини и ќебиња“, се наведува во соопштението.

Од Армијата појаснуваат дека капењето на војниците е организирано и се спроведува плански и во соодветни услови.

„Во изминатиот период во Армијата беа реализирани повеќе активности со значителен број ангажирани припадници. Во касарната „Алексо Демниевски Бауман“ во Велес беше реализиран прием и сместување на повеќе класи на новопримени професионални војници, со бројка поголема од 300 лица, како и најголемата ситуациска вежба SEVEN STARS2025”, со учество на над 150 национални и странски претставници. На ниво на Армијата, беше реализирана и вежбата „Immediate Response 25“ на армискиот полигон Криволак, каде во теренски услови беа сместени над 2.200 припадници од Армијата и странски вооружени сили“, се наведува во соопштението од Армијата.

Од Армијата потенцираат дека во ниту еден од наведените случаи и покрај големиот број на ангажирани лица, не била евидентирана појава на ваков тип на заболување.

Од Министерството за одбрана велат дека постапуваат согласно барањата на Армијата и дека за конкретниот случај ќе се преземат мерки според насоките на Воено-медицинскиот центар.

The post ДВАЈЦА ПРОФЕСИОНАЛНИ ВОЈНИЦИ ЗАБОЛЕНИ ОД ШУГА Биле на обука во велешката касарна appeared first on plusinfo.mk.

Од НСПВ посочуваат дека имале едно барање за Законот за вработените во одбраната, а тоа е професионалните војници со високи образование да ги пополнат испразнетите места во МО, со што, како што наведуваат, ќе се вреднува и образованието и трудот на професионалните војници.

Колективниот договор, се вели во соопштението од НСПВ, на хартија е едно, а во реалност е друга ситуација. Тие тврдат дека сè уште селективно се исплаќаат прекувремените и ноќните часови, нема хранарина, нема исплата на патни трошоци, а има намалени синдикални права за заштита на синдикалните претставници, се наведува во соопштението.

„На професионалните војници им е сопрена исплатата на отпремнината за прекин на работниот однос по однос на наполнување на 45 години со изговор дека е изборен период“ – се вели во соопштението од НСПВ.

The post „НЕ ПРИФАТИЈА НИШТО ОД ТОА ШТО БАРАВМЕ И ПРЕДЛАГАВМЕ“ Војничкиот синдикат незаводоволен од новиот закон и од колективниот договор appeared first on plusinfo.mk.

Претседателот на Независниот синдикат на професионални војници, Александар Насковски, вели со оваа постапка се прекршува колективниот договор на Министерството за одбрана, Законот за работни односи и Конвенциите потпишани од државата со Меѓународната организација на трудот.

– Министерката за одбрана јавно изјави дека членарината е сопрена од страна на службите т.е. секторот за финансии во Министерството за одбрана, но не кажа дека токму тие намерно се ставени во заблуда со незаконските постапки на 7 лица вработени во Министерство за одбрана, кои направија фалсификат и лажно се претставуваат и за кои синдикатот поднесе кривична пријава до Основото јавно обвинителство. Затоа апелираме до Основото јавно обвинителство – Скопје брзо да реагира и да се разгледа кривичната пријава против овие лица кои направиа хаос во Министерството за одбрана – рече Насковски.

Тој додаде дека е зголемено  незадоволство кај професионалните војници, поради како што рече, недостигот на социјален дијалог со работодавецот за решавање на статусот на професионалните војници и игнорирањето на нивните барања.

Главно барање на синдикатот, вели Насковски, е измена и дополнување на законот за служба со цел професионалните војници да имаат можност за пензионирање по принципот на некои НАТО земји, каде што професионалните војници се пензионираат и на 45 години, како и барањето за трансформирање на работниот однос на неопределено време, бидејќи како што рече, професионалните војници продолжуваат договори на определено време цели 25 години.

– Ако нема решение за овие наши барања и одблокирање на синдикатот, во наредниот период професионалните војници ќе излезат на протест пред владата на Република Македонија. По испраќањето на поканата за денешниот прес добивме покана од министерката за состанок во вторник во 10 часот, од исходот на средбата ќе зависат следите чекори на синдикатот и медиумите ќе бидат благовремено известени за се што е договорено – рече Насковски.

The post ПЕТРОВСКА МУ ЈА ЗАПРЕ ЧЛЕНАРИНАТА НА СИНДИКАТОТ НА ПРОФЕСИОНАЛНИ ВОЈНИЦИ Експресно стигна најава за протест пред Влада appeared first on plusinfo.mk.

Пратеникот и член на Извршниот комитет на ВМРО – ДПМНЕ Драган Ковачки синоќа во ТВ дуелот во „Само вистина” на Канал 5, со министерката Петровска покажа документ од 2021 година во кој, како што кажа, генерал на Армијата со негова комисија се сомнева и тврди дека се примени професионални војници во Армијата со законски пречки како што се приведување за тешка кражба, со судска постпака, потоа предлог за прекин на договор поради трајна ограниченост за служење во војска, судска пресуда, наод од воена лекарска комисија за ограничено способни за служба…

Ковачки ѝ го отстапи документот на министерката Петровска и рече дека очекува веднаш да се постапи и уште вечерва, како што повтори, да има апсења.

– Овој документ не треба мене да ми го доставите, туку треба да го доставите до Јавното обвинителство. Јас овој документ ќе го земам, но не сум јас адресата, јас сум политички избрано и именувано лице. Јас, освен што имам обврска да пријавам, не треба на никаков начин да влијаам на истрагата – му одговори министерката Петровска.

The post ДОКУМЕНТИТЕ НА КОВАЧКИ СТИГНАА ВО ОБВИНИТЕЛСТВО? Министерката Петровска вели дека ги доставила до „одговорните лица“ appeared first on plusinfo.mk.

Тој презентираше документ, допис од генерал на АРМ, за кој рече дека не е класифициран.

– Ова пред мене е документ е од Генерал штабот неквалифициран документ потпишан од генерал, изработен од подофицер, контролирал потполковник, го одобрил полковник, а е согласен друг полковник со тој документ. И ова е документ за завршена обука на професионални војници, и врз основа на овој документ после тоа овие професионални војници се примени во Армијата или им е продолжен договорот. И сега генералот на Армијата си доставил документ со прилози. Во првиот прилог стои список на примени професионални војници кои ги исполнуваат сте критериуми за прием. Во прилог два е список на новопримени професионални војници за кои предлагаме да не им се продолжат договорите поради законски ограничувања, значи има лица кои што имаат законски пречки да бидат примени односно да им се продолжат договорите за работа. Во прилог три се вели, список на новопримени професионални војници во Армијата за кои практичните тестови се под сомнение дека ги поминале успешно. Значи генералот се сомнева дека овие тестови се поминати успешно. Прилог четири список на новопримени професионални војници во Армијата, кои што отсуствувале повеќе од 10 проценти од обуката, итн – рече Ковачки.

Ковачки вели дека во Армијата се примаат лица со трајна ограниченост за служба во Армијата, лице приведено за тешка кражба, како и лице со судска постапка, додавајќи дека е навистина срамота за држава која е дел од НАТО Алијансата да има војници кои не се професионалци и очекува уште вечерва да почне со апсење доколку навистина како што рече сме сериозна држава.

На прашањето дали тој се сомнева дека ова се луѓето кои што давале мито за да влезат во армијата, Ковачки потенцираше дека единствен начин за вакви лица да влезат во Армијата тогаш е или преку партија или преку плаќање на работното место.

– Значи нема друг начин тоа да се случи ако тоа не е направено преку партија СДСМ или ДУИ или ако имаат дадено пари, односно да ги имаат дадено парите во партијата – рече Ковачки.

The post НЕСООДВЕТНИ ЛИЦА СЕ ВРАБОТУВАЛЕ ВО АРМ? Обвинување од пратеникот Ковачки од ВМРО-ДПМНЕ appeared first on plusinfo.mk.

Како што стои во соопштението, поголем дел од решенијата биле прифатени со кои се решаваат проблеми наталожени со години и значат подобрување на условите за работа и пензионирање на припадниците.

„Професионалните војници добија надоместок за станарина уште од првиот договор за вработување, а не како досега после 4-та година од вработувањето, како и пензионирање по поповолните услови без оглед во кој орган ќе бидат превземени. Беше договорена исплата на 100 проценти од висината на основната плата за боледување на активниот воен персонал, се појаснува од соопштението од претседател на НСПВ СО Скопје“, Александар Насковски.

Најавено е и отворање нова можност за ангажирање на професионалните војници во системот за управување со кризи и како обезбедување на критичната инфраструктура, со можност за пензионирање со условите за активен воен персонал, како и зголемување на границата за курс за подофицери до 45 година.

„Прифатено е и барањето на синдикатите отпремнината за професионалните војници да важи и за ПФВ кои не се превземени односно останале во МО. Ние како Независен синдикат на професионални војници СО Скопје (НСПВ СО Скопје) го поздравуваме ваквиот начин на соработка и решавање на проблемите, со цел подобрување на правата на припадниците на Армијата“, се посочува во соопштението.

The post ПРОФЕСИОНАЛНИТЕ ВОЈНИЦИ СЕ ДОГОВОРИЈА СО ПЕТРОВСКА Надоместок за станарина, поповолно пензионирање и боледување appeared first on plusinfo.mk.

Новите војници денеска на свеченост во касарната „Илинден“ ќе ги поздрави министерката за одбрана Радмила Шекеринска.

Со приемот на новите 200 професионални војници, вкупната бројка на новопримени во изминативе три години е 830 лица.

The post Нови 200 професионални војници appeared first on plusinfo.mk.