Секоја заедница најдобро знае што ѝ недостига – почиста околина, уреден простор за дружење или место каде што луѓето можат да учат, создаваат и да се поврзуваат. Токму од вакви конкретни локални потреби произлегуваат трите проекти во финалниот избор на „Иднина која инспирира“. До 27 септември 2026 година, граѓаните можат да изберат меѓу „Силата е во младите“, „Природа што нè поврзува“ и „Простор за раст – функционален центар создаден од граѓаните“ и со својот глас да придонесат еден од нив да добие дополнителна поддршка од dm drogerie markt. Гласајте за вашиот фаворит на следниот линк.

Зад „Силата е во младите“ стои потребата младите да не бидат само набљудувачи, туку активни учесници во грижата за животната средина. Проектот на Здружението за екологија, еколошка едукација и еколошка обединетост „За почиста Македонија“ предвидува еколошки чистки во скопските населби, работилници и дискусии со деца и млади, како и видеосодржини за подигнување на јавната свест и поттикнување поодговорен однос кон околината.

„Природа што нè поврзува“ тргнува од една поинаква локална потреба – запуштен и неискористен простор во Неготино да добие нова вредност за граѓаните. Центарот за регионален одржлив развој планира просторот да го преобрази во зелено и функционално место за одмор, рекреација и дружење. Преку волонтерски акции ќе се расчистува и уредува локацијата, ќе се садат дрвја и растенија, ќе се поставуваат клупи и други практични елементи, а предвидени се и едукативни и креативни активности.

Со „Простор за раст – функционален центар создаден од граѓаните“, Здружението за едукација, развој, јакнење и вмрежување „ЕДЕН ХАБ“ од Прилеп тргнува од прашањето како неискористените простори повторно да ѝ служат на заедницата. Проектот предвидува мапирање и активирање простори во Прилеп, Кривогаштани и неколку општини на територијата на Град Скопје, кои со помош на волонтерите треба да прераснат во достапни центри за учење, креативност, практични вештини, ментална благосостојба, активно граѓанство и меѓусебна поддршка.

Трите проекти произлегуваат од различни средини и одговараат на различни потреби, но ги поврзува истата идеја – граѓаните и локалните заедници активно да учествуваат во создавањето подобри услови за живот. Со гласањето, токму граѓаните добиваат можност да покажат која од овие потреби ја препознаваат како најважна за дополнителен поттик.

Финалното гласање е дел од пошироката иницијатива „Иднина која инспирира“, во рамките на која годинава беа пријавени вкупно 74 проекти. По стручното оценување, пет иницијативи веќе добија финансиска поддршка од dm во вкупна вредност од 2,9 милиони денари. Во стручното жири учествуваа Гоце Калинов од „Ретвитни оброк“, Далиборка Златева, претседател на „Здружение на лица со церебрална парализа и други попречености – Велес“, Ико Брдаровски, менаџер за грижа на корисници во „Пакомак“, како и тројца претставници на dm.

Меѓу петте веќе избрани проекти се „Охрид Еко 2027“ на Нуркачкиот центар „Амфора“, „Херои на солидарноста: Тегла Плус за нашата заедница“ на Здружението „Љубезност“, „Поддршка блиску до тебе – Заедно до правата“ на Македонското здружение на млади правници, „Заедно сме шампиони – инклузија преку спорт“ на Специјална Олимпијада – Македонија и „DM HUB – Центар за благосостојба и грижа ‘Грижа за себе. Грижа за другите. Грижа за заедницата.’“ на Центарот за истражувања и анализи НОВУС.

Преку „Иднина која инспирира“, dm продолжува да им дава простор на идеите што произлегуваат од реалните потреби на локалните заедници, а со вклучувањето на граѓаните во финалниот избор ја заокружува идејата дека позитивната промена е најсилна кога се создава заедно.

The post ГЛАСАЈТЕ ЗА ЕДЕН ОД ТРИТЕ ПРОЕКТИ НА КОНКУРСОТ НА ДМ Идеите произлегуваат од локални потреби на граѓаните appeared first on plusinfo.mk.

Промената не мора да остане само добра идеја. До 27 септември 2026 година, граѓаните можат директно да се вклучат во платформата „Иднина која инспирира“ и да изберат кој од трите проекти ќе добие дополнителна поддршка од dm drogerie markt. Со својот глас, секој граѓанин може да застане зад идејата што најмногу ја препознава како важна за заедницата – почиста животна средина, позелен и пофункционален јавен простор или нови места за учење, развој и поврзување. Токму затоа, гласањето не е само формален избор меѓу три иницијативи, туку можност граѓаните активно да придонесат во тоа која идеја ќе добие дополнителен поттик за реализација. Не чекајте промената да се случи сама – изберете ја идејата во која верувате и гласајте до 27 септември на следниот линк.

Проектот „Силата е во младите“ на Здружението за екологија, еколошка едукација и еколошка обединетост „За почиста Македонија“ е насочен кон активно вклучување на децата и младите во грижата за животната средина. Преку еколошки чистки во скопските населби, работилници, дискусии и видеосодржини, проектот има цел да ја подигне свеста за зачувувањето на чистата животна средина и да ги поттикне младите самите да станат носители на позитивни промени.

Со „Природа што нè поврзува“, Центарот за регионален одржлив развој од Неготино планира запуштен и неискористен простор да го преобрази во чисто, зелено и функционално место за одмор, рекреација и дружење. Преку волонтерски акции ќе се расчистува и уредува локацијата, ќе се садат дрвја и растенија, ќе се поставуваат клупи и други практични елементи, а предвидени се и едукативни и креативни активности што треба да придонесат просторот да прерасне во трајно зелено катче за локалната заедница.

Третиот проект, „Простор за раст – функционален центар создаден од граѓаните“ на Здружението за едукација, развој, јакнење и вмрежување „ЕДЕН ХАБ“ од Прилеп, предвидува мапирање, уредување и активирање недоволно искористени простори во Прилеп, Кривогаштани и неколку општини на територијата на Град Скопје. Преку заеднички волонтерски акции, тие треба да прераснат во достапни центри за учење, креативност, развој на практични вештини, ментална благосостојба, активно граѓанство и меѓусебна поддршка.

Гласањето е дел од пошироката иницијатива „Иднина која инспирира“, во рамките на која годинава беа пријавени вкупно 74 проекти. По стручното оценување, пет иницијативи веќе добија финансиска поддршка од dm во вкупна вредност од 2,9 милиони денари. Во стручното жири учествуваа Гоце Калинов од „Ретвитни оброк“, Далиборка Златева, претседател на „Здружение на лица со церебрална парализа и други попречености – Велес“, Ико Брдаровски, менаџер за грижа на корисници во „Пакомак“, како и тројца претставници на dm.

Меѓу петте избрани проекти се „Охрид Еко 2027“ на Нуркачкиот центар „Амфора“, насочен кон подводни акции за отстранување отпад од Охридското Езеро; „Херои на солидарноста: Тегла Плус за нашата заедница“ на Здружението „Љубезност“, со фокус на поддршка на ранливите категории граѓани; „Поддршка блиску до тебе – Заедно до правата“ на Македонското здружение на млади правници; „Заедно сме шампиони – инклузија преку спорт“ на Специјална Олимпијада – Македонија; како и „DM HUB – Центар за благосостојба и грижа ‘Грижа за себе. Грижа за другите. Грижа за заедницата.’“ на Центарот за истражувања и анализи НОВУС.

Преку „Иднина која инспирира“, dm продолжува да ги поддржува идеите што можат да создадат конкретна и долгорочна вредност за заедницата, а со гласањето им дава можност и на граѓаните активно да учествуваат во изборот на промената што сакаат да ја видат околу себе.

The post ИЗБЕРЕТЕ ЈА ПРОМЕНАТА Гласајте до 27 септември за еден од трите проекти во „Иднина која инспирира“ appeared first on plusinfo.mk.

Пријавувањето во рамките на „Иднина која инспирира“ беше отворено од 2 март до 31 јули 2026 година, а оценувањето на проектите се одвиваше од 12 до 21 август. Во стручното жири учествуваа Гоце Калинов од „Ретвитни оброк“, Далиборка Златева, претседател на „Здружение на лица со церебрална парализа и други попречености – Велес“, Ико Брдаровски, менаџер за грижа на корисници во „Пакомак“, како и тројца претставници на dm.

Меѓу избраните е проектот „Охрид Еко 2027“ на Нуркачкиот центар „Амфора“, кој преку организирани подводни акции има цел да придонесе за отстранување на отпадот од Охридското Езеро и подигнување на свеста за неговата заштита. Поддршка ќе добие и „Херои на солидарноста: Тегла Плус за нашата заедница“ на Здружението „Љубезност“, насочен кон поддршка на ранливите категории граѓани преку солидарни акции, јавни и едукативни настани.

Македонското здружение на млади правници ќе го реализира проектот „Поддршка блиску до тебе – Заедно до правата“, преку кој мобилни тимови од правници и волонтери ќе обезбедуваат бесплатни правни совети и практична помош за лица и семејства во социјален ризик. Проектот „Заедно сме шампиони – инклузија преку спорт“ на Специјална Олимпијада – Македонија ќе овозможи млади со и без интелектуална попреченост заедно да спортуваат и да се дружат преку инклузивни активности во повеќе градови.

Петтиот избран проект е „DM HUB – Центар за благосостојба и грижа ‘Грижа за себе. Грижа за другите. Грижа за заедницата.’“ на Центарот за истражувања и анализи НОВУС. Мобилната иницијатива ќе опфати 10 општини во Југоисточниот плански регион, со активности посветени на менталното и репродуктивното здравје, еколошката одговорност, повторната употреба и волонтерството.

– Со ‘Иднина која инспирира’ сакаме поддршката да стигне до идеи што одговараат на конкретни потреби и можат да создадат долгорочна вредност за заедницата. Особено ни е важно што во оваа фаза и граѓаните имаат можност активно да се вклучат и со својот глас да придонесат една од иницијативите да добие дополнителна поддршка. Веруваме дека позитивните промени се најсилни кога во нивното создавање учествуваме заедно – вели Кристина Дуранска, менаџер за маркетинг и комуникации во dm.

Гласањето, кое започна на 14 септември, трае до 27 септември 2026 година, а граѓаните можат да избираат меѓу три проекти: „Силата е во младите“, насочен кон еколошка едукација и активно вклучување на младите во акции за почиста животна средина; „Природа што нè поврзува“, кој предвидува преобразување на запуштен градски простор во Неготино во зелено и функционално место за одмор, рекреација и дружење; и „Простор за раст – функционален центар создаден од граѓаните“, иницијатива за претворање неискористени простори во достапни центри за едукација, креативност, волонтерство и заеднички активности. Граѓаните можат да го дадат својот глас на следниот линк.

Платформата „Иднина која инспирира“ е создадена со идејата дека позитивните промени се создаваат преку конкретен ангажман и поддршка на иницијативите што одговараат на реалните потреби на заедницата. Покрај проектните пријави, платформата даде видливост и на можностите за волонтерски ангажман, со цел да поттикне повеќе граѓани да придонесат со своето време, знаење и ангажман. На тој начин, „Иднина која инспирира“ ги поврзува организациите и поединците кои сакаат активно да придонесат за подобар квалитет на живот, поздрава животна средина и посилни локални заедници.

Со „Иднина која инспирира“, dm продолжува да ги поддржува идеите што создаваат позитивни промени и оставаат трајна вредност во заедницата затоа што иднината што инспирира се создава заедно.

The post ИДНИНА КОЈА ИНСПИРИРА Пет проекти добиваат поддршка од dm, а граѓаните избираат меѓу три за дополнителна поддршка appeared first on plusinfo.mk.

Македонија денес е едно големо градилиште – Владата предводена од ВМРО-ДПМНЕ реализира сериозен инвестициски циклус во општините, со кој се надминуваат деценискиот недостаток на инвестиции и запоставеноста на локалната инфраструктура, соопшти ВМРО-ДПМНЕ.

„Низ општините во целата држава во моментот се реализираат околу 1.200 инфраструктурни проекти со поддршка од Владата. Тоа се конкретни проекти кои директно го подобруваат квалитетот на живот за граѓаните со нови и реконструирани патишта, водоводи и канализации, подобра животна средина, модерни училишта, спортски терени, културни објекти и подобри јавни услуги“, соопшти ВМРО-ДПМНЕ.

Преку два јавни повици, додава партијата, Владата на општините им стави на располагање средства од унгарскиот кредит, кои денес се преточуваат во конкретни капитални инвестиции со кои се развива локалната инфраструктура, но истовремено се поттикнува и домашната економија.

„Само преку ресорот транспорт и врски се реализираат 814 проекти во вкупна вредност од над 11 милијарди денари. Од нив, 382 се целосно реализирани, додека 432 се во напредна фаза на реализација. Во областа на животната средина се реализираат 183 проекти, во вредност од над три милијарди денари. Од нив, 45 се целосно завршени, а 138 се во фаза на реализација. Додека за ресорот образование одобрени се 55 проекти, со кои се инвестира во нови училишта, реконструкција на постојните објекти, училишни спортски сали и спортски терени. Седум проекти се целосно завршени, а на 48 интензивно се работи. 36 проекти во вредност од близу 770 милиони денари се одобрени за македонскиот спорт, од кои 10 проекти се целосно завршени, а 26 се во реализација, а Владата одобри и 18 проекти во културата вредни над 822 милиони денари, додека за социјалната политика се реализираат 10 проекти во вредност од над 771 милион денари“, соопшти ВМРО-ДПМНЕ..

Вкупно 80 општини добија финансиска поддршка од Владата за развој и капитални инвестиции насочени кон патната инфраструктура, детските градинки, спортските терени и комуналната инфраструктура, потенцира партијата.

„Поддршката е видлива во секој дел од државата. За општините Гази Баба и Прилеп, вкупната поддршка од двата јавни повици за капитални проекти достигна 12 милиони евра, за Велес се обезбедени 9 милиони евра, додека за Неготино над 4 милиони евра за 12 проекти, во Дебар се финансираат 26 проекти, во Битола 81, во Струмица 13, во Крива Паланка 5 проекти. Тоа што е важно да се напомне е дека зад инвестициите во образованието стојат подобри услови за учениците, зад инвестициите во спортот стојат подобри услови за младите и спортските клубови. Зад проектите во животната средина стојат решени децениски комунални проблеми, додека зад инвестициите во инфраструктурата стојат подобри патишта. Инвестициите во културата значат зачувување на македонското културно наследство, додека проектите во социјалната политика значат подобри услови за граѓаните кои зависат од јавните услуги. Ова е разликата меѓу празни ветувања и работа. Владата предводена од ВМРО-ДПМНЕ инвестира во цела Македонија, затоа што развојот и подобрите услови за живот треба да стигнат до сите граѓани без разлика на нивното место на живеење“, се вели во соопштениетона ВМРО-ДПМНЕ.

The post ЗА ВЕЛЕС 9, ЗА НЕГОТИНО НАД 4 МИЛИОНИ ЕВРА Општините од унгарскиот кредит добија 180 милиони евра за развој appeared first on plusinfo.mk.

Повеќе од 12 милиони евра се проектите што Владата ги финансира во Прилеп преку програмата за децентрализација на средства од централниот буџет кон општините, изјави денеска премиерот Христијан Мицкоски.

Мицкоски посочи дека програмата опфаќа повеќе од 1.200 градилишта во општините низ државата, оценувајќи дека проектите треба да придонесат за подобрување на квалитетот на животот на граѓаните.

– Овие проекти се многу значајни за сите општини во Македонија. Ова што го кажа градоначалникот на Прилеп, но и потпретседателот на Владата и министер за транспорт, дека со овие проекти додаваме вредност и го зголемуваме квалитетот на живот, е вистина – рече Мицкоски.

Тој додаде дека за Прилеп преку оваа програма се издвојуваат повеќе од 12 милиони евра, а на овие средства треба да се додадат и инвестициите што ги обезбедува самата Општина Прилеп, како и средствата од други владини програми и министерства.

– Тогаш доаѓаме до една огромна бројка и огромна бројка на проекти коишто ќе имаат за задача да го подобрат квалитетот на живот во Прилеп – изјави премиерот.

Мицкоски им се заблагодари на градоначалникот на Прилеп, советниците и пратениците од овој град за, како што рече, нивниот ангажман околу реализацијата на проектите.

Тој упати благодарност и до министрите и другите институции кои учествуваат во реализацијата на инвестициите.

– Нашата цел како Влада уште на самиот почеток беше да испорачаме што е можно повеќе проекти во рамките на нашите можности со коишто ќе го подобриме онолку колку што можеме квалитетот на живот на нашите сограѓани – рече Мицкоски.

Премиерот порача дека проектите треба да се реализираат во предвидените рокови и да бидат ставени во функција за граѓаните.

– Би посакал да се движиме во рамките на роковите коишто се зададени за да овие проекти бидат пуштени во употреба и ја имаат својата полна намена – додаде Мицкоски.

The post НАД 12 МИЛИОНИ ЕВРА ВЛАДИНИ ПАРИ ЗА ПРИЛЕП Мицкоски вели дека инвестициите треба да го подобрат животот на граѓаните appeared first on plusinfo.mk.

Целосно е реконструирано и пуштено во употреба одделението за Трауматологија во стара Градска болница, а во периодот кој следи ќе имаме уште многу вакви проеткти, рече премиерот Христијан Мицкоски на отворањето на реконструираното одделение во Градска болница.

Премиерот им се заблагодари и им честита на директорот и на вработените во оваа здравствена установа, за работата која што ја работат и за сето она коешто го прават за да корисниците на услуги од оваа здравствена установа добијат достоинствени услуги, достоинствен третман.

– Од 65-та наваму шајка не е закована, така што еве полека но, сигурно почнуваме да ги реализираме тие приоритети. За жал не можеме преку ноќ сето она коешто со децении било уништувано да го исправиме, но еден по еден приоритет ги решаваме – рече Мицкоски.

Тој најави дека и во периодот којшто следи здравството ќе биде еден од врвните приоритети во работата на Владата.

– Ќе продолжиме да инвестираме. Веќе Буџетот надминува една милијарда евра годишно, кој што се инвестира во здравството. Имаме планови, имаме развојни проекти, кои во периодот што следи ќе почнат да се реализираат. Така што, ова е веќе во низа инвестиции во здравството коишто ги имавме овие две години. Во периодот којшто следи ќе имаме уште неколку вакви проекти – рече премиерот Мицкоски.

The post ЦЕЛОСНО РЕНОВИРАНА ТРАУМАТОЛОГИЈА ВО СТАРА ГРАДСКА БОЛНИЦА Мицкоски најави уште многу такви проекти appeared first on plusinfo.mk.

Владата предводена од ВМРО-ДПМНЕ успеа да ја стабилизира состојбата, да спроведе клучни системски реформи и да реализира значајни инвестиции во културата и туризмот. Во изминативе две години, фокусот беше ставен на воспоставување системски пристап во управувањето со културата и тоа преку стратешко планирање, започнување на законски реформи, финансиска стабилизација и капитални инвестиции – се вели во соопштение на ВМРО-ДПМНЕ.

„Наследен беше долг од 273 милиони денари по основ на неисплатени плати во националните и локалните установи, кој експресно се реши со ребалансот, при што се изнајдоа и дополнителни 71 милион денари за програмски активности и над 78 милиони денари за проекти во општините.

Паралелно со сервисирањето на наследените обврски се започна со системско решавање на долгогодишните проблеми во културата и туризмот, за која цел се изготви длабинска анализа за рационализација на националните установи и преземени се конкретни чекори за спроведување на реформските приоритети.

Македонскиот јазик беше еден од главните приоритети на Владата и затоа уште веднаш започна имплементацијата на Законот за употреба на македонскиот јазик, се основаше Инспекторатот и Советот за македонски јазик, а во тек е и изработката на Стратегијата за употреба на македонскиот јазик.

Се финализираат подготовките за отворање на музеите на Скопско Кале, процес кој беше целосно запрен од претходната влада, а деблокирани се и повеќе национални и меѓународни проекти во областа на културното наследство.

Се спроведоа реформи во финансирањето на националните установи и за првпат е воведен моделот на делегиран, што овозможувајќи поголема автономија, подобро планирање и поефикасно управување со јавните средства, кој годинава се применува во 28 институции и ќе продолжи да шири.

Од друга страна, реализирани се 320 нови вработувања и 35 унапредувања во националните установи и за првпат се воспостави отворен конкурс за мобилност, преку кој македонските културни работници се усовршуваат во престижни академски и културни институции во странство“ – се наведува во соопштението на ВМРО-ДПМНЕ.

The post ЌЕ СЕ ОТВОРАТ МУЗЕИТЕ НА СКОПСКАТА ТВРДИНА Деблокирани се и други проекти од културата appeared first on plusinfo.mk.

Грција е подготвена да го поддржи амбициозниот план на Европската Унија за автономија во снабдувањето со критичните минерали. Дури пет големи рудни постројки наскоро ќе бидат финализирани, па соседите ќе може да очекуваат и големи буџетски приходи од рударството, освен од туризмот и земјоделието. За разлика од Грците, Македонија не го следи европското темпо – земјава нема новоотворен рудник повеќе од 40 години, а единствена сериозна инвестиција е онаа во рудник за бакар во Иловица, но и таа постојано наидува на пречки.

Во Стратегијата за минерални суровини 2026-2046, чиј носител е МАНУ, се повикува државата да се усогласи со Директивата за критични минерали на Европската Унија и да овозможи инвестиции во рударството. Еден од критичните минерали е токму бакарот со кој Македонија изобилува во Иловица. Геолошките истражувања покажаа огромно присуство на руден концентрат на ова наоѓалиште, што би резултирало со производство од над 10 илјади тони бакар годишно, во период од две децении. Инвестицијата тежи околу 350 милиони евра.

Од друга страна, на Грција не и се чека. Како што пишува „Катимерини“, по инвестицијата на компанијата „Метлен“ за ископ на галиум во регионот на Виотија, која Брисел ја вклучи на листата од вкупно 47 стратешки проекти за својата автономија во 2025 година, Грција го проширува своето присуство во геополитички најважниот сектор на критични суровини со уште пет предлози. Тие го опфаќаат целиот вредносен синџир, од рударство до рециклирање, при што три од проектите успешно ја поминале фазата на техничка евалуација.

Еден од нив е рударскиот проект „Сапес“ на компанија „Тракија Минерали“, кој е фокусиран на експлоатација на злато, но и бакар како нуспроизвод, што според „Катимерини“ ќе претставува нов минерален фронт во североисточна Грција кај Еврос.

Понатаму, пред почеток на активна експлоатација е и рудникот за бакар и злато „Скуриес“ на Елдорадо Голд. Овој рудник на Халкидики се очекува да производува 30.000 тони бакар годишно во период од 20 години. Изградбата на рударскиот комплекс на Халкидики е скоро завршена, а инвестицијата надминува две милијарди долари.

Пелопонез, исто така, активно влегува во трката за екстракција на критични суровини. Во Лаконија е на пат да започне проектот „Молаои“ на австралиската компанија „Рокфајр Рисорсис“ во Лаконија. Австралиските истражувања во наоѓалиштето идентификуваа германиум, кој, како што објавил претставник на компанијата, би можел да покрие до 50% од потребите на ЕУ.

Австралиската компанија ги завршува хидролошките и еколошките студии и во рок до 2027 година ќе ја достави завршената студија до властите за процесот на лиценцирање на проектот.

Во петте проекти кои би ја добиле титулата „стратешки“, влегуваат уште две инвестиции во регинот на Виотија. Едниот е „Етеокле“, кој е предвиден како современ центар за рециклирање на бакар кој има за цел годишно да обработува 139.000 тони отпад од низок квалитет и да произведува 117.000 тони секундарен бакар со висока чистота. Вториот е Центар за рециклирање на алуминиум – објект со годишно производство од 117.000 тони алуминиумски плочи, за замена на увозот со поддршка на индустрии од аеронаутика до електрификација.

На почетокот на март годинава, САД го свикаа Советот за безбедност на ООН за прашањето за рудите, укажувајќи дека растат геополитичките тензии поради пристапот до минерали и тоа може да влијае на територијалниот интегритет и суверенитет на некои држави. Тогаш, амбасадорката на Грција во ООН најави дека државата засилено ќе спроведува геолошки истражувања.

– Светската трка за критични минерали претставува сложен микс на можности и ризици кои влијаат на геополитичката поставеност и безбедноста ширум светот. Ако нивната екстракција и трговија не се одвива со транспарентност и предвидливост може дополнително да ги разгори постоечките конфликти и да создаде нови. Како земја со минерални ресурси, резерви и значителни капацитети за ископ и преработка, ние сме одлучни за понатамошна надградба на геолошкиот залог преку нашата робустна Национална програма за истражување на критични минерали – изјави грчката амбасадорка Аглаја Балта.

Инаку, експертите на МАНУ во Стратегијата, порачаа дека поради силниот меѓународен фокус на суровините, Македонија треба да се истакне како рударска нација и државата „активно и успешно да учествува во меѓународните дискусии и активности кои се занимаваат со идната продажба на суровини и нивното користење“. Според текстот, „посебен фокус треба да се стави на следење и влијание врз работата на ЕУ во областа на минералите и суровините и на внатрешниот пазар за овие стоки – важно е да се задржи оваа атрактивност наспроти конкуренцијата, бидејќи и другите земји спроведуваат слични иницијативи за зајакнување на нивните минерални индустрии“.

The post ГРЦИЈА МАСОВНО ЌЕ ИСКОПУВА БАКАР ЗА ДА ЈА СНАБДУВА ЕУ Нашето наоѓалиште во Иловица останува пусто appeared first on plusinfo.mk.

Премиерот Христијан Мицкоски денеска присуствуваше на поставување на камен темелник на изградба на затворен базен во ООУ „Ацо Шопов“, во Општина Бутел.

– Денеска овде во Бутел се почнува нешто ново, базен, се довршува нешто што веќе е започнато, доградбата на училиштето „Ацо Шопов” и мислам дека сето ова ќе додаде вредност во квалитетот на животот на луѓето од Општина Бутел од овој дел од Радишани.

Чувствувам дека со овие проекти успеваме, полека но сигурно, да обезбедиме подобри услови за живот на граѓаните во сите општини низ целата територија на државата, тоа значи дека проектот ја постигнал својата цел полека но сигурно ги завршуваме со воведување во работа или поставување камен темелник оние проекти коишто сè уште кои не беа отпочнати, оние коишто се отпочнати ги завршуваме и веќе размислуваме за следната 2027 година да реплицираме слична ваква иницијатива бидејќи навистина се покажа како успешна – рече Мицкоски.

Тој им честита на сите инволвирани во проектот за успешната работа.

– Можам да кажам од името на Владата е дека остануваме посветени и во периодот којшто следи на реализирање на проекти и на исправање на сите оние недостатоци коишто, за жал, во минатото се таложеа – рече Мицкоски.

The post СЕ ГРАДИ ЗАТВОРЕН БАЗЕН ВО ОУ „АЦО ШОПОВ“ ВО РАДИШАНИ Мицкоски на поставувањето камен темелник appeared first on plusinfo.mk.

Можеби ова речно корито и овој канал навидум делуваат скромно, но во суштина се од огромно значење за жителите од овој дел на Градот Скопје и Кисела Вода, бидејќи на овој начин се прифаќаат сите оние води, коишто во услови кога можат да надојдат, тие прават многу големи проблеми на домовите на жителите на ова населено место и тоа се случувало во минатото. Затоа со овој проект ние практично го решаваме тој проблем за да повеќе не ни се случува – рече Мицкоски на увид во завршената изградба на канал и пешачка патека на реката Мала Рада, во Драчево, како и во реконструкцијата на коритото и изградбата на потпорни ѕидови.

Проектот опфати темелна рехабилитација на дното и бетонските профили на коритото, довршување на венецот на потпорните ѕидови, како и уредување на потегот во должина од 2.5 километри пред вливањето во реката Вардар. Дополнително, долж левата страна на реката е изградена нова пешачка патека, збогатена со нова урбана опрема, клупи и модерно осветлување. Станува збор за инвестиција во вредност од околу 58.000.000 денари, реализирана во две фази и целосно финансирана со средства од Владата на Македонија, преку Министерството за животна средина и просторно планирање.

– Би сакал да и честитам на градоначалничката, на советниците, на администрацијата коишто се од Кисела Вода, на сите коишто беа вклучени во организирањето на овој проект. Проектот, како што заменик-министерката во МЖСПП веќе кажа, е обезбеден со средства од страна на Владата и понатаму продолжуваме да финансираме проекти коишто се од значење за граѓаните во периодот којшто следи.

Исто така сакам да се заблагодарам на сите коишто се вклучени во реализација на овие проекти, затоа што на овој начин практично ние реализираме или вкупно ќе бидат реализирани повеќе од 1.200 проекти, нешто што досега се нема случено во независна Македонија.

Најголемиот дел од тие проекти се во фаза на реализација, дел се веќе завршени, дел ќе отпочнуваат така што она коешто го започнавме кога бевме избрани како Влада еве продолжуваме да го реализираме и ценам дека на овој начин драматично го подобруваме квалитетот на живот на граѓаните – рече Мицкоски.

The post РЕАЛИЗИРАМЕ ПРОЕКТИ ШТО ЗНАЧАТ ПОКВАЛИТЕТЕН ЖИВОТ ЗА ГРАЃАНИТЕ Мицкоски на увид на реконструиран канал во Драчево appeared first on plusinfo.mk.