Воздушните сирени попладнево повторно одекнаа во Обединетите Арапски Емирати. Системите за одбрана веднаш реагираа на ракетна закана од Иран.

Министерството за внатрешни работи  на Емиратеите соопшти дека моментално одговара на ракетните закани од Иран. Жителите добија јасни инструкции да останат на безбедно. Обемот на нападот сè уште не е целосно утврден.

Инцидентот доаѓа веднаш по претходен удар од Иран. Тој беше прв по прекинот на огнот на почетокот на април. Новиот напад го отвора прашањето дали примирјето се распаѓа.

„Единствена причина е самоодбраната“

Портпаролот на иранското МНР, Есмаил Багаеи, ја објасни позицијата на Техеран.

– Не чувствуваме никакво непријателство кон која било земја во регионот – изјави тој.

Тој додаде дека нападите се одговор на агресија.

– Единствената причина е одбрана од активна агресија од САД и Израел – рече Багаеи.

Според него, регионалните држави се дел од поширок конфликт. Тој тврди дека тие обезбедуваат логистика за американски операции.

– САД ги користат базите на соседните земји за напади – изјави тој за „Прес ТВ“.

Иран смета дека военото присуство на САД носи нестабилност. Оваа теза се повторува како главна линија на одбрана.

Нападнатите чамци во Теснецот не биле воени?

Иран ги обвини САД за убиство на 5 цивили во Ормускиот Тeснец, тврдејќи дека нивните сили нападнале патнички бродови, а не бродови што припаѓаат на Корпусот на Исламската револуционерна гарда (ИРГЦ), како што тврдеа Американците.

Ова тврдење е во спротивност со изјавата на американскиот адмирал Бред Купер, кој рече дека силите на Централната команда (ЦЕНТКОМ) потопиле 6 брода на ИРГЦ кои се обиделе да се мешаат во американската мисија за евакуација на заглавените бродови од Ормуз.

Операцијата на САД, наречена „Проект Слобода“, го потресе кревкото примирје постигнато меѓу Иран и САД на 8 април и ги обнови стравувањата од можна ескалација.

„Трамп тропа глупости, нема одлука без Техеран“

Советникот на врховниот лидер на Иран, Мохамед Мокбер, директно го нападна шефот на САД Доналд Трамп.

– Американскиот претседател зборува многу глупости – изјави тој.

Тој зборуваше за Ормускиот теснец. Според него, тој нема да се отвори без одлука на Иран.

Мокбер испрати порака дека контролата останува во рацете на Техеран. Изјавата доаѓа како одговор на американскиот план „Проект слобода“.

Тој план има цел да ги ослободи блокираните трговски бродови. Ситуацијата во Заливот затоа станува уште понеизвесна.

12 ракети, тројца повредени

Министерството за одбрана на Емиратите соопшти дека досега биле пресретнати 12 балистички ракети. Пресретнати биле и 3 крстосувачки ракети и 4 дрона. Дел од заканата сепак пробила одбранбени линии.

Три лица се полесно повредени. Напад со дрон на Иран во понеделникот погодил нафтено пристаниште во големата постројка Фуџаира. Пожар избувнал, додека повредени биле тројца индиски државјани.

The post ИРАН ПАК ГИ ГАЃА ЕМИРАТИТЕ, ВЕЛИ ДЕКА Е ВО САМООДБРАНА Техеран ги обвини САД за убиство на 5 цивили appeared first on plusinfo.mk.

Американскиот министер за одбрана, Пит Хегсет, од Пентагон порача дека САД не бараат тепачка во Ормускиот Теснец, но дека нема да прифатат блокада од Иран. Според Хегсет „Проектот Слобода“ на САД дава резултати.

– Минувањето на двата брода покажува дека пловењето низ Ормуз е слободно – изјави Хегсет на прес-конференција со претседател на Здружениот штаб на вооружените сили на САД, Ден Кејн.

И покрај размената на оган, САД инсистираат дека примирјето е на сила. Хегсет оцени дека иранските активности не ја преминале границата за нов конфликт.

„Ова е меѓународна уцена“

Американската страна остро реагираше на потезите на Иран.

– Блокирањето на Ормускиот Теснец е меѓународна уцена – рече Хегсет.

Тој оцени дека таквото однесување е неприфатливо за глобалната економија.

Проект „Слобода“ е одделна мисија?

Хегсет објасни дека новата мисија на САД е одвоена од претходните акции. Според него, „Проект Слобода“ има една јасна задача – заштита на комерцијалниот транспорт.

Мисијата, вели, е привремена, но со јасна цел да спречи нови инциденти.

Црвено-бело-сина купола 

Пентагон зборува за силно воено присуство во регионот. Хегсет најави „црвено-бело-сина купола“ над Теснецот.  Системот обезбедува постојан надзор на трговските бродови. Според него, 6 ирански бродови веќе се повлекле под притисок.

– Иран ќе се соочи со преголема американска огнена моќ ако се обиде да го наруши проектот – рече тој.

Во исто време, повика на разум и воздржаност.

„Под ниво на ескалација“

Ден Кејн изнесе конкретни податоци.

– Иран ги нападнал американските сили 10 пати од 8 април – рече Кејн.

Тој додаде дека нападите се „под прагот“ за целосна ескалација.

Одлуката за преминување на тој праг, како што рече, не е на негово ниво.

„Глобалната економија како заложник“

Кејн го обвини Иран за притисок врз светската трговија.

– Се обидуваат да го оружуваат синџирот на снабдување преку Ормуз – изјави тој.

Според него, тоа претставува обид да се држи економијата во заложништво.

Американската страна ја нагласува и економската страна на кризата. Целта е да се спречи глобален недостиг на енергенси. Пентагон тврди дека најголем удар би претрпеле најсиромашните земји.

The post НЕ БАРАМЕ ТЕПАЧКА, ИРАН УШТЕ НЕ ЈА ПРЕМИНАЛ ЛИНИЈАТА Хегсет уверува дека примирјето опстојува appeared first on plusinfo.mk.