„Њујорк тајмс“ објави рецензија за документарниот филм „Приказната за Силјан“ (The Tale of Silyan) на македонската режисерка Тамара Котевска, оценувајќи го како „лирично и необично остварување што ја спојува документаристиката со елементи на магичен реализам“.

Во текстот со наслов „In ‘The Tale of Silyan,’ the Storks Are Watching“ (Во „Приказната за Силјан“, штрковите гледаат), авторката Алисa Вилкинсон пишува дека филмот претставува спој од документарец за природата, социјална приказна и бајка, при што присуството на штрковите му дава „вонсветовна атмосфера“ на приказот на едно село во изумирање во Македонија.

Рецензијата прави и јасна паралела со „Медена земја“, филмот на Котевска од 2019 година, кој доби две номинации за Оскар. Весникот наведува дека и новиот филм ја продолжува истата тематска линија – врската меѓу традиционалното земјоделство, климатските промени и миграцијата – но во „The Tale of Silyan“ таа ескалира во помистична и подивa визуелна форма.

„Филмот на Котевска од 2019 година, „Медена земја“, првиот што доби номинации за Оскар и во меѓународната и во документарната категорија, исто така, ги разгледа начините на кои промените во животната средина, традиционалното земјоделство и миграцијата беа испреплетени во рурална Македонија. Тој филм имаше соновна атмосфера што се пренесува и на „Приказната за Силјан“, но овој има чудна дивост, благодарение на присуството на штрковите. Тие изгледаат како уште еден збир жители во селото, особено затоа што човечката популација се чини дека постојано се намалува. Штрковите постојано гледаат, како духови, со нивните издолжени пропорции и вратови што можат целосно да се свиткаат наназад“, пишува Вилкинсон.

„Њујорк Тајмс“ посебно ги истакнува интимните сцени, како моментите кога Никола се грижи за повреден штрк во својот дом, но и широките визуелни кадри што го прикажуваат селото како простор што тивко исчезнува. Според весникот, токму легендата вткаена во филмот ја засилува неговата вистинитост – бидејќи приказните за заминувањето и враќањето на младите луѓе се повторуваат со генерации, а штрковите, симболично, секогаш биле таму да го набљудуваат тој циклус.

Американската премиера на документарниот филм „Приказната за Силјан“ успешно се одржа завчера во Меѓународниот филмски центар (IFC) во Њујорк.

Овој значаен настан, покрај поддршката од дистрибутерот и продукцијата, беше реализиран и со поддршка од Агенцијата за филм во рамки на кампањата за промоција на филмот пред оскаровските номинации, во клучен период и пред релевантната американска публика.

убликата со огромен интерес ја проследи проекцијата, а веднаш потоа следеше разговор со авторите. Режисерката Тамара Котевска и кинематографот Жан Дакар лично присуствуваа и се обратија пред присутните.

Реакциите беа исклучително позитивни. Публиката беше видливо воодушевена од искреноста на приказната, визуелната поетика и автентичноста која филмот ја носи. Присутни беа и бројни претставници од македонската заедница во Њујорк кои гордо го проследија овој важен момент.

Со оваа проекција, „Приказната за Силјан“ го направи својот најзначаен чекор во американската кампања, продолжувајќи да го гради патот кон потенцијална двојна оскаровска номинација — и како македонски кандидат за најдобар странски филм, и преку пријавата на National Geographic Documentary Films за најдобар документарен филм, соопштија од Агенцијата за филм.

The post ЛИРИЧЕН СПОЈ НА ДОКУМЕНТАРИСТИКА И МАГИЧЕН РЕАЛИЗАМ „Њујорк тајмс“ објави рецензија за „Силјан“ appeared first on plusinfo.mk.

Бал-Кан-Кан е македонски филм во италијанска копродукција, кој го следи животот на македонски бегалец кој патува низ Балканот за да ја пронајде својата свекрва која е завиткана во тепих. Оваа необична мисија го води низ различни земји и култури, додека се соочува со разни комични и трагични ситуации. Филмот вешто ги прикажува апсурдите и трагикомичните аспекти на животот на Балканот.

Сценариото на Митревски е интелигентно и полно со остри дијалози. Филмот успешно ги комбинира комичните и драматичните елементи, создавајќи приказна која е истовремено забавна и трогателна. Сцените се внимателно осмислени за да ги истакнат апсурдните и често суровите аспекти на животот на Балканот.

Музиката на филмот е уште еден силен елемент, со разновиден саундтрак кој дополнително ја збогатува атмосферата на филмот. Традиционалната балканска музика е вешто интегрирана, што придонесува за автентичноста и културниот контекст на приказната.

Бал-Кан-Кан е филм кој не само што забавува, туку и поттикнува на размислување за комплексните политички и социјални прашања на Балканот.

Добитник е на Специјалната награда од филмските критичари на Русија на XXVII Московски Меѓународен Филмски Фестивал одржан во 2005 година.

Возрасна категорија: 16 години
Влезница: 150 денари

БАЛ-КАН-КАН
(Bal-Kan-Kan)
Игран филм, Македонија, Италија
2004, 89 мин., колор, ДЦП
Режија: Дарко Митревски
Сценарио: Дарко Митревски
Улоги: Владо Јовановски, Адолфо Марџота, Ѕвездана Ангеловска, Бранко Ѓуриќ, Тони Михајловски, Никола Којо

The post 20 ГОДИНИ ОД ПРЕМИЕРАТА НА БАЛ-КАН-КАН Одбележување на јубилејот со проекција во Кинотека appeared first on plusinfo.mk.

Проекциите на ММФ се дека Македонија ќе ја заврши 2023 година со двоцифрена инфлација.

„Во моментот Македонија има за 50% поголема инфлација од Еврозоната. Бројките и фактите покажуваат дека инфлацијата не е увезена, туку дека е во целост производ на неспособноста и криминогеноста на Ковачевски и Ахмети. И наместо власта да презема мерки за намалување на инфлацијата, Ковачевски го зголемува ДДВ за 1.000 производи, а со тоа и цените на најголем број од основните прехранбени продукти“, тврдат од ВМРО ДПМНЕ.

Најголемата опозициска партија преку соопштение вели дека додека народот се обидува да го преживее секој месец, борејќи се со енормната инфлација, која го јаде нивниот леб, во владиното бифе, каде јадат високите функционери на ДУИ и СДС, има бифтеци и сланина, по багателни цени.

„Истите овие, што се сладат секојдневно по багателни цени, во владиното бифе, ги поскапеа лековите, витамините, детската храна, конзервираните производи, цвекло, брашно, чај, урда, сирење, кашкавал, зденки, замрзнати теста, феферони и овие производи ги прогласија за луксуз. Во Македонија веќе до крајот на оваа година, според меѓународните организации 600.000 граѓани ќе живеат на самиот раб на егзистенција, а околу 80 илјади граѓани, живеат живот, со помалку од едно евро на ден. Ваква безидејност и бедотија никогаш немало во Македонија. Тоа ќе се смени набрзо и новата влада, предводена од ВМРО- ДПМНЕ, веднаш ќе работи на подобрување на стандардот на граѓаните“, пишува во соопштението на ВМРО-ДПМНЕ.

The post ММФ ПРОГНОЗИРА ДВОЦИФРЕНА ИНФЛАЦИЈА ЗА МАКЕДОНИЈА Опозицијата го обвини Ковачевски, наместо да им помогне на граѓаните, премиерот дополнително ги зголемува цените appeared first on plusinfo.mk.

На дискусијата организирана од Македонската платформа против сиромаштијата, по повод Меѓународниот ден за искоренување на сиромаштијата, 17 октомври, Јовановиќ ги презентираше наодите од студијата „Влијанието на инфлацијата врз сиромаштијата во Македонија“, која мери и проценува за колку ќе се зголеми сиромаштијата во државава како последица на поскапувањето, односно во 2023 година споредено со 2021 година.

Во анализата направена е процена за два вида сиромаштија – екстремна и умерена. Во екстремна сиромаштија спаѓаат оние кои живеат со помалку од 60 денари на ден, а во умерена сиромаштија се луѓе што живеат со помалку од 200 денари на ден.

Резултатите од анализата покажуваат дека екстремната сиромаштија, како последица на оваа криза, ќе порасне за најмалку 12.000, а најмногу 28.000 лица, што изнесува помеѓу 20 и 50 отсто зголемување во однос на претходната состојба. Пред кризата земјава имала 56.000 луѓе што живеат во екстремна сиромаштија.

Тој нагласи дека во умерената сиромаштија бројките сè уште поголеми, односно таа ќе порасне за помеѓу 80.000 и 160.000 лица. Пред кризата таа бројка била околу 360.000 луѓе, сега според најновите податоци може да достигне до 510.000, рече тој.

Неговите препораки се државата да ги замрзне цените и да ги држи замрзнати подолг временски период, да се спречи растот на цените и да се стави под контрола инфлацијата и паралелно со тоа да се зголемат сите примања на луѓето.

Со ова нема да се намали тој број. Бројот на сиромашни драстично ќе порасне, но барем малку да се ублажи, порача Јовановиќ.

The post 510.000 СИРОМАШНИ, 84.000 ЕКСТРЕМНО СИРОМАШНИ!? Сиромаштијата во земјава незапирливо расте appeared first on plusinfo.mk.

– Дваесет и пет години граѓаните во Штип бараа да се отвори киносала, затоа заедно со Киноверзум направивме соработка, го отстапивме просторот на мултимедијалниот центар Киро Глигоров за да се проектираат најновите филмови. Се надевам и очекувам штипјани да ја посетат ова киносала која е една од најсовремените со најсовремена проекција на филмови – вели Јорданов.

Михаела Ѓорчева, основач на Киноверзум, посочи дека ова е прв ласерски проектор со којшто очекуваат врвен квалитет на слика.

– Нормално ги носиме најдобрите и најновите филмови во Киноверзум во Штип. Штипјани може да очекуваат секој четврток нови проекции. Наскоро доаѓаат Копенхамер, доаѓа Барби, така што се надеваме дека 2023 година ќе биде година на добри филмови. Цената на влезниците е 200 денари, а имаме попусти за нашите клуб членови. Инвестицијата досега надминува 100 илјади евра за салата во Штип – вели Ѓорчева.

Во Штип денеска беше поставен и камен темелник на новата катна гаража која ќе биде лоцирана позади Центарот за култура „Ацо Шопов“. Градоначалникот на Штип, Јорданов посочи дека Општина Штип парите на граѓаните одлучи да ги инвестира и во катна гаража на две нивоа.

– Вкупната инвестиција е 11 милиони денари, рокот на изведба е 60 дена. Очекувам во овој временски рок да се заврши, 56 паркинг позиции се предвидени на самата гаража. Ова не е крајна цел затоа што ќе продолжиме во наредните месеци и со дополнителни две катни гаражи во централното подрачје втората катна гаража која ќе почне практично да се гради е помеѓу стоковната куќа „Нама“ и првата станбена зграда веднаш до неа, а третата катна гаража е веднаш кај зградата „Промаја“ која што е едно тесно грло во градот, има потреба од повеќе паркинг позиции – рече Јорданов.

Тој додаде дека се работи на проширување на главните сообраќајници и „Васил Главинов“ и „Маршал Тито“, на нов мост на река Отиња.

– Кога ќе се заврши ова како целина до крајот на годината верувам дека значително ќе се подобри состојбата со сообраќајниот мтеж во централното градско подрачје – вели Јорданов.

The post ШТИП ДОБИ КИНО ПОСЛЕ 25 ГОДИНИ Штипјани ќе може да ги следат најновите филмови во една од најсовремените киносали appeared first on plusinfo.mk.

Дури за 50 години земјава би можела да му се приклучи на европското семејство, предвидува Институтот за европска политика на Косово (ЕПИК), а како што наведуваат истражувачите, резултатите се базирани според брзината со којашто земјите од Западен Балкан ги спроведуваат реформите.

Според проекцијата, најблиску до членство во Европската Унија е Црна Гора за која се предвидува дека ќе ѝ бидат потребни 45 години за да стане полноправна членка на ЕУ.

Второто и третото место го делат Македонија и Србија за кои е предвидено дека во 2072 година ќе станат дел од Унијата.

На четврто место е Албанија – 60 години, на петтото место е Косово – за 75 години, а на последното место се наоѓа Босна и Херцеговина за која членството во Унијата се предвидува дека ќе се случи за 80 години, односно во 2102 година.

The post МАКЕДОНИЈА ЌЕ СТАНЕ ЧЛЕНКА НА ЕУ ЗА ЦЕЛИ 50 ГОДИНИ? Во најлоша позиција е Босна и Херцеговина – предвидено е да ѝ се приклучи на Унијата во 2102 година appeared first on plusinfo.mk.

Фестивалот го организира Амбасадата на Германија во земјава, во соработка со Кинотеката, Балканскиот центар за соработка „Лоја“ во Тетово и Куќата на Европа во Струмица и Крива Паланка.

Во наредните денови по отворањето, 16, 17 и 18 октомври, на програмата се и филмовите: „Рабије Курназ против Џорџ В. Буш“, „Светот ќе биде поинаков“ и „A E И О У – Брзата азбука на љубовта“.

Деновите на германскиот филм во сабота со поздравно обраќање ќе ги отвори амбасадорката на Германија Анке Холштајн. Покрај во Скопје, проекции ќе има и во Тетово, Кавадарци, Штип, Струмица, Крива Паланка, Куманово Кратово.

Филмовите се на германски јазик, со превод на македонски и на албански. Влезот за проекциите во Кинотеката е 100 денари, а бесплатен во другите градови.

The post ДЕНОВИ НА ГЕРМАНСКИ ФИЛМОВИ Проекциите ќе бидат во неколку градови  appeared first on plusinfo.mk.

Прозорците на патничките авиони може да заминат во историјата.

Компанија за дизајн нуди да ја прилагоди внатрешноста на приватните авиони со „OLED“ екрани од ѕид до ѕид за да прикажува филмови или пејзажи по избор на клиентот.

– Во иднина, прозорците на авионите може да исчезнат – велат од „Yasava“, швајцарската компанија која стои зад концептот.

Екраните „OLED“ може да се направат во различни големини, како и да ги покриваат постојните прозорци, пренесува „Daily Mail“.

Погледите прикажани на нив може да се променат со еден клик додека авионот е во движење.

Рекламите на „Yasava“ покажуваат екрани кои прикажуваат смирувачка подводна сцена, релаксирачка шума и златно небо над облаците.

Сепак, можно е и патниците да гледаат филмови или ТВ-емисии.

Според „Yasava“, концептот се покажа популарен кај нејзините клиенти, „тие не можат да престанат да зборуваат за тоа“. Компанијата во моментов работи на пет проекти за авиони.

Сепак, „OLED“-екраните не се нудат индивидуално, туку како дел од пакет услугата за целосен дизајн на кабината и надградба на внатрешноста на авионот.

„Yasava“ може да ги прилагоди екраните на различни модели на авиони.

Уште во 2018 година, „ Emirates“ предвидоа дека прозорците на патничките авиони на крајот ќе бидат отстранети.

Ова ќе го направи леталото полесено, соодветно поекономично, како и помоќно, побрзо и способно да лета на поголема надморска височина.

The post Исчезнуваат прозорците од авионите! Што ќе ги замени? (ФОТО) appeared first on plusinfo.mk.

Веднаш по филмот, публиката ќе може да проследи видеообраќање на хрватскиот писател Миљенко Јерговиќ, кој е голем поддржувач на најуспешниот македонски документарец досега.

Фестивалот „ПРО-ЗА Балкан“ синоќа беше официјално затворен во Куршумли ан, каде се реализира во изминатите три дена. Вообичаено, третата вечер на интернационалниот литературен фестивал беше посветена на лауератот на наградата „Прозарт“ за авторски придонес кон книжевноста на Балканот, која годинава ја доби авторот Исмаил Кадаре. Од оправдани причини, Кадаре не можеше да дојде во Скопје, а наградата му беше испратена во Париз.

Неговиот говор што го подготви за македонската публика го прочита уметничкиот директор на фестивалот, Алексндар Прокопиев, кој меѓу другото истакна: „Досега сме имале навистина големи имиња како добитници на наградата, но Кадаре е великан!“

– Награда што ја слави литературата на Балканот е многу добредојдено признание од истакнати литературни творци, на што сум горд што можам да дадам придонес. Литературата на Балканот е глобална литература, затоа што толку многу балкански автори, вклучувајќи ме и мене се читаат од превод. Уште повеќе, нашите регионални прашања се глобални прашања – каде, на пример, завршува Европа? Не станува збор за прашање на кое литературата – од Балканот или која било друга – може да одговори дефинитивно, но е прашање на кое литературата и историјата се покажале фасцинантни. Се надевам дека читателите ќе ја искористат можноста да нурнат во литературата во овие непријатни моменти. Јас, во овој деликатен контекст на сегашното време, сум многу благодарен што сум повикан да ја прифатам оваа награда – истакна Кадаре во својот говор.

Писателите-гости на фестивалот, Елизабета Баковска, Калина Малеска, Маја Солар, Магдалена Блажевиќ, Мухарем Баздуљ, Углеша Шајтинац, како и Дамир Каракаш преку видео ни прочитаа извадоци од нивни дела.

Интернационалниот литературен фестивал „ПРО-ЗА Балкан“ е во организација на издавачката куќа „Прозарт“, а е поддржан од Министерството за култура, ТРАДУКИ, Институтот „Јунус Емре“ од Скопје, Делегацијата на ЕУ, Град Скопје, амбасадата на Босна и Херцеговина и од Кинотеката.

The post Документарецот „Медена земја“ вечерва во Кинотека во рамки на фестивалот „ПРО-ЗА Балкан“ appeared first on plusinfo.mk.

Програмата ја затвораат британскиот филм „Фани Лај“ (2019) и култното ремек-дело на Фелини „Осум и пол“ (1963).

Скопје филм фестивал, на 23-тото издание понуди повеќе од дваесет играни и документарни филмови поделени во три програми: Панорама на светски филм, Денови на квир кино и Ретроспективна програма на филмови од Федерико Фелини во соработка со Кинотека на Северна Македонија.

Фестивалот во рамки на својата годинешна програма ја одбележа и стогодишнината од раѓањето на книжевникот, филмски сценарист и режисер, Славко Јаневски.

The post Завршува годинешниот 23. Скопје филм фестивал appeared first on plusinfo.mk.