Легендарниот музичар Бери Манилоу, познат по својот незаборавен хит „Копакабана“, објави дека му е дијагностициран рак на белите дробови на 82-годишна возраст.

Тој ја сподели оваа тешка вест со обожавателите преку Инстаграм, откривајќи дека дијагнозата дошла по долгата борба со бронхитис.

Во својата објава, Манилоу прво ги спомена неодамнешните добротворни концерти.

– Завршивме пет прекрасни божиќни концерти во театарот Мекалум во Палм Дезерт. Ова беше седми пат како ги организираме овие добротворни настапи и успеавме да собереме милиони долари за непрофитни организации низ долината Коачела.

Ви благодариме на сите што купивте билети и ги поддржавте овие прекрасни акции – напиша Манилоу.

 

View this post on Instagram

 

A post shared by Barry Manilow (@barrymanilowofficial)

Потоа откри дека неодамна преболел шестнеделен бронхитис, кој подоцна се вратил и траел уште пет недели.

Иако се опоравил и се вратил на сцената, неговиот лекар го испратил на магнетна резонанца како превентивна мерка.

– Иако се опоравив од бронхитис и ги продолжив моите настапи во Вестгејт Лас Вегас, мојот матичен лекар нареди магнетна резонанца само за да се увери дека сè е во ред.

За жал, магнетната резонанца откри канцерогена дамка на мојот лев бел дроб кое треба да се отстрани.

За среќа, благодарение на брзата реакција и на мојот фантастичен доктор, туморот беше откриен рано, што е многу добра вест – напиша тој.

Да се потсетиме на најпознатиот хит на Манилоу, Копакабана:

The post ЛЕГЕНДАРНИОТ МУЗИЧАР ОТКРИ ДЕКА ИМА РАК НА БЕЛИ ДРОБОВИ Бери Манилоу сподели на Инстаграм вести за својата здравствена состојба, но и оптимизам appeared first on plusinfo.mk.

Познатиот продуцент Алесандро Марко Посати  и докторот Антонио Чирла  се во домашен притвор под сомнение дека со години силувале најмалку 6 жени под изговор дека снимале промотивни видеа за лажна гинеколошка ординација, и измамиле уште 135 да дојдат на лажни прегледи во Милано.

Според обвинителството, од 2016 година, Посати и Чирла покануваат актерки и модели, нудејќи им паричен надомест од 150 до 500 евра за снимање едукативни видеа со цел да се промовира наводната гинеколошка ординација.
Меѓутоа, операцијата не постоела, туку била позадина за инсценирани „прегледи“ за време на кои девојките биле сексуално злоставувани. Сè се случило во студио во Милано, во просториите на компанија која не е предмет на истрагата, која ја изнајмиле користејќи лажни документи.

Посати, кој е роден во САД и живее во Венеција, е сопственик на продуцентска компанија основана во 2012 година. Според истрагата, тој дејствувал како снимател во овие продукции. Полицијата пронашла видеа од силувањата во неговиот уред, кои потоа биле споделувани на групите на Телеграм каде што се разменуваат видеа на тема таканаречена „клиничка“ порнографија.

Обвинителството тврди дека Посати и Чирла систематски ги мамеле жените со години и ги наведувале да се согласат на снимање, не знаејќи дека ќе бидат сексуално експлоатирани. Во е-поштата и преписката, тие се претставувале како жени, ветувале присуство на персонал составен исклучиво од жени и користеле лажни идентитети за да ја добијат довербата на жртвите.

Според наредбата на судијата на претходна постапка Матијас Фиорентини, кој го прифати барањето на обвинителите за домашен притвор, Посати и Чирла мора да бидат изолирани не затоа што претставуваат ризик од бегство, туку затоа што постои „безбедност“ за да продолжат со своите криминални активности.

Истрагата започна откако една од девојките го пријавила слуќакот во јуни 2024 година, а досега се идентификувани најмалку 135 жени кои биле измамени и најмалку 6 кои биле сексуално нападнати, од кои некои биле повикани повеќе од еднаш.

The post ПОЗНАТИОТ ПРОДУЦЕНТ МАРКО ПОСАТИ ОБВИНЕТ ЗА СИЛУВАЊЕ НА 6 ЖЕНИ Тој и доктор од Милано измамиле 135 жени да дојдат на „гинеколошки преглед“ appeared first on plusinfo.mk.

Судот во Њујорк потврди дека раперот Шон „Диди“ Комбс го отфрлил договорот за признавање вина од федералните обвинители, кој би му овозможил намалена затворска казна во замена за признание на делата, објави Би-Би-Си њуз.

Музичарот се појавил на суд во четвртокот, носејќи очила и беж затворска униформа. Пи Диди изгледал расположено и им мавнал на присутните во салата при пристигнувањето.

Одлуката е донесена само 3 дена пред почетокот на судењето, кое вклучува сериозни обвиненија за рекетирање, трговија со луѓе и за организирање проституција.

Судијата лично го прашал музичарот дали ја одбил понудата на обвинителите.

– Да, одбивам, чесен Судијо – одговорил Комбс на сослушувањето.

Деталите за одбивањето не се објавени. Судењето започнува в понеделник со избор на порота, додека воведните зборови се закажани за 12 мај.

Комбс се соочува со доживотен затвор доколку биде осуден по сите точки од обвинението.

Обвинителите тврдат дека познатиот продуцент со години користел принуда за да ги натера жените на секс за време на неговите таканаречени „бели забави“. Во обвинението се тврди дека тој водел криминална организација која систематски злоупотребувала повеќе жртви низ целата земја.

Еден од клучните сведоци ќе биде неговата поранешна партнерка, пејачката Кеси Вентура, која јавно го обвини за силување и за долготрајно злоставување во 2023 година. Тој случај бргу беше решен надвор од судот, а деталите од спогодбата не се познати.

ОТФРЛЕНА ТУЖБАТА ПРОТИВ ПИ ДИДИ ​​Адвокатите ја прославија одлуката на судот, еве како дошло до шокантен пресврт во случајот

The post ПИ ДИДИ РАСПОЛОЖЕНО ИМ МАВНАЛ НА ПРИСУТНИТЕ ВО СУДОТ Раперот ја одбил спогодбата за признавање вина appeared first on plusinfo.mk.

Почина истакнатиот македонски продуцент Панче (Панта) Мижимаков, соопшти денеска Друштвото на филмски работници на Македонија (ДФРМ). Мижимаков зад себе остави обемна биографија богата со професионални успеси.

Работел на продукции на повеќе македонски филмови како „Среќна Нова”, „Преку Езерото”, „Џипси Меџик”, „Миротворец”, „Татко (Колнати сме Ирина)”, „Најдолгиот пат”, „Исправи се Делфина”, „Црвениот коњ”, „Тајната книга“ и други.

Студирал на Академијата за театар, филм, радио и ТВ во Белград и работел на копродукции во Македонија и во Југославија. Во 1991 година ја основа приватната продукциска куќа „Пегаз“.

„Филмот ни даде повеќе нам, отколку ние него. Ни даде сѐ. Работејќи и патувајќи низ светот, запознавме луѓе за кои не сме можеле ни да замислиме. Кога би бирал пак во животов, пак би работел во филмот“, велат од ДФРМ простувајќи се од својот колега.

The post ПОЧИНА ПРОДУЦЕНТОТ ПАНЧЕ МИЖИМАКОВ Зад себе остави обемна професионална биографија appeared first on plusinfo.mk.

Поттикната од тоа, ЕБУ за „Евровизија 2025“ реши да воведе и „продуцент за добросостојба“ кој ќе се грижи за уметниците и персоналот… Како дел од новите правила на однесување и протоколарни должности и заради поголема одговорност за сите вклучени во настанот.

„Протоколот е насочен на обезбедување безбедност, благосостојба и успех на сите уметници-учесници. Тоа ја нагласува заедничката одговорност на ЕБУ, домаќинот и радиодифузерите коишто учествуваат во заштитата на уметниците од непотребна физичка или емоционална вознемиреност. Протоколот дава насоки за шефовите на делегации за ефективна поддршка на уметниците, минимизирање на опасностите и поттикнување позитивно искуство во текот на нивното учество на Изборот за песна на Евровизија“, соопшти ЕБУ.

Новите правила, меѓу другото, пропишуваат: зони за неснимање на битниот простор на уметниците, со цел на учесниците да им се обезбеди приватност и подготовка за нивните изведби, повеќе проби зад затворени врати за да им се помогне на уметниците да се сосредоточат на нивните изведби без одвлекување на вниманието, оптимизирани распореди на проби заради сигурност дека уметниците имаат многу време за одмор и уживање во градот-домаќин, воведување продуцент за добросостојба, кој би бил клучна точка за контакт за уметниците и персоналот за средина каде што ќе владее безбедност, почит и поддршка.

Овие промени се осмислени и како гаранција дека уметниците ќе бидат самоуверени на сцената пред медиумите и публиката.

The post „ЕВРОВИЗИЈА“ ГИ МЕНУВА ПРАВИЛАТА Учесниците добиваат продуцент за добросостојба appeared first on plusinfo.mk.

Квинси Џонс, една од најзначајните личности во современата музика, почина на 91 година.

Талентираниот музички титан соработуваше со Мајкл Џексон, Френк Синатра, Реј Чарлс и стотици други музичари, а снимаше и музика за филмови и за телевизија.

Публицистот на Џонс, Арнолд Робинсон, изјави дека тој починал во својот дом во Бел Ер, во Лос Анџелес, окружен од семејството.

„Денеска со скршено срце мораме да објавиме дека почин нашиот татко и брат, Квинси Џонс. Иако ова е неверојатна загуба за семејството, го славиме неговиот голем живот и знаеме дека никогаш нема да има друг како него“, објави семејството.

Како композитор, диригент, аранжер, продуцент, музичар и пејач, Џонс имаше неспоредливо плодна кариера која траеше повеќе од седум и пол децении. Од детството меѓу уличните банди во Чикаго, па сѐ до најголемите височини на шоу-бизнисот, Џонс беше еден од првите црни извршни директори во САД, оствари успешна кариера во Холивуд и создаде исклучителен музички каталог.

Се дружел со претседатели, светски лидери, со филмски и со музички ѕвезди, испишал историја како продуцент на еден од најпродаваните албуми на сите времиња, „Трилер“ на Мајкл Џексон, и го надгледувал снимањето на песната „Ние сме светот“ (We Are the World) во 1985 година.

Листата на награди и почести зафаќа 18 страници во неговата автобиографија од 2001 година, која денес вклучува 28 награди Греми, една награда Еми и два почесни Оскара.

Џонс ја почнал музичката кариера во џезот како трубач, при што се стекнал со углед, соработувајќи со најголемите џезери од 1950-те. Во 1961 година станал потпретседател на дискографската куќа „Меркјури“, по што добил покана да работи и во Холивуд, каде што компонирал музика за речиси 40 филма и добил 7 номинации за Оскар. Подоцна се обидел и во полето на филмската продуција, во што најголемиот успех му беше „Бојата на пурпурот“ од 1985, кој имаше 11 номинации за Оскар.

Џонс со голема леснотија се снаоѓал во сите музички стилови, па меѓу музичарите со кои соработувал има и џез великани (Дизи Гилеспи, Каунт Бејзи, Дјук Елингтон), рапери (Снуп Дог), РнБ ѕвезди (Чака Кан) и класични пејачи (Френк Синатра, Тони Бенет).

The post ПОЧИНА ЛЕГЕНДАРНИОТ КВИНСИ ЏОНС Беше меѓу најважните имиња во современата музика appeared first on plusinfo.mk.

Вивиен асистираше во бродвејската продукција на мјузиклот „The Outsiders“, на кој Анџелина е продуцентка. Според медиумите, славната актерка го инспирирала учеството на нејзината ќерка Вивиен во проектот, истакнувајќи ја нејзината поддршка на уметноста и нејзината улога во помагањето во продукцискиот тим.

To kick off our ‘Best of Broadway’ week, Angelina Jolie and cast members from ‘The Outsiders’ joined us on the TODAY Plaza! pic.twitter.com/fTp1lMOp7n

— TODAY (@TODAYshow) May 13, 2024

Не е јасно дали Вивиен законски го променила своето име. Претставниците на Анџелина Џоли и Бред Пит одбиле да дадат коментар.

Вивиен не е единствена од децата на Анџелина Џоли што се откажала од презимето на Бред Пит. На прослава во колеџот Спелман, во ноември минатата година, најстарата посвоена ќерка на поранешната двојка, Захара се претстави како „Захара Марли Џоли“.

Промените на презимето на Вивиен и Захара доаѓаат по заладувањето во односот на Бред Пит со неговите деца откако Анџелина Џоли во 2016 година првпат поднесе барање за развод и единствено физичко старателство над нивните деца – Вивиен, Захара, Нокс, Медокс, Пакс и Шајло.

Пред две годни извор близок до Бред Пит ги откри неговите надежи за подобрување на односите со неговите деца во услови на битка за старателство со Анџелина Џоли. Пит се соочува со предизвици во одржувањето постојан контакт со своите деца откако Џоли поднесе барање за развод, но останува оптимист за обновување на нивната врска.

The post 🎥 УШТЕ ЕДНА ЌЕРКА НА АНЏЕЛИНА ЏОЛИ НЕМА ДА БИДЕ ПИТ Работи заедно со мајка си и го брише презимето на Бред! appeared first on plusinfo.mk.

Продуцентот Родни „Лил Род“ Џонс, кој го тужи Паф Деди, тврди дека дружењето на раперот со принцот и други познати личности му дал на музичарот и неговите соработници условно речено „легитимитет“, односно, како што рекоа неговите адвокати, таквите контакти привлекувале гости на неговите забави организирани поради наводна трговија со луѓе. А раперот имал „пристап до познати личности како познати спортисти, политичари, уметници, музичари, меѓународни претставници како британското кралско семејство, односно принцот Хари“, откриваат судските документи доставени до судот во Њујорк, во тужбата од 30 милиони долари, пишува „Daily Mail“.

Судските документи кои му биле предадени на судот минатиот месец не укажуваат на никаков прекршок од страна на принцот Хари.

Иако Хари не се соочува со обвиненија, ова не е првпат членовите на династијата да се поврзуваат со скандали со трговија со луѓе и сексуално насилство. Неговиот вујко принцот Ендрју бил близок со Џефри Епштајн, педофил и предатор, кој почина во 2021 година во затворот во Њујорк.

Овие детали поврзани со принцот Хари доаѓаат откако вчера вооружени федерални агенти упаднаа во домот на Паф Деди, кој се соочува со тужби од три жени за сексуално злоставување.

Шон Комбс, познат како Паф Деди, кој поради тешките обвинувања и вчерашната потрага го нарекуваат Џефри Епштајн од рап индустријата на мрежата Х, вчера се појави во Мајами, неколку часа по претресот на неговите недвижнини во Лос Анџелес, Мајами и Њујорк. Неговиот приватен авион е лоциран на Карибите, поточно Антигва и Барбуда.

Врските со ѕвездите му помогнале на Диди да изгради репутација дека ги организира „најдобрите забави“, тврдат документите.

Принцот Вилијам и принцот Хари го запознале раперот заедно со Канје Вест на забавата по концертот што ја приредија принцовите за да им се заблагодарат на сите што учествуваа на „Концертот за Дајана“ на стадионот Вембли во 2007 година. Меѓутоа, принцот од Велс не е именуван во судските документи. Не е познато колку пати Хари се сретнал со раперот оттогаш и дали имало нови средби.

Раперот води различни правни битки, вклучително и една против неименувана жена која тврдела дека тој и двајца пријатели сексуално ја нападнале кога имала 17 години. Четири жени го обвинија за сексуално насилство. Поранешната девојка на Диди, Кеси, ја повлече тужбата по спогодба чии детали не се познати.

Музички продуцент кој вели дека работел на албумот „The Love Album: Off the Grid“ на Паф Деди во 2023 година, го обвини хип-хоп могулот за сексуално злоставување и вознемирување, трговија со секс и разни други облици на недолично однесување во тужбата поднесена на 26-ти февруари.

Според Родни Џонс, раперот учествувал во завера со низа други обвинети во компанијата „RICO“, наводно основана за набавка и транспорт на дрога, огнено оружје и сексуални работници – од кои некои биле малолетни.

The post ПРИНЦОТ ХАРИ СЕ СПОМЕНУВА ВО ТУЖБАТА ПРОТИВ ОЗЛОГЛАСЕНИОТ РАПЕР „Кремот на елитата“ му служел на Паф Деди како параван за трговија со луѓе appeared first on plusinfo.mk.

Шер споделила фотографија од нејзиниот нов партнер и напишала дека тој ја третира „како кралица“.

„Љубовта не знае математика“, додала таа.

Alexander pic.twitter.com/o8tH1F0Th6

— Cher (@cher) November 6, 2022

Шер и Александер минатата недела беа забележани заедно во ресторан во Западен Холивуд, папараците ги уловија како насмеани се држат за раце. По вечерата отишле во ноќен клуб, каде им се придружил раперот Тајга.

Шпекулациите за врската на парот ги започнаа обожавателите кои го забележале однесувањето на пејачката.

„Вљубена е“, рекле за Шер.

Шер претходно се забавуваше со Том Круз, Ворен Бити и беше во брак со Сони Боно една деценија, додека Александар се забавуваше со Амбер Роуз и призна дека ја изневерувал за време на нивната врска.

 

View this post on Instagram

 

A post shared by Kevin Wong (@iamkevinwong)

Но,  Шер ги отфрла стравовите на обожавателите за него велејќи: „Јас сум вљубена, но не сум заслепена“. Обожавателите се убедени дека младиот Александер ја искористува, па затоа се загрижени.

Пејачката додала дека со Александер првпат се запознале на Модната недела во Париз минатиот месец и дека веќе го запознала со своето семејство.

Инаку, продуцентот Александер е помлад од нејзините синови Чаз Боно и Илија Блу Алман.

ФОТО: Инстаграм/Твитер

The post ЉУБОВТА НЕ ПОЗНАВА МАТЕМАТИКА Шер потврди дека е во врска со 40 години помладиот Александер appeared first on plusinfo.mk.

На свет дојде ќерката Вера. Бебето и мајката се чувствуваат добро, а девојчето ги израдувало родителите неколку дена пред терминот.

Алекса заедно со сопругата Николина го избрал името за наследничката.

Двајцата се венчаа неодамна во црквата Свети Сава. Продуцентот и автор на филмот „Мегдан“ пред неколку години ја запроси сопругата во Израел, а за овој чекор долго чекаше дозвола.

Иако ретко зборува за приватниот живот, синот на Ѓорѓе Балашевиќ во една прилика ги раскажа деталите од свршувачката.

„Шест месеци го чекав благословот од Ерусалимската патријаршија и во Назарет, во манастирот на маченикот Николај, бевме свршени од владиката Романос, и тоа баш на Света Петка. Долго го чекав тој благослов, бев на аџилак и се молев за ваква убава случка. Свршувачката е направена и оттогаш го носам прстенот. Сега го чекаме благословот за самата свадба односно брачната тајна. Би сакала црквената венчавка да биде така и во Светата земја. За луѓето во денешно време ова е можеби невообичаено, бидејќи во денешно време сè помалку венчавки има и во црквата“, рече Алекса Балашевиќ.

ФОТО: Инстаграм

The post СИНОТ НА БАЛАШЕВИЌ СТАНА ТАТКО Ќерката доби име Вера appeared first on plusinfo.mk.